រដ្ឋបាលសង្កាត់ព្រៃវែង

នៅព្រឹកថ្ងៃអាទិត្យ ១៥កើត ខែជេស្ឋ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី៣១ ខែឧសភា ឆ្នាំ២០២៦ លោកស្រី ឌី សុខហេង ចៅសង្កាត់ព្រៃវែង និងមានការចូលរួមពីមន្ត្រីសង្កាត់ ព្រមទាំងមានការចូលរួមពីសំណាក់ លោក ខៀវ គូ មេភូមិត្រពាំងចក លោក យឺន ម៉ៅ សមាជិកភូមិត្រពាំងចក បានទៅចូលរួមបុណ្យនៃគ្រួសារសព ឧបាសិកា ហង់ បុប្ផាផល បានទទួលមរណភាព កាលពីថ្ងៃទី៣០ ខែឧសភា ឆ្នាំ២០២៦ ក្នុងជន្មាយុ៥៨ឆ្នាំ ដោយរោគាពាធ ស្ថិតនៅភូមិត្រពាំងចក សង្កាត់ព្រៃវែង ខណ្ឌដង្កោ រាជធានីភ្នំពេញ ក្នុងនោះដែររដ្ឋបាលសង្កាត់ បានចូលរួមបច្ច័យចំនួន១០ម៉ឺនរៀល អង្ករទម្ងន់២៥គីឡូក្រាម និងទឹកសុទ្ធ១កេស។ សូមគោរពអរគុណ!

នៅព្រឹកថ្ងៃអាទិត្យ ១៥កើត ខែជេស្ឋ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី៣១ ខែឧសភា ឆ្នាំ២០២៦ ។ រដ្ឋបាលសង្កាត់ព្រៃវែង ដឹកនាំដោយលោកស្រី ឌី សុខហេង ចៅសង្កាត់ព្រៃវែង និងមានការចូលរួមពី លោក ជឹម សុផាត ក្រុមប្រឹក្សាសង្កាត់ មន្រ្តីសង្កាត់ ប្រជាការពារសង្កាត់ បានសហការណ៍ជាមួយ ប៉ុស្តិ៍នគរបាលរដ្ឋបាលព្រៃវែង ចូលរួមដោយលោក សុផល វឌ្ឍនៈ មន្ត្រីប៉ុស្តិ៍ និងមានការចូលរួមសំណាក់លោកស្រី សេង ចិន្ដា មេភូមិកំរៀង និងលោក យ៉ាង សុខុម អនុភូមិកំរៀង បានចុះធ្វើបច្ចុប្បន្នភាពចំនួន ២ទីតាំងជាលើកទី៣ ទី១.ផ្ទះលេខQ55 និង ទី២.ផ្ទះលេខQ369 ផ្លូវលេខ៤ បុរីសាន់នី ភូមិកំរៀង សង្កាត់ព្រៃវែង បន្ទាប់មកលោកស្រីចៅសង្កាត់ និងក្រុមការងារបានចុះត្រួតពិនិត្យផ្លូវលំ១ខ្សែ ប្រវែង៣០០ម៉ែត្រ ស្ថិតនៅកំរៀង កំពុងតែរងការខូចខាត និងកំពុងតែដឹកដីចាក់បំពេញផ្លូវដីដែលជហុកនៅភូមិរោលជ្រូក ដើម្បីសម្រួលក្នុងការធ្វើដំណើររបស់ប្រជាពលរដ្ឋ។
សូមគោរពអរគុណ!

នាថ្ងៃសុក្រ១៣កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែឧសភា ឆ្នាំ២០២៦។ រដ្ឋបាលសង្កាត់ព្រៃវែង បានអនុវត្តន៍ផែនការគណនេយ្យភាពសហគមន៍ ដែលជានិន្នាការរបស់រាជរដ្ឋាភិបាលកម្ពុជា និងមានការជួយគាំទ្រដោយអង្គការទស្សនៈពិភពលោក។ ក្នុងនោះអ្នកស្ម័គ្រចិត្តគណនេយ្យភាពសង្គមសង្កាត់ព្រៃវែងចំនួន៤រូប បានចុះសួរសុខទុកប្រជាពលរដ្ឋនឹងផ្សព្វផ្សាយព័ត៌មានកញ្ចប់ថវិកានិងព័ត៌មានសិទ្ធស្ដង់ដាររបស់សេវាទាំង៣ និងព័ត៌មានកញ្ចប់ថវិកា លើកគ្រួសារក្រីក្រ និងគ្រួសារមានពិការភាព ចំនួន១០គ្រួសារ ដោយក្នុងមួយគ្រួសារទទួលបានសម្ភារៈសម្រាប់ហូបចុក១ថង់ ស្ថិតក្នុងភូមិទាំង៩ ក្នុងសង្កាត់ព្រៃវែង ខណ្ឌដង្កោ រាជធានីភ្នំពេញ ដោយប្រើប្រាស់ថវិកាវិភាជន៍សង្កាត់ ។

