នាយកដ្ឋានវិនិយោគទេសចរណ៍ - Tourism Investment Department

នៅព្រឹក ថ្ងៃសុក្រ ទី២០ ខែមីនា ឆ្នាំ២០២៦
លោក ប្រាក់ ធារិទ្ធ អនុប្រធាននាយកដ្ឋានវិនិយោគទេសចណ៍ និងលោក ម៉ៅ ហួន ប្រធានការិយាល័យ បានចូលរួមកិច្ចប្រជុំច្រកចេញ-ចូលតែមួយ នៅទីស្តីការក្រុមប្រឹក្សាអភិវឌ្ឍន៍កម្ពុជា ក្រោមអធិបតីភាព ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា ដោយមានការអញ្ចើញចូលរួមពីសំណាក់តំណាងក្រសួង ស្ថាប័ន អាជ្ញាធរ ខេត្តពាក់ពន្ធ័ ដើម្បីពិនិត្យពិភាក្សាលើសំណើរសុំចុះបញ្ជីគម្រោងវិនិយោគចំនួន៦គម្រោង ដែលមានលក្ខណសម្បត្តិគ្រប់គ្រាន់ ។

រដ្ឋមន្ត្រី​ទេសចរណ៍ បន្ត​ផ្សព្វផ្សាយ​អំពី​សុវត្ថិភាព​ក្នុង​ការ​មកទស្សនា​ប្រទេស​កម្ពុជា នៅ​ក្នុង​ «Miss Planet International 2025» ខណៈ​ដែល​កញ្ញា Sydney Marith ដែល​ជា​ខ្មែរ​អាមេរិកាំង​បានពាក់ម្កុដបវរកញ្ញា Miss Planet International 2025 កាលពី​ម្សិល​មិញ។

👉លម្អិត៖ https://www.postkhmer.com/national/2026-3-16-142-265012

#ភ្នំពេញប៉ុស្តិ៍ #សុវត្ថិភាពទេសចរណ៍កម្ពុជា #ទេសចរណ៍កម្ពុជា #ព្រឹត្តិការណ៍អន្តរជាតិកម្ពុជា

រដ្ឋមន្រ្តីក្រសួង​ទេសចរណ៍​​ថ្លែង​នៅ​ក្នុងកម្មវិធី​ K-WAVE Peace Concert 2026 ​ថា ​កម្ពុជានៅ​តែជាគោលដៅទេសចរណ៍សុវត្ថិភាព និងស្វាគមន៍ភ្ញៀវទេសចរពីគ្រប់ទិសទីប្រកបដោយបដិសណ្ឋារកិច្ចដ៏កក់ក្តៅ។

👉លម្អិត៖ https://www.postkhmer.com/national/2026-3-15-121-265002

#ភ្នំពេញប៉ុស្តិ៍ #ទេសចរណ៍កម្ពុជា #សុវត្ថិភាពទេសចរ #ប្រយុទ្ធការឆបោកអនឡាញ #រដ្ឋាភិបាលកម្ពុជា #ទេសចរណ៍សុវត្ថិភាព

សេចក្តីជូនដំណឹង ស្តីពីព្រះរាជាណាចក្រកម្ពុជាបន្តជាគោលដៅទេសចរណ៍ប្រកបដោយសុវត្ថិភាពនិងផ្តល់ភាពកក់ក្តៅ។

Press Release The Kingdom of Cambodia Continues to Be a Safe and Warm Tourism Destination.

Communiqué de Presse Le Royaume du Cambodge continue d'être une destination touristique sûre et chaleureuse.

