អគ្គាធិការដ្ឋាន ក្រសួងមុខងារសាធារណៈ

ឱកាសក្លាយជាមន្ត្រីរាជការស៊ីវិល!!!

ក្រសួងមុខងារសាធារណៈ កំពុងដឹកនាំការប្រឡងប្រជែងជ្រើសរើសមន្ត្រីកសិកម្មឃុំ ឱ្យចូលបម្រើការងារក្នុងក្របខណ្ឌក្រសួងកសិកម្ម រុក្ខាប្រមាញ់ និងនេសាទ ឆ្នាំ២០២៣ ចំនួន២៥០កន្លែង ដោយឈរលើគោលការណ៍គុណាធិបតេយ្យ តម្លាភាព យុត្តិធម៌ បរិយាបន្ន និងប្រសិទ្ធភាព។ សូមស្វែងរកព័ត៌មាននៃការដាក់ពាក្យ និងលក្ខខណ្ឌ នៃការចូលរួមប្រឡងប្រជែងដើម្បីក្លាយខ្លួនជាមន្ត្រីរាជការស៊ីវិល​សម្រាប់ក្របខ័ណ្ឌ​ក,ខ​និងគ​​ និងព័ត៌មានផ្សេងទៀតដូចមានភ្ជាប់ជូន។​

ការទទួលចុះឈ្មោះប្រឡងប្រជែង ចាប់ផ្តើមពីថ្ងៃទី០១ ខែវិច្ឆិកា ឆ្នាំ២០២៣ ហើយនឹងឈប់ទទួលពាក្យនៅថ្ងៃទី៣០ ខែវិច្ឆិកា ឆ្នាំ២០២៣។

ដើម្បីដាក់ពាក្យប្រឡងប្រជែង​ បេក្ខជនចូលតាមរយៈ​ (១) ប្រព័ន្ធអនឡាញ៖ https://lms.era.gov.kh/qrlink/2A ឬ (២)ទាក់ទងមកមន្ទីរមុខងារសាធារណៈតាមបណ្តាខេត្ត ដើម្បីបំពេញព័ត៌មានសុំសិទ្ធិប្រឡងប្រជែង និងស្កេនបញ្ចូលឯកសារច្បាប់ដើម។

សម្រាប់ព័ត៌មានបន្ថែមសូមទាក់ទង៖ ០៧៨ ២៤៣២៣៥ ឬ ០១២ ៨៤៣ ១១៤ ឬ ចូលទីកាន់តំណភ្ជាប់ https://lms.era.gov.kh/qrlink/2G ៕

អានព័ត៌មានលម្អិតៈ https://www.mcs.gov.kh/?p=55587
Tiktok: https://www.tiktok.com/
YouTube: https://youtube.com/
តេលេក្រាមៈ https://t.me/mcsgovkh

រយៈពេលមួយសប្តាហ៍ដំបូងបន្ទាប់ពីការជូនដំណឹងស្តីពីការប្រឡងប្រជែងជ្រើសរើសមន្ត្រីកសិកម្មឃុំ ចំនួន២៥០កន្លែង រួចមក មន្ទីរមុខងារសាធារណៈតាមបណ្តាខេត្ត កំពុងតែមមាញឹក ក្នុងការសម្របសម្រួលផ្តល់ព័ត៌មានដល់ក្រុមគោលដៅតាមមូលដ្ឋានរបស់ខ្លួន និងសម្របសម្រួលការដាក់ពាក្យជូនបេក្ខជនទាំងអស់ដោយភាតរភាព។

គួររំលឹកថា ការចុះឈ្មោះប្រឡងប្រជែងជ្រើសរើសមន្ត្រីកសិកម្មឃុំ ចំនួន២៥០កន្លែង បានចាប់ផ្តើមពីថ្ងៃទី០១ ខែវិច្ឆិកា ឆ្នាំ២០២៣ ហើយនឹងត្រូវបញ្ចប់នៅថ្ងៃទី៣០ ខែវិច្ឆិកា ឆ្នាំ២០២៣ ខាងមុខនេះ។

បេក្ខជនអាចដាក់ពាក្យប្រឡងប្រជែងតាមរយៈ៖ (១) ប្រព័ន្ធអនឡាញ៖ ដោយបេក្ខជនអាចស្កេន QR Code ឬ ចូលទៅកាន់គេហទំព័រ: https://lms.era.gov.kh/qrlink/2A ដើម្បីបំពេញព័ត៌មានសុំសិទ្ធិប្រឡងប្រជែង និងស្កេនបញ្ចូលឯកសារច្បាប់ដើម ឬ (២)បេក្ខជនអាចទំនាក់ទំនងមកមន្ទីរមុខងារសាធារណៈតាមបណ្តាខេត្ត ដើម្បីបំពេញព័ត៌មានសុំសិទ្ធិប្រឡងប្រជែង និងស្កេនបញ្ចូលឯកសារច្បាប់ដើម។

