LY Chheng, Founder and Director-General of BELTEI Group

អបអរសាទរ កម្មវិធីសិក្សាបន្ថែមទី២ (កម្មវិធីបង្កើនចំណេះដឹងទូទៅ) ក្នុងចំណោមកម្មវិធីសិក្សាបន្ថែមធំៗទាំង១២ របស់សាលា ប៊ែលធី អន្តរជាតិ ក្រោមប្រធានបទ “ការយល់ដឹងអំពីបេឡាជាតិសន្តិសុខសង្គម (ប.ស.ស.) និងផ្នែកប្រាក់សោធន” សម្រាប់សិស្សានុសិស្សផ្នែកចំណេះទូទៅថ្នាក់ទី១២ ចំនួន ២,៩៦១ នាក់។
=======================
សាលា ប៊ែលធី អន្តរជាតិ បានរៀបចំកម្មវិធីសិក្សាបន្ថែម (កម្មវិធីបង្កើនចំណេះដឹងទូទៅ) ក្រោមប្រធានបទ «ការយល់ដឹងអំពីបេឡាជាតិសន្តិសុខសង្គម (ប.ស.ស.) និងផ្នែកប្រាក់សោធន» ក្រោមអធិបតីភាព ឯកឧត្តម លី ប៊ុនឆៃ អគ្គនាយករង ប៊ែលធី គ្រុប និងជាប្រធានគណៈគ្រប់គ្រងនាយកសាខា ដែលមានការអញ្ជើញចូលរួមជាវាគ្មិនកិត្តិយសដោយ លោក សុក បូរ៉ា ប្រធាននាយកដ្ឋានតាវកាលិក នៃបេឡាជាតិសន្តិសុខសង្គម នៃក្រសួងការងារ និងបណ្តុះបណ្តាលវិជ្ជាជីវៈ ជូនដល់សិស្សានុសិស្សថ្នាក់ទី១២ នៅតាមបណ្ដាសាខា នៃសាលា ប៊ែលធី អន្តរជាតិទាំង ៣២ទីតាំង សរុបចំនួន ២,៩៦១ នាក់ ដោយមានការចូលរួមតាមបែបចម្រុះ (ចូលរួមដោយផ្ទាល់នៅសាលសហសិក្សានៃសាលា ប៊ែលធី អន្តរជាតិទី៩-សាខាស្ទឹងមានជ័យ ចំនួន ៣៩៩ នាក់ និងចូលរួមពីចម្ងាយតាមរយៈប្រព័ន្ធអេឡិចត្រូនិក Zoom Workplace & Telegram Channel Live Stream ចំនួន ២,៥៦២ នាក់)។

កម្មវិធីនេះរៀបចំឡើងក្នុងគោលបំណង៖
១.ផ្តល់ចំណេះដឹងជាមូលដ្ឋានអំពីអត្ថប្រយោជន៍ និងលក្ខណៈពិសេសរបស់បេឡាជាតិសន្តិសុខសង្គម(ប.ស.ស) ស្ដីពីរបបហានិភ័យការងារ របបថែទាំសុខភាព និងរបបប្រាក់សោធន។
២.បង្កើនការយល់ដឹងអំពីសិទ្ធិ កាតព្វកិច្ច និងអត្ថប្រយោជន៍ដែលសមាជិកអាចទទួលបានពីរបបសន្តិសុខសង្គម (ប.ស.ស)។
៣.ផ្ដល់ឱកាសឱ្យសិស្សានុសិស្សបានយល់ដឹងអំពីប្រព័ន្ធប្រាក់សោធន លក្ខខណ្ឌនៃការទទួលបាន និងសារៈសំខាន់នៃការត្រៀមផែនការហិរញ្ញវត្ថុ ។
៤.ជំរុញការចូលរួម និងការប្រើប្រាស់សេវាសន្តិសុខសង្គមឱ្យមានប្រសិទ្ធភាព និងត្រឹមត្រូវ ព្រមទាំងរួមចំណែកលើកកម្ពស់សុខុមាលភាព និងសុវត្ថិភាពសង្គម។
៥.ជួយឱ្យសិស្សានុសិស្សបានត្រៀមខ្លួនរួចជាស្រេច សម្រាប់ឈានចូលក្នុងវិស័យការងារបន្ទាប់ពីបញ្ចប់ការសិក្សានៅថ្នាក់វិទ្យាល័យ និងថ្នាក់មហាវិទ្យាល័យ។

