28/10/2025
ឯកឧត្ដម ឆាយ វីរៈ អភិបាលរងរាជធានីភ្នំពេញ តំណាងដ៏ខ្ពង់ខ្ពស់ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ បាននាំយកអំណោយដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ឧបត្ថម្ភដល់មន្រី្តនគរបាលបង្ការពន្លត់អគ្គីភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ ដែលជួបឧបទ្ទវហេតុក្នុងពេលកំពុងជួយពន្លត់អគ្គីភ័យ និងសង្រ្គោះបងប្អូនប្រជាពលរដ្ឋ ដែលរងគ្រោះថ្នាក់កាលពីយប់ថ្ងៃទី២៥ ខែតុលា ឆ្នាំ២០២៥នេះ។
28/10/2025
ក្រុមការងារព័ត៌មាន និងប្រតិកម្មរហ័សរបស់ការិយាល័យនគរបាលបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ សូមបំភ្លឺជូនសាធារណជនឲ្យបានជ្រាបថា ដោយមានគណនេយ្យអាខោន TikTok មួយឈ្មោះ San នឹងបានដាក់នៅផ្លាកសញ្ញាអក្សរឡូហ្គោ ការិយាល័យនគរបាលបង្ការពន្លត់អគ្គិភ័យ និងសង្គ្រោះ ដែលកំពុងតែធ្វើការបង្ហោះវិដេអូសម្មភាពពន្លត់អគ្គិភ័យ នៅពេលមានករណីអគ្គិភ័យកើតឡើង។
ជុំវិញករណីខាងលេីនេះ ការិយាល័យនគរបាលបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ សូមធ្វេីការបញ្ជាក់ជូនសាធារណៈជន ក៏ដូចជាប្រព័ន្ធផ្សព្វផ្សាយឲ្យបានជ្រាបថា ចំពោះគណនេយ្យអាខោន TikTok មួយឈ្មោះ San ខាងលេីនេះ មិនមែនជារបស់ការិយាល័យយេីងខ្ញុំទេ។ ដូច្នេះ សូមសាធារណៈជន ក៏ដូចជាប្រព័ន្ធផ្សព្វផ្សាយ មេត្តាជ្រាបជាដំណឹង។
ការិយាល័យនគរបាលបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ សូមជ្រាបជូនដល់បុគ្គលខាងលើ ត្រូវធ្វើការដូររូបថតចេញជាបន្ទាន់ ក្នុងករណីមិនព្រមធ្វើការដូររូបខាងលើនេះចេញទេ កម្លាំងសមត្ថកិច្ចយើងនឹងចាត់វិធានការតាមផ្លូវច្បាប់ផងដែរ៕
26/10/2025
អគ្គិភ័យឆាបឆេះផ្ទះប្រជាពលរដ្ឋ មួយកន្លែង យ៉ាងសន្ធោសន្ធៅ បង្កការភ្ញាក់ផ្អើលជាខ្លាំងដល់ប្រជាពលរដ្ឋ និងសមត្ថកិច្ចហៅរថយន្តពន្លត់អគ្គិភ័យចេញជួយអន្តរាគមន៍។ ហេតុការណ៍នេះបានកើតឡើងនៅវេលាម៉ោង ១១និង០០នាទីយប់ ថ្ងៃទី២៥ ខែតុលា ឆ្នាំ២០២៥ ស្ថិតនៅចំណុចផ្ទះលេខ៩៣អា ផ្លូវ២៤៧ ក្រុមទី១ ភូមិ១ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ។
