KhmerSME

កាលពីថ្ងៃទី១៨ ខែឧសភា ឆ្នាំ២០២៦ លោកជំទាវ ញឹមខេមរា រូហ្សា អគ្គនាយកនៃអគ្គនាយកដ្ឋានសហគ្រាសធុនតូច និងមធ្យម និងសិប្បកម្ម បានដឹកនាំមន្ត្រីក្នុងអគ្គនាយកដ្ឋានរួមមាន លោក ម៉ូវ សុគា ប្រធាននាយកដ្ឋានសហគ្រាសធុនតូច និងមធ្យម លោក ហឿង គឹមសាយ ប្រធាននាយកដ្ឋានកិច្ចការសិប្បកម្ម លោក នៅ សឿនសូណាត ប្រធាននាយកដ្ឋានផែនការ និងជំរុញការអភិវឌ្ឍគ្រាសធុនតូច និងមធ្យម រួមជាមួយ លោក នេត មុន្នីប៉ុណ្ណាការ ប្រធានមន្ទីរឧស្សាហកម្ម រាជធានីភ្នំពេញ និងមន្ត្រីជំនាញមួយចំនួន បានចុះទស្សនកិច្ចនៅតាមមូលដ្ឋានផលិតកម្មផលិត និងកែច្នៃម្ហូបអាហារចំនួនបីទីតាំងនៅក្នុងរាជធានីភ្នំពេញ រួមមានសហគ្រាសផលិតទឹកត្រី ទឹកស៊ីអ៊ីវ ទឹកម្ទេស ទឹកសៀង និងទឹកជ្រលក់ «លាង ឡេង» សហគ្រាសធុនតូចផលិតទឹកកកដើម និងទឹកកកពិសា «CAM SNOW» និងសិប្បកម្មផលិត និងកែច្នៃសាច់ប្រហិត សាច់ក្រក ត្រីងៀត «ហុយ ហុយ»។

ការចុះទស្សនកិច្ចនៅទីតាំងផលិតកម្មម្ហូបអាហារទាំងបីទីតាំងនេះ គឺធ្វើឡើងក្នុងបំណងសិក្សាស្វែងយល់អំពីដំណើរការផលិត បច្ចេកទេសកែច្នៃម្ហូបអាហារ ពិនិត្យការអនុវត្តអនាម័យ និងសុវត្ថិភាពម្ហូបអាហារ វាយតម្លៃការគ្រប់គ្រងគុណភាពផលិតផល និងការវេចខ្ចប់ សិក្សាការប្រើប្រាស់ម៉ាស៊ីន បច្ចេកវិទ្យាថ្មីៗក្នុងការកែច្នៃអាហារ ការប្រើប្រាស់វត្ថុធាតុដើមក្នុងផលិតកម្ម ពិនិត្យការគ្រប់គ្រងសំណល់ សំណល់រាវ វាយតម្លៃលក្ខខណ្ឌសុវត្ថិភាពការងារ និងស្វែងយល់ពីបញ្ហាប្រឈម និងតម្រូវការរបស់សហគ្រាស សិប្បកម្ម ជាពិសេស លោកជំទាវអគ្គនាយកក៏ការលើកទឹកចិត្ត និងបន្តគាំទ្រដល់សិប្បកម្ម សហគ្រាសក្នុងការពង្រឹងគុណភាព សុវត្ថិភាព សោភ័ណភាពវេចខ្ចប់ និងអនុលោមភាពផលិតផលឱ្យបានកាន់ប្រសើរឡើងថែមទៀត ដើម្បីទទួលបានការគាំទ្រ និងអាចពង្រីកទីផ្សារបានកាន់ទូលំទូលាយ។

Follow us on: https://t.me/msmeskh

តើអ្នកនៅតែដំណើរការអាជីវកម្មរបស់អ្នកក្រៅផ្លូវការមែនទេ?

