គណៈកម្មការទី៩ រដ្ឋសភា-Commission 9th of the National Assembly

លោកជំទាវ និន សាផុន ប្រធានគណៈកម្មការទី៩ នៃរដ្ឋសភា ផ្ញេីសារលិខិតអបអរសាទរ និងគោរពជូនពរ សម្តេចកិត្តិសង្គហបណ្ឌិត ម៉ែន សំអន ប្រធានក្រុមប្រឹក្សាជាតិប្រឆាំងអំពើពុករលួយ និងជាឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសដែល សម្តេចកិត្តិសង្គហបណ្ឌិត ត្រូវបានបោះឆ្នោតជាប់ជាប្រធានក្រុមប្រឹក្សាជាតិប្រឆាំងអំពើពុករលួយ សម្រាប់អាណត្តិទី៤ (២០២៥-២០៣០) នៃស្ថាប័នប្រឆាំងអំពើពុករលួយ នៅថ្ងៃទី១៩ ខែសីហា ឆ្នាំ២០២៥។

នាព្រឹកថ្ងៃទី១៦ ខែសីហា ឆ្នាំ២០២៥ ឯកឧត្តមបណ្ឌិត ទី ថានី តំណាងរាស្រ្តមណ្ឌលខេត្តពោធិ៍សាត់ និងជាប្រធានក្រុមការងារចុះមូលដ្ឋានឃុំមេទឹក បានអញ្ជេីញចូលរួមអមដំណើឯកឧត្តម ទី នរិន្ទ ប្រធានក្រុមការងារចុះមូលដ្ឋានស្រុកបាកាន ក្នុងពិធីជួបសំណេះសំណាលជាមួយកម្លាំងប្រជាការពារភូមិទាំង១៥ភូមិ និងកម្លាំងប៉ុស្តិ៍រដ្ឋបាលឃុំមេទឹក ស្រុកបាកាន ដោយមានការចូលរួមពីក្រុមការងារចុះមូលដ្ឋានស្រុក គណៈអភិបាលស្រុក ឃុំ។ ក្នុងនោះឯកឧត្តមក៏បានជូនអង្ក និងឃីដព្រមទាំងថវិកាមួយចំនួនផងដែរ។

នាព្រឹកថ្ងៃទី១៩​ ខែសីហា​ ឆ្នាំ២០២៥​ ឯកឧត្ដម​ ខឹម​ ច័ន្ទគីរី​ តំណាងរាស្ត្រមណ្ឌលខេត្តកណ្តាល​ អញ្ជេីញចូលរួមពិធីបុណ្យសព លោក លី សុធី សមាជិកគណ:កម្មាធិការគណបក្សខេត្ត និងជាប្រធានមន្ទីរសង្គមកិច្ច អតីតយុទ្ឋជនខេត្តកណ្តាល នៅគេហដ្ឋានរបស់លោកស្ថិតក្នុងឃុំព្រែកគយ ស្រុកស្អាង ដឹកនាំដោយឯកឧត្តម គួច ចំរើន អភិបាលខេត្ត និងជាប្រធានគណបក្សប្រជាជនខេត្ត និងឯកឧត្តម នូ សាខន ប្រធានក្រុមប្រឹក្សាខេត្ត និងជាប្រធានគណ:ប្រចាំការគណបក្សខេត្ត។

នាព្រឹកថ្ងៃទី១៥​ ខែសីហា​ ឆ្នាំ២០២៥​ ឯកឧត្ដម​ ខឹមច័ន្ទគីរី​ សមាជិកគណៈកម្មការទី៩​ នៃរដ្ឋសភា​ និងជាតំណាងរាស្ត្រ​មណ្ឌលខេត្តកណ្តាល​ បានអញ្ជេីញជាអធិបតីពិធីបិទវគ្គអប់រំនយោបាយនៅស្នាក់ការគណបក្សស្រុកកៀនស្វាយ ដែលមានវត្តមានសិក្ខាកាមសរុបចំនួន ១០២ រូប ។

