អគ្គនាយកដ្ឋានគោលនយោបាយ - General Department of Policy

យើងខ្ញុំជាថ្នាក់ដឹកនាំ និងមន្ត្រីគ្រប់លំដាប់ថ្នាក់ នៃអគ្គនាយកដ្ឋានគោលនយោបាយ នៃក្រសួងសេដ្ឋកិច្ចនិងហិរញ្ញវត្ថុ សូមសម្តែងនូវការអបអរសាទរជូនចំពោះ ឯកឧត្តម ឈាង វណ្ណារិទ្ធ ដែលត្រូវបាន ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ត្រាស់បង្គាប់តែងតាំង ជារដ្ឋលេខាធិការ នៃទីស្តីការគណៈរដ្ឋមន្ត្រី នៃរាជរដ្ឋាភិបាលនីតិកាលទី៧ នៃរដ្ឋសភា ក្រោមការដឹកនាំរបស់ ឯកឧត្ដមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

ក្នុងឱកាសដ៏ប្រពៃថ្លៃថ្លានេះ សូមឯកឧត្តម និងលោកជំទាវ ព្រមទាំងបុត្រជាទីស្រលាញ់ ទទួលបាននូវ សិរីសួស្តី ជ័យមង្គល វិបុលសុខ គ្រប់ប្រការ និងមានសុខភាពល្អបរិបូរណ៍ ដើម្បីបន្តចូលរួមចំណែកដឹកនាំអភិវឌ្ឍមាតុភូមិកម្ពុជា ឱ្យកាន់តែរីកម្រើនបន្ថែមទៀត៕

នាថ្ងៃពុធ ទី១៦ ខែសីហា ឆ្នាំ២០២៣ នៅសណ្ឋាគារភ្នំពេញ៖

ឯកឧត្តម ឈាង វណ្ណារិទ្ធ អគ្គនាយក នៃអគ្គនាយកដ្ឋានគោលនយោបាយ បានដឹកនាំមន្ត្រីនៃអគ្គនាយកដ្ឋាន រៀបចំកិច្ចប្រជុំពិភាក្សាស្តីពី «ការបូកសរុបលទ្ធផលការងារប្រចាំឆមាសទី១ និងទិសដៅការងារបន្ត ឆ្នាំ២០២៣» ដើម្បីត្រួតពិនិត្យ និងតាមដានវឌ្ឍនភាព ក៏ដូចជាកំណត់ទិសដៅការងារបន្តទៅមុខក្នុងឆ្នាំ២០២៣ ជាពិសេសចែករំលែកនូវចំណេះដឹង និងបទពិសោធន៍ ជូនមន្ត្រីនៃអគ្គនាយកដ្ឋានគោលនយោបាយ សំដៅធានានិរន្តរភាពការងារ និងដំណើរការប្រព្រឹត្តទៅរបស់អគ្គនាយកដ្ឋាន ឱ្យកាន់តែមានភាពរលូន និងមានប្រសិទ្ធភាពខ្ពស់ ៕

[English Below]

នាថ្ងៃទី ៨-១០ ខែ សីហា ឆ្នាំ ២០២៣ នៅទីក្រុងបាងកក ព្រះរាជាណាចក្រថៃ៖

លោកស្រី សែម សុភា អគ្គនាយករង នៃអគ្គនាយកដ្ឋានគោលនយោបាយ តំណាងឯកឧត្តមអគ្គនាយក ឈាង វណ្ណារិទ្ធ បានដឹកនាំមន្រ្តីជំនាញ នៃអគ្គនាយកដ្ឋានគោលនយោបាយ ​និងអគ្គលេខាធិការដ្ឋាននៃគណៈកម្មាធិការដឹកនាំការងារកែទម្រង់ការងារគ្រប់គ្រងហិរញ្ញវត្ថុសាធារណៈ ទៅបំពេញទស្សនកិច្ចសិក្សានៅ ការិយាល័យគោលនយោបាយសារពេីពន្ធ,​ ការិយាល័យថវិកា, និងនាយកដ្ឋានបង្ការនិងកាត់បន្ថយគ្រោះមហន្តរាយ នៃព្រះរាជាណាចក្រថៃ ដើម្បីសិក្សាស្វែងយល់ពីអំពី ការគ្រប់គ្រងហានិភ័យហិរញ្ញវត្ថុសាធារណ:ប្រកបដោយប្រសិទ្ធភាព​ សម្រាប់ការរៀបចំក្របខណ្ឌហិរញ្ញវត្ថុសាធារណ:រយ:ពេលមធ្យម ៕
__

