Sroy Socheath - ស្រូយ សុជាតិ

អបអរសាទរ ព្រះ​រាជ​ពិធី​ច្រត់​ព្រះ​នង្គ័ល (Royal Ploughing Ceremony)

ព្រះរាជពិធីច្រត់ព្រះនង្គ័ល គឺត្រូវបានធ្វើឡើងក្នុងគោលបំណងផ្សងមើលប្រផ្នូលរបស់ស្រុកទេស ទៅតាមការបរិភោគរបស់ «គោឧសភរាជ»។ ព្រះរាជពិធីបុណ្យនេះ ក៏ជាការដាស់តឿនក្រើនរម្លឹក ដល់ប្រជាពលរដ្ឋខ្មែរ ដែលពឹងផ្អែកលើការធ្វើកសិកម្មជាចម្បងនោះ ឱ្យបានដឹងថា រដូវធ្វើស្រែចម្ការបានចូលមកដល់ហើយ។

ថ្ងៃអង្គារ ៤រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែឧសភា ឆ្នាំ២០២៦

-ថ្នាលឌីជីថល និងបណ្ដាញសង្គមយុវជន៖
https://linktr.ee/dgy.moeys.gov.kh

#ព្រះរាជពិធីច្រត់ព្រះនង្គ័ល

សេចក្ដីជូនដំណឹង ឱកាសមាសសម្រាប់យុវសិស្សកម្ពុជា!

ក្រសួងអប់រំ យុវជន និងកីឡា ត្រូវការជ្រើសរើសយុវសិស្សកម្រិតវិទ្យាល័យចំនួន ០៨ រូប ដើម្បីចូលរួមកម្មវិធី "អ្នកដឹកនាំយុវជនអាស៊ី ២០២៦" (Asian Youth Leaders 2026) ដែលនឹងប្រព្រឹត្តទៅនៅខេត្តអូគីណាវ៉ា និងទីក្រុងតូក្យូ ប្រទេសជប៉ុន។

កុំឱ្យខកខានឱកាសក្នុងការចូលរួមវគ្គសិក្សា ផ្លាស់ប្ដូរបទពិសោធ និងកិច្ចពិភាក្សារវាងយុវជនមកពីបណ្ដាប្រទេសនានា នៅលើទឹកដីនៃប្រទេសជប៉ុន។

📩ដាក់ពាក្យ៖ https://forms.gle/iqBKEyQ3HYWV9Yni8
🗓️ឈប់ទទួលពាក្យ៖ ថ្ងៃទី១២ ខែឧសភា ឆ្នាំ២០២៦ (ត្រឹមម៉ោង ១៧:០០ រសៀល)
📍ស្វែងយល់បន្ថែមអំពីកម្មវិធី៖ https://aeon1p.or.jp/1p/en/ (Aeon 1% Club Foundation)
📧 សម្រាប់ព័ត៌មានបន្ថែម៖ សូមទាក់ទងតាមរយៈអ៊ីមែល [email protected]

ឱកាសជាកាយរឹទ្ធិស្ម័គ្រចិត្ត បានមកដល់ហើយ..!
#ការប្រកួតក្រុមភ្លេងកាយរឹទិ្ធថ្នាក់ជាតិលើកទី៣

កាយរឹទ្ធិជាតិកម្ពុជា ប្រកាសជ្រើសរើសកាយរឹទ្ធិស្ម័គ្រចិត្ត ៨៧នាក់ ដើម្បីចូលរួមការងារស្ម័គ្រចិត្តនៅក្នុងកម្មវិធីការប្រកួតភ្លេងកាយរឹទ្ធិថ្នាក់ជាតិលើកទី៣ ក្រោមប្រធានបទ "ភ្លេងកាយរឹទ្ធិ ដើម្បីសន្តិភាពនិងការអភិវឌ្ឍ" នឹងប្រព្រឹត្តទៅចាប់ពីថ្ងៃទី១៤ ដល់១៦ ខែមិថុនា ឆ្នាំ២០២៦ នៅរាជធានីភ្នំពេញ។