លោកវរសេនីយ៍ឯក ព្រហ្ម យ៉ន នាយការិយាល័យនគរបាលបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានបញ្ជាក់ថា ដោយមានការអនុវត្តតាមបទបញ្ជារបស់ ឯកឧត្ដម ឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានណែនាំដល់កម្លាំងជំនាញការិយាល័យនគរបាលបង្ការពន្លត់អគ្គិភ័យ និងសង្គ្រោះ ត្រូវធ្វើការយកចិត្តទុកដាក់ខ្ពស់នៅក្នុងប្រតិបត្តិការជួយសង្គ្រោះប្រជាពលរដ្ឋឲ្យបានទាន់ពេលវេលា។
ដោយទទួលបានបទបញ្ជាខាងលេីនេះ លោកវរសេនីយ៍ឯក ព្រហ្ម យ៉ន នាយការិយាល័យ បានដឹកនាំបញ្ជាផ្ទាល់ដល់កងកម្លាំងសមត្ថកិច្ចជំនាញ ឲ្យចេញជួយអន្តរាគមន៍បាញ់ទឹកពន្លត់ឲ្យទាន់ពេលវេលា កុំឲ្យមានការឆាបឆេះបន្តដល់ផ្ទះដែលនៅក្បែរនោះ។
លោកវរសេនីយ៍ឯក ព្រហ្ម យ៉ន បានបន្តថា ដោយនៅក្នុងប្រតិបត្តិការខាងលើនេះ កម្លាំងសមត្ថកិច្ចជំនាញ បានប្រើប្រាស់រថយន្តពន្លត់អគ្គិភ័យចំនួន២៣គ្រឿង ក្នុងនោះរថយន្តការិយាល័យរាជធានីភ្នំពេញ ចំនួន១៨គ្រឿង ប្រើប្រាស់ទឹកអស់៣៦ឡាន ស្មើរនឹង១៤៤ម៉ែត្រគូប, រថយន្តរបស់ទីក្រុងជ្រោយចង្វារ ចំនួន០៣គ្រឿង ប្រើប្រាស់ទឹកអស់០២ឡាន ស្មើរនឹង១២ម៉ែត្រគូប និងរថយន្តរបស់បុរី ប៉េង ហួត ចំនួន០២គ្រឿង ប្រើប្រាស់ទឹកអស់០១ឡាន ស្មើរនឹង០៦ម៉ែត្រគូប។
លោកវរសេនីយ៍ឯក ព្រហ្ម យ៉ន បានបន្តទៀតថា ដោយឡែកប្រភេទសំណង់ ជាប្រភេទ ថ្មបេតុង ទំហំ ៤ម៉ែត្រ x ១៤ម៉ែត្រ។ ឆេះខូចខាតផ្ទះថ្ម ទំហំ ៤ម៉ែត្រ x ១៤ម៉ែត្រ ចំនួន០៣ល្វែង រួមមាន ម៉ូតូចំនួន០៤គ្រឿង និងសម្ភារៈអេតចាយអស់ទាំងស្រុង។ ចំពោះ ករណីអគ្គិភ័យខាងលើនេះ ត្រូវបានកម្លាំងសមត្ថកិច្ចជំនាញរបស់យើងគ្រប់គ្រងបានទាំងស្រុងនៅម៉ោង ១និង០០នាទីយប់រំលងអាធ្រាយឈានចូលថ្ងៃទី២៦ ខែឆ្នាំដដែរ។
ចំពោះហេតុការណ៍គ្រោះអគ្គិភ័យនេះ កម្លាំងសមត្ថកិច្ចជំនាញកំពុងតែធ្វើការស្រាវជ្រាវផងដែរ។ ដោយនៅក្នុងករណីនេះ បានបណ្តាលឲ្យមនុស្សចំនួន០២នាក់ស្លាប់ និងមនុស្សចំនួន០៣នាក់ទៀតរងរបួសធ្ងន់ស្រាល៕
25/10/2025
អគ្គិភ័យឆាបឆេះទីតាំងលក់គ្រឿងតុបតែងរថយន្ត មួយកន្លែង យ៉ាងសន្ធោសន្ធៅ បង្កការភ្ញាក់ផ្អើលជាខ្លាំងដល់ប្រជាពលរដ្ឋ និងសមត្ថកិច្ចហៅរថយន្តពន្លត់អគ្គិភ័យចេញជួយអន្តរាគមន៍។ ហេតុការណ៍នេះបានកើតឡើងនៅវេលាម៉ោង ១១និង៤០នាទីយប់ ថ្ងៃទី២៥ ខែតុលា ឆ្នាំ២០២៥ ស្ថិតនៅចំណុចផ្ទះលេខ៤០៨ ផ្លូវ៥៨P ភូមិដីថ្មី សង្កាត់គោកឃ្លាង ខណ្ឌសែនសុខ រាជធានីភ្នំពេញ។