August 8-10, 2023 | Bangkok, Kingdom of Thailand

Ms. Sem Sophea, Deputy Director General of the General Department of Policy (GDP), representing His Excellency Director General Chheang Vanarith, led technical officials of the GDP and General Secretariat of Public Financial Management Reform Steering Committee to visit to the Fiscal Policy Office, Budget Bureau and Department of Disaster Prevention and Mitigation of Thailand to gain the understanding on the effective fiscal risk management for the preparation of medium-term fiscal framework.

[English Below]

នាព្រឹកថ្ងៃសុក្រ ទី១១ ខែសីហា ឆ្នាំ២០២៣ នៅទីស្ដីការក្រសួងសេដ្ឋកិច្ចនិងហិរញ្ញវត្ថុ៖

ឯកឧត្ដម ឈាង វណ្ណារិទ្ធ អគ្គនាយក នៃអគ្គនាយកដ្ឋានគោលនយោបាយ បានដឹកនាំមន្រ្តីជំនាញជាន់ខ្ពស់នៃអគ្គនាយកដ្ឋាន ជួបប្រជុំជាមួយ លោក Yasuhisa Ojima ប្រធានស្ថានតំណាងមូលនិធិរូបិយវត្ថុអន្តរជាតិ ប្រចាំប្រទេសកម្ពុជា ដើម្បីពិភាក្សាផ្លាស់ប្តូរយោបល់អំពី ការវិវត្តនៃស្ថានភាពសេដ្ឋកិច្ចសាកល និងតំបន់ ក៏ដូចជាកិច្ចការត្រៀមសម្រាប់ បេសកកម្ម Article IV សម្រាប់ឆ្នាំ២០២៣ របស់មូលនិធិរូបិយវត្ថុអន្តរជាតិ នាពេលខាងមុខ ដើម្បីវាយតម្លៃស្ថានភាពនិងទស្សនៈវិស័យ នៃសេដ្ឋកិច្ចកម្ពុជា៕
____________

Friday, August 11, 2023 | Ministry of Economy and Finance

His Excellency Chheang Vanarith, Director General of the General Department of Policy (GDP), led senior officials of the GDP to meet with Mr. Yasuhisa Ojima, Cambodia’s Resident Representative of the International Monetary Fund (IMF), to discuss and exchange views on recent global and regional economic developments, as well as preparations for the upcoming IMF’s 2023 Article IV mission to assess Cambodia’s economic situation and outlook.

នាព្រឹកថ្ងៃចន្ទ ទី៣១ ខែកក្កដា ឆ្នាំ២០២៣ តាមរយៈប្រព័ន្ធអនឡាញ៖

ឯកឧត្ដម ឈាង វណ្ណារិទ្ធ អគ្គនាយក នៃអគ្គនាយកដ្ឋានគោលនយោបាយ បានដឹកនាំមន្រ្តីជំនាញជាន់ខ្ពស់នៃអគ្គនាយកដ្ឋាន បន្តជួបជាមួយ ក្រសួងផែនការ ដែលដឹកនាំដោយ ឯកឧត្តម រិន វីរៈ រដ្ឋលេខាធិការប្រចាំការក្រសួងផែនការ អមដោយមន្រ្តីជំនាញជាន់ខ្ពស់នៃវិទ្យាស្ថានជាតិស្ថិតិ ដើម្បីបន្តពិនិត្យនិងពិភាក្សាលើវឌ្ឍនភាពនៃការគណនា ផ.ស.ស. ឆ្នាំគោលថ្មី ឆ្នាំ២០១៤ និងការកំណត់អភិក្រមឡើងវិញ ដើម្បីបញ្ចប់កិច្ចការនេះឱ្យបានឆាប់នាពេលខាងមុខ៕