I-លក្ខខណ្ឌជ្រើសរើស៖
១-ជាកាយរឹទ្ធិជំទង់ ទាំងពីរភេទ ត្រូវមានអាយុចាប់ពី ១៦ឆ្នាំឡើង
២-ជាកាយរឹទ្ធិរៀមច្បង ទាំងពីរភេទ ត្រូវមានចន្លោះអាយុចាប់ពី ១៨ឆ្នាំ ដល់ ២៥ឆ្នាំ
៣-ត្រូវមានទំនួលខុសត្រូវ ចេះធ្វើការងារជាក្រុម និងពេលវេលាគ្រប់គ្រាន់ក្នុងការបំពេញការងារ
៤-ត្រូវមានកាយសម្បទាមាំមួន និងសុខភាពល្អបរិបូណ៌ទាំងកាយសម្បទានិងសតិបញ្ញា។

II-ការដាក់ពាក្យតាមរយៈតំណរភ្ជាប់៖ https://forms.gle/E19xUogQjEvGzDsd6

III-កាលបរិច្ឆេទទទួលពាក្យចាប់ពីថ្ងៃជូនដំណឹងនេះតទៅ និងបិទការទទួលពាក្យត្រឹមថ្ងៃទី១៧ ខែឧសភា ឆ្នាំ២០២៦។

លោកជំទាវប្រធានការងារប្រតិបត្តិ អញ្ជើញចូលរួមជាមួយទស្សនកិច្ចសិក្សា របស់ក្រុមគ្រួសារក្លឹប”មនសិការពលរដ្ឋល្អ» ខេត្តសៀមរាប នៅប្រាសាទបេងមាលា ក្នុងខេត្តសៀមរាប

ក្រុមការងារនៃកម្មវិធី”មនសិការពលរដ្ឋល្អ» ខេត្តសៀមរាប នៅព្រឹកថ្ងៃទី១ ខែឧសភា ឆ្នាំ២០២៦ បានរៀបចំដំណើរទស្សនកិច្ចសិក្សាដ៏មានសារៈសំខាន់មួយ សម្រាប់ប្អូនៗសមាជិកសមាជិកាក្លឹប”មនសិការពលរដ្ឋល្អ» មកពីវិទ្យាល័យគោលដៅនានាប្រមាណជាង៦០០នាក់ ក្នុងបរិវេណនៃប្រាសាទបេងមាលា។ ដំណើរទស្សនកិច្ចសិក្សានេះរៀបចំឡើងក្នុងគោលបំណងដើម្បីអនុញ្ញាតឱ្យបងប្អូនក្រុមការងារ និងប្អូនៗសមាជិកក្លឹបមានឱកាសបានចូលទស្សនាប្រាង្គប្រាសាទបុរាណខ្មែរ សិក្សាអំពីប្រវត្តិសាស្រ្ត បណ្តុះនូវមនសិការគោរពស្រឡាញ់ និងការកោតស្ញប់ស្ញែងចំពោះគុណបំណាច់បុព្វបុរសជំនាន់មុន និងគំនិតនាវានុវត្តន៍ថ្មីសម្រាប់យុវជនក្នុងការងារការពារបេតិភណ្ឌ និងផ្សព្វផ្សាយអំពីទេសចរណ៍ជាតិ។

គប្បីជម្រាបជូនផងដែរថា ប្រាសាទបេងមាលា ត្រូវបានកសាងក្នុងរាជ្យនៃព្រះបាទសូរ្យវរ្ម័នទី២ ដែលជាគំរូស្ថាបត្យកម្មដែលមានរចនាសម្ព័ន្ធដ៏សម្បើម និងដែលបានកសាងដោយប្រើប្រាស់ផ្ទាំងថ្មធំៗ និងមានក្បាច់រចនាដ៏ល្អវិចិត្រ។ ក្នុងពេលទស្សនា
ប្អូនៗសមាជិកក្លិប”មនសិការពលរដ្ឋល្អ” ត្រូវបានបែងចែកជាក្រុមតូចៗដើម្បីធ្វើដំណើរសិក្សាឈ្វេងយល់ដោយមានមគ្គុទេសណែនាំផង ព្រមជាមួយនឹងសកម្មភាពកត់ត្រាឆ្លើយតបទៅនឹងកម្រងសំនួរដែលក្រុមការងារបានរៀបចំផង។

”មនសិការពលរដ្ឋល្អ” l ឧសភា ២០២៦

សមាជិកសមាជិកាក្លិប”មនសិការពលរដ្ឋល្អ” ខេត្តកំពង់ចាម បានបំពេញទស្សនកិច្ចសិក្សានៅរមណីយដ្ឋានភ្នំសន្ទុក និងរមណីយដ្ឋានប្រាសាទសំបូរព្រៃគុក ខេត្តកំពង់ធំ

