រដ្ឋបាលស្រុកមង្គលបូរី Mongkol Borei District

នារសៀលថ្ងៃទី១៧ ខែកក្កដា ឆ្នាំ២០២៦ នៅសាលប្រជុំធំសាលាស្រុកមង្គលបូរី បានរៀបចំកិច្ចប្រជុំស្តីពី ការផ្ទៀងផ្ទាត់ប័ណ្ណសមធម៌ ក្រ១ ក្រ២ និងហានិភ័យ ទូទាំងស្រុកមង្គលបូរី ក្រោមអធិបតីភាព លោក កែវ តារារស្មី អភិបាលស្រុក ដោយមានការអញ្ជើញចូលរួមពី លោក ឆុំ ឆាន អភិបាលរងស្រុក លោក មិន និមល អភិបាលរងស្រុក លោក ឈុំ អភី នាយរដ្ឋបាលសាលាស្រុក លោកនាយករងរដ្ឋបាលសាលាស្រុក លោក លោកស្រី ប្រធាន អនុប្រធានការិយាល័យផែនការ និងគាំទ្រឃុំ សង្កាត់ មន្រ្តី មេឃុំ ក្រុមប្រឹក្សាឃុំ ស្មៀន ជំនួយការកសិកម្មឃុំ ជំនួយការហិរញ្ញវត្ថុឃុំ ជំនួយការរដ្ឋបាលឃុំ និងអ្នកកាន់តាប្លេត សរុបចំនួន ៤៧នាក់ ស្រី១៨នាក់។

ថ្ងៃទី១៧ ខែកក្កដា ឆ្នាំ២០២៦ លោក កែវ តារារស្មី អភិបាលនៃគណ:អភិបាលស្រុក អមដំណើរដោយលោក ឈុំ អភី នាយករដ្ឋបាល បានអញ្ជើញពិនិត្យផ្ទះដែលជាអំណោយសាខាកាកបាទក្រហមកម្ពុជាខេត្តបន្ទាយមានជ័យ ជូនលោកយាយ ឃួន នឿន នៅភូមិប្រឡាយហ្លួងលើ ឃុំឫស្សីក្រោក ក្នុងនោះដែរលោកអភិបាលបានប្រគល់ជូននូវថវិកាចំនួន ៥ម៉ឺនរៀលផងដែរ បន្ទាប់មកលោកអភិបាលបានអញ្ជើញពិនិត្យស្ថានភាពផ្លូវលេខ១៥៦ដេ ដែលបានបាក់ស្រុតទៅស្ទឹង ត្រង់ចំណុចភូមិអូរតាម៉ា ឃុំឫស្សីក្រោក។

នារសៀលថ្ងៃទី១៧ ខែកក្កដា ឆ្នាំ២០២៦ ឯកឧត្តម កែ គឹមយ៉ាន តំណាងរាស្ត្រមណ្ឌលខេត្តបន្ទាយមានជ័យ និងឯកឧត្តម ខេង ស៊ុម តំណាងរាស្ត្រមណ្ឌលខេត្តបន្ទាយមានជ័យ អមដំណើរដោយ លោក កែវ តារារស្មី អភិបាលនៃគណ:អភិបាលស្រុកមង្គលបូរី លោក មាន វិចិត្រ នាយរងរដ្ឋបាលស្រុក និងលោក ហោរ៍ សំណាង មេឃុំរហាត់ទឹក បានអញ្ជើញពិនិត្យស្ថានភាពទឹកសម្រាប់បង្កបង្កើនផលកសិកម្ម និងប្រើប្រាស់ នៅចំណុចសំណង់ស្ទាក់ទឹកពោធិ៍ពីរដើមឃុំរហាត់ទឹក បន្ទាប់មកឯកឧត្តមតំណាងរាស្ត្រ បានអញ្ជើញចុះសួរសុខទុក្ខក្រុមប្រឹក្សាឃុំ នៅសាលាឃុំបត់ត្រង់ ស្រុកមង្គលបូរី។

នៅរសៀល ថ្ងៃទី១៦ ខែកក្កដា ឆ្នាំ២០២៦
លោក កែវ តារារស្មី អភិបាលនៃគណ:អភិបាលស្រុក បានចុះពិនិត្យស្ថានភាពទឹក នៅសំណង់ស្ទាក់ទឹកឃុំអូរប្រាសាទ និងសំណង់ស្ទាក់ទឹកពោធិ៍២ដើម ឃុំរហាត់ទឹក ស្រុកមង្គលបូរី។

