ន.នីតិកម្ម-Department of Legal Affairs

បន្ទាប់ពីបង្ហោះរូបភាពដែលបានថតកាល
ពីឆ្នាំ១៩៧១និងរូបថតតួសំដែងក្នុងរឿងកូន
ប្រុសក្រោមពន្លឺព្រះចន្ទពេញបូណ៌មី។
មានបងប្អូនយើងបានយករូបថតទាំងពីរមកផ្គុំប្រហែលក្នុងគោលបំណងធ្វើការ
ប្រៀបធៀប។
សម្រាប់ខ្ញុំការជ្រើសរើសតួនេះសមស្រប
ហើយដែលតំណាងឲ្យមេបញ្ជាការ
សុក សារឿននិងមេបញ្ជាការសំរេច៕

ក្រុមការងារនាយកដ្ឋាននីតិកម្មនៃក្រសួងសាធារណការ និងដឹកជញ្ជូន ដឹកនាំដោយលោកប្រធាននាយកដ្ឋាន សំ បូណែល បានចុះទៅផ្សព្វផ្សាយប្រកាសស្តីពីអធិការកិច្ចផ្លូវថ្នល់ និងនីតិវិធីពាក់ព័ន្ធនិងការធ្វើអធិការកិច្ចផ្លូវថ្នល់នៅតាមបណ្តាមន្ទីរខេត្តចំនួនបួនមានដូចជា ខេត្តកំពត ខេត្តកែប ខេត្តព្រះសីហនុ និងខេត្តកោះកុង។ ក្រោយការផ្សព្វផ្សាយ យើងបានពិនិត្យ ពិភាក្សា និងប្រមូលធាតុចូលបន្ថែម ដោយហេតុថានាយកដ្ឋាននីតិកម្មកំពុងតែពិនិត្យ និងផ្តល់យោបល់ទៅលើសេចក្តីព្រាងច្បាប់ និងលិខិតបទដ្ឋានគតិយុត្តពាក់ព័ន្ធទៅនឹងវិស័យសាធារការ និងដឹកជញ្ជូន។

បើយោងតាមសេចក្តីប្រកាសអន្តរក្រសួងលេខ ០៤៦ សក.ប្រក ចុះថ្ងៃទី១១ ខែកុម្ភៈ ឆ្នាំ២០២២ បានឱ្យដឹងថា ការធ្វើអធិការកិច្ចផ្លូវថ្នល់សំដៅដល់ការតាមដានស្រាវជ្រាវនិងត្រួតពិនិត្យនៅតាមទីតាំង ឬនៅតាមបណ្ដាហេដ្ឋារចនាសម្ព័ន្ធផ្លូវថ្នល់ និងសំណង់ផ្លូវថ្នល់នៅតាមបណ្ដាញផ្លូវថ្នល់ ដើម្បីចាត់វិធានការដល់បុគ្គលដែលបានប្រព្រឹត្តអំពើល្មើសនឹងបទប្បញ្ញត្តិនៃច្បាប់ស្ដីពីផ្លូវថ្នល់និងលិខិតបទដ្ឋានគតិយុត្តពាក់ព័ន្ធ៕

កិច្ចប្រជុំក្រុមការងារវាយតម្លៃលើផលប៉ះពាល់នៃលិខិតបទដ្ឋានគតិយុត្តនៃក្រសួងសាធារណការ និងដឹកជញ្ជូន លើកដំបូង

នាព្រឹកថ្ងៃអង្គារ ទី១៩ ខែមេសា ឆ្នាំ២០២២ នៅសាលប្រជុំជាន់ទី០៧ បន្ទប់ A7-B នៃទីស្តីក្រសួងសាធារណការ និង ដឹកជញ្ជូន, លោក សំ បូណែល ប្រធាននាយកដ្ឋាននីតិកម្មនៃក្រសួងសាធារនការ និងដឹកជញ្ជូន បានចូលរួមកិច្ចប្រជុំ ក្រុមការងារវាយតម្លៃលើផលប៉ះពាល់នៃលិខិតបទដ្ឋានគតិយុត្តនៃក្រសួងសាធារណការ និងដឹកជញ្ជូន ក្រោមអធិបតីភាពដ៏ខ្ពង់ខ្បស់ ឯកឧត្តម ប៉ាល់ ចន្ទតារា រដ្ឋលេខាធិការទទួលបន្ទុកកិច្ចការនីតិកម្មនៃក្រសួងសាធារណការ និងជាប្រធានក្រុមការងារវាយតម្លៃលើផលប៉ះពាល់នៃលិខិតបទដ្ឋានគតិយុត្តនៃក្រសួងសាធារណការ និងដឹកជញ្ជូន។ កិច្ចប្រជុំនេះក៏មានការចូលរួមពីឯកឧត្តម អនុរដ្ឋលេខាធិការ លោកអគ្គនាយករងតំណាងឱ្យគ្រប់ឯកឧត្តមអគ្គនាយកនៃគ្រប់អគ្គនាយកដ្ឋាន ព្រមទាំងលោកប្រធាននិងលោកអនុប្រធាននាយកដ្ឋានពាក់ព័ន្ធ។