នាល្ងាចថ្ងៃព្រហស្បតិ៍ ១២កើត ខែជេស្ឋ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី២៨ ខែឧសភា ឆ្នាំ២០២៦ ។ លោកស្រី ឌី សុខហេង ចៅសង្កាត់ព្រៃវែង ព្រមទាំងមានការចូលរួមពីក្រុមប្រឹក្សាសង្កាត់ មន្រ្តីសង្កាត់ និងជួរភូមិ បាននាំយកលិខិតមរណៈភាព ទឹកសុទ្ធ អង្ករ៥០kg និងថវិកាចំនួន ៤៩០,០០០ រៀល ទៅចូលរួមបុណ្យលោក វ៉ាង វ៉ាន់ អតីតអនុភូមិព្រៃវែងខាងលិច សង្កាត់ព្រៃវែង ខណ្ឌដង្កោ រាជធានៅភ្នំពេញ ទទួលមរណៈភាពដោយរោគាពាធ។

នៅព្រឹកថ្ងៃពុធ ១១កើត ខែជេស្ឋ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី២៧ ខែឧសភា ឆ្នាំ២០២៦ នៅសាលាបឋមសិក្សាទួលសំបូរ ស្ថិតនៅភូមិទួលសំបូរ សង្កាត់ព្រៃវែង ខណ្ឌដង្កោ មានការជួបសំណេះសំណាលអបអរសាទរខួបលើកទី៧៧ កុមារអន្តរជាតិ ០១មិថុនា ខួបលើកទី២៥ ទិវាពិភពលោកប្រឆាំងពលកម្មកុមារ ១២មិថុនា និងទិវាកុមារកម្ពុជា ឆ្នាំ២០២៦ ក្រោមប្រធានបទ(សន្តិភាពជាមូលដ្ឋានគ្រឹះនៃការគោរពនិងកិច្ចគាំពារសិទ្ធិកុមារ) ក្រោមអធិបតីភាព លោកជំទាវ តិមា វិច្ឆិកាល អភិបាលរងនៃគណៈអភិបាលរាជធានីភ្នំពេញ និងជាតំណាងដ៏ខ្ពង់ខ្ពស់របស់ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ,លោកជំទាវ កែវ រ័ត្នតារា សមាជិកក្រុមប្រឹក្សារាជធានី និងជាប្រធាន គ ក ស ក រាជធានីភ្នំពេញ,គណៈកម្មាធិការ គ ក ស ក នៃរដ្ឋបាលរាជធានីភ្នំពេញ,ប្រធាន គ ក ស ក ខណ្ឌដង្កោ,ប្រធានការិយាល័យសង្គមកិច្ច និងសុខុមាលភាពសង្គម,លោក គង់ សំអុល ចៅសង្កាត់រងទី១ លោក លោកស្រី ក្រុមប្រឹក្សាសង្កាត់តំណាងឲ្យលោកស្រីចៅសង្កាត់ មន្ត្រីសង្កាត់ មន្ត្រីបរិស្ថាន និងមានការចូលរួមពីសំណាក់ លោក លោកស្រី ជាមេភូមិ អនុភូមិ សមាជិកភូមិទាំង៣ ព្រមទាំងមានការចូលរួមពីលោកនាយក លោកស្រី នាយិការង លោកគ្រូ អ្នកគ្រូ សិស្សានុសិស្ស សរុបចំនួន២៥០នាក់!
កិច្ចសំណេះសំណាលនៃអង្គប្រជុំរួមមាម:
១/មតិស្វាគមន៍ របស់លោក គង់ សំអុល ចៅសង្កាត់រងទី១ តំណាងឲ្យលោកស្រីចៅសង្កាត់ រាយការណ៍សង្ខេបអំពីសង្កាត់ព្រៃវែង
២/មតិសំណេះសំណាល របស់លោក ជំទាវ
តិមា វិច្ឆិកាល អភិបាលរងរាជធានីភ្នំពេញ
៣/មតិសំណេះសំណាលរបស់លោកជំទាវ កែវ រ័ត្នតារា សមាជិកក្រុមប្រឹក្សារាជភ្នំពេញ និងជាប្រធាន គ ក ស ក រាជធានីភ្នំពេញ
៤/ការប្រគល់វត្ថុអនុស្សាវរីយ៍ដល់សិស្សានុសិស្សមកពីគ្រួសារក្រីក្រចំនួន២០០នាក់។ សូមគោរពអរគុណ!