关于 柬埔寨仍是安全、温馨的旅游目的地的通告。

إعلان بشأن استمرارية مملكة كمبوديا كوجهة سياحية
آمنة ودافئة

កាលពីថ្ងៃទី២៣ ដល់ថ្ងៃទី២៧ ខែកុម្ភៈ ឆ្នាំ២០២៦

ឯកឧត្តម នី ផល្លី រដ្ឋលេខាធិការ បានដឹកនាំក្រុមការងារនាយកដ្ឋានវិនិយោគទេសចរណ៍ ចូលរួមកិច្ចប្រជុំ និងចុះពិនិត្យផ្ទៀងផ្ទាត់ប្រមូលទិន្នន័យគម្រោងវិនិយោគក្នុងវិស័យទេសចរណ៍នៅខេត្តកោះកុង និងខេត្តព្រះសីហនុ។ កិច្ចប្រជុំ រៀបចំឡើងក្នុងគោលបំណងពិនិត្យ និងផ្ទៀងផ្ទាត់លើ៖ ១). គម្រោងវិនិយោគដែលអនុម័ត ឬគ្រោងអនុម័តដោយអនុគណៈកម្មាធិការវិនិយោគខេត្ត ២). គម្រោងអភិវឌ្ឍន៍ទេសចរណ៍ក្នុងតំបន់ការពារ និងតំបន់គម្របព្រៃ របស់ក្រសួងបរិស្ថាន ៣). គម្រោងអភិវឌ្ឍទេសចរណ៍ក្នុងតំបន់ការពារធនធានជលផលរបស់ ក្រសួងកសិកម្ម រុក្ខាប្រមាញ់ និងនេសាទ ៤). គម្រោងវិនិយោគតាមបណ្ដាកោះ ឆ្នេរ និង ៥).គម្រោងវិនិយោគ លើដីរដ្ឋទូទៅផ្សេងៗទៀត ដោយមានការចូលរួម អភិបាលរងខេត្ត ទទួលបន្ទុកការងារទេសចរណ៍ និងវិនិយោគ នាយកទីចាត់ការផែនការ និងវិនិយោគខេត្ត និងតំណាងមន្ទីរពាក់ព័ន្ធ ។

ថ្ងៃទី៦ ខែមីនា ឆ្នាំ២០២៦ នៅខេត្តស្ទឹងត្រែង
លោក ប្រាក់ ធារិទ្ធ អនុប្រធាននាយកដ្ឋាន និងលោក ផយ មធុរៈ អនុប្រធានការិយាល័យ បានចូលរួមសិក្ខាសាលា ស្តីពីការដាក់ឱ្យអនុវត្តផែនការអភិវឌ្ឍន៍ទេសចរណ៍ ៥ ឆ្នាំ (២០២៦-២០៣០) ខេត្តស្ទឹងត្រែង និងការដាក់វេញប្រេនឌីងថ្មីខេត្តស្ទឹងត្រែង ស្ទឹងត្រែងលើសពីទន្លេ លើសពីធម្មតា សម្រាប់ការទស្សនាខេត្តស្ទឹងត្រែងរដូវកាលបៃតងឆ្នាំ២០២៦។

កាលពីថ្ងៃទី៣ ដល់ថ្ងៃទី ៥ ខែមីនា ឆ្នាំ២០២៦ លោក អ៊ុម ភា អគ្គនាយករងអភិវឌ្ឍន៍ទេសចរណ៍ និងសហប្រតិបត្តិការអន្តរជាតិ បានដឹកនាំក្រុមការងារនាយកដ្ឋានវិនិយោគទេសចរណ៍ ចូលរួមកិច្ចប្រជុំពិភាក្សា និងចុះពិនិត្យទីតាំងសក្តានុពលមួយចំនួន ស្តីពី ការចុះសិក្សា ចងក្រង កំណត់អត្តសញ្ញាណកម្ម និងរៀបចំសមិទ្ធិលទ្ធភាពគម្រោងសក្តានុពលវិនិយោគទេសចរណ៍ នៅខេត្តកំពង់ចាម ខេត្តត្បូងឃ្មុំ និងខេត្តក្រចេះ ដោយមានការចូលរួម ពី តំណាងទីចាត់ការផែនការ និងវិនិយោគខេត្ត មន្ទីរទេសចរណ៍ តំណាងមន្ទីរបរិស្ថាន មន្ទីរកសិកម្មរុក្ខាប្រមាញ់ និងនេសាទ។ ក្នុងគោលបំណង ស្វែងរកឪកាស ពីសក្តានុពលវិនិយោគលើវិស័យទេសចរណ៍ ជាពិសេសផ្តោតទៅលើសក្តានុពលតាមដងទន្លេ និងជំរុញការអភិវឌ្ឍន៍វិស័យទេសចរណ៍ ដើម្បីស្វែងរកគម្រោងហិរញ្ញប្បទានសម្បទានពីដៃគូអភិវឌ្ឍ និងទាក់ទាញអ្នកវិនិយោគ។

