ព័ត៌មានច្បាស់លាស់ និងមានទំនុកចិត្ត
ទស្សនះលោកអ៊ុង ថាប់រាំងចាងហ្វាងសារព័ត៌មានខ្មែរជាយដែន ចំណូលពីក្រុមស្គែមគឺជាលុយកខ្វក់ដែលមិនបង្កើតតម្លៃពិតប្រាកដដល់សង្គមឡើយ។នៅពេលអាជ្ញាធរបង្ក្រាបឬក្រុមទាំងនោះរត់ចោលសេដ្ឋកិច្ចមូលដ្ឋាននឹងដួលរលំភ្លាមៗការរីកចម្រើនដែលពឹងផ្អែកលើបទល្មើសគឺជាការបំផ្លាញឱកាសរបស់អ្នកវិនិយោគស្អាតស្អំដែលគេមិនហ៊ានមករកស៊ីនៅតំបន់មានបទល្មើសចុងក្រោយពលរដ្ឋខ្លួនឯងជាអ្នកខាតបង់។
05/14/2026
ទស្សនៈចាងហ្វាងសារព័ត៌មានខ្មែរជាយដែន៖ ចំណូលពីក្រុមស្កែមគឺជា 'លុយកខ្វក់' ដែលមិនបង្កើតតម្លៃពិតប្រាកដដល់សង្គមឡើយ។ នៅពេលអាជ្ញាធរបង្ក្រាប ឬក្រុមទាំងនោះរត់ចោល សេដ្ឋកិច្ចមូលដ្ឋាននឹងដួលរលំភ្លាមៗ។ ការរីកចម្រើនដែលពឹងផ្អែកលើបទល្មើស គឺជាការបំផ្លាញឱកាសរបស់អ្នកវិនិយោគស្អាតស្អំ ដែលគេមិនហ៊ានមករកស៊ីនៅតំបន់មានបទល្មើស ចុងក្រោយពលរដ្ឋខ្លួនឯងជាអ្នកខាតបង់។
ខ្ញុំអ៊ុង ថាប់រាំង ចាងហ្វាងសារព័ត៌មានខ្មែរជាយដែន សូមលើកតំបន់ខ្លះនៃប្រទេសភូមាដែលល្បីល្បាញបំផុតដោយសារក្រុមឧក្រិដ្ឋជនស្កែមអនឡាញ (Cyber Scam Hubs) មកធ្វើជាឧទាហរណ៍៖
១. តំបន់ឡៅកាយ (Laukkaing) ក្នុងរដ្ឋសាន (Shan State)
តំបន់នេះស្ថិតនៅក្នុងតំបន់ស្វយ័តកូកាង (Kokang Self-Administered Zone) ជាប់ព្រំដែនចិន។ វាធ្លាប់ជា "រដ្ឋធានីនៃល្បែងស៊ីសង និងការបោកប្រាស់អនឡាញ" ដ៏ធំបំផុតមួយ។
• ការបំផ្លាញ៖ ការរីកដុះដាលនៃអគារខ្ពស់ៗដែលបម្រើឱ្យការស្កែម បានធ្វើឱ្យតំបន់នេះក្លាយជាកន្លែងបង្ខាំងមនុស្ស និងជួញដូរមនុស្សខុសច្បាប់។
• លទ្ធផលចុងក្រោយ៖ កាលពីចុងឆ្នាំ ២០២៣ និងដើមឆ្នាំ ២០២៤ ក្រោយមានប្រតិបត្តិការ "១០២៧" (Operation 1027) តំបន់នេះបានក្លាយជាសមរភូមិសង្គ្រាមយ៉ាងសាហាវ។ សេដ្ឋកិច្ចដែលធ្លាប់អ៊ូអរដោយសារលុយស្កែម បានដួលរលំទាំងស្រុង ប្រជាជនរាប់ម៉ឺននាក់ភៀសខ្លួន ហើយទីក្រុងទាំងមូលត្រូវរងការខូចខាតដោយសារគ្រាប់កាំភ្លើង។
២. តំបន់មយ៉ាវតី (Myawaddy) ក្នុងរដ្ឋកាយិន (Kayin State)
នេះជាតំបន់ជាប់ព្រំដែនប្រទេសថៃ (ទល់មុខស្រុកម៉ែសត)។ តំបន់នេះល្បីល្បាញដោយសារគម្រោងអភិវឌ្ឍន៍ "ទីក្រុងថ្មី" ដែលបន្លំជាកាស៊ីណូ ប៉ុន្តែធាតុពិតគឺជាមជ្ឈមណ្ឌលស្កែម។