សហគ្រាសធុនតូច និងមធ្យមជាច្រើនគិតថា ការមានអាជីវកម្មដែល
ជាសេដ្ឋកិច្ចក្រៅប្រព័ន្ធគឺផ្ដល់ភាពងាយស្រួល​និងមិនតម្រូវអោយមានការរៀបចំឯកសារច្រើន ការចំណាយក៏តិចដូចគ្នា។
ប៉ុន្តែតាមការពិតវាជាកត្តាដែលបង្អាក់ការលូតលាស់អាជីវកម្មរបស់អ្នក និងរារាំងការទទួលបានឱកាសដែលជួយដល់អាជីវកម្ម។

ការចុះបញ្ជីអាជីវកម្មរបស់អ្នកមិនមែនគ្រាន់តែជាការចុះឈ្មោះ
ធម្មតានោះទេប៉ុន្តែវាជាការបើកផ្លូវអោយអាជីវកម្មទទួលបាន
ការរីកចម្រើនមួយកម្រិតទៀត។

ទាំងនេះជាហេតុផលដែលអ្នកគួរចុះឈ្មោះអាជីវកម្ម:
១. ការទទួលបានហិរញ្ញវត្ថុ
ធនាគារ និងវិនិយោគិនត្រូវការការចុះបញ្ជីឱ្យបានត្រឹមត្រូវ។ បើគ្មានការចុះបញ្ជីទេ ការទទួលបានប្រាក់កម្ចី ឬមូលនិធិស្ទើរតែមិនអាចទៅរួចទេ។

២. កសាងទំនុកចិត្ត និងភាពជឿជាក់
អតិថិជន អ្នកផ្គត់ផ្គង់ និងដៃគូ កាន់តែមានទំនុកចិត្តក្នុងការធ្វើការជាមួយអាជីវកម្មដែលទទួលស្គាល់ដោយច្បាប់។

៣. កិច្ចការពារស្របច្បាប់
អាជីវកម្មផ្លូវការ​ នឹងទទួលបានការ​ ការពារសិទ្ធិ កាត់បន្ថយហានិភ័យ និងវិវាទផ្សេងៗ។

៤. ពង្រីកឱកាសរបស់អ្នក
បើសិនជាអ្នកជាម្ចាស់អាជីវកម្ម ហើយចង់ផ្គត់ផ្គង់ផលិតផលរបស់អ្នកដល់ក្រុមហ៊ុនធំៗ ការនាំចេញ ឬចូលរួមក្នុងកម្មវិធី​ និងគម្រោងរបស់រដ្ឋាភិបាល?​ វាពិតជាចាំបាច់ណាស់ដែលតម្រូវឱ្យអ្នកចុះបញ្ជីអាជីវកម្មជាមុនសិន។

ចាប់ផ្តើមដំណើររបស់អ្នកជាមួយ KhmerSME ដែលជាវេទិកាដ៏គួរឱ្យទុកចិត្តរបស់អ្នកសម្រាប់ការអភិវឌ្ឍសហគ្រាសធុនតូច និងមធ្យមនៅកម្ពុជា។

«ព្រះរាជពិធីចម្រើនព្រះជន្ម ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា»

ក្នុងព្រះរាជវរោកាសជយាភិរម្យ នៃព្រះរាជពិធីចម្រើនព្រះជន្មព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា សូមក្រាបបង្គំថ្វាយព្រះរាជសព្ទសាធុការពរជ័យ សិរីបវរមហាប្រសើរ ថ្វាយព្រះករុណាជាអម្ចាស់ជីវិតលើត្បូង សូមព្រះបារមីព្រះមហាស្វេតច្ឆ័ត្រ និងវត្ថុស័ក្តិសទិ្ធក្នុងលោក ប្រោសប្រទានពរជ័យ សិរីមង្គលថ្វាយ ព្រះករុណាជាអម្ចាស់ សូមមានព្រះជន្មាយុយឺនយូរជាងរយព្រះវស្សា ព្រះកាយពលមាំមួន និងព្រះរាជសុខភាពល្អបរិបូរណ៍ ដើម្បីគង់ប្រថាប់ជាម្លប់ដ៏ត្រជាក់ត្រជុំដល់ប្រជានុរាស្រ្តខ្មែរគ្រប់ៗរូប៕

អបអរសាទរ ព្រះរាជពិធីបុណ្យច្រត់ព្រះនង្គ័ល

ថ្ងៃអង្គារ ៤រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែឧសភា ឆ្នាំ២០២៦

សូមអនុមោទនាពិធីបុណ្យវិសាខបូជា! 🙏

ថ្ងៃសុក្រ ១៥កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី១ ខែឧសភា ឆ្នាំ២០២៦

សូមចូលរួមអបអរសាទរខួបលើកទី១៤០ នៃទិវាពលកម្មអន្តរជាតិ ១ ឧសភា!

🌟 រួមគ្នាអភិវឌ្ឍនិងលើកកម្ពស់ សហគ្រាសធុនតូច​ និងមធ្យម ក្នុងប្រទេសកម្ពុជា!

KhmerSME បាននឹងកំពុងសិក្សាស្រាវជ្រាវអំពី ការត្រៀមខ្លួនក្នុងការចាប់យកឌីជីថលរបស់សហគ្រាសធុនតូច​ និងមធ្យម ក្នុងប្រទេសកម្ពុជា។ ការចូលរួមរបស់លោក​ លោកស្រី ពិតជាមានសារៈសំខាន់ណាស់ សម្រាប់ការអភិវឌ្ឍវិស័យឧស្សាហកម្ម ជាពិសេសការជួយទៅដល់សហគ្រាសធុនតូច​ និងមធ្យម តែម្តង!

🎯 សូមស្កែន QR Code ឬចុចតាមតំណភ្ជាប់ខាងក្រោម​ ដើម្បីបំពេញកម្រងសំណួរ
https://forms.cloud.microsoft/pages/responsepage.aspx?id=DQSIkWdsW0yxEjajBLZtrQAAAAAAAAAAAANAAqcJFA1UMjY4WTFLUlVNT0tRNUE3OUY3VjBWTU5DTS4u&route=shorturl

ការស្ទង់មតិនេះរួមមានសំណួរទាក់ទងនឹង៖

_ការប្រើប្រាស់បច្ចេកវិទ្យានិងឧបករណ៍ឌីជីថល
_ការធ្វើអាជីវកម្មអនឡាញ (E-Commerce)
_ការធ្វើទីផ្សារតាមរយៈបណ្តាញសង្គម (Social Media)
_ប្រព័ន្ធទូទាត់ប្រាក់តាមបែបឌីជីថល (E-Payment)
_ការគ្រប់គ្រងអាជីវកម្មដោយប្រើប្រាស់ប្រព័ន្ធឌីជីថល

🤝 ចូលរួមចំណែកដើម្បីពង្រឹង អភិវឌ្ឍ និងលើកកម្ពស់ សហគ្រាសធុនតូច​ និងមធ្យម របស់យើងឱ្យកាន់តែខ្លាំង

រួមគ្នាជួយ រួមគ្នារីកចម្រើន!

ឱកាសពិសេសសម្រាប់សហគ្រាសធុនតូច និងមធ្យមកម្ពុជា!

ដំណើរទស្សនកិច្ចទៅកាន់ សាធារណរដ្ឋកូរ៉េ កំពុងរង់ចាំអ្នក!

មជ្ឈមណ្ឌលកែច្នៃអាហារកម្ពុជា-កូរ៉េ (FTC) បានរៀបចំកម្មវិធីពិសេសសម្រាប់ម្ចាស់សហគ្រាស ក្នុងការស្វែងយល់ពីបច្ចេកវិទ្យាទំនើបៗនៅសាធារណរដ្ឋកូរ៉េ!

កាលបរិច្ឆេទ៖ ថ្ងៃទី​ ៩–១២ មិថុនា ២០២៦
ជ្រើសរើសតែ ១២ សហគ្រាសប៉ុណ្ណោះ!

អ្វីដែលអ្នកនឹងទទួលបាន
▸ ទស្សនារោងចក្រផលិតអាហារជាក់ស្តែងនៅសាធារណរដ្ឋកូរ៉េ
▸ ការបង្ហាញពិសោធន៍ Lab ជាមួយអ្នកជំនាញ
▸ ការសិក្សាផ្ទាល់ ទៅតាមប្រភេទផលិតផលរបស់សហគ្រាសរបស់លោកអ្នក
▸ បច្ចេកវិទ្យាទំនើប៖ AI IoT HACCP ISO
▸ ការចែករំលែកបទពិសោធន៍ជាក់ស្តែងផ្សេងៗពីក្រុមហ៊ុនកូរ៉េ
▸ នវានុវត្តន៍ថ្មីៗ ដែលអាចយកមកអនុវត្តបានក្នុងសហគ្រាសរបស់អស់លោកអ្នក

ផុតកំណត់ការចុះឈ្មោះ៖ ថ្ងៃទី ៦ ខែឧសភា ២០២៦ កន្លែងមានកំណត់!
ស្កេន QR Code ខាងក្រោម ឬ ចុចតំណភ្ជាប់ដើម្បីដាក់ពាក្យឥឡូវនេះ!
https://t.me/Rithy_Sean

Follow us on: https://t.me/msmeskh

#កូរ៉េ #សហគ្រាសកម្ពុជា #បច្ចេកវិទ្យាអាហារ #អភិវឌ្ឍន៍សហគ្រាស