លោកវរសេនីយ៍ឯក ព្រហ្ម យ៉ន នាយការិយាល័យនគរបាលបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានបញ្ជាក់ថា ដោយមានការអនុវត្តតាមបទបញ្ជារបស់ ឯកឧត្ដម ឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានណែនាំដល់កម្លាំងជំនាញការិយាល័យនគរបាលបង្ការពន្លត់អគ្គិភ័យ និងសង្គ្រោះ ត្រូវធ្វើការយកចិត្តទុកដាក់ខ្ពស់នៅក្នុងប្រតិបត្តិការជួយសង្គ្រោះប្រជាពលរដ្ឋឲ្យបានទាន់ពេលវេលា។
ដោយទទួលបានបទបញ្ជាខាងលេីនេះ លោកវរសេនីយ៍ឯក ព្រហ្ម យ៉ន នាយការិយាល័យ បានដឹកនាំបញ្ជាផ្ទាល់ដល់កងកម្លាំងសមត្ថកិច្ចជំនាញ ឲ្យចេញជួយអន្តរាគមន៍បាញ់ទឹកពន្លត់ឲ្យទាន់ពេលវេលា កុំឲ្យមានការឆាបឆេះបន្តដល់ផ្ទះដែលនៅក្បែរនោះ។
លោកវរសេនីយ៍ឯក ព្រហ្ម យ៉ន បានបន្តថា ដោយនៅក្នុងប្រតិបត្តិការខាងលើនេះ កម្លាំងសមត្ថកិច្ចជំនាញ បានប្រើប្រាស់រថយន្តពន្លត់អគ្គិភ័យចំនួន០២គ្រឿង ក្នុងនោះរថយន្តការិយាល័យរាជធានីភ្នំពេញ ចំនួន០២គ្រឿង ប្រើប្រាស់ទឹកអស់០២ឡាន ស្មើរនឹង០៨ម៉ែត្រគូប។
លោកវរសេនីយ៍ឯក ព្រហ្ម យ៉ន បានបន្តទៀតថា ដោយឡែកប្រភេទសំណង់ ជាប្រភេទ ថ្មបេតុង ទំហំ ៤ម៉ែត្រ x ១៨ម៉ែត្រ។ ឆេះខូចខាតឃ្លាំងដាក់សម្ភារៈគ្រឿងតុបតែងរថយន្ត ទំហំ ៤ម៉ែត្រ x ៨ម៉ែត្រ អស់ទាំងស្រុង ដោយគិតជាទឹកប្រាក់ប្រមាណជាង ១ម៉ឺនដុល្លា ហើយពុំបណ្តាលឲ្យឆេះរាលដាលដល់អ្នកក្បែរខាងឡើយ។ ចំពោះ ករណីអគ្គិភ័យខាងលើនេះ ត្រូវបានកម្លាំងសមត្ថកិច្ចជំនាញរបស់យើងគ្រប់គ្រងបានទាំងស្រុងនៅម៉ោង ១២និង៤០នាទីយប់រំលងអាធ្រាយឈានចូលថ្ងៃទី២៦ ខែឆ្នាំដដែរ។
ចំពោះហេតុការណ៍គ្រោះអគ្គិភ័យនេះ កម្លាំងសមត្ថកិច្ចជំនាញបានធ្វើការស្រាវជ្រាវរកឃើញថា គឺបណ្តាលមកពីការឆ្លងចរន្តអគ្គីសនីបង្ករជាអគ្គិភ័យ។ ដោយនៅក្នុងករណីនេះ គ្មានមនុស្សស្លាប់ និងរងរបួសនោះឡើយ៕
24/10/2025
ដោយមានការអនុញ្ញាតពី ឯកឧត្ដម ឧត្ដមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការរាជធានីភ្នំពេញ លោកវរសេនីយ៍ឯក ព្រហ្ម យ៉ន នាយការិយាល័យនគរបាលបង្ការពន្លត់អគ្គិភ័យ និងសង្គ្រោះ បានចាត់តាំងឲ្យលោកវរសេនីយ៍ទោ អ៊ុំ ចន្ថា នាយរងការិយាល័យ, លោកវរសេនីយ៍ទោ ពៅ ពុទ្ធី នាយរងការិយាល័យ, លោកវរសេនីយ៍ទោ កាំង សុគន្ធ នាយរងការិយាល័យ, លោកវរសេនីយ៍ទោ គង់ ថូ នាយរងការិយាល័យ, លោកវរសេនីយ៍ទោ អ៊ុំ ប៊ុនធឿន នាយរងការិយាល័យ រួមទាំងមន្ត្រីចំនួន២១រូប បានចុះផ្សព្វផ្សាយអប់រំណែនាំការងារបង្ការពន្លត់អគ្គិភ័យ និងសង្គ្រោះ នៃការិយាល័យនគរបាលបង្ការពន្លត់ បានចុះណែនាំប្រជាពលរដ្ឋ ស្ថិតនៅចំណុចបុរី ជីប ម៉ុង ៦០ម៉ែត្រ សង្កាត់ជើងឯក ខណ្ឌដង្កោ, សង្កាត់ជ្រោយចង្វារ ខណ្ឌជ្រោយចង្វារ, សង្កាត់ដង្កោ ខណ្ឌដង្កោ, សង្កាត់ទន្លេបាសាក់ ខណ្ឌចំការមន, បុរី ជីប ម៉ុង ៥៩៨ សង្កាត់ច្រាំងចំរេះទី២ ខណ្ឌឬស្សីកែវ ដែលមានប្រជាពលរដ្ឋចូលរួមចំនួន៤១ទីតាំង និងមានប្រជាពលរដ្ឋចំនួន៧៥នាក់ ជាប្រភេទផ្ទះស្នាក់នៅ, ប្រភេទអាជីវកម្ម ឲ្យបានយល់ដឹងពីគ្រោះថ្នាក់អគ្គិភ័យ ក៏ដូចជាណែនាំអំពីវិធីបង្ការ នឹងវិធីសង្គ្រោះបឋមរួមមាន៖
១-របៀបប្រេីប្រាស់បំពង់ពន្លត់អគ្គិភ័យ នឹងត្រួតពិនិត្យបំពង់ពន្លត់អគ្គិភ័យ។
២-ណែនាំប្រជាពលរដ្ឋអំពីការប្រេីប្រាស់ហ្គាស នឹងប្រពន្ធ័ អគ្គីសនី ឬសារធាតុផ្សេងៗ ដែលអាចបង្កឲ្យកេីតមានគ្រោះថ្នាក់អគ្គិភ័យ។
៣-ដាស់តឿនក្រេីនរំលឹកប្រជាពលរដ្ឋ មុនពេលចាកចេញពីលំនៅដ្ឋានឲ្យពិនិត្យលេីការបិទបារ៉ែតភ្លេីង បិទប្រព័ន្អហ្គាស នឹងពន្លត់ធូបទៀន។
៤-ណែនាំឲ្យបុគ្គលិក-កម្មករ ឲ្យបានដឹងអំពីវិធីជំលៀសខ្លួនពេលមានហេតុការណ៍អគ្គិភ័យ នឹងសង្គ្រោះបឋម។
18/10/2025
ដោយមានការអនុញ្ញាតពី ឯកឧត្ដម ឧត្ដមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការរាជធានីភ្នំពេញ នាព្រឹកថ្ងៃសុក្រ ១០រោច ខែអស្សុជ ឆ្នាំម្សាញ់ សប្កស័ក ព.ស ២៥៦៩ ត្រូវនឹងថ្ងៃទី១៧ ខែតុលា ឆ្នាំ២០២៥នេះ លោកឧត្តមសេនីយ៍ទោ ស៊ុម សុឃីម ស្នងការរង ទទួលផែនការងារអាវុធជាតិផ្ទុះ និងអគ្គិភ័យ បានចាត់ឲ្យលោកវរសេនីយ៍ឯក ព្រហ្ម យ៉ន នាយការិយាល័យនគរបាលបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំេពញ ដោយក្នុងនោះ មានការអញ្ជេីញចូលរួមពីលោកវរសេនីយ៍ទោ គង់ ថូ នាយរងការិយាល័យ, លោកវរសេនីយ៍ទោ អ៊ុំ ប៊ុនធឿន នាយរងការិយាល័យ, លោកវរសេនីយ៍ទោ ឯម គឹមហ៊ុល នាយរងការិយាល័យ និងលោកវរសេនីយ៍ទោ ញ៉ូង ចាន់ធី នាយរងការិយាល័យ និងមន្ត្រីជំនាញ ដេីម្បីធ្វេីការហ្វឹកហាត់ និងបង្រៀនអំពីជំនាញពន្លត់អគ្គិភ័យដល់សិស្សនិស្សិតយោធាកម្ពុជា និងសិស្សនិស្សិតយោធាបរទេសចំនួន៦០នាក់ ដែលកំពុងសិក្សានៅសាកលវិទ្យាល័យការពារជាតិ។
