Soth Ban

ទិដ្ឋភាពថៃវាយប្រហារលើអាកាសកម្ទេចកាស៊ីណូជប់គគីរ។

កងទ័ពជើងអាកាសថៃ បានបញ្ជាក់ប្រាប់សារព័ត៌មានថៃរដ្ឋ នៅថ្ងៃទី១១ ធ្នូនេះថា កងទ័ពជើងអាកាសថៃបានប្រើយន្តហោះចម្បាំង F-16 វាយកម្ទេចកាស៊ីណូមួយកន្លែងច្រកជប់គគីរ ខេត្តឧត្តរមានជ័យ។

ប្រពភនិយាយថា នៅម៉ោងប្រមាណ ៤ ភ្លឺ យោធាថៃ បានបើកប្រតិបត្តិការវាយប្រហារលើប្រទេសកម្ពុជា ដោយប្រើយន្តហោះចម្បាំង F-16 ដើម្បីវាយកម្ទេចកាស៊ីណូកម្ពុជានៅច្រកជប់គគីរ ខេត្តឧត្តរមានជ័យ។

ប្រភពអះអាងថា ការបើកការវាយកម្ទេចកាស៊ីណូកម្ពុជានៅជប់គគីរនេះ ដើម្បីលុបបំបាត់ល្បែងអនឡាញខុស ស្របតាមផែនការនាយករដ្ឋមន្រ្តីលោក អនុធិន ធ្លាប់ព្រមានថាថៃនឹងវាយកម្ទេចមូលដ្ឋានកម្ពុជាចំនួន ១១ទីតាំង។

ការសំអាងបែបនេះ ហាក់ស៊ីគ្នាទៅនឹងការលើកឡើងរបស់ក្រសួងការពារជាតិកម្ពុជា ដែលបានបង្ហោះសារនៅព្រឹកថ្ងៃទី១១ ធ្នូនេះផងដែរថា យោធាថៃ បានបើកការវាយប្រហារលើកម្ពុជានៅខេត្តឧត្តរមានជ័យ៕

ប្រភព Thairath - ไทยรัฐออนไลน์

នាយករដ្ឋមន្ដ្រីថៃ លោក អនុធិន ចាន់វីរៈគុន កំពុងភ័យញ័រ រងចាំទូរសព្ទ លោក ត្រាំ ខលមក។

ប្រភពព័ត៌មានថៃរដ្ឋ Thairath - ไทยรัฐออนไลน์ បានឱ្យដឹងថា លោក អនុធិន កំពុងអង្គុយរងចាំ ទូរសព្ទ ប្រធានាធិបតីសហរដ្ឋអាមេរិក លោក ត្រាំ ដើម្បីជជែក ពិភាក្សារឿងជម្លោះព្រំដែនកម្ពុជា-ថៃ។

លោក អនុធិន និយាយថា លោកកំពុងរងចាំទទួលទូរសព្ទពីប្រធានាធិបតី ត្រាំ ជជែកពិភាក្សារឿងព្រំដែន ប៉ុន្តែលោកបានប្រាប់​អ្នកសារពត៌មានថា《លោកនឹងរាយការណ៍ប្រាប់លោកត្រាំថាកម្ពុជាជាអ្នកវាយប្រហារមុន》។

សារព័ត៌មានស្និទនឹងរដ្ឋាភិបាល Fresh News បានបញ្ជាក់ថា កងទ័ពកម្ពុជា-ថៃ កំពុងប្រយុទ្ធគ្នាខ្លាំងនៅប៉ោតប៉ែត។

មើលទៅមហិច្ចតារបស់ថៃ ប្រហែលជាចង់ប្រយុទ្ធផ្តាច់ព្រាត់ជាមួយកម្ពុជាហើយ«ស៊ីសាច់ហុតឈាម»។

សូមបងប្អូនខ្មែររស់នៅខេត្តជាប់ព្រំដែនទាំងអស់មានការប្រុងប្រយ័ត្នខ្ពស់ ដើម្បីសុខសុវត្ថិភាព៕