ឯកឧត្តមបណ្ឌិត លី ឆេង អនុប្រធានគណៈកម្មការទី៩​ នៃរដ្ឋសភា​ តំណាងរាស្ត្រមណ្ឌលរាជធានីភ្នំពេញ​ ស្ថាបនិក និងជាអគ្គនាយក ប៊ែលធីគ្រុប និង លោកជំទាវ បានផ្ញើសារជូនពរ សម្ដេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសជ័យមង្គល នៃខួបកំណើតរបស់សម្តេចកិត្តិសង្គបណ្ឌិត គម្រប់៧២ឆ្នាំ ឈានចូល ៧៣ឆ្នាំ នាថ្ងៃសុក្រ ៦រោច ខែស្រាពណ៍ ត្រូវនឹងថ្ងៃទី១៥ ខែសីហា ឆ្នាំ២០២៥។

FRESH NEWS The Best Breaking News in Cambodia.

លោកជំទាវ និន សាផុន ប្រធានគណៈកម្មការទី៩ នៃរដ្ឋសភា ផ្ញេីសារលិខិតគោរពជូនពរ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា នៅក្នុងឱកាសដ៏សិរីមង្គលាភិរម្យប្រសើរថ្លៃថ្លា បវរសួស្តី សិរីមង្គល វិបុលសុខ មហាប្រសើរ នៃពិធីចម្រើនជន្មាយុ របស់ សម្តេចកិត្តិសង្គហបណ្ឌិត ម៉ែន សំអន គម្រប់ ៧២ ឈានចូល ៧៣ឆ្នាំ ដែលនឹងប្រព្រឹត្តទៅនៅថ្ងៃសុក្រ ៦រោច ខែស្រាពណ៍ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១៥ ខែសីហា ឆ្នាំ២០២៥ នេះ។

លោកជំទាវ និន សាផុន ប្រធានគណៈកម្មការសាធារណការ ដឹកជញ្ជូន អាកាសចរណ៍ស៊ីវិល ប្រៃសណីយ៍ ទូរគមនាគមន៍ ឧស្សាហកម្ម វិទ្យាសាស្ត្រ បច្ចេកវិទ្យា នវានុវត្តន៍ រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ (គណៈកម្មការទី៩) នៃរដ្ឋសភា អញ្ជើញដឹកនាំឯកឧត្តមបណ្ឌិតអនុប្រធាន និងសមាជិក សមាជិកាគណៈកម្មការ ប្រជុំផ្ទៃក្នុងដើម្បី៖
១-ផ្សព្វផ្សាយលទ្ធផលកិច្ចប្រជុំគណៈកម្មកាធិការអចិន្ត្រៃយ៍នៃរដ្ឋសភា កាលពីថ្ងៃទី១៣ ខែសីហា ឆ្នាំ២០២៥ ដោយគណៈកម្មកាធិការអចិន្ត្រៃយ៍នៃរដ្ឋសភា បានអនុម័តទទួលយកសេចក្តីព្រាងច្បាប់ចំនួន២ដែលជាសំណើរបស់រាជរដ្ឋាភិបាលស្នើសុំការអនុម័តពីរដ្ឋសភា គឺសេចក្តីព្រាងច្បាប់ស្តីពី វិសោធនកម្មច្បាប់ស្តីពីសញ្ជាតិ និងសេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងស្តីពីការអភិរក្សនិងការប្រើប្រាស់ជីវៈចម្រុះសមុទ្រប្រកបដោយចីរភាពនៅក្រៅដែនយុត្តាធិការជាតិក្រោមអនុសញ្ញាសហប្រជាជាតិស្តីពីច្បាប់សមុទ្រ និងប្រគល់ភារកិច្ចជូនគណៈកម្មការជំនាញរដ្ឋសភាពិនិត្យសិក្សា ។ លោកជំទាវប្រធានក៏បានជម្រាបជូនសមាជិក សមាជិកាគណៈកម្មការ សុំឱ្យធ្វើការពិនិត្យនិងសិក្សាលើអត្ថបទសេចក្តីព្រាងច្បាប់ទាំងពីរ ដើម្បីមានមតិយោបល់នៅក្នុងកិច្ចប្រជុំពេញអង្គនៃរដ្ឋសភានាពេលខាងមុខ ។
២-ស្តាប់សេចក្តីរាយការណ៍របស់ឯកឧត្តម ឃុត ចាន់ដារ៉ា សមាជិកគណៈកម្មការ អំពីការចូលរួមសិក្ខាសាលាស្តីពីការចក្តីស្នើវិសោធនកម្មច្បាប់ស្តីពីការបោះឆ្នោតជ្រើសតាំងសមាជិកព្រឹទ្ធសភា កាលពីរសៀលថ្ងៃទី១២ ខែសីហា ឆ្នាំ២០២៥ នៅវិមានព្រឹទ្ធសភា។
៣-ទិសដៅការងារបន្តរបស់គណៈកម្មការ ក្នុងការបំពេញភារកិច្ចជាសេនាធិការជូនរដ្ឋសភា ។

