គណៈកម្មាធិការសេដ្ឋកិច្ច និង ធុរកិច្ចឌីជីថល - គសធឌ

ម្ចាស់អាជីវកម្មជាច្រើនតែងសួរថា៖ "តើគួរប្រើ App អ្វី? តើមួយណាដែលល្អបំផុតសម្រាប់ហាងខ្ញុំ?" 🤔

ការពិតទៅ ដំណោះស្រាយឌីជីថលដែលល្អបំផុត មិនមែនជាដំណោះស្រាយដែល "ថ្លៃបំផុត" នោះទេ ប៉ុន្តែវាជាដំណោះស្រាយដែល "ដោះស្រាយបញ្ហាអ្នកបានចំចំណុចបំផុត"។

ថ្ងៃនេះ DEBC សូមចែករំលែកមគ្គុទ្ទេសក៍ ៤ ជំហាន ដើម្បីជួយលោកអ្នកជ្រើសរើសឱ្យចំគោលដៅ៖

១. កំណត់បញ្ហាអាទិភាព: តើហាងអ្នកកំពុងស្ទះនៅត្រង់ណា? បើស្ទះរឿងស្តុក ត្រូវរក App គ្រប់គ្រងស្តុក។ បើស្ទះរឿងគិតលុយយឺត ត្រូវរកប្រព័ន្ធ POS។

២. ជ្រើសរើសតាមប្រភេទអាជីវកម្ម: ហាងលក់ទំនិញ (Retail), ហាងអាហារ (F&B) និងហាងសេវាកម្ម (Service) មានតម្រូវការមុខងារខុសៗគ្នា។ កុំប្រើប្រព័ន្ធដែលមិនត្រូវនឹងប្រភេទហាងរបស់អ្នក។

៣. អនុវត្តច្បាប់ ៤S:
✅ Simple: ងាយស្រួលប្រើ (មានភាសាខ្មែរកាន់តែប្រសើរ)។
✅ Scalable: អាចពង្រីកបាននៅពេលហាងរីកធំ។
✅ Support: មានក្រុមការងារចាំជួយដោះស្រាយពេលមានបញ្ហា។
✅ Serviceable Price: តម្លៃសមរម្យ អាចបង់ប្រចាំខែបាន។

៤. សាកល្បងមុននឹងទិញ (Free Trial): ប្រើប្រាស់សេវាសាកល្បងឥតគិតថ្លៃ ១-២ សប្តាហ៍ ដើម្បីដឹងថាវាពិតជាស័ក្តិសមជាមួយបុគ្គលិក និងការងាររបស់អ្នកមែនឬអត់។ ⏳

✨ ការចាប់យកឌីជីថលដែលត្រឹមត្រូវ នឹងក្លាយជា "ជំនួយការឯក" ដែលជួយឱ្យអាជីវកម្មរបស់អ្នកដើរទៅមុខដោយរលូន និងមានវិជ្ជាជីវៈ។

👉 តើលោកអ្នកកំពុងស្វែងរកដំណោះស្រាយឌីជីថលសម្រាប់ផ្នែកណាខ្លះ? ខមិនសួរពួកយើងបាន! 💬

#ការចាប់យកឌីជីថល #អាជីវកម្មថ្មីថ្មោង

ឈប់ឱ្យលុយកកស្ទះ និងបាត់បង់ទំនិញទាំងមិនដឹងខ្លួន! 🚀📦

✔️ តើបងប្អូនម្ចាស់អាជីវកម្មដឹងទេថា ការគ្រប់គ្រងស្តុកមិនមែនគ្រាន់តែជារឿងរាប់អីវ៉ាន់នោះទេ តែវាគឺជាការគ្រប់គ្រង "សាច់ប្រាក់" របស់បងប្អូន!

ការផ្លាស់ប្តូរមកប្រើប្រព័ន្ធឌីជីថលនឹងជួយឱ្យអាជីវកម្មរបស់បងប្អូន៖

👉 ១.ការពារការបាត់បង់ទំនិញដោយគ្មានមូលហេតុ និងការលួចបន្លំ៖
រាល់ចលនាទំនិញចេញ-ចូលត្រូវបានកត់ត្រាក្នុងប្រព័ន្ធយ៉ាងច្បាស់លាស់។
ការពារការបាត់បង់ទំនិញដោយគ្មានមូលហេតុ ឬការកេងបន្លំផ្សេងៗ។