• ទីក្រុង KK Park (KK Park): ជាកន្លែងដែលពិភពលោកស្គាល់ថាជា "ឋាននរកនៃមជ្ឈមណ្ឌលស្កែម"។ មនុស្សរាប់ពាន់នាក់ត្រូវបានគេបង្ខាំងឱ្យធ្វើការបោកប្រាស់តាមអនឡាញ និងទទួលរងការធ្វើទារុណកម្ម។
• ផលប៉ះពាល់៖ តំបន់នេះបានបាត់បង់ឱកាសវិនិយោគស្របច្បាប់ទាំងស្រុង។ ជំនួសមកវិញដោយក្រុមប្រដាប់អាវុធខុសច្បាប់ ការរត់ពន្ធអាវុធ និងគ្រឿងញៀន ដែលធ្វើឱ្យសន្តិសុខមូលដ្ឋានដួលរលំ។
៣. ទីក្រុង Shwe Kokko (Shwe Kokko New City)
ស្ថិតនៅក្បែរទីក្រុងមយ៉ាវតី គឺជាគម្រោងដែលវិនិយោគដោយជនជាតិចិនម្នាក់ (She Zhijiang) ដែលបច្ចុប្បន្នត្រូវបានអាជ្ញាធរចាប់ខ្លួន។
• ផលវិបាក៖ គម្រោងនេះត្រូវបានគេប្រើប្រាស់ដើម្បីលាងលុយកខ្វក់ក្នុងទ្រង់ទ្រាយធំ។ នៅពេលមានការបង្ក្រាប និងសង្គ្រាមស៊ីវិល គម្រោងរាប់ពាន់លានដុល្លារនេះបានក្លាយជាទីក្រុងខ្មោច ឬជាតំបន់គ្រោះថ្នាក់ដែលអ្នកវិនិយោគស្អាតស្អំមិនហ៊ានឈានជើងចូល។
ហេតុអ្វីបានជាសេដ្ឋកិច្ចក្នុងតំបន់ទាំងនេះដួលរលំ?
១. កង្វះទំនុកចិត្ត៖ អ្នកវិនិយោគអន្តរជាតិធំៗមិនហ៊ានមកបោះទុនឡើយ ព្រោះខ្លាចប៉ះពាល់ដល់កេរ្តិ៍ឈ្មោះ និងសុវត្ថិភាព។ ២. អតិផរណាដែលមិនសមហេតុផល៖ នៅពេលលុយស្កែមហូរចូល ច្រើនធ្វើឱ្យតម្លៃដីធ្លី និងទំនិញហក់ឡើងខ្ពស់ហួសពីសមត្ថភាពរបស់ពលរដ្ឋក្នុងស្រុក។ នៅពេលក្រុមស្កែមរត់ចោល តម្លៃទាំងនេះដួលរលំ ធ្វើឱ្យពលរដ្ឋជំពាក់បំណុលវណ្ឌក។ ៣. ការបំផ្លាញធនធានមនុស្ស៖ យុវជនក្នុងតំបន់ងាកទៅធ្វើការឱ្យក្រុមស្កែមដោយសារប្រាក់ខែខ្ពស់ ធ្វើឱ្យពួកគេបាត់បង់ចំណេះដឹង និងជំនាញពិតប្រាកដសម្រាប់កសាងប្រទេសជាតិ។
ឧទាហរណ៍នៅភូមា បានបង្ហាញយ៉ាងច្បាស់ថា "ការរីកចម្រើនលើគំនរស្កែម គឺជាការរីកចម្រើនក្លែងក្លាយ" ដែលចុងក្រោយនាំមកនូវតែសង្គ្រាម ភាពក្រីក្រ និងការបាត់បង់អធិបតេយ្យភាពនៃសេដ្ឋកិច្ចជាតិ។
ពិភពច្បាប់ និងសីលធម៌ចាត់ទុកប្រាក់ក្រុមឧក្រិដ្ឋជនអនឡាញ ជាប្រាក់ស្មោគគ្រោក ព្រោះបានពីទឹកភ្នែក និងការបំផ្លិចបំផ្លាញជីវិតរបស់អ្នកដទៃ។
ក្រុមស្កែមអនឡាញ បានបំបែកខ្លួនពីក្រុមធំៗ មកស្នាក់ក្នុងបន្ទប់តូចៗ កន្លែងខ្លះពួកគេយកហាងការហ្វេ ឬអាហារដ្ឋាន ជាកន្លែងឆបោកអនឡាញ..!