កិច្ចប្រជុំនេះធ្វើឡើងនាព្រឹកថ្ងៃទី១៤ ខែសីហា ឆ្នាំ២០២៥ នៅសាលប្រជុំគណៈកម្មការទី៩ នៃវិមានរដ្ឋសភា ។

នៅវិមានរដ្ឋសភា​ នាព្រឹកថ្ងៃពុធទី១៣ ខែសីហា ឆ្នាំ២០២៥ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា បានអញ្ជើញដឹកនាំកិច្ចប្រជុំគណៈកម្មាធិការអចិន្រ្តៃយ៍រដ្ឋសភាដើម្បីពិនិត្យនិងអនុម័តលើសំណើ របស់រាជរដ្ឋាភិបាល ដែលបានស្នើសុំរដ្ឋសភា អនុម័តសេចក្តីព្រាងច្បាប់ចំនួនពីរ។

ជាលទ្ធផល គណៈកម្មាធិការអចិន្រ្តៃយ៍រដ្ឋសភា បានអនុម័តទទួលយកសេចក្តីព្រាងច្បាប់ស្តីពី វិសោធនកម្មច្បាប់ស្តីពីសញ្ជាតិ និងសេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងស្តីពីការអភិរក្សនិងការប្រើប្រាស់ជីវៈចម្រុះសមុទ្រប្រកបដោយចីរភាពនៅក្រៅដែនយុត្តាធិការជាតិក្រោមអនុសញ្ញាសហប្រជាជាតិស្តីពីច្បាប់សមុទ្រ ជូនគណៈកម្មការជំនាញរដ្ឋសភាពិនិត្យសិក្សាហើយធ្វើរបាយការណ៍ជូន គណៈកម្មាធិការអចិន្រ្តៃយ៍រដ្ឋសភាវិញ៕

ក្រុមសភាជាតិកម្ពុជា នៃអ្នកនយោបាយសភាស្ត្រី អញ្ជើញសួរសុខទុក្ខវីរកងទ័ព
ដែលបានរងរបួសនៅលើសមរភូមិក្នុងការការពារអធិបតេយ្យជាតិ
និងបូរណភាពទឹកដីពីការឈ្លានពានរបស់កងទ័ពថៃ
-------------------

ដោយបានការអនុញ្ញាតដ៏ខ្ពង់ខ្ពស់ពីសម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៃព្រះរាជាណាចក្រកម្ពុជា ក្រុមសភាជាតិកម្ពុជា នៃអ្នកនយោបាយសភាស្ត្រី (ក.ស.ក.ន.ស.) រួមមាន លោកជំទាវ ឡោក ខេង ប្រធានក.ស.ក.ន.ស. លោកជំទាវ និន សាផុន អនុប្រធាន លោកជំទាវ ខេង សំវ៉ាដា សមាជិកា លោកជំទាវ គ្រួច សំអាន សមាជិកា លោកទំទាវ អ៊ុន សុគន្ធា សមាជិកា លោកជំទាវ គង់​ សាឡន សមាជិកា លោកជំទាវ នូ សុវណ្ណនី សមាជិកា លោកជំទាវ យស ថានារី សមាជិកា លោកជំទាវ កុល ធារិន សមាជិកា ព្រមទាំងមន្ត្រីលេខាធិការដ្ឋានក.ស.ក.ន.ស នារសៀលថ្ងៃទី១២ ខែសីហា ឆ្នាំ២០២៥ បានអញ្ជើញសួរសុខទុក្ខវីរកងទ័ពរងរបួសចំនួន២៥នាក់ ក្នុងពេលប្រយុទ្ធជាមួយកងទ័ពថៃឈ្លានពានមកលើអធិបតេយ្យជាតិ និង បូរណភាពទឹកដីកម្ពុជា ដែលកំពុងសម្រាកព្យាបាលនៅមន្ទីរពេទ្យព្រះកេតុមាលា រាជធានីភ្នំពេញ ។

