បណ្ដុំផលិតផលកសិកម្មសហគមន៍

ខ្ញុំក៏ជជីកដេញសួរថាតើ ទឹកឃ្មុំនេះសមាជិកសហគមន៍រកតែក្នុងតំបន់សហគមន៍តំបន់ការពារធម្មជាតិ និងក្នុងភូមិសាស្រ្ដតំបន់ការពារធម្មជាតិមែនទេ? ការពិតណាស់ គឺពួកគាត់ទៅល្បាតព្រៃផង និងរកទឹកឃ្មុំផង។ ពេលខ្លះសហគមន៍ ក៏ត្រូវការថវិកាបន្ទាន់ផងដែរ ព្រោះមានធុរៈក្នុងគ្រួសារចាំបាច់។

ខ្ញុំពិតជារីករាយក្នុងការរកស៊ីជាមួយសហគមន៍ ចែកគ្នារស់ រក្សាភាពត្រឹមត្រូវ មិនកុហក ពិតជាដៃគូរយូរអង្វែង ព្រមទាំងចូលរួមការពារអភិរក្ស និងប្រើប្រាស់ធនធានធម្មជាតិ និងជីវៈចម្រុះប្រកបដោយនិរន្ដរភាព។

តើមានដៃគូរសហការជាមួយខ្ញុំទេ? អាចជាម៉ូយទទួលទិញទឹកឃ្មុំតពីខ្ញុំ? ខ្ញុំជួយទំនាក់ទំនងផ្ទាល់ជាមួយសហគមន៍ ព្រោះខ្ញុំធ្វើការផ្ទាល់ជាមួយពួកគាត់

ខ្ញុំក៏កំពុងផ្ដួចផ្ដើមកម្មវិធីមួយដែរ ដើម្បីគាំទ្រដល់ស្រ្តីដែលមានពិការភាព។

កម្មវិធី៖ គាំទ្រស្រ្តីដែលមានពិការភាពក្នុងខ្សែចង្វាក់ទឹកឃ្មុំព្រៃ
Program: Support Physically Challenged Women in Wild Honey Value Chains

កម្មវិធីនេះ មានគោលបំណងផ្សារភ្ជាប់ទឹកឃ្មុំព្រៃ ពីប្រជាសហគមន៍ ជាមួយការងារសង្គម ក្នុងការគាំទ្រស្រ្តីដែលមានពិការភាព។​ ស្រ្តីដែលមានពិការភាព នឹងមានប្រាក់ចំណូលបន្ថែមដោយធ្វើការផ្សព្វផ្សាយ និងលក់ទឹកឃ្មុំព្រៃដល់អ្នកប្រើប្រាស់ ក្នុងទំរង់ជាដៃគូសហការជាមួយអ្នកផ្ដួចផ្ដើមកម្មវិធីនេះ។ អ្នកផ្ដួចផ្ដើមទិញទឹកឃ្មុំព្រៃ ពីប្រជាសហគមន៍មូលដ្ឋានដែលកំពុងមមាញឹកក្នុងសកម្មភាពចិញ្ចឹមជីវិត និងចូលរួមការពារធនធានធម្មជាតិ និងអភិរក្សជីវៈចម្រុះ នៅក្នុងតំបន់ដាច់ស្រយាល នៃព្រះរាជាណាចក្រកម្ពុជា។​ កម្មវិធីចិញ្ចឹមជីវិតនេះ នឹងផ្ដល់ប្រាក់ចំណូលទាំងសហគមន៍មូលដ្ឋាន និងស្រ្តីដែលមានពិការភាព។

This program aims to link the sale of wild honey from local communities to social work in the support for physically challenged women. The women will have additional income by advertising and selling wild honey to consumers in the form of partnership with this initiative program founder. The founder buys wild honey from local communities who have active livelihoods and participate in natural resources management and biodiversity conservation in rural areas of Cambodia. This livelihoods program will contribute income to both local communities and physical challenged women.