តោះបងប្អូនកូនក្មួយដែលពុំទាន់មានជម្រើសទីតាំងទេសចរណ៍ទៅកម្សាន្ត សាកល្បងទៅកម្សាន្តកោះ៣០។
ពលរដ្ឋបានផ្ញើរវីឌីអូមកសារព័ត៌មានខ្មែរជាយដែននាពេលព្រលប់ថ្ងៃទី12ខែឧសភាឆ្នាំ2026បានរាយការណ៍បញ្ជាក់ប្រាប់ថាមាន រថយន្ថស៊រីទំនើបបានដឹកជញ្ជូនជនបរទេសចម្រុះជាតិសាសន៍បន្តរត់ចេញពីអាគារក្រុងប៉ោយប៉ែតខេត្តបន្ទាយមានជ័យ។
05/13/2026
នៅរសៀលថ្ងៃទី១២ ខែឧសភា ឆ្នាំ២០២៦ ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានប្រគល់រថយន្តអគ្គិសនី ចំនួន ១២គ្រឿង ជូនដល់អគ្គនាយកដ្ឋានពន្ធនាគារ ក្រសួងមហាផ្ទៃ សម្រាប់ដឹកអ្នកទោស នៅបរិវេណទីស្តីការក្រសួងមហាផ្ទៃ។
ឯកឧត្តម សួស យ៉ារ៉ា តំណាងរាស្ត្រមណ្ឌលខេត្តកំពង់ធំ ប្រកាសបញ្ជូនកូនប្រុស ឱ្យចូលអនុវត្តកាតព្វកិច្ចយោធាមុនគេ ដើម្បីបង្ហាញពីតម្លាភាពនៃច្បាប់
-------------
វិមានរដ្ឋសភា ៖ ឯកឧត្តម សួស យ៉ារ៉ា តំណាងរាស្ត្រមណ្ឌលខេត្តកំពង់ធំ និងជាប្រធានគណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាន (គណៈកម្មការទី៥) នៃរដ្ឋសភា បានប្រកាសជាសាធារណៈនូវជំហរដ៏ម៉ឺងម៉ាត់ ក្នុងការគាំទ្រ «ច្បាប់ស្តីពីកាតព្វកិច្ចយោធា»។
ឯកឧត្តមបានបញ្ជាក់ថា នឹងបញ្ជូនកូនប្រុសរបស់ខ្លួន ឱ្យទៅទទួលការហ្វឹកហ្វឺនយោធា ដើម្បីលុបបំបាត់មន្ទិលសង្ស័យ និងបង្ហាញពីតម្លាភាពក្នុងការអនុវត្តច្បាប់រវាងកូនអ្នកមាន កូនអ្នកធំ និងកូនប្រជាពលរដ្ឋទូទៅ។
ឯកឧត្តមបានសង្កត់ធ្ងន់ថា៖ «ច្បាប់កាតព្វកិច្ចយោធានេះ មិនមែនជាការចាប់បង្ខំនោះទេ ប៉ុន្តែវាគឺជាកាតព្វកិច្ចសម្រាប់ពលរដ្ឋគ្រប់រូប ដែលបណ្ដាប្រទេសនានានៅលើសកលលោកបាននិងកំពុងអនុវត្ត ដើម្បីបុព្វហេតុការពារជាតិមាតុភូមិ»។
🌐
ប្រសាសន៍មួយឃ្លាដ៏មានអត្ថន័យរបស់អតីតប្រធានាធិបតីអាមេរិក John F. Kennedy ÷ កុំសួរថាតើប្រទេសរបស់អ្នកអាចធ្វើអ្វីខ្លះឱ្យអ្នក ប៉ុន្តែត្រូវសួរថាតើអ្នកអាចធ្វើអ្វីខ្លះឲ្យប្រទេសរបស់អ្នក។
គោលដៅចំបងនៃការអនុវត្តកាតព្វកិច្ចយោធា គឺការកសាងនូវសង្គមមួយ ដែលប្រកបទៅដោយធនធានមនុស្ស ដែលមានវិន័យ សីលធម៌ សមត្ថភាព មនសិការស្នេហាជាតិខ្ពស់ មានភាពអង់អាចក្លាហាន ឆន្ទៈមោះមុត ដែលត្រៀមខ្លួនរួចជាស្រេចគ្រប់ពេលវេលាណាដែលជាតិត្រូវការ ព្រមទាំងហ៊ានលះបង់គ្រប់បែបយ៉ាង ដើម្បីបុព្វហេតុការពារជាតិ មាតុភូមិ ដោយឥតលក្ខខណ្ឌ។