សម្រាប់ព័ត៌មានបន្ថែមសូមទាក់ទង៖ ០៧៨ ២៤៣២៣៥ ឬ ០១២ ៨៤៣ ១១៤ ឬ ចូលទីកាន់តំណភ្ជាប់ https://lms.era.gov.kh/qrlink/2G សម្រាប់ការណែនាំពីរបៀបចុះឈ្មោះចូលរួមប្រឡងប្រជែងជ្រើសរើសមន្ត្រីកសិកម្មឃុំ ឆ្នាំ២០២៣៕

អានព័ត៌មានលម្អិតៈ https://www.mcs.gov.kh/?p=55547
Tiktok: https://www.tiktok.com/
YouTube: https://youtube.com/
តេលេក្រាមៈ https://t.me/mcsgovkh

រាជរដ្ឋាភិបាលកម្ពុជា ចេញអនុក្រឹត្យ ស្តីពី «លក្ខន្តិកៈរបស់សាលាភូមិន្ទរដ្ឋបាល» ដែលហៅកាត់ថា ស.ភ.រ. ។ អនុក្រឹត្យនេះ ត្រូវបានរៀបចំឡើងដើម្បីធានាបាន នូវការរៀបចំមុខងារ ភារកិច្ច និងរចនាសម្ព័ន្ធច្បាស់លាស់ ប្រកបដោយប្រសិទ្ធភាពរបស់សាលាភូមិន្ទរដ្ឋបាល ក្នុងការបំពេញបេសកកម្ម និងមុខងារគាំទ្រដល់ការអភិវឌ្ឍធនធានមនុស្សឆ្លើយតបនឹងតម្រូវការអភិវឌ្ឍជាតិ ស្របតាមគោលនយោបាយរបស់រាជរដ្ឋាភិបាល។

សាលាភូមិន្ទរដ្ឋបាល គឺជាស្ថាប័នបណ្តុះបណ្តាលអនាគតអ្នកដឹកនាំទាំងថ្នាក់ជាតិ និងថ្នាក់ក្រោមជាតិ ឱ្យទទួលបាននូវចំណេះដឹង និងបទពិសោធន៍ថ្មីៗបន្ថែមទៀត ស្របទៅតាមការវិវត្តឥតឈប់ឈរនៅក្នុងតំបន់ និងអន្តរជាតិ ដើម្បីឆ្លើយតបនឹងតម្រូវការចាំបាច់របស់ប្រជាពលរដ្ឋ និងសង្គម។ សាលាភូមិន្ទរដ្ឋបាលមានបេសកកម្មបណ្តុះបណ្ដាលតាមរយៈវគ្គបណ្តុះបណ្ដាលដំបូង វគ្គបណ្តុះបណ្ដាលបន្ត និងវគ្គបណ្តុះបណ្ដាលជំនាញសម្រាប់សិស្ស និស្សិត និងមន្រ្តីរាជការ ដើម្បីបម្រើការងារក្នុងវិស័យសាធារណៈ។ ការប្រឡងប្រជែងចូលរៀន គឺជាមធ្យោបាយតែមួយសម្រាប់ធ្វើការជ្រើសរើសភ្នាក់ងារសាធារណៈដែលដើរតួនាទីយ៉ាងសំខាន់ក្នុងការជួយគាំទ្រនីតិរដ្ឋ និងការលើកកម្ពស់សមធម៌នៃឱកាស។ សាលាភូមិន្ទរដ្ឋបាលក៏បានផ្តល់វគ្គបណ្តុះបណ្ដាលបន្តដល់មន្រ្តីរាជការស៊ីវិលដែលមានរយៈពេលពី ៩ខែ ដល់ ១២ខែ ដែលប្រការនេះបានផ្តល់ដល់មន្រ្តីដែលមានបទពិសោធន៍រួច ធ្វើបច្ចុប្បន្នភាពចំណេះដឹង និងទទួលបាននូវបច្ចេកទេសទាន់សម័យក្នុងការគ្រប់គ្រងសាធារណៈ។

អានព័ត៌មានលម្អិតៈ https://www.mcs.gov.kh/?p=55527
Tiktok: https://www.tiktok.com/
YouTube: https://youtube.com/
តេលេក្រាមៈ https://t.me/mcsgovkh