នាព្រឹកថ្ងៃចន្ទ ទី១៧ ខែកក្កដា ឆ្នាំ២០២៣ នៅទីស្ដីការក្រសួងសេដ្ឋកិច្ចនិងហិរញ្ញវត្ថុ៖

ឯកឧត្ដម ឈាង វណ្ណារិទ្ធ អគ្គនាយក នៃអគ្គនាយកដ្ឋានគោលនយោបាយ បានដឹកនាំមន្រ្តីជំនាញជាន់ខ្ពស់នៃអគ្គនាយកដ្ឋាន ជួបប្រជុំជាមួយ ថ្នាក់ដឹកនាំដែលជាតំណាងក្រសួង-ស្ថាប័នពាក់ព័ន្ធ ដែលរួមមាន ក្រសួងរៀបចំដែនដី នគរូបនីយកម្ម និងសំណង់, សាលារាជធានីភ្នំពេញ, អគ្គនាយកដ្ឋានពន្ធដារ, និងនិយ័តករអាជីវកម្មអចលនវត្ថុនិងបញ្ចាំ ដើម្បីពិនិត្យនិងពិភាក្សាផ្លាស់ប្តូរយោបល់ អំពីការរៀបចំមូលដ្ឋានវិភាគ, យន្តការស្ថាប័ន និងជម្រើសវិធានការគោលនយោបាយ សម្រាប់ការសិក្សាអំពីស្ថានភាព, បញ្ហាប្រឈម និងសក្ដានុពលក្នុងវិស័យសំណង់ និងអចលនទ្រព្យកម្ពុជា ក្នុងរយៈពេលមធ្យម និងវែង សំដៅធានានូវនិរន្តរភាពនៃការរីកចម្រើននៃវិស័យនេះ៕

នាព្រឹកថ្ងៃសុក្រ ទី០៧ ខែកក្កដា ឆ្នាំ២០២៣ នៅទីស្តីការក្រសួងសេដ្ឋកិច្ចនិងហិរញ្ញវត្ថុ៖

ឯកឧត្តម ឈាង វណ្ណារិទ្ធ អគ្គនាយក នៃអគ្គនាយកដ្ឋានគោលនយោបាយ និងមន្ត្រីជំនាញជាន់ខ្ពស់នៃអគ្គនាយកដ្ឋាន បានប្រជុំពិនិត្យវឌ្ឍនភាព ព្រមទាំងពិភាក្សាកំណត់មូលដ្ឋាន និងអភិក្រមសម្រាប់កិច្ចសហការជាមួយអគ្គនាយកដ្ឋានពាក់ព័ន្ធ ក្នុងការដឹកនាំតាក់តែង យុទ្ធសាស្រ្តកៀរគរចំណូល ឆ្នាំ២០២៤-២០២៨៕

នាព្រឹកថ្ងៃព្រហស្បតិ៍ ទី០៦ ខែកក្កដា ឆ្នាំ២០២៣ នៅទីស្ដីការក្រសួងផែនការ៖

ឯកឧត្ដម ឈាង វណ្ណារិទ្ធ អគ្គនាយក នៃអគ្គនាយកដ្ឋានគោលនយោបាយ បានដឹកនាំមន្រ្តីជំនាញជាន់ខ្ពស់នៃអគ្គនាយកដ្ឋាន ជួបពិភាក្សាជាមួយ វិទ្យាស្ថានជាតិស្ថិតិនៃក្រសួងផែនការ ស្តីពីវឌ្ឍនភាពនៃកិច្ចការគណនា ផ.ស.ស. ឆ្នាំគោលថ្មី ឆ្នាំ២០១៤ និងការកំណត់ទិសដៅទៅមុខដើម្បីបញ្ចប់កិច្ចការនេះឱ្យបានតាមការគ្រោងទុក ដែលមានការចូលរួមពីមន្ត្រីជំនាញនៃធនាគារជាតិនៃកម្ពុជា ក្រោមអធិបតីភាព ឯកឧត្តម រិន វីរៈ រដ្ឋលេខាធិការប្រចាំការក្រសួងផែនការ៕