គួរបញ្ជាក់ផងដែរថា កម្មវិធីបង្កើនចំណេះដឹងទូទៅគឺជាកម្មវិធីសិក្សាបន្ថែមទី២ ក្នុងចំណោមកម្មវិធីសិក្សាបន្ថែមធំៗទាំង១២ លើកម្មវិធីសិក្សារបស់ក្រសួងអប់រំដែលមានស្រាប់រួមមាន៖
១- កម្មវិធីសិក្សាតាមប្រព័ន្ធអេឡិចត្រូនិក (BELTEI IS App)
២- កម្មវិធីបង្កើនចំណេះដឹងទូទៅ
៣- កម្មវិធីទស្សនកិច្ចសិក្សា
៤- កម្មវិធីប្រកួតប្រជែងនិយាយជាសាធារណៈ
៥- កម្មវិធីប្រកួតជជែកដេញដោល
៦- កម្មវិធីប្រកួតប្រជែងសំណេរ
៧- កម្មវិធីប្រកួតប្រជែងគណិតវិទ្យា
៨- កម្មវិធីប្រកួតប្រជែងអំណានអប់រំ
៩- កម្មវិធីប្រកួតប្រជែងទេពកោសល្យ
១០- កម្មវិធីសិក្សាតាមទូរទស្សន៍
១១- កម្មវិធីកីឡា
១២- កម្មវិធីអប់រំស្ទែម-ស្ទីម និងរ៉ូបូទិក

អបអរសាទរសិក្ខាសាលាផ្សព្វផ្សាយស្តីពី «ឱកាសសិក្សានៅសាកលវិទ្យាល័យភាសាបរទេសប៉េកាំង(Beijing Foreign Studies University)» ដែលមានសិស្សានុសិស្សនៃសាលា ប៊ែលធី អន្តរជាតិទី៩ (សាខាស្ទឹងមានជ័យ) ចូលរួមចំនួន ៤៤៣ នាក់!
=======================
សាលា ​ប៊ែលធី អន្ដរជាតិ និងប៊ែលធី ទំនាក់ទំនង អន្តរជាតិ បានសហការជាមួយ សាកលវិទ្យាល័យភាសាបរទេសប៉េកាំង រៀបចំសិក្ខាសាលាផ្សព្វផ្សាយស្តីពី «ឱកាសសិក្សានៅសាកលវិទ្យាល័យភាសាបរទេសប៉េកាំង(Beijing Foreign Studies University)» ជូនគណៈគ្រប់គ្រង លោកគ្រូ-អ្នកគ្រូ ប្អូនៗសិស្សានុសិស្សភាសាចិន និងប្អូនៗសិស្សានុសិស្សថ្នាក់ទី១០-១២ ចំនួន ៤៤៣ នាក់ ដឹកនាំដោយ លោក ដូ ប៉ូឡូ ជំនួយការផ្ទាល់ និងជាប្រធានការិយាល័យភាសាចិនទូទៅ តំណាងដ៏ខ្ពង់ខ្ពស់ ឯកឧត្តម លី ប៊ុនឆៃ អគ្គនាយករង ប៊ែលធី គ្រុប​ និងជាប្រធានគណៈគ្រប់គ្រងនាយកសាខា ហើយក៏មានការអញ្ជើញធ្វើបទបង្ហាញពីសំណាក់ កញ្ញា HUANG TAO និងកញ្ញា Dolores ដែលជាប្រធានគម្រោងកម្មវិធីសិក្សាអន្តរជាតិ (International Program Supervisor) ពីសាកលវិទ្យាល័យភាសាបរទេសប៉េកាំង (Beijing Foreign Studies University) ព្រមទាំងលោក លី ថុង នាយកសាខា នៃសាលា ប៊ែលធី អន្តរជាតិទី៩ (សាខាស្ទឹងមានជ័យ) ផងដែរ។