រាជរដ្ឋាភិបាលកម្ពុជា ចេញអនុក្រឹត្យ ស្តីពី ការរៀបចំនិងការប្រព្រឹត្តទៅនៃអគ្គលេខាធិការដ្ឋាន គណៈកម្មាធិការកែទម្រង់រដ្ឋបាលសាធារណៈ ដែលហៅកាត់ថា អគ្គលេខាធិការដ្ឋាន គ.ក.ស។

អគ្គលេខាធិការដ្ឋាន គ.ក.ស. បានបែងចែករចនាសម្ព័ន្ធជាបីនាយកដ្ឋានរួមមាន៖
១- នាយកដ្ឋានកិច្ចការទូទៅ។
២- នាយកដ្ឋានត្រួតពិនិត្យនិងវាយតម្លៃ។
៣- នាយកដ្ឋានសម្របសម្រួលការងារកែទម្រង់អន្តរវិស័យ។

អគ្គលេខាធិការដ្ឋាន គ.ក.ស. មានតួនាទីជាសេនាធិការ ជូនគណៈកម្មាធិការកែទម្រង់រដ្ឋបាលសាធារណៈ ដែលមានភារកិច្ចគាំទ្រ និងតួនាទីភារកិច្ចដូចមានចែងនៅក្នុងមាត្រា២ នៃអនុក្រឹត្យ លេខៈ៣២៦ អនក្រ.បក៕

អានព័ត៌មានលម្អិតៈ https://www.mcs.gov.kh/?p=55526
Tiktok: https://www.tiktok.com/
YouTube: https://youtube.com/
តេលេក្រាមៈ https://t.me/mcsgovkh

សិក្ខាសាលាស្តីពី «ការកសាងសមត្ថភាពលើភាពជាអ្នកដឹកនាំប្រកបដោយបរិវត្តកម្ម សម្រាប់មន្រ្តីជាន់ខ្ពស់នៃប្រទេសជាសមាជិកអាស៊ាន និងប្រទេសទីម័រខាងកើត» បានចូលមកដល់ថ្ងៃទី២។ កាលពីម្សិលមិញ សិក្ខាសាលានេះមានសកម្មភាព និងរបៀបវារៈជាច្រើនដែលគួរឱ្យកត់សម្គាល់។

បន្ទាប់ពី ឯកឧត្តម ហ៊ុន ម៉ានី រដ្ឋមន្ត្រីក្រសួងមុខងារសាធារណៈកម្ពុជា បានប្រកាសបើកសិក្ខាសាលា ស្តីពី «ការកសាងសមត្ថភាពលើភាពជាអ្នកដឹកនាំប្រកបដោយបរិវត្តកម្ម សម្រាប់មន្រ្តីជាន់ខ្ពស់នៃប្រទេសជាសមាជិកអាស៊ាន និងប្រទេសទីម័រខាងកើត» រួមមក អង្គសិក្ខាសាលាបានដំណើការបន្តតាមរបៀបវារៈដែលបានកំណត់រួមមាន៖ (១) បទបង្ហាញស្តីពី "ភាពជាអ្នកដឹកនាំផ្លាស់ប្តូរ" ដោយសាស្រ្តាចារ្យ YAMAMOTO Akira សាស្រ្តាចារ្យនៃវិទ្យាស្ថានជាតិរដ្ឋបាលសាធារណៈ អាជ្ញាធរបុគ្គលិកជាតិ ប្រទេសជប៉ុន (២) បទបង្ហាញស្តីពី «ករណីសិក្សាលើការអភិវឌ្ឍប្រព័ន្ធតាមដានឯកសារ» ដោយលោក ម៉េង ម៉ង់ទិត អគ្គនាយករងនៃអគ្គនាយកដ្ឋានរដ្ឋបាល និងហិរញ្ញវត្ថុ ក្រសួងមុខងារសាធារណៈកម្ពុជា (៣) បទបង្ហាញស្តីពី "ការផ្លាស់ប្តូរភាពជាអ្នកដឹកនាំក្នុងសេវាកម្មស៊ីវិលនៃប្រទេសឥណ្ឌូនេស៊ី" ដោយលោក Satya Pratama ប្រធានមជ្ឈមណ្ឌលអភិវឌ្ឍសេវាកម្មស៊ីវិលនៃទីភ្នាក់ងារសេវាស៊ីវិលជាតិ តំណាងប្រទេសឥណ្ឌូនេស៊ី។ ជាងនេះទៅទៀត សិក្ខាសាលាក៏បានរៀបចំកិច្ចពិភាក្សាស្តីពី «ភាពជាអ្នកដឹកនាំការផ្លាស់ប្តូរប្រកបដោយប្រសិទ្ធភាព» ដោយុមានការអញ្ជើញចូលរួមពីវាគ្មិន ២រូបគឺ លោកស្រី តឹក កុសណា អគ្គនាយករងនៃក្រសួងមុខងារសាធារណៈកម្ពុជា លោកបណ្ឌិត Yudhantore Bayu Wiratmoko ប្រធានការិយាល័យតំបន់ X NCSA Denpasar នៃទីភ្នាក់ងារសេវាស៊ីវិលជាតិនៃប្រទេសឥណ្ឌូនេស៊ី ក្រោមការសម្របសម្រួលរបស់លោកសាស្ត្រាចារ្យ YAMAMOTO Akira សាស្ត្រាចារ្យនៃវិទ្យាស្ថានជាតិរដ្ឋបាលសាធារណៈ អាជ្ញាធរជាតិគ្រប់គ្រងបុគ្គលិក ប្រទេសជប៉ុន។