ក្នុងឱកាសនោះ លោកជំទាវប្រធានក.ស.ក.ន.ស. បានពាំនាំនូវប្រសាសន៍ផ្ដាំផ្ញើការសាកសួរសុខទុក្ខ និងប្រសិទ្ធពរជ័យរបស់សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា ជូនដល់វីរកងទ័ពដែលកំពុងឈរជើងយ៉ាងរឹងមាំនៅតាមបណ្តោយព្រំដែនកម្ពុជា-ថៃ និងវីរកងទ័ពដែលកំពុងសម្រាកព្យាបាលស្នាមរបួសបង្កឡើងដោយសកម្មភាពឈ្លានពានយ៉ាងគឃ្លើនព្រៃផ្សៃថោកទាបរបស់កងទ័ពថៃ មកលើបូរណភាពដែនដីកម្ពុជា ព្រមទាំងបានផ្តល់ជូននូវអំណោយដ៏ថ្លែថ្លារបស់សម្តេចប្រធានរដ្ឋសភា ជូនវីរកងទ័ពទាំង២៥នាក់ ដែលក្នុងមួយនាក់ទទួលបាន ភេសជ្ជៈ ១កន្ត្រក និងថវិកាចំនួន ៥០០,០០០(ប្រាំសែន)រៀល ក្រៅពីនោះ លោកជំទាវប្រធាន កសកនស លោកជំទាវអនុប្រធាន និងសមាជិកបានឧបត្ថម្ភថវិកាផ្ទាល់ខ្លួនបន្ថែមមួយចំនួនទៀតដល់វីរកងទ័ពទាំង២៥នាក់ និងមន្ទីរពេទ្យព្រះកេតុមាលា ផងដែរ។

ជាមួយគ្នានេះ លោកជំទាវប្រធានក.ស.ក.ន.ស. បានវាយតម្លៃខ្ពស់ និងសម្តែងនូវគារវកិច្ចគោរពចំពោះវីរភាពដ៏អង់អាចក្លាហាន មោះមុតរបស់វីរកងទ័ព ដែលបាននិងកំពុងលះបង់កម្លាំងកាយ-ចិត្ត បូជាសាច់ស្រស់ ឈាមស្រស់ ដើម្បីបុព្វហេតុការពារជាតិមាតុភូមិកម្ពុជា ព្រមទាំងបានបួងសួងដល់គុណបុណ្យព្រះរតនត្រ័យ គុណកែវទាំងបី សូមព្រះអង្គតាមអភិបាលប្រោះព្រំ ឃុំគ្រងថែរក្សា និងប្រសិទ្ធពរជ័យជូនដល់វីរកងទ័ពដែលរងរបួសសូមឱ្យបានឆាប់ជាសះស្បើយ និងវីរកងទ័ពក្នុងសមរភូមិជួរមុខដ៏អង់អាចក្លាហានដែលតស៊ូ អត់ធ្មត់ ក្រាញននៀល ប្រយុទ្ធការពារបូរណភាពដែនដី និងមាតុភូមិកម្ពុជានៅតាមព្រំដែន សូមជួបតែសុខសុវត្ថិភាព និងទទួលបានជ័យជម្នះលើសមរភូមិ កម្ចាត់បច្ចាមិត្តឈ្លានពានឱ្យវិនាសអន្តរាយឱ្យខាងតែបាន។

ឆ្លើយតបទៅនឹងទឹកចិត្តដ៏ប្រពៃថ្លៃថ្លាបំផុតរបស់សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា និងគណៈប្រតិភូក្រុមសភាជាតិកម្ពុជា នៃអ្នកនយោបាយសភាស្ត្រី វីរកងទ័ពដែលកំពុងសម្រាកព្យាបាល បានសម្ដែងនូវការដឹងគុណយ៉ាងជ្រាលជ្រៅចំពោះសមានចិត្តដ៏បរិសុទ្ធថ្លៃថ្លាមិនអាចកាត់ថ្លៃបានរបស់សម្តេចមហារដ្ឋសភាធិការធិបតី ដែលជានិច្ចកាលតែងតែផ្សារភ្ជាប់ជាមួយនឹងវីរកងទ័ពនៅតាមសមរភូមិមុខ ក៏ដូចជាប្រជាជននៅទូទាំងប្រទេស នៅគ្រប់កាលៈទេសៈ និងប្តេជ្ញាដាច់ខាតវាយឱ្យបរាជ័យរាល់ការការប៉ុនប៉ងរំលោភឈ្លានពានរបស់កងទ័ពថៃមកលើដែនអធិបតេយ្យកម្ពុជា ស្របតាមពាក្យស្លោក «ជីវិតជូនជាតិ អដ្ឋិធាតុជូនគ្រួសារ»៕

