នាយកដ្ឋានកិច្ចការរដ្ឋបាលក្រុង ស្រុក ឃុំ សង្កាត់ ក្រសួងមហាផ្ទៃ

សេចក្តីណែនាំស្ដីពីនីតិវិធីនៃការជ្រើសរើសបុគ្គលិកក្រៅក្របខណ្ឌរដ្ឋរបស់រដ្ឋបាលឃុំ/សង្កាត់។

អនុក្រឹត្យស្តីពីការកំណត់ចំនួនសមាជិកក្រុមប្រឹក្សាឃុំ សង្កាត់ អាណត្តិទី៦

តារាងតម្លៃការផ្តល់សេវាសាធារណៈនៅការិយាល័យច្រកចេញចូលតែមួយនៃរបស់រដ្ឋបាល ក្រុង ស្រុក ខណ្ឌ

ព្រះរាជក្រម ដាក់ឱ្យប្រើប្រាស់ច្បាប់ស្តីពី ”កាតព្វកិច្ចយោធា” ។

ច្បាប់ស្តីពីវិសោធនកម្មច្បាប់ស្តីពីការបោះឆ្នោតជ្រើសតាំងសមាជិកព្រឹទ្ធសភា។

សេចក្តីណែនាំស្តីពីការតែងតាំងឡើងវិញមន្ត្រីរាជការស៊ីវិល។

ផែនការអនុវត្តរយៈពេលប្រាំឆ្នាំ ដំណាក់កាលទី២ (២០២៦ - ២០៣០) នៃកម្មវិធីជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ ដំណាក់កាលទី២ (២០២១ - ២០៣០)

លោកអ្នកអាចទាញយកផែនការអនុវត្តលំអិតពីបណ្ណាល័យរបស់លេខាធិការដ្ឋាន គ.ជ.អ.ប. ៖ https://library.ncdd.gov.kh/detail/17117

សាលាខេត្តកំពង់ធំ៖ កាលពីថ្ងៃអង្គារ ១១រោច ខែពិសាខ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី១២ ខែឧសភា ឆ្នាំ២០២៦
----------------------------------------------------------------------------------------------------
លោក ហេង គង់ម៉េង អនុប្រធាននាយកដ្ឋានកិច្ចការរដ្ឋបាលក្រុង ស្រុក ឃុំ សង្កាត់នៃអគ្គនាយកដ្ឋានរដ្ឋបាល ក្រសួងមហាផ្ទៃ បានដឹកនាំក្រុមការងារចុះរៀបចំសិក្ខាសាលាតម្រង់ទិសដល់គ្រូបង្គោលថ្នាក់ជាតិនិងគ្រូបង្គោលថ្នាក់ខេត្តគោលដៅលើការរៀបចំវេទិកាតំណាងយុវជនស្ដីពីការអភិវឌ្ឍមូលដ្ឋាន និងការសរសេរសំណើរគម្រោងដើម្បីដោះស្រាយបញ្ហានៅមូលដ្ឋាន។

សិក្ខាសាលានាពេលនេះ ត្រូវបានរៀបចំឡើងក្នុងគោលបំណងពង្រឹងសមត្ថភាព និងបំពាក់នូវឧបករណ៍ បច្ចេកទេស និងវិធីសាស្ត្រចាំបាច់ក្នុងការរៀបចំគម្រោងដល់គ្រូបង្គោល ដើម្បីអាចបន្តបណ្តុះបណ្តាល និងណែនាំយុវជនឱ្យមានចំណេះដឹង និងជំនាញក្នុងការរៀបចំ និងអនុវត្តគម្រោងប្រកបដោយប្រសិទ្ធភាព។ ទន្ទឹមនឹងនេះ សិក្ខាសាលាក៏មានគោលបំណងរៀបចំផែនការសកម្មភាពសម្រាប់ការចុះបណ្តុះបណ្តាលបន្តដល់តំណាងយុវជននៅតាមខេត្តគោលដៅ ព្រមទាំងផ្តល់ឱកាសឱ្យអ្នកចូលរួមបានចែករំលែកបទពិសោធន៍ និងឆ្លុះបញ្ចាំងពីលទ្ធផលនៃការអនុវត្តសកម្មភាពកន្លងមក ជាពិសេសការអនុវត្តសាកល្បងកិច្ចសន្ទនារវាងរដ្ឋបាលក្រុង ស្រុក និងតំណាងយុវជនឃុំ សង្កាត់ ដើម្បីរួមចំណែកលើកកម្ពស់ការចូលរួមរបស់យុវជនក្នុងការអភិវឌ្ឍមូលដ្ឋានប្រកបដោយប្រសិទ្ធភាព តម្លាភាព និងគណនេយ្យភាព។