ក្នុងកិច្ចប្រជុំនេះ ឯកឧត្តមប្រធានអង្គប្រជុំមានប្រសាសន៍ថា ក្រុមការងារនេះបង្កើតឡើង ស្របតាមសេចក្តីសម្រេចលេខ១៣២ សសរ ចុះថ្ងៃទី២៦ ខែ ធ្នូ ឆ្នាំ២០១៦ របស់រាជរដ្ឋាភិបាលកម្ពុជាស្តីពីការបង្កើតក្រុមការងារវាយតម្លៃលើផលប៉ះពាល់នៃលិខិតបទដ្ឋានគតិយុត្ត ដើម្បី ត្រួតពិនិត្យ តាមដាន និងកែសម្រួលលើលិខិតបទដ្ឋានគតិយុត្ត កិច្ចសន្យា និងកិច្ចព្រមព្រៀងនៅក្នុងក្របខណ្ឌក្រសួង ដែលមានការខ្វះចន្លោះប្រហោង ឬ/និង លែងអាចអនុវត្តបាន ស្របតាមការវិវត្តសង្គមនាបច្ចុប្បន្ននេះ។

ទន្ទឹមនេះដែរ ឯកឧត្តមប្រធានអង្គប្រជុំ បានសម្រេចបង្កើតលេខាធិការដ្ឋានមួយបន្ថែមទៀតសម្រាប់ជាជំនួយដល់នាយកដ្ឋាននីតិកម្មដែលជាលេខាធិការដ្ឋាននៃក្រុមការងារវាយតម្លៃលើផលប៉ះពាល់នៃលិខិតបទដ្ឋានគតិយុត្តនៃក្រសួងសាធារណការ និងដឹកជញ្ជូន។ សមាសភាពលេខាធិការដ្ឋានដែលរៀបចំបង្កើតបន្ថែមថ្មីរួមមាន ៖ លោក សំ បូណែល និង លោក ពៅ ឡាធី ជាសហប្រធាន និងលោក លោកស្រី គ្រប់អគ្គនាយករងដែលតំណាងឱ្យអគ្គនាយកនៃអគ្គនាយកដ្ឋាន និងលោក លោកស្រី ប្រធាននាយកដ្ឋានពាក់ព័ន្ធ លោក លោកស្រីអនុប្រធាន និងប្រធានការិយាល័យនៃនាយកដ្ឋាននីតិកម្ម ជាសមាជិក។ បន្ថែមពីនេះ ឯកឧត្តមប្រធានអង្គប្រជុំ បានស្នើសុំឱ្យសហប្រធាន និងសមាជិកនៃលេខាធិការដ្ឋានថ្មីសហការគ្នា ដើម្បីប្រមែប្រមូលរាល់លិខិតបទគតិយុត្ត កិច្ចសន្យា និងកិច្ចព្រមព្រៀងនៅក្នុងក្របខណ្ឌក្រសួង រាប់បញ្ចូលនៅតាមមន្ទីរសាធារណការ និងដឹកជញ្ជូនរាជធានីខេត្តទូទាំងប្រទេស ដើម្បីពិនិត្យ និងពិភាក្សាមើលថាតើគួរកែសម្រួល ឬ ឬរក្សាទុកដដែល។

ជាចុងបញ្ចប់ ឯកឧត្ដមប្រធានអង្គប្រជុំ បានថ្លែងអំណរគុណ ឯកឧត្តម អនុរដ្ឋលេខាធិការ លោកអគ្គនាយករងតំណាងឱ្យឯកឧត្តមអគ្គនាយក លោក-លោកស្រីប្រធាន និងអនុប្រធាននាយកដ្ឋានពាក់ព័ន្ធទាំងអស់ ដែលបានចូលរួមកិច្ចប្រជុំនេះ ព្រមទាំងជូនពរ ឯកឧត្តម អស់លោក-លោកស្រី ជួបតែពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

សូមគោរពប្រសិទ្ធពរជ័យ បវរសួស្តី សិរីមង្គល វិបុលសុខ មហាប្រសើរ គ្រប់ប្រការ ជូន
ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន

ក្នុងឱកាសបុណ្យចូលឆ្នាំប្រពៃណីជាតិខ្មែរ ឆ្នាំខាល ចត្វាស័ក ព.ស.២៥៦៦ គ.ស ២០២២ ខ្ញុំបាទសូមគោរពជូនពរ ឯកឧត្តមទេសរដ្ឋមន្ត្រី និងលោកជំទាវ ព្រមទាំងក្រុមគ្រួសារ សូមសមប្រកបដោយសុខភាពល្អបរិបូរណ៍ កាយពលមាំមួន កម្លាំងខ្លាំងក្លា ជន្មាយុយឺនយូរ បញ្ញាញាណវាងវៃ ដើម្បីរួមចំណែកដឹកនាំប្រទេសជាតិមាតុភូមិបន្តមានការអភិវឌ្ឍប្រកបដោយចិរភាព មានសុខសន្តិភាព វិបុលភាព និងកិត្យានុភាព។