នាព្រឹកថ្ងៃចន្ទ ទី០៣ ខែកក្កដា ឆ្នាំ២០២៣ នៅសាលារាជធានីភ្នំពេញ៖
តាងនាមឱ្យឯកឧត្តមប្រធានក្រុមប្រឹក្សាភិបាលសហគ្រាសគ្រប់គ្រងសំរាម សំណល់រឹងទីប្រជុំជន រាជធានីភ្នំពេញ (ស.ស.ភ.) និងជាអភិបាល នៃគណៈអភិបាលរាជធានីភំ្នពេញ, ឯកឧត្តម ឈាង វណ្ណារិទ្ធ, តំណាងក្រសួងសេដ្ឋកិច្ច និងហិរញ្ញវត្ថុក្នុងក្រុមប្រឹក្សាភិបាល ស.ស.ភ., បានដឹកនាំកិច្ចប្រជុំសាមញ្ញលើកទី ៩ របស់ក្រុមប្រឹក្សាភិបាល ដើម្បីពិភាក្សា និងសម្រេច លើរបៀបវារៈ សំខាន់ៗ ពាក់ព័ន្ធនឹងការរៀបចំបង្កើត និងការប្រព្រឹត្តទៅរបស់ ស.ស.ភ.៕

[English Below]

នាព្រឹកថ្ងៃព្រហស្បតិ៍ ទី២៩ ខែមិថុនា ឆ្នាំ២០២៣ តាមរយៈប្រព័ន្ធអនឡាញ៖

ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ, ឯកឧត្តម ឈាង វណ្ណារិទ្ធ តំណាងក្រសួងសេដ្ឋកិច្ចនិងហិរញ្ញវត្ថុ បានចូលរួម ធ្វើជាអធិបតីជាមួយ លោក Namsoo Baek ទីប្រឹក្សាជាន់ខ្ពស់ នៃធនាគារ Korea Eximbank ក្នុងសិក្ខាសាលាពិគ្រោះយោបល់ លើសេចក្តីព្រាងរបាយការណ៍សិក្សាស្រាវជ្រាវស្តីពី “ការគ្រប់គ្រងសំរាម សំណល់រឹងប្រកបដោយប្រសិទ្ធភាពនៅកម្ពុជា” ដែលមានការចូលរួមពី ក្រុមជំនាញការកូរ៉េ, តំណាងនៃ ក្រសួងបរិស្ថាន, ក្រសួងរ៉ែ និងថាមពល, សាលារាជធានីភ្នំពេញ, សហគ្រាសគ្រប់គ្រងស្ថានីយផ្ទេរនិងទីលានទុកដាក់សំរាម សំណល់រឹង, សហគ្រាសគ្រប់គ្រងសំរាម សំណល់រឹងទីប្រជុំជន រាជធានីភ្នំពេញ និងអគ្គិសនីកម្ពុជា ព្រមទាំងតំណាងនៃ អគ្គនាយកដ្ឋានថវិកា, អគ្គនាយកដ្ឋានហិរញ្ញវត្ថុរដ្ឋបាលថ្នាក់ក្រោមជាតិ, អគ្គនាយកដ្ឋានទ្រព្យសម្បត្តិរដ្ឋនិងចំណូលមិនមែនសារពើពន្ធ និងអគ្គនាយកដ្ឋានសហប្រតិបត្តិការអន្តរជាតិនិងគ្រប់គ្រងបំណុល៕

