សហគមន៍ឌីជីថលកម្ពុជា - Digital Community of Cambodia

សេចក្តីជូនដំណឹងស្តីពី ការជ្រើសរើសបុគ្គលិកជាប់កិច្ចសន្យា សម្រាប់បង្រៀនថ្នាក់មូលដ្ឋានគ្រឹះឌីជីថល នៅតាមសាលាបឋមសិក្សាគោលដៅ
---
ក្រុមការងាររៀបចំថ្នាក់រៀនមូលដ្ឋានគ្រឹះឌីជីថល (ក.ម.ឌ.) នៃក្រសួងប្រៃសណីយ៍និងទូរគមនាគមន៍ សូមជម្រាបជូន
ដំណឹងដល់សិស្ស-និស្សិតដែលទើបបញ្ចប់ការសិក្សា និងសាធារណជនឱ្យបានជ្រាបថា ក.ម.ឌ. ត្រូវការជ្រើសរើស
បុគ្គលិក​​​​​​​​​​​ជាប់កិច្ចសន្យាចំនួន ០១រូប ដើម្បីបង្រៀនថ្នាក់ មូលដ្ឋានគ្រឹះឌីជីថលដល់សិស្សានុសិស្សថ្នាក់ទី៤ ទី៥ និងទី៦ នៅសាលាបឋមសិក្សា ប៊ុនរ៉ានី ហ៊ុនសែន ដំណាក់ចង្អើរ ក្នុងខេត្តកែប ។

កាលបរិច្ឆេទទទួលពាក្យ និងនិតិវិធីនៃការជ្រើសរើស៖
- បេក្ខជនដែលមានចំណាប់អារម្មណ៍ត្រូវបំពេញពាក្យស្នើសុំតាមរយៈ
តំណភ្ជាប់៖ https://forms.gle/fUYExPHofm3mhz656
ចាប់ពីថ្ងៃជូនដំណឹងនេះរហូតដល់ ថ្ងៃទី២៥ ខែឧសភា ឆ្នាំ២០២៦ វេលាម៉ោង ១៧:០០នាទី រសៀល
- បេក្ខជនដែលបានជាប់ដំណាក់កាលសម្រាំងជ្រើសរើស (Shortlist) នឹងត្រូវបានទាក់ទងឱ្យមកសម្ភាសន៍ជាមួយគណៈកម្មការជ្រើសរើស។
សម្រាប់ព័ត៌មានបន្ថែម៖ សូមទំនាក់ទំនងតាមរយៈលេខទូរសព្ទខាងក្រោម៖ ០៨៩ ៦៤៣៥៩៣/០៨៦ ៦៣៣ ៥៥១

សូមថ្វាយព្រះពរ ព្រះរាជពិធីបុណ្យចម្រើនព្រះជន្ម ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ក្នុងឱកាសគម្រប់ខួប ៧៣ យាងចូល ៧៤ ព្រះវស្សា។

អបអរសាទរ ព្រះរាជពិធីច្រត់ព្រះនង្គ័ល ថ្ងៃអង្គារ ៤រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែឧសភា ឆ្នាំ២០២៦

ព្រះរាជពិធីនេះធ្វើឡើងក្នុងគោលបំណងផ្សងមើលប្រផ្នូលរបស់ស្រុកទេស ទៅតាមការបរិភោគរបស់ "គោឧសភរាជ" ក៏ដូចជាការដាស់តឿនក្រើនរម្លឹក ដល់ប្រជាកសិករខ្មែរ ដែលពឹងផ្អែកលើការធ្វើកសិកម្មជាចម្បងនោះ ឱ្យបានដឹងថា រដូវធ្វើស្រែចំការបានចូលមកដល់ហើយ។

១ ឧសភា ២០២៦
អបអរសាទរ ទិវាពលកម្មអន្ដរជាតិ

HAPPY INTERNATIONAL LABOR DAY🎉💼
===========================

សូមអនុមោទនាបុណ្យ "វិសាខបូជា"
ថ្ងៃសុក្រ ១៥កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី១ ខែឧសភា ឆ្នាំ២០២៦
——————
បុណ្យវិសាខបូជា គឺជាពិធីបុណ្យព្រះពុទ្ធសាសនាដ៏សំខាន់មួយដែលបង្ហាញពីការគោរពរម្លឹកដល់ព្រឹត្តិការណ៍ធំៗនៃព្រះសម្មាសម្ពុទ្ធ ព្រះសមណគោត្តម រួមមានព្រឹត្តិការណ៍៖ ប្រសូត ត្រាស់ដឹង និងចូលព្រះបរិនិព្វាន។ ហើយថ្ងៃបុណ្យនេះត្រូវបានអ្នកប្រាជ្ញខាងព្រះពុទ្ធសាសនាចាត់ទុកជាថ្ងៃមហាមង្គល​ សិរីសួស្ដី​សម្រាប់មនុស្សសត្វគ្រប់រូប។ 🙏🙏🙏