នារសៀលថ្ងៃដដែល សិក្ខាសាលាក៏បានរៀបចំឱ្យមានបទបង្ហាញចំនួន២ រួមមាន៖ (១) បទបង្ហាញស្តីពី «ការអនុវត្តមុខងារមន្ត្រីរាជការក្នុងរបៀបបង្កើតការផ្លាស់ប្តូរដ៏មានអត្ថន័យក្នុងមុខងារស៊ីវិលនៃប្រទេសឡាវ» ឧទ្ទេសដោយលោក Phetsamone PHETPHOEVONG ក្រសួងកិច្ចការផ្ទៃក្នុងនៃប្រទេសឡាវ និង(២) បទបង្ហាញស្តីពី «ការអនុវត្តមន្ត្រីរាជការតាមរបៀបដែល បង្កើតការផ្លាស់ប្តូរប្រកបដោយ អត្ថន័យក្នុងមុខងារស៊ីវិលនៃប្រទេសមីយ៉ាន់ម៉ា" ឧទ្ទេសដោយលោក Kyaw Soe សាកលវិទ្យាធិការនៃបណ្ឌិតសភាសេវាកម្មស៊ីវិល (Upper Myanmar Myanmar) រួមទាំងកិច្ចពិភាក្សាស្តីពី «ការកែលម្អការអនុវត្តរបស់អង្គការ» ដែលមានការចូលរួមដោយវាគ្មិន៣រូប គឺ Haji Rusdi bin Haji Jadi តំណាងប្រទេសព្រុយណេ, លោក DALAVONG SINGTHAVONE អគ្គនាយកនៃក្រសួងកិច្ចការផ្ទៃក្នុងឡាវ និងលោក Zaw Mae Win អគ្គនាយកនៃក្រុមប្រឹក្សាសេវាស៊ីវិលសហភាពមីយ៉ាន់ម៉ា ក្រោមការសម្របសម្រួលដោយលោកជំទាវ ឈី វិជ្ជរ៉ា រដ្ឋលេខាធិការក្រសួងមុខងារសាធារណៈកម្ពុជា។

ថ្នាក់ដឹកនាំ និងមន្ត្រីរាជការ នៃក្រសួងមុខងារសាធារណៈ សូមចូលរួមអបអរសាទរខួបលើកទី២០ នៃការដាក់បញ្ចូល «របាំព្រះរាជទ្រព្យ» ក្នុងបញ្ជីជាសម្បត្តិបេតិកភណ្ឌវប្បធម៌អរូបីនៃមនុស្សជាតិ របស់អង្គការយូណេស្កូ ៧ វិច្ឆិកា ២០០៣ - ៧ វិច្ឆិកា ២០២៣។

យោងតាមឯកសារ និងសិលាចារឹកក៏ដូចជាចម្លាក់នៅលើជញ្ជាំងប្រាសាទបុរាណខ្មែរបានបញ្ជាក់ច្បាស់ជាតឹកតាងថា របាំព្រះរាជ្យទ្រព្យមានវត្តមានតាំងពីសម័យបុរេអង្គរមកម្ល៉េះ។ របាំនេះត្រូវបានបង្កើតឡើង ដើម្បីផ្គត់ផ្គង់ និងថែរក្សានៅក្នុងរង្វង់ និងបរិបទព្រះបរមរាជវាំង ដូច្នេះហើយទើបរបាំនេះត្រូវបានដាក់ឈ្មោះថាជារបាំព្រះរាជទ្រព្យ ឬល្ខោនព្រះរាជទ្រព្យ។