——————

On Thursday, June 29, 2023 | Videoconference

Having been allowed by H.E. Dr. Aun Pornmoniroth, Cambodian Deputy Prime Minister, Minister of Economy and Finance, His Excellency Chheang Vanarith, Representing Cambodian Ministry of Economy and Finance, together with Mr. Namsoo Baek , Senior Advisor of the Korea Eximbank, presided over the consultation workshop on “Efficient Waste Management in Cambodia”, which was participated by groups of Korean experts and representatives of the Ministry of Environment, Ministry of Mines and Energy, Phnom Penh Capital Administration, Enterprise for Managing Transfer Stations and Landfills for Solid Waste, Enterprises for Managing Municipal Solid Waste in Phnom penh and Electricity of Cambodia and also representatives of the GD of Budget, GD of Sub-National Administration Finance, GD of State Property and Non-Tax Revenue and GD of International Cooperation and Debt Management.

[English Below]

នារសៀលថ្ងៃពុធ ទី២៨ ខែមិថុនា ឆ្នាំ២០២៣ នៅទីស្ដីការក្រសួងសេដ្ឋកិច្ចនិងហិរញ្ញវត្ថុ៖

លោកបណ្ឌិត ឆូវ សុមេធា អគ្គនាយករង នៃអគ្គនាយកដ្ឋានគោលនយោបាយ តំណាងឯកឧត្តមអគ្គនាយក ឈាង វណ្ណារិទ្ធ បានដឹកនាំមន្រ្តីជំនាញនៃអគ្គនាយកដ្ឋាន ជួបប្រជុំជាមួយក្រុមជំនាញការនៃធនាគារអភិវឌ្ឍន៍អាស៊ី (ADB) ដឹកនាំដោយ លោក Siôn Morto សេដ្ឋកិច្ចវិទូជាន់ខ្ពស់ ដើម្បីពិភាក្សានិងផ្លាស់ប្តូរយោបល់លើការផ្តល់នូវជំនួយបច្ចេកទេសដល់ការរៀបចំយុទ្ធសាស្ត្រកៀរគរចំណូលឆ្នាំ ២០២៤-២០២៨៕​
________

Wednesday, June 28, 2023 | Ministry of Economy and Finance

Dr. Chhau Somethea, Deputy Director General of the General Department of Policy, representing His Excellency Director General Chheang Vanarith, led officials of the GDP to meet with experts from the Asian Development Bank (ADB), led by Mr. Siôn Morto, Senior Economist, to discuss and exchange view on technical assistance on the formulation of Revenue Mobilization Strategy 2024-28.

[English Below]

នារសៀលថ្ងៃអង្គារ ទី២៧ ខែមិថុនា ឆ្នាំ២០២៣ នៅទីស្ដីការក្រសួងសេដ្ឋកិច្ចនិងហិរញ្ញវត្ថុ៖

ឯកឧត្ដម ឈាង វណ្ណារិទ្ធ អគ្គនាយក នៃអគ្គនាយកដ្ឋានគោលនយោបាយ បានដឹកនាំមន្រ្តីជំនាញជាន់ខ្ពស់នៃអគ្គនាយកដ្ឋាន ជួបប្រជុំជាមួយក្រុមជំនាញការនៃធនាគារពិភពលោក ដឹកនាំដោយ លោក Ildrim Valley ទីប្រឹក្សាជាន់ខ្ពស់ផ្នែកកិច្ចការសាធារណៈ (Public Sector) ដើម្បីពិភាក្សាលើ ការសិក្សានិងវិភាគគោលនយោបាយពន្ធ និងវឌ្ឍនភាពនៃជំនួយបច្ចេកទេសពាក់ព័ន្ធ, ដែលជាផ្នែកមួយនៃការរៀបចំយុទ្ធសាស្រ្តកៀរគរចំណូល ឆ្នាំ២០២៤-២០២៨៕
____

Tuesday, June 27, 2023 | Ministry of Economy and Finance

His Excellency Chheang Vanarith, Director General of the General Department of Policy (GDP), led senior officials of the GDP to meet with experts from the World Bank (WB), led by Mr. Ildrim Valley, Senior Public Sector Advisor, to discuss tax policy studies and analysis as well as progress of the WB’s ongoing technical assistance, which is part of the formulation of Revenue Mobilization Strategy 2024-28.