សិក្ខាសាលាផ្សព្វផ្សាយនេះរៀបចំឡើងក្នុងគោលបំណងដូចខាងក្រោម៖
១. ផ្តល់ព័ត៌មានជាក់ស្តែងអំពីឱកាសសិក្សា និងអាហារូបករណ៍នៅសាកលវិទ្យាល័យភាសាបរទេសប៉េកាំង
២.​លើកទឹកចិត្តសិស្សានុសិស្សឱ្យមានការចាប់អារម្មណ៍ក្នុងការបន្តការសិក្សានៅសាធារណរដ្ឋប្រជាមានិតចិន
៣. ពង្រីកចំណេះដឹង និងទស្សនវិស័យអន្តរជាតិរបស់សិស្សានុសិស្សតាមរយៈការសិក្សាភាសាបរទេស និងការផ្លាស់ប្តូរវប្បធម៌
៤. បង្កើនការយល់ដឹងអំពីកម្មវិធីសិក្សា បរិយាកាសសិក្សា និងជីវភាពរស់នៅរបស់និស្សិតអន្តរជាតិនៅប្រទេសចិន
៥. ពង្រឹងកិច្ចសហប្រតិបត្តិការ និងទំនាក់ទំនងវិស័យអប់រំរវាងសាលា ប៊ែលធី អន្តរជាតិ និងសាកលវិទ្យាល័យភាសាបរទេសប៉េកាំង
៦. ជំរុញ និងត្រៀមសិស្សានុសិស្សឱ្យមានភាពរួចរាល់សម្រាប់ការសិក្សានៅថ្នាក់ឧត្តមសិក្សា និងការអភិវឌ្ឍខ្លួនជាពលរដ្ឋអន្តរជាតិនាពេលអនាគត។

សិក្ខាសាលានេះ ធ្វើឡើងនៅថ្ងៃសុក្រ ៦កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២២ ខែឧសភា ឆ្នាំ២០២៦ នៅសាលសហសិក្សា នៃសាលា ប៊ែលធី អន្តរជាតិទី៩ (សាខាស្ទឹងមានជ័យ)។
——————
热烈祝贺“北京外国语大学留学机会推介会”圆满举行，共有443名贝蒂国际学校第9校区（宋仁芷校区）学生参加！
===================
贝蒂国际学校与贝蒂国际关系联合北京外国语大学，共同举办“北京外国语大学留学机会推介会”，面向管理层、老师们、中文学生以及十至十二年级j柬文普通教育学生，共约443人参加。本次活动由副总裁阁下特助兼贝蒂国际学校中文部主任——林金林(DO POLO)先生，代表贝蒂集团副总裁兼贝蒂国际学校校区主管总监李文才阁下出席主持。同时，北京外国语大学国际项目主管（International Program Supervisor）黄涛女士与Dolores女士应邀出席并进行专题讲座。此外，贝蒂国际学校第9校区（宋仁芷校区）校区主管李通先生也出席了本次活动。

本次推介会举办目的如下：
1. 为学生提供关于北京外国语大学留学机会及奖学金项目的真实资讯；
2. 鼓励学生积极赴中华人民共和国继续深造学习；
3. 通过外语学习与文化交流，拓展学生的知识面与国际视野；
4. 增强学生对中国高校课程体系、学习环境及国际学生在华生活情况的了解；
5. 加强贝蒂国际学校与北京外国语大学之间的教育合作与交流关系；
6. 激励并帮助学生为未来高等教育学习及成为国际化人才做好准备；