សូមបញ្ជាក់ជូនផងដែរថា សិក្ខាសាលាខាងលើមានការអញ្ជើញចូលរួមពីលោក លោកស្រីដែលជាគ្រូបង្គោលថ្នាក់ជាតិ គ្រូបង្គោលខេត្តកំពង់ធំ ខេត្តសៀមរាប ខេត្តព្រះវិហារ និងខេត្តរតនគិរី សរុបប្រមាណ ២២រូប ស្រី៧រូប។

រដ្ឋបាលខេត្តសៀមរាប ថ្ងៃពុធ ៥រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៦ ខែឧសភា ឆ្នាំ២០២៦
-----------------------------------------------

លោក ញ៉ាវ តង អនុប្រធាននាយកដ្ឋាន តំណាង លោក លី យ៉ាសាក់ ប្រធាននាយកដ្ឋានកិច្ចការរដ្ឋបាលក្រុង ស្រុក ឃុំ សង្កាត់ នៃអគ្គនាយកដ្ឋានរដ្ឋបាល ក្រសួងមហាផ្ទៃ បានចូលរួមសិក្ខាសាលាតម្រង់ទិសសៀវភៅណែនាំស្តីពីនីតិវិធីប្រតិបត្តិកិច្ចការពារកុមារសម្រាប់រដ្ឋបាលក្រុង ស្រុក ខណ្ឌ ដល់មន្រ្តីបង្គោលរដ្ឋបាលឃុំ សង្កាត់ ក្រោមអធិបតីភាព លោកស្រី ម៉ននី រង្សី អភិបាលរង នៃគណៈអភិបាលខេត្តសៀមរាប។

សិក្ខាសាលាខាងលើមានសមាសភាពចូលរួមពី តំណាងក្រសួងមហាផ្ទៃ តំណាងក្រសួងសង្គមកិច្ច អតីតយុទ្ធជន និងយុវនីតិសម្បទា តំណាងអង្គការយូនីសេហ្វ ទទួលបន្ទុកកិច្ចការពារកុមារ តំណាងរដ្ឋបាលខេត្តសៀមរាប មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តសៀមរាប មេឃុំ ស្មៀនឃុំ អ.ក.ន.ក ចំណុះរដ្ឋបាលស្រុកទាំង៨ នៃរដ្ឋបាលខេត្តសៀមរាប សរុប៧៥រូប ស្រី៣៧រូប។

សិក្ខាសាលាតម្រង់ទិសនេះរៀបចំឡើងក្នុងគោលបំណងតម្រង់ទិសដល់មេឃុំ អ.ក.ន.ក ដែលជាភាគីពាក់ព័ន្ធក្នុងការអនុវត្តនីតិវិធីប្រតិបត្តិកិច្ចការពារកុមារឱ្យមានការយល់ដឹងកាន់តែច្បាស់អំពីខ្លឹមសារសំខាន់ៗនៃសៀវភៅណែនាំ ដើម្បីមានមូលដ្ឋានក្នុងការរៀបចំផែនការការពារ បង្ការទប់ស្តាត់ អន្តរាគមន៍ និងផ្តល់សេវាឆ្លើយតបលើករណីរំលោភបំពានកុមារ និងអំពើហិង្សាលើកុមារគ្រប់ទម្រង់បានទាន់ពេលវេលា ចំគោលដៅ និងប្រកបដោយប្រសិទ្ធភាពខ្ពស់។