របាំព្រះរាជទ្រព្យ ឬល្ខោនព្រះរាជទ្រព្យ ត្រូវបានកំដរដោយវង់ភ្លេងពិណពាទ្យដែលមានឧបករណ៍ស្រឡៃតូច ស្រឡៃធំ រនាតឯក រនាតដែក (នាសម័យបុរាណមានរនាតថោង ផង) រនាតធុង គងតូច គងធំ សម្ភោរ ស្គរធំ ឈិង និងអ្នកច្រៀង។

ប្រភពរូបភាព និងខ្លឹមសារយោង៖ AMS

អានព័ត៌មានលម្អិតៈ https://www.mcs.gov.kh/?p=55446
Tiktok: https://www.tiktok.com/
YouTube: https://youtube.com/
តេលេក្រាមៈ https://t.me/mcsgovkh

ប្រតិភូក្រសួងមុខងារសាធារណៈ អញ្ជើញគោរពវិញ្ញាណក្ខន្ធ ឧបាសក ឡាយ ឈាត

នៅល្ងាចថ្ងៃទី៥ ខែវិច្ឆិកា ឆ្នាំ២០២៣ ឯកឧត្តម ឈួរ សុបញ្ញា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តមរដ្ឋមន្ត្រីក្រសួងមុខងារសាធារណៈ បានដឹកនាំប្រតិភូក្រសួងមុខងារសាធារណៈ ចូលរួមគោរពវិញ្ញាណក្ខន្ធ ឧបាសក ឡាយ ឈាត អតីតមន្រ្តីរាជការ នៃទីស្តីការគណ:រដ្ឋមន្រ្តី និងជាបិតាបង្កើតរបស់លោកស្រី ឡាយ លីកា អនុប្រធាននាយកដ្ឋាន នៃនាយកដ្ឋានហិរញ្ញវត្ថុ ក្រសួងមុខងារសាធារណ: ទទួលមរណភាពកាលថ្ងៃអាទិត្យ ៧រោច ខែ អស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៥ ខែ វិច្ឆិកា ឆ្នាំ ២០២៣ វេលាម៉ោង ៦: ១៩ នាទីព្រឹក ក្នុងជន្មាយុ ៩២ឆ្នាំ ដោយជរាពាធ ។

មរណភាពរបស់ឧបាសក គឺជាការបាត់បង់ដ៏គួរឱ្យសោកស្តាយនូវ ឪពុក ឪពុកក្មេក និងជីតាជាទីគោរពស្រលាញ់ ដែលបានចិញ្ចឹមបីបាច់ថែរក្សា និងអប់រំទូន្មានកូនចៅប្រកបដោយគន្លងធម៌ និងព្រហ្មវិហារធម៌ ព្រមទាំងជាការបាត់បង់នូវអតីតមន្ត្រីរាជការមួយរូប ដែលធ្លាប់បានចូលរួមចំណែកយ៉ាងសកម្ម ក្នុងបុព្វហេតុបម្រើប្រយោជន៍ជាតិមាតុភូមិ។

ក្រសួងមុខងារសាធារណៈ សូមចូលរួមរំលែកនូវមរណទុក្ខដោយក្តីស្រណោះ និងអាឡោះអាល័យបំផុតជាមួយលោកស្រី ឡាយ លីកា និងក្រុមគ្រួសារសព និងសូមបួងសួងដល់គុណព្រះរតនត្រ័យ និងវត្ថុស័ក្តិសិទ្ធិទាំងឡាយក្នុងលោក សូមឱ្យដួងវិញ្ញាណក្ខន្ធរបស់ឧបាសក ឡាយ ឈាត បានទៅកាន់សុគតិភពកុំបីឃ្លៀងឃ្លាតឡើយ៕

អានព័ត៌មានលម្អិតៈ https://www.mcs.gov.kh/?p=55437
Tiktok: https://www.tiktok.com/
YouTube: https://youtube.com/
តេលេក្រាមៈ https://t.me/mcsgovkh

ឯកឧត្តម ហ៊ុន ម៉ានី អញ្ជើញជាអធិបតីបើកសិក្ខាសាលាស្តីពី៖ «ការកសាងសមត្ថភាពលើភាពជាអ្នកដឹកនាំប្រកបដោយបរិវត្តកម្ម សម្រាប់មន្រ្តីជាន់ខ្ពស់នៃប្រទេសជាសមាជិកអាស៊ាន និងប្រទេសទីម័រខាងកើត»