本次推介会于2026年05月22日，在贝蒂国际学校第9校区（宋仁芷校区）大礼堂隆重举行。

អបអរសាទរកម្មវិធីចែករំលែកបទពិសោធន៍ ជូនដល់និស្សិតឆ្នាំទី១ ឆមាសទី២ គ្រប់វេនសិក្សានៃសាកលវិទ្យាល័យ ប៊ែលធី អន្តរជាតិ សរុបចំនួន ៤,១៧០ អង្គ/នាក់ លើប្រធានបទ “ភាពជាអ្នកដឹកនាំ-Leadership”
=======================
ចូលរួមធ្វើជាវាគ្មិនកិត្តិយសក្នុងកម្មវិធីចែករំលែកបទពិសោធន៍ (Experience Sharing Program) ដើម្បីធ្វើបទបង្ហាញចែករំលែកបទពិសោធន៍ផ្ទាល់ខ្លួន និងចំណេះដឹងមួយចំនួនលើប្រធានបទ “ភាពជាអ្នកដឹកនាំ - Leadership” ជូនដល់ក្មួយៗ ជានិស្សិតថ្នាក់បរិញ្ញាបត្រឆ្នាំទី១ ឆមាសទី២ (វេនរសៀល) ចំនួន ៤០១ អង្គ/នាក់ មកពីមហាវិទ្យាល័យទាំង១៣ នៃសាកលវិទ្យាល័យ ប៊ែលធី អន្តរជាតិ។ ក្នុងនោះ និស្សិតចូលរួមផ្ទាល់នៅសាលសន្និសីទ ចំនួន ១៧០ អង្គ/នាក់ សម្រាប់ទីតាំងទី១-ទួលស្លែង និងចូលរួមពីចម្ងាយតាមរយៈប្រព័ន្ធអេឡិកត្រូនិក (Zoom Cloud Meeting) ចំនួន ២៣១ អង្គ/នាក់ សម្រាប់ទីតាំងទី២-ស្ពានអាកាសចោមចៅ។
ការចែករំលែកបទពិសោធន៍នារសៀលនេះ បានផ្តោតលើចំណុច ៣សំខាន់ៗ រួមមាន៖
១-តើភាពជាអ្នកដឹកនាំគឺជាអ្វី? - What is Leadership?
២-អ្នកដឹកនាំទាំង ៣ប្រភេទ - 3 Types of Leaders
៣-ប្រវត្តិនៃការអប់រំនៅកម្ពុជា និងពិភពលោក - The History of Education in Cambodia and in the World ។
សូមជម្រាបជូនថា កម្មវិធីចែករំលែកបទពិសោធន៍ (Experience Sharing Program) នេះ ត្រូវបានសាកលវិទ្យាល័យ ប៊ែលធី អន្តរជាតិ រៀបចំឡើងយ៉ាងសម្រិតសម្រាំងសម្រាប់និស្សិតតាមឆ្នាំសិក្សានីមួយៗ ដើម្បីបានស្តាប់ និងទទួលបាននូវចំណេះដឹងថ្មីៗ ដើម្បីរត់ឱ្យទាន់ការរីកចម្រើនរបស់សង្គមជាតិ និងពិភពលោកក្នុងសម័យឌីជីថល (Digital Era)។ ជាពិសេស ទទួលបាននូវបទពិសោធន៍ជាក់ស្តែងពីវាគ្មិនកិត្តិយសសំខាន់ៗ ដែលអញ្ជើញមកពីគ្រប់វិស័យ ទាំងវិស័យអប់រំ ច្បាប់ ពាណិជ្ជកម្ម ទំនាក់ទំនងអន្តរជាតិ ភាពជាអ្នកដឹកនាំ និងបុគ្គលដែលទទួលបានជោគជ័យ នៅក្នុងអាជីពរបស់ខ្លួននាពេលកន្លងមក។ល។ ទន្ទឹមគ្នានេះ និស្សិតទាំងអស់អាចយកចំណេះដឹងថ្មីៗ និងបទពិសោធន៍ល្អៗទាំងអស់នោះ សម្រាប់ការពិចារណា ក៏ដូចជាឈ្វេងយល់អំពីចំណុចខ្សោយ ចំណុចខ្លាំង និងជ្រើសរើសយកចំណុចណាល្អៗ ដើម្បីយកទៅរៀបចំដំណើរជីវិតការងារ និងអាជីពរបស់ខ្លួន ឱ្យទទួលបានជោគជ័យបន្ថែមទៀតនាពេលអនាគត។
កម្មវិធីនេះ បានប្រព្រឹត្តទៅនារសៀលថ្ងៃសុក្រ ៦កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២២ ខែឧសភា ឆ្នាំ២០២៦៕

ចូលរួមពិធីប្រកាសទទួលស្គាល់សមាសភាពក្រុមការងារ ស.ស.យ.ក. វិស័យវប្បធម៌ និងវិចិត្រសិល្ប: ក្រោមអធិបតីភាព ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា។ ពិធីនេះ ក៏មានការអញ្ជើញចូលរួមពី លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ព្រមទាំងឯកឧត្តម លោកជំទាវ សមាជិក សមាជិកា គណៈអចិន្រ្តៃយ៍ និងឯកឧត្តម លោកជំទាវ សមាជិក សមាជិកា គណៈកម្មាធិការកណ្តាល ព្រមទាំង សមាជិក សមាជិកា ស.ស.យ.ក. វិស័យវប្បធម៌ និងវិចិត្រសិល្ប: ចំនួនប្រមាណជាង ៥០០រូប ។