👉២.ដឹងពីថ្លៃដើម និងរបាយការណ៍ហិរញ្ញវត្ថុភ្លាមៗ៖
លោកអ្នកអាចដឹងពីទឹកប្រាក់សរុបដែលកំពុងកកស្ទះនៅក្នុងឃ្លាំងបានគ្រប់ពេល។
ងាយស្រួលមើលរបាយការណ៍ទំនិញដែលលក់ដាច់ជាងគេ (Best Seller) ដើម្បីត្រៀមទិញថែម។

👉៣.ការពារការដាច់ស្តុក និងទំនិញហួសសុពលភាព៖
មានប្រព័ន្ធផ្ដល់សញ្ញាអាសន្ន (Low Stock Alert) នៅពេលទំនិញជិតអស់ពីស្តុក។
ជួយអនុវត្តគោលការណ៍ FIFO (មកមុន លក់ចេញមុន) ដើម្បីការពារទំនិញកុំឱ្យហួសថ្ងៃកំណត់

👉 ៤.អាចគ្រប់គ្រងបានគ្រប់ពេលវេលា និងគ្រប់ទីកន្លែង៖
ម្ចាស់អាជីវកម្មអាចពិនិត្យមើលរបាយការណ៍ស្តុកតាមទូរស័ព្ទដៃ ទោះមិនបាននៅហាងផ្ទាល់។
ងាយស្រួលតាមដានទិន្នន័យបានលឿន និងមានភាពសុក្រឹតខ្ពស់។

👉 ៥.សន្សំសំចៃពេលវេលា និងធនធាន៖
ការប្រើបាកូដ (Barcode) ជួយឱ្យការស្កែនលក់ និងរាប់ស្តុករហ័សជាងការកត់ដៃជាច្រើនដង។
កាត់បន្ថយការងាររដ្ឋបាល និងការបូកបញ្ជីដែលស្មុគស្មាញនៅចុងខែ។

🔔 ចាប់ផ្តើមធ្វើឌីជីថលូបនីយកម្មនៅថ្ងៃនេះ ដើម្បីភាពរីកចម្រើននៃអាជីវកម្មរបស់អ្នក។

[English Below]

នាថ្ងៃទី២៦ ខែឧសភា ឆ្នាំ២០២៦ នៅអគារអគ្គនាយកដ្ឋានពន្ធដារ, ឯកឧត្តមបណ្ឌិត គង់ ម៉ារី រដ្ឋលេខាធិការក្រសួងសេដ្ឋកិច្ច និង ហិរញ្ញវត្ថុ និង ជាអនុប្រធានក្រុមការងារអន្តរក្រសួងទទួលបន្ទុកសិក្សាពីការបង្វិលសងអាករលើតម្លៃបន្ថែមទៅឱ្យភ្ញៀវទេសចរបរទេស បានចូលរួមកិច្ចប្រជុំពិនិត្យ និងការធ្វើតេស្តសាកល្បងដោយផ្ទាល់ ទៅលើដំណើរការនៃប្រព័ន្ធ ក្រោមការដឹកនាំរបស់
ឯកឧត្តមបណ្ឌិតសភាចារ្យ ផាន់ ផល្លា រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមអន្តរក្រសួងទទួលបន្ទុកសិក្សាពីការបង្វិលសងអករលើតម្លៃបន្ថែមទៅឱ្យភ្ញៀវទេសចរបរទេស។

កិច្ចប្រជុំបានធ្វើឡើងដោយមានការចូលរួមពី អគ្គនាយកដ្ឋានពន្ធដារ, អគ្គនាយកដ្ឋានគយ និងរដ្ឋាករកម្ពុជា, អគ្គលេខាធិការដ្ឋាន គណៈកម្មាធិការគោលនយោបាយសេដ្ឋកិច្ចនិងហិរញ្ញវត្ថុ, និងអគ្គនាយកដ្ឋានសេដ្ឋកិច្ចឌីជីថល។
______________

On May 26, 2026, at the General Department of Taxation Tower, H.E Dr. KONG Marry, Secretary of State of the Ministry of Economy and Finance and Vice Chairman of Inter-Ministerial Technical Working Group of VAT Refund Scheme for International Tourists, attended and observed a demo on the system process.

The meeting was chaired by H.E. Pundit Sapheacha PHAN Phalla, Secretary of State of the Ministry of Economy and Finance and the Chairman of Inter-Ministerial Technical Working Group of VAT Refund Scheme for International Tourists, with key participation from the General Department of Taxation, the General Department of Customs and Excise, the General Secretariat of the Committee on Economic and Financial Policy, and the General Department of Digital Economy.