លេខកូដ *1200 # ដំណោះស្រាយផ្តាច់សេវាកម្មទូរសព្ទបន្ថែមដែលមិនត្រូវការប្រើ
—-
លោកអ្នកអាចពិនិត្យ និងផ្តាច់សេវាកម្មផ្សេងៗ ដែលមិនចង់ប្រើគ្រប់ប្រព័ន្ធទាំងអស់តាមរយៈលេខកូដ *1200 #

សូមទស្សនាវីដេអូ៖ https://www.facebook.com/reel/2027578574689535


*****
✅ ដើម្បីទទួលបានឱកាសល្អៗ និងព័ត៌មានថ្មីៗអំពីបច្ចេកវិទ្យាឌីជីថល សូមចូលក្នុងឆានែលបណ្តាញសង្គមរបស់ក្រសួងប្រៃសណីយ៍និងទូរគមនាគមន៍តាមរយៈតំណភ្ជាប់ https://mptc.gov.kh/sm

សេចក្តីជូនដំណឹង ស្តីពី ការដាក់ឱ្យដំណើរការគេហទំព័រក្រុមប្រឹក្សាជាតិសេដ្ឋកិច្ចនិងសង្គមឌីជីថល
---
ក្រសួងប្រៃសណីយ៍និងទូរគមនាគមន៍ (ក.ប.ទ.) សូមជម្រាបជូនសាធារណជនទាំងអស់ឱ្យបានជ្រាបថា ក្នុងកិច្ចខិតខំប្រឹងប្រែងជំរុញការអនុវត្ត “ក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា ២០២១-២០៣៥” និងដើម្បីលើកកម្ពស់ការយល់ដឹងអំពីការប្រើប្រាស់បច្ចេកវិទ្យាឌីជីថល ក.ប.ទ. បានរៀបចំដាក់ឱ្យដំណើរការជាផ្លូវការគេហទំព័រក្រុមប្រឹក្សាជាតិសេដ្ឋកិច្ចនិងសង្គមឌីជីថលដែលមានអាសយដ្ឋាន www.des.gov.kh ចាប់ពីថ្ងៃនេះតទៅ។

គេហទំព័រ ក.ស.ឌ. ត្រូវបានរៀបចំឡើងក្នុងគោលបំណងសំខាន់ៗដូចជា៖ (១).ផ្តល់ព័ត៌មាននិងសកម្មភាពជាប្រចាំទាក់ទងនឹងការកសាងសេដ្ឋកិច្ចនិងសង្គមឌីជីថលនៅកម្ពុជា (២).ផ្សព្វផ្សាយក្របខណ្ឌគោលនយោបាយសេដ្ឋកិច្ចនិងសង្គមឌីជីថល ២០២១-២០៣៥ (៣).បង្ហាញវឌ្ឍនភាពអនុវត្តក្របខណ្ឌគោលនយោបាយ ដូចជា សន្ទស្សន៍និងសូចនាករ ដែលសម្រេចបាន (៤). បង្ហាញសន្ទស្សន៍ពាក់ព័ន្ធនឹងការអភិវឌ្ឍឌីជីថលនៅកម្ពុជា ដែលវាយតម្លៃដោយអង្គការនិងស្ថាប័នអន្តរជាតិ និង (៥).ជាឃ្លាំងឯកសារពាក់ព័ន្ធនានានឹងការកសាងសេដ្ឋកិច្ចនិងសង្គមឌីជីថលនៅកម្ពុជា។

សូម សាធារណជនទាំងអស់ មេត្តាជ្រាបជាព័ត៌មាននិងចូលរួមប្រើប្រាស់គេហទំព័រ ក.ស.ឌ. ឱ្យបានទូលំទូលាយ ដើម្បីចូលរួមកសាងសេដ្ឋកិច្ចនិងសង្គមឌីជីថល។


*****
✅ ដើម្បីទទួលបានឱកាសល្អៗ និងព័ត៌មានថ្មីៗអំពីបច្ចេកវិទ្យាឌីជីថល សូមចូលក្នុងឆានែលបណ្តាញសង្គមរបស់ក្រសួងប្រៃសណីយ៍និងទូរគមនាគមន៍តាមរយៈតំណភ្ជាប់ https://mptc.gov.kh/sm

តើនារីជានរណា?
-----------------
នារីជាមិត្ត នារីជាក្រុមការងារ នារីជាអ្នកជិតខាង នារីជាបងប្អូន នារីជាភរិយា នារីជាម្តាយ នារីជាជីដូន នារីជាចំណែកនៃការអភិវឌ្ឍ នារីជាមាតានៃពិភពលោក។

សូមលើកកម្ពស់ និងផ្តល់តម្លៃដល់នារីគ្រប់រូបទូទាំងសកលលោក ដើម្បីអបអរសាទរ ទិវាអន្តរជាតិនារី ៨ មីនា ២០២៦។