នាព្រឹកថ្ងៃចន្ទ៩កើត ខែជេស្ឋ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី២៥ ខែឧសភា ឆ្នាំ២០២៦។ លោកស្រី ឌី សុខហេង ប្រធានក្រុមប្រឹក្សាសង្កាត់ព្រៃវែង បានដឹកនាំកិច្ចប្រជុំសាមញ្ញលើកទី៤៨ របស់ក្រុមប្រឹក្សាសង្កាត់ព្រៃវែង អាណត្តិទី៥ ប្រចាំខែឧសភា ឆ្នាំ២០២៦ ដោយមានការចូលរួមពីសមាជិកក្រុមប្រឹក្សា៥រូប ស្មៀនសង្កាត់ លោកនាយរងប៉ុស្តិ៍ និងមេភូមិទាំង៩ សរុបចំនួន១៥រូប ស្រី០៣រូប។
របៀបវារៈនៃកិច្ចប្រជុំមាន៖
១-ពិនិត្យ និងអនុម័លើសេចក្តីព្រាងកំណត់ហេតុកិច្ចប្រជុំលើកទី៤៧ របស់ក្រុមប្រឹក្សាសង្កាត់អាណត្តិទី៥
២-ពិនិត្យ និង អនុម័តលើសេចក្តីព្រាងរបាយការណ៍ប្រចាំខែឧសភា
៣-ការងារសន្តិសុខសណ្ដាប់ធ្នាប់មូលដ្ឋាន
- ការងារបង្រ្កាប Scam online
- បញ្ហាគ្រឿងញៀន ល្បែងស៊ីសង
- បញ្ហាការចាក់ធុងបាស់
៤- សេចក្ដីសម្រេចក្នុងការផ្ដល់បណ្ណសមធម៌ ឬបណ្ណងាយរងហានិភ័យជូនដល់គ្រួសារកងទ័ពជួរមុខ
៥-បញ្ហាផ្សេងៗ
សូមគោរពអរគុណ!

នៅថ្ងៃព្រហស្បតិ៍ ៥កើត ខែជេស្ឋ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី២១ ខែឧសភា ឆ្នាំ២០២៦ ។ លោកស្រី ឌី សុខហេង ចៅសង្កាត់ព្រៃវែង និងក្រុមការងារសង្កាត់ បានសួរសុខទុក្ខប្រជាពលរដ្ឋចំនួន២គ្រួសារ រស់នៅភូមិទួលសំបូរ និងភូមិកំរៀង ដោយក្នុង១គ្រួសារទទួលបានថវិកាចំនួន ១០ម៉ឺនរៀល អង្ករទម្ងន់២៥គីឡូក្រាម និងទឹកសុទ្ធ ១កេស នៅក្នុងរដ្ឋបាលសង្កាត់ព្រៃវែង។ ក្នុងនោះលោក ម៉ម សុវណ្ណ និងលោកស្រី រៀម ចាន់រឿន ក្រុមប្រឹក្សាសង្កាត់ តំណាងលោកស្រី ឌី សុខហេង ចៅសង្កាត់ បានទៅចូលរួមបុណ្យសពប្រជាពលរដ្ឋ ដែលបានទទួលមរណភាព ដោយរោគាពាធ ស្ថិតនៅភូមិកំរៀង សង្កាត់ព្រៃវែង ខណ្ឌដង្កោ រាជធានីភ្នំពេញ ដោយនាំថវិកាចូលរួមបុណ្យសពចំនួន១០ម៉ឺនរៀល អង្ករទម្ងន់២៥គីឡូក្រាម និងទឹកសុទ្ធ១កេស។ សូមគោរពអរគុណ!

នារសៀលថ្ងៃអង្គារ៣កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៩ ខែឧសភា ឆ្នាំ២០២៦។រដ្ឋបាលសង្កាត់ព្រៃវែង បានអនុវត្តន៍ផែនការគណនេយ្យភាពសហគមន៍ ដែលជានិន្នាការរបស់រាជរដ្ឋាភិបាលកម្ពុជា ទទួកបន្ទុកដោយក្រសួងផែនការ និងមានការជួយគាំទ្រដោយអង្គការទស្សនៈពិភពលោក។ ក្នុងនោះអ្នកស្ម័គ្រចិត្តគណនេយ្យភាពសង្គមសង្កាត់ព្រៃវែងចំនួន៤រូប បានចុះប្រជុំផ្សព្វផ្សាយព័ត៌មានកញ្ចប់ថវិកានិងព័ត៌មានសិទ្ធស្ដង់ដាររបស់សេវាទាំង៣ លើក្រុមបុរសដោយមានការចូលរួមពីប្រជាពលរដ្ឋចំនួន១៥នាក់ ស្ថិតក្នុងភូមិទួលសំបូរ សង្កាត់ព្រៃវែង ខណ្ឌដង្កោ រាជធានីភ្នំពេញ ដោយប្រើប្រាស់ថវិកាវិភាជន៍សង្កាត់ ។
សូមគោរពអរគុណ!