ក្នុងឱកាសដ៏មហានិក្ខត្តឬក្សដ៏ប្រសើរថ្លៃថ្លានេះ ខ្ញុំបាទសូមបួងសួងដល់វត្ថុសក្តិសិទ្ធក្នុងលោកប្រសិទ្ធពរសព្វសាធុការ មហាប្រសើរគ្រប់ប្រការជូន ឯកឧត្តមទេសរដ្ឋមន្ត្រី និងលោកជំទាវ ព្រមទាំងបុត្រា បុត្រី និងចៅៗជាទីស្រលាញ់ សូមប្រកបដោយពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

សូមគោរពជូនពរពី ថ្នាក់ដឹកនាំ និងមន្រ្តីរាជការនៃនាយកដ្ឋាននីតិកម្ម

សូមគោរពប្រសិទ្ធពរជ័យ បវរសួស្តី សិរីមង្គល វិបុលសុខ មហាប្រសើរ គ្រប់ប្រការ ជូន
ឯកឧត្តម កែន រដ្ឋា អគ្គនាយក នៃអគ្គនាយកដ្ឋានរដ្ឋបាល និងហិរញ្ញវត្ថុ ក្រសួងសាធារណការ និងដឹកជញ្ជូន

ក្នុងឱកាសបុណ្យចូលឆ្នាំប្រពៃណីជាតិខ្មែរ ឆ្នាំខាល ចត្វាស័ក ព.ស.២៥៦៦ គ.ស ២០២២ ខ្ញុំបាទសូមគោរពជូនពរ ឯកឧត្តម និងលោកជំទាវ ព្រមទាំងក្រុមគ្រួសារ សូមសមប្រកបដោយសុខភាពល្អបរិបូរណ៍ កាយពលមាំមួន កម្លាំងខ្លាំងក្លា ជន្មាយុយឺនយូរ បញ្ញាញាណវាងវៃ ដើម្បីរួមចំណែកដឹកនាំប្រទេសជាតិមាតុភូមិបន្តមានការអភិវឌ្ឍប្រកបដោយចិរភាព មានសុខសន្តិភាព វិបុលភាព និងកិត្យានុភាព។

ក្នុងឱកាសដ៏មហានិក្ខត្តឬក្សដ៏ប្រសើរថ្លៃថ្លានេះ ខ្ញុំបាទសូមបួងសួងដល់វត្ថុសក្តិសិទ្ធក្នុងលោកប្រសិទ្ធពរសព្វសាធុការ មហាប្រសើរគ្រប់ប្រការជូន ឯកឧត្តម និងលោកជំទាវ ព្រមទាំងក្រុមគ្រួសារសូមប្រកបដោយពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

សូមគោរពជូនពរពី ថ្នាក់ដឹកនាំ និងមន្រ្តីរាជការនៃនាយកដ្ឋាននីតិកម្ម

សូមគោរពប្រសិទ្ធពរជ័យ បវរសួស្តី សិរីមង្គល វិបុលសុខ មហាប្រសើរ គ្រប់ប្រការ ជូន
ឯកឧត្តម ប៊ុន សុផាត អនុរដ្ឋលេខាធិការ ក្រសួងសាធារណការ និងដឹកជញ្ជូន

ក្នុងឱកាសបុណ្យចូលឆ្នាំប្រពៃណីជាតិខ្មែរ ឆ្នាំខាល ចត្វាស័ក ព.ស.២៥៦៦ គ.ស ២០២២ ខ្ញុំបាទសូមគោរពជូនពរ ឯកឧត្តម និងលោកជំទាវ ព្រមទាំងក្រុមគ្រួសារ សូមសមប្រកបដោយសុខភាពល្អបរិបូរណ៍ កាយពលមាំមួន កម្លាំងខ្លាំងក្លា ជន្មាយុយឺនយូរ បញ្ញាញាណវាងវៃ ដើម្បីរួមចំណែកដឹកនាំប្រទេសជាតិមាតុភូមិបន្តមានការអភិវឌ្ឍប្រកបដោយចិរភាព មានសុខសន្តិភាព វិបុលភាព និងកិត្យានុភាព។

ក្នុងឱកាសដ៏មហានិក្ខត្តឬក្សដ៏ប្រសើរថ្លៃថ្លានេះ ខ្ញុំបាទសូមបួងសួងដល់វត្ថុសក្តិសិទ្ធក្នុងលោកប្រសិទ្ធពរសព្វសាធុការ មហាប្រសើរគ្រប់ប្រការជូន ឯកឧត្តម និងលោកជំទាវ ព្រមទាំងបុត្រាបុត្រី សូមប្រកបដោយពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

សូមគោរពជូនពរពី ថ្នាក់ដឹកនាំ និងមន្រ្តីរាជការនៃនាយកដ្ឋាននីតិកម្ម