ពេញមួយថ្ងៃនៃថ្ងៃទី៣០ ខែមេសា ឆ្នាំ២០២៦ ក្រោមការយកចិត្តទុកដាក់របស់ឯកឧត្តមអភិបាលនៃគណៈអភិបាលខេត្ត និងក្រុមការងារ”មនសិការពលរដ្ឋល្អ” ខេត្តកំពង់ចាម បានរៀបចំដំណើរទស្សនកិច្ចសិក្សាសម្រាប់ប្អូនៗសមាជិកសមាជិកាក្លិប”មនសិការពលរដ្ឋល្អ” ទាំងអស់នៃខេត្តកំពង់ចាម ដើម្បីបានបំពេញទស្សនកិច្ចសិក្សានៅរមណីយដ្ឋានភ្នំសន្ទុក ដែលជាទីតាំងជាប់ទាក់ទងនឹងរឿងនីទានព្រេងខ្មែរ និងរមណីយដ្ឋានប្រាសាទសំបូរព្រៃគុក ដែលជាគឺជាអតីតរាជធានីឦសានបុរៈ នៃអាណាចក្រចេនឡាក្នុង ចន្លោះ ចុងសតវត្សទី៦ ដើមសតវត្សទី៧នៃគ្រឹស្តសករាជ។

ជាកិច្ចចាប់ផ្តើមនៃដំណើរទស្សនកិច្ចសិក្សានាឱកាសនេះ លោកជំទាវ ស្រូយ សុជាតិ ប្រធានប្រតិបត្តិ និងលោកជំទាវ ទេព កូលាប ប្រធានក្រុមការងារថ្នាក់ជាតិនៃកម្មវិធី”មនសិការពលរដ្ឋល្អ” ចុះជួយខេត្តកំពង់ចាម បានជួបសំណេះសំណាល់ ប្រាស្រ័យទាក់ទងដោយផ្ទាល់ជាមួយប្អូនៗសមាជិកក្លឹប និងបានបង្ហាញនូវមនោសញ្ចេតនាសប្បាយរីករាយដែលបានចូលរួមជាមួយប្អូនៗ សមាជិកក្លិប និងលោកលោកស្រីក្រុមការងារគម្រោងថ្នាក់ខេត្ត ក្នុងកម្មវិធីប្រកបដោយគុណតម្លៃនាឱកាសនេះ។ ព្រមជាមួយគ្នានេះ លោកជំទាវ បានផ្តល់អនុសាសន៍ណែនាំ ឱ្យប្អូនៗគ្រប់រូបមានសេចក្តីព្យាយាមបើទោះធ្វើដំណើរក្រោមកម្តៅថ្ងៃ សង្វាតខិតខំត្រងត្រាប់ កត់ត្រានូវចំនុចសំខាន់ៗ និងមានភាពក្លាហានក្នុងការសាកសួរបងៗមគ្គុទេសសហគមន៍ករណីមានចម្ងល់ ដោយហេតុថាដំណើរទស្សនកិច្ចសិក្សាឱកាសនេះរៀបចំឡើងគឺដើម្បីប្អូនៗទាំងអស់គ្នា។ អ្វីដែលក្រុមការងារថ្នាក់ជាតិ បានកត់សម្គាល់ គឺសេចក្តីក្លាហាន និងភាពវៃឆ្លាតរបស់ប្អូនៗក្នុងការបង្ហាញនូវចំណាប់អារម្មណ៍ ការឆ្លុះបញ្ចាំងអំពីភាពខុសប្លែងក្រោយពីបានចូលរួមក្នុងក្លិប”មនសិការពលរដ្ឋល្អ” និងភាពជាគំរូរបស់ថ្នាក់ដឹកនាំ។

ប្អូនៗសមាជិកក្លឹប ត្រូវបានបែងចែកជាក្រុមតូចៗដើម្បីធ្វើដំណើរសិក្សាឈ្វេងយល់ អំពីក្រុមប្រាសាទសំខាន់ចំនួន៣ រួមមាន ក្រុមប្រាសាទតោ ក្រុមប្រាសាទយាយព័ន្ធ និងក្រុមប្រាសាទសំបូរ។

”មនសិការពលរដ្ឋល្អ” l ឧសភា ២០២៦