(សៀមរាប)៖ នាព្រឹកថ្ងៃទី០៦ ខែវិច្ឆិកា ឆ្នាំ២០២៣ ឯកឧត្តម ហ៊ុន ម៉ានី រដ្ឋមន្រ្តីក្រសួងមុខងារសាធារណៈ បានអញ្ជើញអធិបតីក្នុងពិធីបើកសិក្ខាសាលាស្តីពី «ការកសាងសមត្ថភាពលើភាពជាអ្នកដឹកនាំប្រកបដោយបរិវត្តកម្មសម្រាប់មន្ត្រីជាន់ខ្ពស់នៃប្រទេសជាសមាជិកអាស៊ាន និងប្រទេសទីម័រខាងកើត» នៅសណ្ឋាគារបុរីអង្គរ ខេត្តសៀមរាប។ ក្នុងពិធីបើកសិក្ខាសាលានេះដែរ មានការចូលរួមពីថ្នាក់ដឹកនាំក្រសួងមុខងារសាធារណៈកម្ពុជា និងសិក្ខាកាមមកពីលេខាធិការដ្ឋានអាស៊ាន ប្រតិភូពីប្រទេសជាសមាជិកអាស៊ាន និងអាស៊ានបូក រួមទាំងមន្ត្រីរាជការមកពីបណ្តាក្រសួង ស្ថាប័នថ្នាក់ជាតិ និងរដ្ឋបាលថ្នាក់ក្រោមជាតិ ប្រមាណ ១៤០នាក់។

ជាកិច្ចស្វាគមន៍អង្គពិធី ឯកឧត្តម ឈុន សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានគោលនយោបាយមុខងារសាធារណៈ នៃក្រសួងមុខងារសាធារណៈ បានធ្វើរបាយការណ៍សង្ខេបអំពីការរៀបចំសិក្ខាសាលា ដោយបានបញ្ជាក់ថា នៅក្នុងក្របខណ្ឌ កិច្ចសហប្រតិបត្តិការលើវិស័យមុខងារសាធារណេះអាស៊ានបូកបី ក្រសួងមុខងារសារធារណៈកម្ពជា បានផ្តួចផ្តើមគម្រោងស្តីពី (Transformative Leadership) នៅក្នុងផែនការសកម្មភាព ២០២១ -២០២៥ ដោយមានការគាំទ្រពីមូលនិធិកិច្ចសហប្រតិបត្តិការអាស៊ានបូកបី(ASEAN+3 Cooperation Fund)។ ក្នុងគម្រោងនេះ ក្រសួងមុខងារសាធារណៈ ត្រូវរៀបចំសិក្ខាសាលាស្តីពីការកសាងសមត្ថភាពលើភាពជាអ្នកដឹកនាំប្រកបដោយបរិវត្តកម្មសម្រាប់មន្រ្តីជាន់ខ្ពស់នៃប្រទេសជាសមាជិកអាស៊ាន និងប្រទេសទីម័រខាងកើត ចំនួន២ លើក ដែលលើកទី១ បានរៀបចំកាលពីខែសីហា ឆ្នាំ២០២៣ ដែលមានអ្នកចូលរួមជាមន្រ្តីកម្រិតប្រធាននាយកដ្ឋានទាំងជាតិ និងអន្តរជាតិប្រមាណ ១៧០ នាក់ ។ ការរៀបចំសិក្ខាសាលាពេលនេះ គឺជាសិក្ខាសាលាលើកទី២ ដែលមានអ្នកចូលរួមកម្រិតអគ្គនាយកទាំងជាតិ និងអន្តរជាតិចំនួន សរុប ១១៩ នាក់។