ពិធីនេះ បានប្រព្រឹត្តទៅនារសៀលថ្ងៃព្រហស្បតិ៍ ៥កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២១ ខែឧសភា ឆ្នាំ២០២៦ នៅសាលសន្និសីទចតុម្មុខ ៕

Day of Reckoning - ដាស់ស្មារតីជាតិ
​​​​​​​==================
សាកលវិទ្យាល័យ ប៊ែលធី អន្តរជាតិ សហការជាមួយ សហភាពសហព័ន្ធយុវជនកម្ពុជា (ស.ស.យ.ក.) បានរៀបចំកម្មវិធីជំនួបជាមួយនិស្សិតសាកលវិទ្យាល័យ ប៊ែលធី អន្តរជាតិ ដើម្បីផ្ដល់ព័ត៌មានស្ដីពីការរៀបចំកម្មវិធី «ដាស់ស្មារតីជាតិ» ក្រោមអធិបតីភាព ឯកឧត្តមបណ្ឌិត សាន វឌ្ឍនា សមាជិកគណៈកម្មាធិការកណ្តាល សហភាពសហព័ន្ធយុវជនកម្ពុជា និងជាប្រធាន ក្រុមការងារខ្លឹមសារ នៃកម្មវិធី «ដាស់ស្មារតីជាតិ»។ កម្មវិធីនេះក៏មានការអញ្ជើញចូលរួមពី ថ្នាក់ដឹកនាំ បុគ្គលិក សាស្រ្តាចារ្យ និងនិស្សិតសាកលវិទ្យាល័យ ប៊ែលធី អន្តរជាតិ សរុបចំនួន ៧៥០នាក់។

សូមជម្រាបជូនផងដែរថា កម្មវិធីនេះត្រូវបានរៀបចំឡើងក្នុងគោលបំណង ដើម្បីឱ្យនិស្សិត និងយុវជន យល់ដឹងអំពីយុទ្ធនាការ «ដាស់ស្មារតីជាតិ» ឬ «Day of Reckoning» ជាយុទ្ធនាការដែលរៀបចំឡើង ដើម្បីចងក្រង និងផ្សព្វផ្សាយឱ្យសាធារណជន ជាពិសេសយុវជនជំនាន់ក្រោយបានដឹង និងចងចាំទុក អំពីបទពិសោធន៍​និងរឿងរ៉ាវ ជាមេរៀនដែលកម្ពុជាបានឆ្លងកាត់ក្នុងឆ្នាំ២០២៥។

កម្មវិធិនេះ បានប្រព្រឹត្តទៅនាថ្ងៃព្រហស្បតិ៍ ៥កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២១ ខែឧសភា ឆ្នាំ២០២៦ នៅសាកលវិទ្យាល័យ ប៊ែលធី អន្តរជាតិ ទីតាំងទិ១-ទួលស្លែង។

និស្សិតនារី សាកលវិទ្យាល័យ ប៊ែលធី អន្តរជាតិ ចំនួន ៥០នាក់ ចូលរួមសិក្ខាសាលា ស្តីពី “រួមគ្នាលើកកម្ពស់សីលធម៌តាមរយៈការផ្សព្វផ្សាយ” នៅទីស្តីការក្រសួងព័ត៌មាន ក្រោមអធិបតីភាព ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន
=======================
នេះជាសកម្មភាពរបស់និស្សិតមហាវិទ្យាល័យ ព័ត៌មានវិទ្យា និងវិទ្យាសាស្ត្រ នៃសាកលវិទ្យាល័យ ប៊ែលធី អន្តរជាតិ ចំនួន ៥០នាក់ បានចូលរួមសិក្ខាសាលា ស្តីពី “រួមគ្នាលើកកម្ពស់សីលធម៌តាមរយៈការផ្សព្វផ្សាយ” នៅទីស្តីការក្រសួងព័ត៌មាន ក្រោមអធិបតីភាព ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន។ សិក្ខាសាលានេះ រៀបចំឡេីងក្នុងគោលបំណងផ្សព្វផ្សាយសេចក្តីណែនាំអន្តរក្រសួង ដើម្បីជំរុញការលើកកម្ពស់វប្បធម៌ ប្រពៃណី ទំនៀមទម្លាប់ និងសីលធម៌ ដ៏ផូរផង់របស់ជាតិខ្មែរ ជាពិសេសថែរក្សាកិត្តិយស សេចក្តីថ្លៃថ្នូរ និងគុណតម្លៃស្ត្រី ក្នុងបរិបទនៃការរីកចម្រើនផ្នែកឌីជីថល និងប្រព័ន្ធផ្សព្វផ្សាយ