🏆 ឱកាសការងារ

សេចក្ដីជូនដំណឹង
អគ្គលេខាធិការដ្ឋាន គណៈកម្មាធិការសេដ្ឋកិច្ចនិងធុរកិច្ចឌីជីថល កំពុងជ្រើសរើសបុគ្គលិកជាប់កិច្ចសន្យា ចំនួន ៤ រូប ដើម្បីចូលបម្រើការងារដែលមានមុខតំណែងដូចខាងក្រោម៖
- ផ្នែកធនធានមនុស្ស (Human Resource Officer)
- ផ្នែកអភិវឌ្ឍកម្មវិធីអ៊ិនធឺណិត (Full Stack Developer)
- ផ្នែកវិស្វករគ្រប់គ្រងគុណភាព (Quality Assurance Engineer)

🗂 ទាញយក៖ សេចក្ដីជូនដំណឹង

🚀 សម្រាប់ព័ត៌មានបន្ថែម៖ សូមទាក់ទងតាមរយៈលេខទូរសព្ទ មានតេលេក្រាម +855 11 999 159 (នៅរៀងរាល់ម៉ោងការងារ)។

🔵ផុតកំណត់ការដាក់ពាក្យ៖ ថ្ងៃទី​ ៧ ខែ មិថុនា ឆ្នាំ​ ២០២៦ វេលាម៉ោង ៥:00 នាទីល្ងាច។

[ENGLISH BELOW]

នារសៀលថ្ងៃទី១៩ ខែឧសភា ឆ្នាំ២០២៦ នៅអគារមជ្ឈមណ្ឌលអភិវឌ្ឍធុរកិច្ច, លោក សុខ សុវណ្ណសីលាបុត្រ តំណាងក្រុមការងារតាមដាន ត្រួតពិនិត្យ និង វាយតម្លៃ នៃអគ្គលេខាធិការដ្ឋានគណៈកម្មាធិការសេដ្ឋកិច្ច និង ធុរកិច្ចឌីជីថល (គ.ស.ធ.ឌ.) បានចូលរួមសិក្ខាសាលាចែករំលែកបទពិសោធស្តីពី “វឌ្ឍនភាពនិងទិសដៅបរិវត្តកម្មឌីជីថលនៅកម្ពុជា” និង បានធ្វើបទបង្ហាញស្តីពី វឌ្ឍនភាព និង ទិសដៅបរិវត្តកម្មឌីជីថល របស់ក្រសួងសេដ្ឋកិច្ច និង ហិរញ្ញវត្ថុ ដែលមានការចូលរួមពីនិយ័តករនិងអង្គភាពក្រោមឱវាទ អ.ស.ហ., ក្រសួង-ស្ថាប័ន និង វិស័យឯកជនដោយមានការអញ្ជើញចូលរួមជាអធិបតីដ៏ខ្ពង់ខ្ពស់ ឯកឧត្តម ម៉ី វ៉ាន់ រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និង ជាអគ្គលេខាធិការនៃអគ្គលេខាធិការដ្ឋាន អ.ស.ហ.។ សិក្ខាសាលានេះ ត្រូវបានរៀបចំឡើងក្នុងគោលបំណងស្វែងយល់អំពីការងារបរិវត្តកម្មឌីជីថលនៅតាមក្រសួង-ស្ថាប័ននិងអង្គភាពពាក់ព័ន្ធ និង ដើម្បីប្រមូលធាតុចូលជាគុណប្រយោជន៍ដល់ការរៀបចំ“សេចក្ដីព្រាងផែនការយុទ្ធសាស្រ្តបរិវត្តកម្មឌីជីថលក្នុងវិស័យហិរញ្ញវត្ថុមិនមែនធនាគារ ២០២៦-២០៣០” ឱ្យកាន់តែមានលក្ខណៈពេញលេញ គ្រប់ជ្រុងជ្រោយ និង អាចអនុវត្តបានសម្រាប់គ្រប់តួអង្គពាក់ព័ន្ធ។

On the afternoon of 19 May 2026, at the Business Development Center, Mr. Sok Sovanseilabot, Representative of the Department of Monitoring and Evaluation of the General Secretariat of the Digital Economy and Business Committee (GS-DEBC), participated in a knowledge-sharing workshop on “Progress and Directions of Digital Transformation in Cambodia.” During the workshop, he delivered a presentation on the progress and future directions of digital transformation within the Ministry of Economy and Finance. The workshop was presided over by H.E. Mey Vann, Secretary of State of MEF and Secretary General of the General Secretariat of FSA. This workshop was attended by regulators and affiliated entities under the Non-Bank Financial Services Authority (FSA), along with representatives from relevant ministries, institutions, and the private sector. The workshop aimed to enhance understanding of digital transformation efforts across line ministries and to gather valuable inputs for the development of the “Draft Digital Transformation Strategy for the Non-Bank Financial Sector 2026–2030,” ensuring that it is comprehensive, inclusive, and practical for implementation by all relevant stakeholders.