កាលពីថ្ងៃចន្ទ ៣រោច ខែពិសាខ ឆ្នាំមមី អដ្ឋស័ក ព.ស.២៥៧០
ត្រូវនឹងថ្ងៃទី៤ ខែឧសភា ឆ្នាំ២០២៦

នាយកដ្ឋានកិច្ចការរដ្ឋបាលក្រុង ស្រុក ឃុំ សង្កាត់ បានរៀបចំសិក្ខាសាលាពិគ្រោះយោបល់លើសេចក្ដីព្រាងសៀវភៅណែនាំស្ដីពីការគ្រប់គ្រងកិច្ចការរដ្ឋបាលរបស់រដ្ឋបាលឃុំ សង្កាត់ ក្រោមអធិបតីភាពលោក លី យ៉ាសាក់ ប្រធាននាយកដ្ឋានកិច្ចការរដ្ឋបាលក្រុង ស្រុក ឃុំ សង្កាត់ នៃអគ្គនាយកដ្ឋានរដ្ឋបាល ក្រសួងមហាផ្ទៃ នៅសណ្ធាគារ ភាព សុខុម ខេត្តកំពត។
សិក្ខាខាងលើមានការចូលរួមពី ឯកឧត្តមទីប្រឹក្សាក្រសួងមហាផ្ទៃ មន្រ្តីជំនាញនៃនាយកដ្ឋានកិច្ចការរដ្ឋបាលក្រុង ស្រុក ឃុំ សង្កាត់ នាយក-នាយករងរដ្ឋបាលក្រុង ស្រុក ខេត្ត នាយក-នាយករង ទីចាត់ការផែនការវិនិយោគ ក្រុង ស្រុក ខេត្ត ប្រធានការិយាល័ផែនការ និងគាំទ្រឃុំ សង្កាត់ មេឃុំ ចៅសង្កាត់ ស្មៀនឃុំ សង្កាត់ នៃរដ្ឋបាលរាជធានីភ្នំពេញ រដ្ឋបាលខេត្តកំពង់ចាម រដ្ឋបាលខេត្តកំពង់ឆ្នាំង រដ្ឋបាលខេត្តតាកែវ រដ្ឋបាលខេត្តកំពត សរុបចំនួន៨៥រូប ស្រី១៩រូប។
គួរបញ្ជាក់ថែមទៀតថា សិក្ខាសាលាខាងលើមានគោលបំណងដើម្បីទទួលបានធាតុចូលបន្ថែម លើសេចក្ដីព្រាងលើសេចក្ដីព្រាងសៀវភៅណែនាំស្ដីពីការគ្រប់គ្រងកិច្ចការរដ្ឋបាលរបស់រដ្ឋបាលឃុំ សង្កាត់កាន់តែគ្រប់ជ្រុងជ្រោយ និងអាចអនុវត្តប្រកបដោយប្រសិទ្ធភាព តម្លាភាព និងគណនេយ្យភាព និងពិភាក្សានិងពិនិត្យខ្លឹមសារនៃសៀវភៅណែនាំឱ្យមានភាពត្រឹមត្រូវ ស្របតាមលិខិតបទដ្ឋានគតិយុត្ត និងនីតិវិធីពាក់ព័ន្ធ ដើម្បីកំណត់ចំណុចខ្វះខាត និងចំណុចត្រូវកែលម្អក្នុងការគ្រប់គ្រងកិច្ចការរដ្ឋបាល ដើម្បីធានាថាសៀវភៅណែនាំមានលក្ខណៈងាយស្រួលអនុវត្ត។