កម្មវិធីនេះបានប្រព្រឹត្តនៅថ្ងៃពុធ ៤កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២០ ខែឧសភា ឆ្នាំ២០២៦ នៅទីស្តីការក្រសួងព័ត៌មាន រាជធានីភ្នំពេញ។

“អបអរសាទរ! ពិធីក្រុងពាលី និងសូត្រមន្តបុកគ្រឹះសាងសង់អគារសាកលវិទ្យាល័យ ប៊ែលធី អន្ដរជាតិ ទីតាំងទី៣ (ទួលពង្រ) លើផ្ទៃដី ១១ហិតា ស្ថិតនៅអគារលេខ៦៥៨៥ ផ្លូវបេតុង ភូមិត្រពាំងរំចេក សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ (តាមផ្លូវប្រឡាយ ក្រោយផ្សារទួលពង្រប្រហែល ៣០០ម៉ែត្រ) ដែលអាចទទួលនិស្សិតឱ្យចូលសិក្សាបានប្រមាណ ៥០,០០០នាក់ (ប្រាំម៉ឺននាក់)"
=======================
ចូលរួមជាអធិបតីក្នុងពិធីក្រុងពាលី និងសូត្រមន្តប្រោះព្រំបើកការដ្ឋានបុកគ្រឹះសាងសង់អគារសាកលវិទ្យាល័យ ប៊ែលធី អន្ដរជាតិ ទីតាំងទី៣ (ទួលពង្រ) លើផ្ទៃដី ១១ហិតា ដែលស្ថិតនៅអគារលេខ៦៥៨៥ ផ្លូវបេតុង ភូមិត្រពាំងរំចេក សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ (តាមផ្លូវប្រឡាយ ក្រោយផ្សារទួលពង្រប្រហែល ៣០០ម៉ែត្រ)។ ពិធីនេះ ក៏មានការអញ្ជើញចូលរួមពីសំណាក់ អគ្គនាយករង-អគ្គនាយិការង នៃប៊ែលធី គ្រុប ភ្ញៀវកិត្តិយសអន្តរជាតិ ព្រមទាំងថ្នាក់ដឹកនាំនៃប៊ែលធី គ្រុប សាកលវិទ្យាធិការរង ព្រឹទ្ធបុរសនៃសាកលវិទ្យាល័យ ប៊ែលធី អន្តរជាតិ និងនាយកសាខា នៃសាលា ប៊ែលធី អន្តរជាតិ ផងដែរ។

សូមជម្រាបជូនផងដែរថា អគារសាកលវិទ្យាល័យ ប៊ែលធី អន្ដរជាតិ ទីតាំងទី៣ ដែលកំពុងសាងសង់នេះ ត្រូវបានរចនាឡើងតាមបែបទំនើប ស្របតាមស្តង់ដារអន្តរជាតិ ដែលសាងសង់លើផ្ទៃដីសរុប ១១ហិតា មានទីធ្លាធំទូលាយ បរិយាកាសល្អ សុវត្ថិភាព និងផាសុកភាពសម្រាប់និស្សិត ជាមួយនឹងការបំពាក់នូវសម្ភារៈសិក្សាទំនើបៗ ដើម្បីបំពេញតម្រូវការសិក្សា ស្រាវជ្រាវ និងការអភិវឌ្ឍជំនាញរបស់និស្សិត ឱ្យកាន់តែមានប្រសិទ្ធភាព និងគុណភាពខ្ពស់ ស្របតាមការរីកចម្រើនរបស់សង្គមជាតិ និងការវិវឌ្ឍនៃបច្ចេកវិទ្យានាសម័យឌីជីថល។ ជាពិសេស សាកលវិទ្យាល័យ ទីតាំងទី៣នេះ នឹងដើរតួនាទីយ៉ាងសំខាន់ក្នុងការរួមចំណែកអភិវឌ្ឍវិស័យអប់រំកម្ពុជា និងផ្តល់ឱកាសសិក្សាកាន់តែងាយស្រួលជូនដល់និស្សិតនៅក្នុងប្រទេស និងជុំវិញពិភពលោក។