សមត្ថភាពការពារជាតិរបស់ប្រទេសមួយ មិនមែនអាស្រ័យត្រឹមតែលើ សព្វាវុធនិងគ្រឿងបំពាក់ទំនើបៗនោះទេ។ ប្រទេសជាតិមួយដែលខ្លាំងក្នុងកិច្ចការការពារជាតិ គឺដោយសារមានកងទ័ពដែលពោពេញទៅដោយភាពអង់អាចក្លាហាន មោះមុត ហ៊ានលះបង់គ្រប់បែបយ៉ាងដើម្បីការពារជាតិ ដោយឥតលក្ខខណ្ឌ ព្រមទាំងមានប្រជាជនទាំងមូលនៅពីក្រោយ។
#ហ៊ុនម៉ាណែត
#កម្ពុជា
កម្លាំងអគ្គស្នងការដ្ឋានគរបាលជាតិនិងព្រះរាជអាជ្ញារចុះពិនិត្យបិទអគារបណ្តោះអាសន្ន និងរកឃើញសម្ភារជាច្រើនដែលបម្រើឲ្យសកម្មភាពប្រព្រឹត្តបទល្មើស Online Scams នៅភូមិប្រាសាទឃុំអូរបីជាន់ស្រុកអូរជ្រៅខេត្តបន្ទាយមានជ័យនៅថ្ងៃទី១២ខែឧសភាឆ្នាំ២០២៦។
05/12/2026
កាស៉ីណូមួយកន្លែងទៀត នៅខេត្តព្រះសីហនុ ត្រូវបានដកហូតអាជ្ញាបណ្ណ ដោយសារពាក់ព័ន្ធបទល្មើស Online Scams
(ភ្នំពេញ)៖ អគ្គលេខាធិការដ្ឋានគណៈកម្មការគ្រប់គ្រងល្បែងពាណិជ្ជកម្មកម្ពុជា (គ.ល.ក.) បានសម្រេចដកហូតអាជ្ញាបណ្ណកាស៉ីណូ ស៊ីន ហៅភីក របស់ក្រុមហ៊ុន ញូ ភីក អេនធើធេនម៉ិន ឯ.ក ស្ថិតនៅភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ ដែលមានពាក់ព័ន្ធនឹងសកម្មភាពឆបោកតាមប្រព័ន្ធបច្ចេកវិទ្យា (Online Scams)។ នេះបើតាមសេចក្តីប្រកាសព័ត៌មានរបស់ គ.ល.ក. ដែលបណ្តាញព័ត៌មមាន Fresh News ទទួលបាននៅថ្ងៃទី១២ ខែឧសភា ឆ្នាំ២០២៦នេះ។
សូមជម្រាបថា កាលពីថ្ងៃទី៨ ខែឧសភា ឆ្នាំ២០២៦, អគ្គលេខាធិការដ្ឋាន នៃ គ.ល.ក. បានចូលរួមប្រតិបត្តិការជាមួយគណៈបញ្ជាការឯកភាពរដ្ឋបាលខេត្តព្រះសីហនុ ក្រោមការសម្របសម្រួលនីតិវិធីពីតំណាងអយ្យការអមសាលាដំបូងខេត្តព្រះសីហនុ ដើម្បីចុះឆែកឆេរទីតាំង កាស៊ីណូខាងលើ ដោយក្នុងប្រតិបត្តិការចុះឆែកឆេរនេះ, កម្លាំងសមត្ថកិច្ច បានត្រួតពិនិត្យអគារចំនួន ៣ ស្ថិតក្នុងបរិវេណកាស៊ីណូ និងឃាត់ខ្លួនមនុស្សសរុបចំនួន ១៣ នាក់ (ចិន ១២នាក់ និងខ្មែរ ១ នាក់) ព្រមទាំងប្រមូលបានវត្ថុតាងមួយចំនួន ដូចជាធុងកុំព្យូទ័រចំនួន ៣៤ គ្រឿង, កុំព្យូទ័រ All-In-One ចំនួន ៥១៧គ្រឿង និងទូរស័ព្ទដៃចំនួន ៣ ៧៩៥ គ្រឿង។
លទ្ធផលនៃការពិនិត្យលើកុំព្យូទ័រ និងទូរស័ព្ទ ដែលកំពុងប្រតិបត្តិការលើតុបង្ហាញថាមានការរៀបចំ សកម្មភាពឆបោកតាមប្រព័ន្ធបច្ចេកវិទ្យា៕
ខាងក្រោមនេះជាសេចក្តីប្រកាសព័ត៌មានរបស់ គណៈកម្មការគ្រប់គ្រងល្បែងពាណិជ្ជកម្មកម្ពុជា៖