ដោយនៅក្នុងនោះដែរ មានការអញ្ជេីញចូលរួមដោយលោកឧត្តមសេនីយ៍ឯក ស្រី វាស្នា សាកលវិទ្យាធិការរង, លោកឧត្តមសេនីយ៍ត្រី វ៉ាន់ វុទ្ធី នាយករង, លោកវរសេនីយ៍ឯក ឃឹម សុឃឿន សេនាធិការហ្វឹកហ្វឺន និងនិស្សិតយោធាកម្ពុជា និងនិស្សិតយោធាបរទេសចំនួន៦០នាក់ ដេីម្បីធ្វេីការហ្វឹកហាត់ និងរៀនអំពីជំនាញពន្លត់អគ្គិភ័យផងដែរ។
ជាមួយគ្នានេះដែរ លោកវរសេនីយ៍ឯក ព្រហ្ម យ៉ន នាយការិយាល័យនគរបាលបង្ការពន្លត់អគ្គិភ័យ និងសង្គ្រោះ ក៏ធ្វេីបទបង្ហាញអំពីជំនាញពន្លត់អគ្គិភ័យទៅដល់និស្សិតយោធកម្ពុជា និងនិស្សិតយោធាបរទេសចំនួន៦០នាក់ ដេីម្បីស្វែងយល់អំពីជំនាញប្រតិបត្តិការជួយសង្គ្រោះ នៅេពលដែលមានគ្រោះអគ្គិភ័យកេីតឡេីង។
ក្រោយពីបានបង្រៀនអំពីជំនាញទ្រីស្តីរួចមក នៅរសៀលថ្ងៃដដែរនេះ គឺលោកវរសេនីយ៍ឯក ព្រហ្ម យ៉ន នាយការិយាល័យ ក៏បានអនុញ្ញាតឲ្យសិស្សនិស្សិតយោធាកម្ពុជា និងសិស្សនិស្សិតយោធាបរទេសចំនួន៦០នាក់ខាងលេី ធ្វេីការអនុវត្តជាក់ស្តែងនៅជំនាញពន្លត់អគ្គិភ័យនេះ ដោយមានការប្រេីប្រាស់អំពីការ ដុតភ្លេីង ធ្លាយធុងហ្គាស់ និងដុតសម្ភារៈមួយចំនួនទៀត ដេីម្បីឲ្យសិស្សនិស្សិតយោធាកម្ពុជា និងសិស្សនិស្សិតយោធាបរទេសចំនួន៦០នាក់ ធ្វេីការអនុវត្តអំពីជាក់ស្តែងផងដែរ។
ក្រោយពីបិទបញ្ចប់ការហ្វឹកហាត់ និងបង្រៀនទ្រីស្តីរួចមក ថ្នាក់ដឹកនាំទាំងអស់គ្នា បានធ្វើការថតរូបអនុស្សាវរីយ៍ជុំគ្នាផងដែរ៕
17/10/2025
ដោយមានការអនុញ្ញាតពី ឯកឧត្ដម ឧត្ដមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការរាជធានីភ្នំពេញ នាព្រឹកថ្ងៃសុក្រ ១០រោច ខែអស្សុជ ឆ្នាំម្សាញ់ សប្កស័ក ព.ស ២៥៦៩ ត្រូវនឹងថ្ងៃទី១៧ ខែតុលា ឆ្នាំ២០២៥ ដឹកនាំដោយលោកវរសេនីយ៍ទោ គង់ ថូ នាយរងការិយាល័យ, លោកវរសេនីយ៍ទោ អ៊ុំ ប៊ុនធឿន នាយរងការិយាល័យ, លោកវរសេនីយ៍ទោ ពៅ ពុទ្ធី នាយរងការិយាល័យ, លោកវរសេនីយ៍ទោ អ៊ុំ ចន្ថា នាយរងការិយាល័យ, លោកវរសេនីយ៍ទោ កាំង សុគន្ធនាយរងការិយាល័យ រួមទាំងមន្ត្រីចំនួន២១រូប បានចុះផ្សព្វផ្សាយអប់រំណែនាំការងារបង្ការពន្លត់អគ្គិភ័យ និងសង្គ្រោះ នៃការិយាល័យនគរបាលបង្ការពន្លត់ បានចុះណែនាំប្រជាពលរដ្ឋ ស្ថិតនៅចំណុចសង្កាត់ទន្លេបាសាក់ ខណ្ឌចំការមន, បុរី ជីបម៉ុង ៥៩៨ សង្កាត់ច្រាំងចំរេះទី២ ខណ្ឌឬស្សីកែវ, សង្កាត់បឹងរាំង ខណ្ឌដូនពេញ, បុរី ជីបម៉ុង ២៧១ សង្កាត់ចាក់អង្រែលេី ខណ្ឌមានជ័យ, សង្កាត់ដង្កោ ខណ្ឌដង្កោ ដែលមានប្រជាពលរដ្ឋចូលរួមចំនួន៤៨ទីតាំង និងមានប្រជាពលរដ្ឋចំនួន៧៥នាក់ ជាប្រភេទផ្ទះស្នាក់នៅ, ប្រភេទអាជីវកម្ម ឲ្យបានយល់ដឹងពីគ្រោះថ្នាក់អគ្គិភ័យ ក៏ដូចជាណែនាំអំពីវិធីបង្ការ នឹងវិធីសង្គ្រោះបឋមរួមមាន៖