នៅព្រឹកថ្ងៃទី១២ ខែសីហា ឆ្នាំ ២០២៥ ឯកឧត្តម ខឹម ច័ន្ទគីរី តំណាងរាស្ត្រមណ្ឌលខេត្តកណ្តាល បានអញ្ជើញចូលរួមធ្វើបទឧទ្ទេសនាមស្តីពីសភាពការណ៍កម្ពុជា និងទិសដៅភារកិច្ចបន្ត ជូនមន្ត្រីគណបក្ស យុវជនគណបក្សមកពីតាមបណ្តាសាខាបក្ស អង្គភាព ការិយាល័យជុំវិញស្រុក គណបក្សឃុំ សាខាបក្សភូមិ សរុបវត្តមាន ១២២នាក់ នៅសាលប្រជុំគណបក្សប្រជាជនស្រុកខ្សាច់កណ្តាល ខេត្តកណ្តាល។

ខេត្តព្រះសីហនុ នាព្រឹកថ្ងៃទី៨ ខែសីហា ឆ្នាំ២០២៥ ឯកឧត្តម តាក​ វណ្ណថា​ សមាជិកគណៈកម្មការទី៩​ នៃរដ្ឋសភា​ និងជាតំណាងរាស្ត្រមណ្ឌលខេត្តព្រះសីហនុ បានអញ្ជើញចូលរួមក្នុងកិច្ចប្រជុំបូកសរុបលទ្ធផលការងារប្រចាំឆមាសទី១ ឆ្នាំ២០២៥ និងលើកទិសដៅអនុវត្តបន្ត របស់ក្រុមការងារចុះមូលដ្ឋានខេត្តព្រះសីហនុ ក្រោមអធិបតីភាព ឯកឧត្ដម សាយ សំអាល់ ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងារចុះមូលដ្ឋានខេត្តព្រះសីហនុ។

នៅព្រឹកថ្ងៃសុក្រ ១៤កើត ខែស្រាពណ៍ ឆ្នាំម្សាញ់ សប្តស័ក​ ព.ស.២៥៦៩ ត្រូវនឹងថ្ងៃទី០៨ ខែសីហា ឆ្នាំ២០២៥​ លោកជំទាវ នូ សុវណ្ណនី តំណាងរាស្ត្រមណ្ឌលខេត្តតាកែវ អនុប្រធានក្រុមការងារគណបក្សចុះមូលដ្ឋានស្រុកកោះអណ្តែត និងជាប្រធានក្រុមការងារគណបក្សចុះមូលដ្ឋានឃុំព្រៃខ្លា ដោយមានការចូលរួមពីក្រុមការងារគណបក្សឃុំ មេភូមិ អនុភូមិ និងសមាជិកភូមិ បានចុះសួរសុខទុក្ចនិងនាំយកអំណោយជូនដល់ក្រុមគ្រួសារវីរកងទ័ពជួរមុខ ឈរជើងនៅតំបន់ប្រាសាទតាក្របីចំនួន១គ្រួសារដែលបានភៀសសឹកមកស្នាក់នៅជាមួយសាច់ញាតិស្ថិតនៅភូមិស្រម៉ ឃុំព្រៃខ្លា ស្រុកកោះអណ្តែត ខេត្តតាកែវ។ អំណោយរួមមាន:​ អង្ករ ៥០គីឡូ​ មីខ្លាឃ្មុំ ០១កេស​ ត្រីខ ០១យួរ​ ទឹកត្រី ០១យួ​រ​ ទឹកសុីអុីវ ០១យួរ​ និងថវិកាមួយចំនួន