សេចក្ដីជូនដំណឹង
អគ្គលេខាធិការដ្ឋាន គណៈកម្មាធិការសេដ្ឋកិច្ចនិងធុរកិច្ចឌីជីថល កំពុងជ្រើសរើសបុគ្គលិកជាប់កិច្ចសន្យា ចំនួន ៦ រូប ដើម្បីចូលបម្រើការងារដែលមានមុខតំណែងដូចខាងក្រោម៖
- ផ្នែកវិភាគគោលនយោបាយ (Policy Analyst)
- ផ្នែកស្រាវជ្រាវគោលនយោបាយ(Policy Researcher)
- ផ្នែកសម្របសម្រួលគម្រោងឌីជីថល (Digital Project Coordinator)

🗂 ទាញយក៖ សេចក្ដីជូនដំណឹង (https://drive.google.com/file/d/1NBseiTm53zgueVlGasVKwOXXKqGdvoJf/view?usp=sharing)

🚀 សម្រាប់ព័ត៌មានបន្ថែម៖ សូមទាក់ទងតាមរយៈលេខទូរសព្ទ មានតេលេក្រាម +855 11 999 159 (នៅរៀងរាល់ម៉ោងការងារ)។

🔵ផុតកំណត់ការដាក់ពាក្យ៖ ថ្ងៃទី​ ៣០ ខែ ឧសភា ឆ្នាំ​ ២០២៦ វេលាម៉ោង ៥:00 នាទីល្ងាច។

💬 តាមដានបណ្ដាញសង្គមគណ:កម្មាធិការសេដ្ឋកិច្ច និង ធុរកិច្ចឌីជីថល៖
📘Facebook (https://www.facebook.com/digitaleconomyandbusinesscommittee)
📙Telegram (https://t.me/digitaleconomybusinesscomittee)
📕Youtube (https://www.youtube.com//videos)
📕TikTok (https://www.tiktok.com/)
📗Website https://digitaleconomy.gov.kh/

សូមក្រាបថ្វាយបង្គំថ្វាយព្រះសព្ទសាធុការពរ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ក្នុងព្រះរាជពិធីបុណ្យចម្រើនព្រះជន្មគម្រប់ ៧៣ ព្រះវស្សា យាងចូល ៧៤ ព្រះវស្សា 🙏🏻

[English Below]

នាថ្ងៃទី ១៣ ខែ ឧសភា ឆ្នាំ ២០២៦ វេលាម៉ោង ៩:០០ នាទីព្រឹក, ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និង ហិរញ្ញវត្ថុ និង ជាប្រធានគណៈកម្មាធិការសេដ្ឋកិច្ច និង ធុរកិច្ចឌីជីថល និង គណៈកម្មាធិការគោលនយោបាយសេដ្ឋកិច្ច និង ហិរញ្ញវត្ថុ បានដឹកនាំកិច្ចប្រជុំក្របខ័ណ្ឌគណៈកម្មាធិការទាំងពីរ ដើម្បីពិនិត្យលើ "សេចក្តីព្រាងយុទ្ធសាស្រ្តជាតិស្តីពីការអភិវឌ្ឍធុរកិច្ចថ្មី ២០២៦-២០៣០"។ កិច្ចប្រជុំនេះ មានការអញ្ជើញចូលរួមពីឯកឧត្តមបណ្ឌិត គង់ ម៉ារី រដ្ឋលេខាធិការនៃក្រសួងសេដ្ឋកិច្ច និង ហិរញ្ញវត្ថុ និង ជាអគ្គលេខាធិការនៃអគ្គលេខាធិការដ្ឋានគណៈកម្មាធិការសេដ្ឋកិច្ច និង ធុរកិច្ចឌីជីថល និង ឯកឧត្ដម លោកជំទាវជាថ្នាក់ដឹកនាំនៃក្រសួង ស្ថាប័នដែលពាក់ព័ន្ធ, ក្នុងគោលបំណងពិនិត្យ ពិភាក្សា និង ពិគ្រោះយោបល់លើសេចក្ដីព្រាងយុទ្ធសាស្ត្រ មុននឹងបន្តនីតិវិធីស្នើសុំការអនុម័តចុងក្រោយពីរាជរដ្ឋាភិបាល។