១-របៀបប្រេីប្រាស់បំពង់ពន្លត់អគ្គិភ័យ នឹងត្រួតពិនិត្យបំពង់ពន្លត់អគ្គិភ័យ។
២-ណែនាំប្រជាពលរដ្ឋអំពីការប្រេីប្រាស់ហ្គាស នឹងប្រពន្ធ័ អគ្គីសនី ឬសារធាតុផ្សេងៗ ដែលអាចបង្កឲ្យកេីតមានគ្រោះថ្នាក់អគ្គិភ័យ។
៣-ដាស់តឿនក្រេីនរំលឹកប្រជាពលរដ្ឋ មុនពេលចាកចេញពីលំនៅដ្ឋានឲ្យពិនិត្យលេីការបិទបារ៉ែតភ្លេីង បិទប្រព័ន្អហ្គាស នឹងពន្លត់ធូបទៀន។
៤-ណែនាំឲ្យបុគ្គលិក-កម្មករ ឲ្យបានដឹងអំពីវិធីជំលៀសខ្លួនពេលមានហេតុការណ៍អគ្គិភ័យ នឹងសង្គ្រោះបឋម។
16/10/2025
ដោយមានការអនុញ្ញាតពី ឯកឧត្ដម ឧត្ដមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការរាជធានីភ្នំពេញ នាព្រឹកថ្ងៃព្រហស្បតិ៍្ត ៩រោច ខែអស្សុជ ឆ្នាំម្សាញ់ សប្កស័ក ព.ស ២៥៦៩ ត្រូវនឹងថ្ងៃទី១៦ ខែតុលា ឆ្នាំ២០២៥ ដឹកនាំដោយលោកវរសេនីយ៍ទោ ជូ លាងអេង នាយរងការិយាល័យ រួមទាំងមន្ត្រីចំនួន០៦រូប បានចុះផ្សព្វផ្សាយអប់រំណែនាំការងារបង្ការពន្លត់អគ្គិភ័យ និងសង្គ្រោះ នៃការិយាល័យនគរបាលបង្ការពន្លត់ បានចុះណែនាំប្រជាពលរដ្ឋ ស្ថិតនៅចំណុចបុរី ប៉េង ហួតបឹងស្នោ ផ្លូវជាតិលេខ១ សង្កាត់វាលស្បូវ ខណ្ឌច្បារអំពៅ ដែលមានប្រជាពលរដ្ឋចូលរួមចំនួន០៦ទីតាំង និងមានប្រជាពលរដ្ឋចំនួន១០នាក់ ជាប្រភេទផ្ទះស្នាក់នៅ, ប្រភេទអាជីវកម្ម ឲ្យបានយល់ដឹងពីគ្រោះថ្នាក់អគ្គិភ័យ ក៏ដូចជាណែនាំអំពីវិធីបង្ការ នឹងវិធីសង្គ្រោះបឋមរួមមាន៖
១-របៀបប្រេីប្រាស់បំពង់ពន្លត់អគ្គិភ័យ នឹងត្រួតពិនិត្យបំពង់ពន្លត់អគ្គិភ័យ។
២-ណែនាំប្រជាពលរដ្ឋអំពីការប្រេីប្រាស់ហ្គាស នឹងប្រពន្ធ័ អគ្គីសនី ឬសារធាតុផ្សេងៗ ដែលអាចបង្កឲ្យកេីតមានគ្រោះថ្នាក់អគ្គិភ័យ។
៣-ដាស់តឿនក្រេីនរំលឹកប្រជាពលរដ្ឋ មុនពេលចាកចេញពីលំនៅដ្ឋានឲ្យពិនិត្យលេីការបិទបារ៉ែតភ្លេីង បិទប្រព័ន្អហ្គាស នឹងពន្លត់ធូបទៀន។
៤-ណែនាំឲ្យបុគ្គលិក-កម្មករ ឲ្យបានដឹងអំពីវិធីជំលៀសខ្លួនពេលមានហេតុការណ៍អគ្គិភ័យ នឹងសង្គ្រោះបឋម។
24/10/2025
18/10/2025
17/10/2025
16/10/2025