[English Below]
រាជរដ្ឋាភិបាលកម្ពុជា បានផ្តល់ជាគោលការណ៍ក្នុងការប្រារព្ធ ព្រឹត្តិការណ៍បុណ្យទន្លេលើកទី១០ ក្រោមប្រធានបទ «ទន្លេបៃតង បេតិកភណ្ឌវប្បធម៌ និងធម្មជាតិមហាសាល» នៅខេត្តក្រចេះ ចាប់ពីថ្ងៃទី២៧ ដល់ថ្ងៃទី២៩ ខែមីនា ឆ្នាំ២០២៦។

The Royal Government of Cambodia has established the principle for organizing the 10th Tonle Festival under the theme “Green River: Cultural Heritage and Grand Nature” in Kratie Province, from 27 to 29 March 2026.

[English Below]
ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ នឹងអញ្ជើញជាវាគ្មិនកិត្តិយសបង្ហាញពីសក្តានុពលទេសចរណ៍ និងវិនិយោគទេសចរណ៍ដ៏ទាក់ទាញ និងភាពធន់នៃវិស័យទេសចរណ៍កម្ពុជា ក្នុង «កិច្ចប្រជុំកំពូលធុរកិច្ចអាស៊ាន-កម្ពុជាឆ្នាំ២០២៦» (Cambodia-ASEAN Business Summit 2026) ដែលរៀបចំដោយសភាពាណិជ្ជកម្មកម្ពុជានៅរាជធានីភ្នំពេញ ក្រោមមូលបទ ការផ្លាស់ប្តូរអាស៊ាន៖ នវានុវត្តន៍ សមាហរណកម្ម និងការវិវត្តឧស្សាហកម្ម (Transforming ASEAN: Innovation, Integration, and Industrial Evolution) ដែលនឹងប្រពឹត្តនៅថ្ងៃទី៤ ខែមីនា ឆ្នាំ២០២៦ ក្រោមអធិបតីភាពដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

H.E. Mr. HUOT Hak, Minister of Tourism, will attend as a Guest Speaker to showcase Cambodia’s tourism potential, attractive tourism investment opportunities, and the resilience of the Kingdom’s tourism sector at the Cambodia-ASEAN Business Summit 2026 organized by the Cambodia Chamber of Commerce in Phnom Penh.

Held under the theme "Transforming ASEAN: Innovation, Integration, and Industrial Evolution", the Summit will take place on 4 March 2026 under the high presidency of Samdech Moha Borvor Thipadei HUN Manet, Prime Minister of the Kingdom of Cambodia.

នៅព្រឹកថ្ងៃទី២៥ ខែកុម្ភៈ ឆ្នាំ២០២៦
លោក ចាន់ ភក្តី ប្រធានការិយាល័យ ចូលរួមកិច្ចប្រជុំ”ក្រុមការងារនៃគណៈកម្មការអន្តរក្រសួងសម្រាប់រៀបចំកម្មវិធីវិនិយោគសាធារណៈ ៣ឆ្នាំរំកិល ២០២៧-២០២៩”ក្នុងគោលបំណង់ដើម្បីពិនិត្យលើវឌ្ឍនភាពនៃការរៀបចំសេចក្តីព្រាង ក.វ.ស ៣ឆ្នាំរំកិល ២០២៧-២០២៩។ ក្រោមអធិបតីភាព ឯកឧត្តម សំរិត មករា រដ្ឋលេខាធិការប្រចាំការក្រសួងផែនការ ដោយមានការចូលរួមពី ឯកឧត្តម លោកជំទាវ លោក លោកស្រី តំណាងក្រសួងស្ថាប័នពាក់ព័ន្ធ សរុបប្រមាណជា ១០០ រូប។ នៅសណ្ឋាគារកាំបូឌីយ៉ាណា រាជធានីភ្នំពេញ