ថ្លែងប្រសាសន៍ក្នុងពិធីបើកសិក្ខាសាសាស្តីពី «ការកសាងសមត្ថភាពលើភាពជាអ្នកដឹកនាំប្រកបដោយបរិវត្តកម្មសម្រាប់មន្ត្រីជាន់ខ្ពស់នៃប្រទេសជាសមាជិកអាស៊ាន និងប្រទេសទីម័រខាងកើត» ឯកឧត្តម ហ៊ុន ម៉ានី រដ្ឋមន្ត្រីក្រសួងមុខងារសាធារណៈ បានលើកឡើងពីសារៈសំខាន់នៃវិស័យមុខងារសាធារណៈនៅកម្ពុជា និងបានគូសបញ្ជាក់ថា រាជរដ្ឋាភិបាលនៃព្រះរាជាណាចក្រកម្ពុជា បានផ្ដល់អាទិភាពលើវិស័យនេះ ដោយបានដាក់បញ្ចូលការកែទម្រង់រដ្ឋបាលសាធារណៈ ក្នុងយុទ្ធសាស្ត្របញ្ចកោណដំណាក់កាលទី១ អាណត្តិទី៧ ក្រោមការដឹកនាំផ្ទាល់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ ឯកឧត្តមរដ្ឋមន្ត្រី បានបន្ថែមថា សិក្ខាសាលានាថ្ងៃនេះ គឺជាវេទិកាដ៏សំខាន់មួយសម្រាប់ថ្នាក់ដឹកនាំទាំងអស់ មកពីប្រទេសសមាជិកអាស៊ាន និងអាស៊ានបូក និងមន្ត្រីកម្ពុជា ដើម្បីជួបចែករំលែកការអនុវត្តល្អៗពីគ្នាទៅវិញទៅមក ព្រោះភាពជាអ្នកដឹកនាំមានភាពសំខាន់ និងចាំបាច់សម្រាប់កំណែទម្រង់វិស័យមុខងារសាធារណៈ។

សូមបញ្ជាក់ថា សិក្ខាសាលានេះ នឹងប្រពឹត្តទៅរយៈពេល ៣ថ្ងៃ គឺចាប់ពីថ្ងៃទី៦ ដល់ថ្ងៃទី៨ ខែវិច្ឆិកា ឆ្នាំ២០២៣ ដោយមានការធ្វើបទបង្ហាញរបស់វាគ្មិនមកពី សាធារណរដ្ឋប្រជាមានិតចិន សាធារណរដ្ឋកូរ៉េ ប្រទេសជប៉ុន ប្រទេសដែលជាសមាជិកអាស៊ាន និងប្រទេសទីម័រខាងកើត លើប្រធានបទធំៗ ចំនួន ៣ និងវេទិកាពិភាក្សា (Panel Discussion) លើប្រធានបទចំនួន៤៕

អានព័ត៌មានលម្អិតៈ https://www.mcs.gov.kh/?p=55389
Tiktok: https://www.tiktok.com/
YouTube: https://youtube.com/
តេលេក្រាមៈ https://t.me/mcsgovkh

ទិដ្ឋភាពទូទៅ មុននឹងចាប់ផ្តើមបើកកម្មវិធីសិក្ខាសាលា ស្តីពី «ការកសាងសមត្ថភាព ស្តីពីបរិវត្តកម្មភាពជាអ្នកដឹកនាំក្នុងវិស័យមុខងារសាធារណៈ សម្រាប់មន្រ្តីជាន់ខ្ពស់នៃប្រទេសជាសមាជិកអាស៊ាន និងទីម័រខាងកើត» នាព្រឹកនេះ នៅសណ្ឋាគារបុរីអង្គរ ខេត្តសៀមរាប៕

អានព័ត៌មានលម្អិតៈ https://www.mcs.gov.kh/?p=55377
Tiktok: https://www.tiktok.com/
YouTube: https://youtube.com/
តេលេក្រាមៈ https://t.me/mcsgovkh

សូមស្វាគមន៍មកកាន់ទឹកដីអង្គរ ខេត្តសៀមរាប ព្រះរាជាណាចក្រកម្ពុជា

ក្រសួងមុខងារសាធារណៈកម្ពុជា សូមស្វាគមន៍ការអញ្ជើញដល់របស់សិក្ខាកាមមកពីលេខាធិការដ្ឋានអាស៊ាន និងប្រទេសដែលជាសមាជិកអាស៊ាន ព្រមទាំងប្រទេសទីម័រខាងកើត ក៏ដូចជាសិក្ខាកាមដែលជាមន្ត្រីជាន់ខ្ពស់ថ្នាក់ជាតិ និងថ្នាក់ក្រោមជាតិទាំងអស់មកកាន់សិក្ខាសាលា ស្តីពី “ការកសាងសមត្ថភាព ស្តីពីបរិវត្តកម្មភាពជាអ្នកដឹកនាំក្នុងវិស័យមុខងារសាធារណៈ សម្រាប់មន្រ្តីជាន់ខ្ពស់នៃប្រទេសជាសមាជិកអាស៊ាន និងទីម័រខាងកើត” នៅសណ្ឋាគារបុរីអង្គរ ខេត្តសៀមរាប ដែលនឹងប្រព្រឹត្តឡើងក្នុងរយៈពេល ៣ថ្ងៃ គឺចាប់ថ្ងៃទី៦ ដល់ថ្ងៃទី៨ ខែវិច្ឆិកា ឆ្នាំ២០២៣៕