បច្ចុប្បន្ន សាកលវិទ្យាល័យ ប៊ែលធី អន្តរជាតិ មានចំនួន ៣ទីតាំង រួមមាន៖

-សាកលវិទ្យាល័យ ប៊ែលធី អន្តរជាតិ ទីតាំងទី១-ទួលស្លែង ស្ថិតនៅអគារលេខ២១ ផ្លូវលេខ៣៦០ សង្កាត់បឹងកេងកង៣ ខណ្ឌបឹងកេងកង រាជធានីភ្នំពេញ (ខាងត្បូងសារមន្ទីរទួលស្លែង១០០ម៉ែត្រ)
-សាកលវិទ្យាល័យ ប៊ែលធី អន្តរជាតិ
ទីតាំងទី២-ស្ពានអាកាសចោមចៅ ស្ថិតនៅអគារលេខ១៥១ ផ្លូវជាតិលេខ៣ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ (ចម្ងាយប្រហែល ៥០០ម៉ែត្រ ពីស្ពានអាកាសចោមចៅ)
-សាកលវិទ្យាល័យ ប៊ែលធី អន្តរជាតិ
ទីតាំងទី៣-ទួលពង្រ (កំពុងសាងសង់ លើផ្ទៃដី ១១ហិតា ស្ថិតនៅអគារលេខ៦៥៨៥ ផ្លូវបេតុង ភូមិត្រពាំងរំចេក សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ (តាមផ្លូវប្រឡាយ ក្រោយផ្សារទួលពង្រប្រហែល ៣០០ម៉ែត្រ)។

ពិធីនេះ បានប្រព្រឹត្តទៅនាព្រឹកថ្ងៃព្រហស្បតិ៍ ៥កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២១ ខែឧសភា ឆ្នាំ២០២៦៕

ការអប់រំត្រូវផ្សារភ្ជាប់ សីលធម៌ និងគុណធម៌
…………………………..
មូលនិធិសប្បុរសធម៌ ប៊ែលធី (BELTEI Charity) បានបរិច្ចាគថវិកាចំនួន ២០,០០០,០០០ រៀល (ម្ភៃលានរៀល) ជូនមន្ទីរពេទ្យគន្ធបុប្ផាកម្ពុជា ដែលបានមកពីការរៀបចំកម្មវិធីសង្រ្កាន្តសាកលវិទ្យាល័យ ប៊ែលធី អន្តរជាតិ ឆ្នាំ២០២៦
=======================
ឯកឧត្តម លី ណាវុឌ្ឍ សាកលវិទ្យាធិការ នៃសាកលវិទ្យាល័យ ប៊ែលធី អន្តរជាតិ បានដឹកនាំថ្នាក់ដឹកនាំ គណៈគ្រប់គ្រង នៃសាកលវិទ្យាល័យ ប៊ែលធី អន្តរជាតិ លោក អេឡិចច័ន្ទត្រា លោក King Chi ជាសិល្បៈករខ្មែរ និងយុវជនស្ម័គ្រចិត្ត ស.ស.យ.​ក. កាយរឹទ្ធិ និងកាកបាទក្រហមកម្ពុជា បានអញ្ជើញជួបសំណេះសំណាល សួរសុខទុក្ខ និងបាននាំយកថវិកាមូលនិធិសប្បុរសធម៌ ប៊ែលធី ដែលបានមកពីការរៀបចំកម្មវិធីសង្រ្កាន្តសាកលវិទ្យាល័យ ប៊ែលធី អន្តរជាតិ ចំនួន ២០,០០០,០០០ (ម្ភៃលានរៀល) បរិច្ចាគជូនមូលនិធិ មន្ទីពេទ្យគន្ធបុប្ផាកម្ពុជា ក្នុងការបន្តបេសកកម្មផ្ដល់សេវាពិនិត្យ និងព្យាបាលទារក និងកុមារ ដោយឥតគិតថ្លៃ ប្រកបដោយគុណភាព និងមិនមានការរើសអើង។

ការបរិច្ចាគថវិកាមូលនិធិសប្បុរសធម៌នេះប្រព្រឹត្តិទៅនាថ្ងៃពុធ ៤កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២០ ខែឧសភា ឆ្នាំ២០២៦ នៅមន្ទីរពេទ្យគន្ធបុប្ផា។