On May 13, 2026, H.E. Akka Pundit Sopheacha Aun Pornmoniroth, Deputy Prime Minister, Minister of Economy and Finance, Chairman of Digital Economy and Business Committee, and Chairman of General Secretariat of Economic and Financial Policy Committee chaired a meeting on “National Strategy on Startup Development 2026-2030”. The meeting was attended by H.E. Dr. Kong Marry, Secretary of State of the Ministry of Economy and Finance and Secretary-General of the General Secretariat of the Digital Economy and Business Committee (DEBC) and His/Her Excellency, Ministers, and Senior Officials of relevant ministries and institutions, with the aim of reviewing, discussing and consulting to collect comprehensive and accurate inputs in preparing the draft of national strategy before proceeding with the procedure, request final approval from the Royal Government.

[English below]

យើងខ្ញុំសូមថ្លែងអំណរគុណដល់វាគ្មិនកិត្តិយស លោកស្រី ហ៊ាន ឡូរីដា នាយករង មជ្ឈមណ្ឌលបណ្តុះធុរកិច្ចថ្មី “តេជោ” ដែលបានចូលរួមចែករំលែកក្នុងកម្មវិធីជជែកពីសេដ្ឋកិច្ចឌីជីថលឆ្នាំ ២០២៦ ក្រោមប្រធានបទ៖ “ការផ្លាស់ប្តូរទិន្នន័យ៖
តើថ្នាលផ្លាស់ប្តូរទិន្នន័យកម្ពុជា (CamDX) អាចធានាបានយ៉ាងដូចម្តេចនូវការរក្សាការសម្ងាត់
សុចរិតភាព និង អន្តរប្រតិបត្តិការនៃទិន្នន័យរវាង
ភាគីដែលធ្វើការផ្លាស់ប្តូរទិន្នន័យ”?

👉 ទស្សនាវីដេអូពេញ 📱 ចុចទីនេះ (https://youtu.be/i6t4W-SbFC8)

We would like to thank the distinguished speaker, Mrs. Hean Lorida,
Deputy Executive Director of Techo Startup Center (TSC). , for joining and sharing his insights in the Cambodia's Digital Economy Talk Show 2026 under the topic of "Data Exchange: How can CamDX ensure interoperability, integrity, and confidentiality of data for the exchanging parties" ?

👉 Watch the full video here. 📱 Click Here (https://youtu.be/i6t4W-SbFC8)

💬 តាមដានបណ្ដាញសង្គមគណ:កម្មាធិការសេដ្ឋកិច្ច និង ធុរកិច្ចឌីជីថល៖
📘Facebook (https://www.facebook.com/digitaleconomyandbusinesscommittee)
📙Telegram (https://t.me/digitaleconomybusinesscomittee)
📕Youtube (https://www.youtube.com//videos)
📕TikTok (https://www.tiktok.com/)
📗Website https://digitaleconomy.gov.kh/

🌾 អបអរសាទរ ព្រះរាជពិធីបុណ្យច្រត់ព្រះនង្គ័ល

ព្រះរាជពិធីបុណ្យច្រត់ព្រះនង្គ័ល ជាប្រពៃណីដ៏ឧត្តុង្គឧត្តមរបស់ជាតិខ្មែរ ដែលជានិមិត្តរូបនៃការចាប់ផ្តើមរដូវបង្កបង្កើនផល និងដើម្បីបួងសួងសុំនូវសេចក្តីសុខសប្បាយ ភោគផលកសិកម្មសម្បូរហូរហៀរដល់កសិករនៅទូទាំងព្រះរាជាណាចក្រកម្ពុជា។

សូមបួងសួងដល់វត្ថុស័ក្តិសិទ្ធិក្នុងលោក ជួយបីបាច់ថែរក្សាឱ្យកម្ពុជាទទួលបាននូវទឹកភ្លៀងអំណោយផលល្អតាមដងរដូវកាល និងទទួលបានភោគផលខ្ពស់គ្រប់ទីកន្លែង។ 🇰🇭🌾