អានព័ត៌មានលម្អិតៈ https://www.mcs.gov.kh/?p=55357
Tiktok: https://www.tiktok.com/
YouTube: https://youtube.com/
តេលេក្រាមៈ https://t.me/mcsgovkh

ដោយក្តីស្រលាញ់ពីអ៊ំពូមីងបងៗ ជាមន្ត្រីរាជការស៊ីវិលទាំងអស់គ្នា សូមជូនពរប្អូនៗ ក្មួយៗ ដែលប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៣ នៅទូទាំងប្រទេស សម័យប្រឡង ០៦ វិច្ឆិកា ២០២៣ សូមឱ្យសំណាងល្អទទួលបានជោគជ័យ និងលទ្ធផលល្អ គ្រប់ៗគ្នា៕

អានព័ត៌មានលម្អិតៈ https://www.mcs.gov.kh/?p=55354
Tiktok: https://www.tiktok.com/
YouTube: https://youtube.com/
តេលេក្រាមៈ https://t.me/mcsgovkh

ព្រឹកស្អែក ឯកឧត្តម ហ៊ុន ម៉ានី នឹងអញ្ជើញបើកសិក្ខាសាលា ស្តីពី «ការកសាងសមត្ថភាព ស្តីពីបរិវត្តកម្មភាពជាអ្នកដឹកនាំក្នុងវិស័យមុខងារសាធារណៈ សម្រាប់មន្រ្តីជាន់ខ្ពស់នៃប្រទេសជាសមាជិកអាស៊ាន និងទីម័រខាងកើត» នៅសណ្ឋាគារបុរីអង្គរ ខេត្តសៀមរាប។

ក្រសួងមុខងារសាធារណៈ នឹងរៀបចំសិក្ខាសាលានេះ ចាប់ពីថ្ងៃទី៦ ដល់ថ្ងៃទី៨ ខែវិច្ឆិកា ឆ្នាំ២០២៣ ដោយមានការចូលរួមពីសិក្ខាកាមដែលជាមន្ត្រីជាន់ខ្ពស់ថ្នាក់ជាតិ និងថ្នាក់ក្រោមជាតិ រួមទាំងសិក្ខាកាមមកពីក្នុងតំបន់អាស៊ាន ក្នុងគោលបំណង៖ (១)ពង្រឹងសមត្ថភាពមន្ត្រីជាន់ខ្ពស់នៃប្រទេសជាសមាជិកអាស៊ាន និងប្រទេសទីម័រខាងកើត លើជំនាញបរិវត្តកម្មនៃភាពជាអ្នកដឹកនាំ ដើម្បីបង្កើនការយល់ដឹងអំពីគោលការណ៍ និងគុណតម្លៃស្នូលនៃអ្នកដឹកនាំ និងប្រើប្រាស់ចំណេះដែលបានមកពីសិក្ខាសាលានេះទៅដោះស្រាយបញ្ហាជាក់ស្តែងនៅក្នុងអង្គភាពរៀងៗខ្លួន (២) អភិវឌ្ឍសមត្ថភាពបរិវត្តកម្មនៃភាពជាអ្នកដឹកនាំដល់មន្រ្តីជាន់ខ្ពស់ដែលជាអ្នកគ្រប់គ្រងអង្គភាព ដើម្បីដឹកនាំ គ្រប់គ្រង និងអនុវត្តការផ្លាស់ប្តូរជាវិជ្ជមាននៅក្នុងអង្គភាព តាមរយៈការចែករំលែកនូវបទពិសោធ ឧត្តមានុវត្តន៍ វិធីសាស្រ្ត យុទ្ធសាស្រ្តល្អក្នុងការគ្រប់គ្រងការផ្លាស់ប្តូរ និងការផ្តល់សេវាសាធារណៈ (៣) លើកទឹកចិត្តឱ្យមានការបង្កើតបណ្តាញទំនាក់ទំនង ដើម្បីផ្លាស់ប្តូរបទពិសោធគ្នា រវាងវាគ្មិន សិក្ខាកាមអន្តរជាតិ និងសិក្ខាកាមជាតិ។

សូមតាមដានព័ត៌មានពិស្តារជាបន្តបន្ទាប់អំពីសិក្ខាសាលានេះ នៅលើទំព័រផ្លូវការរបស់ ក្រសួងមុខងារសាធារណៈ៕

អានព័ត៌មានលម្អិតៈ https://www.mcs.gov.kh/?p=55351
Tiktok: https://www.tiktok.com/
YouTube: https://youtube.com/
តេលេក្រាមៈ https://t.me/mcsgovkh