នៅព្រឹកថ្ងៃអាទិត្យ ១កើត ខែជេស្ឋ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី១៧ ខែឧសភា ឆ្នាំ២០២៦ រដ្ឋបាលសង្កាត់ព្រៃវែងបានបើកកិច្ចប្រជុំ ស្ដីពីវេទិកាសាធារណៈ ក្រោមការដឹកនាំដោយ លោកស្រី ឌី សុខហេង ចៅសង្កាត់ព្រៃវែង និងមានការចូលរួម ពីលោក លោកស្រីក្រុមប្រឹក្សាសង្កាត់ ស្មៀនសង្កាត់ លោកនាយករងអនុវិទ្យាល័យព្រៃវែង លោកនាយរងប៉ុស្តិ៍ មន្ត្រីប៉ុស្តិ៍ មន្ត្រីសង្កាត់ មន្ត្រីបរិស្ថាន និងលោក លោកស្រី ជួរភូមិទាំង៩ ព្រមទាំងប្រជាពលរដ្ឋ សរុបចំនួន៥០នាក់ ស្រី២៦នាក់ ស្ថិតក្និងភូមិត្រពាំងស្វាយ សង្កាត់ព្រៃវែង ខណ្ឌដង្កោ រាជធានីភ្នំពេញ។
របៀបវារៈនៃកិច្ចប្រជុំរួមមាន:
១/ផ្សព្វផ្សាយពីការងារភូមិ ឃុំ មានសុវត្តិភាព
២/ផ្សព្វផ្សាយការងារអត្តសញ្ញាណបណ្ណហួសសុពលភាព
៣/បញ្ហាផ្សេងៗ
សូមគោរពអរគុណ!

នៅព្រឹកថ្ងៃសៅរ៍ ១៥រោច ខែពិសាខ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី១៦ ខែឧសភា ឆ្នាំ២០២៦ ។រដ្ឋបាលសង្កាត់ព្រៃវែង បានបើកកិច្ចប្រជុំស្ដីពីសន្តិសុខសណ្ដាប់ធ្នាប់មូលដ្ឋាន ដឹកនាំប្រជុំដោយលោក គង់ សំអុល ចៅសង្កាត់រងទី១ លោក ម៉ម សុវណ្ណ ចៅសង្កាត់រងទី២ តំណាងឲ្យលោកស្រី ឌី សុខហេង ចៅសង្កាត់ព្រៃវែង និងមានការចូលពីសំណាក់លោក លោកស្រី ក្រុមប្រឹក្សាសង្កាត់ មន្ត្រីសង្កាត់ មន្ត្រីបរិស្ថាន លោក លោកស្រី ជាមេភូមិ អនុភូមិ សមាជិកភូមិទាំង៩ ព្រមទាំងមានការចូលរួមពីសំណាក់ លោក លោកស្រី ម្ចាស់បុរី តំណាងម្ចាស់បុរី ម្ចាស់ផ្ទះល្វែង ម្ចាស់ឃ្លាំង តំណាងម្ចាស់ឃ្លាំង ម្ចាស់ផ្ទះជួល ម្ចាស់បន្ទប់ជួល សរុបចំនួន៥៥នាក់ ស្រី២៣នាក់!
របៀបវារៈនៃកិច្ចប្រជុំរួមមាន:
១/ បញ្ហាScam Oline(បានចែក និងអានអនុក្រឹត្យលេខ ០៣ អនក្រ.បករបស់រាជរដ្ឋាភិបាលកម្ពុជា ជូនដល់អ្នកចូលរួម)
២/ បញ្ហាល្បែង ស៊ីសង និងគ្រឿងញៀន
៣/ បញ្ហាសន្តិសុខ សណ្ដាប់ធ្នាប់សាធារណៈ
៤/ បញ្ហាការលក់ និងប្រើប្រាស់ទំនិញ (ស្នើសុំបន្តធ្វើពហិកាទំនិញថៃហើយសូមគាំត្រទំនិញក្នុងស្រុក)
៥/ បញ្ហាផ្សេងៗ
សូមគោរពអរគុណ!