នៅរសៀល ថ្ងៃទី១៦ ខែកក្កដា ឆ្នាំ២០២៦
លោក ឆុំ ឆាន អភិបាលរងស្រុក បានដឹកនាំ
កិច្ចប្រជុំស្តីពីការរៀបចំសណ្តាប់ធ្នាប់សំណង់ដែលមិនមានច្បាប់សាងសង់ និងសំណង់រំលោភលើដីចំណីផ្លូវដែកក្នុងស្រុកមង្គលបូរី ដោយមានការអញ្ជើញចូលរួមពី លោកនាយករងរដ្ឋបាលស្រុក ប្រធាន អនុប្រធានការិយាល័យពាក់ព័ន្ធ កងកម្លាំង នាយប៉ុស្តិ៍នគរបាល លោក លោកស្រីមេឃុំទាំង១៣ នៃរដ្ឋបាលស្រុក។

នៅរសៀល ថ្ងៃព្រហស្បតិ៍ ២កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៦ ខែកក្កដា ឆ្នាំ២០២៦

លោក ទូច សីហា អភិបាលរងស្រុក លោក ម៉ក់កឿយ ប្រការិយាល័យសង្គមកិច្ចស្រុក បានអញ្ជើញចូលរួមប្រជុំ ស្ដីពីការរៀបចំចៅអធិការវត្ត រៀបចំអាចារ្យ គណ:កម្មការដែលផុតអាណត្តិ ទប់ស្កាត់ការបិណ្ឌបាតអនាធិបតេយ្យ និងពង្រឹងសាលាពុទ្ធិកសិក្សា នៅបរិវេណវត្តសុវណ្ណគិរី ភូមិវត្តថ្មី
ឃុំភ្នំតូច ស្រុកមង្គលបូរី ដោយមានការនិមន្តនិងអញ្ជើញចូលរួមពីលោក ខៀវ សុនិមល អនុប្រធានមន្ទីរធម្មការ និងសាសនាខេត្ត ព្រះអង្គគ្រូ សៀង សុង អនុគណស្រុក ចៅអធិការគ្រប់វត្តក្នុងស្រុក និងអាចារ្យ គណ:កម្មការគ្រប់វត្តក្នុងស្រុក។

===========

នាព្រឹកថ្ងៃទី១៦ ខែកក្កដា ឆ្នាំ២០២៦ លោក កែវ តារារស្មី អភិបាលនៃគណៈអភិបាលស្រុកមង្គលបូរី បានអញ្ជើញសួរសុខទុក្ខលោក ប្រាសិទ្ធិ ណយ មេឃុំភ្នំតូច ដែលកំពុងសម្រាកព្យាបាលជំងឺនៅមន្ទីរពេទ្យបង្អែកស្រុកមង្គលបូរី និងបាននាំយកថវិកា និងគ្រឿងឧបភោគបរិភោគមួយចំនួន៖
-ទឹកសុទ្ធកម្ពុជា ចំនួន ៣ កេស
-មីជាតិ ចំនួន ២ កេស
-ថវិកាចំនួន ៤០០,០០០ រៀល (១០០ដុល្លារ)

រដ្ឋបាលស្រុកមង្គលបូរី សូមថ្លែងអំណរគុណ ជូនចំពោះ លោក ជា គឹមសេង សមាជិកក្រុមប្រឹក្សាស្រុក ដែលបានឧបត្ថម្ភអង្ករចំនួន ៤០០គីឡូក្រាម ជូនរដ្ឋបាលស្រុក។

សូមប្រសិទ្ធិពរជ័យ សិរីសួស្ដី មហាបវរ និងជួបប្រទះតែពុទ្ធពរ ៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ🙏

ថ្ងៃទី១៥ ខែកក្កដា ឆ្នាំ២០២៦

សិក្ខាសាលាស្តីពីកម្មវិធីស្វ័យសិក្សាអាជីវកម្មROKSI, ថ្នាលសេដ្ឋកិច្ចឌីជីថលសម្រាប់សេដ្ឋកិច្ចក្រៅប្រព័ន្ធ CAM-IE របបសន្តិសុខសង្គម(ប.ស.ស) និងសេវាច្រកចេញចូលតែមួយ(OWSO)
---------------------

(មង្គលបូរី)៖ នាព្រឹកថ្ងៃទី១៥ ខែកក្កដា ឆ្នាំ២០២៦ រដ្ឋបាលឃុំសឿ បានរៀបចំសិក្ខាសាលាស្តីពីកម្មវិធីស្វ័យសិក្សាអាជីវកម្មROKSI, ថ្នាលសេដ្ឋកិច្ចឌីជីថលសម្រាប់សេដ្ឋកិច្ចក្រៅប្រព័ន្ធ CAM-IE របបសន្តិសុខសង្គម(ប.ស.ស) និងសេវាច្រកចេញចូលតែមួយ(OWSO) ក្រោមអធិបតីភាពលោក មិន និមល អភិបាលរងស្រុក ដោយមានសមាសភាពអញ្ជើញចូលរួម លោក តុងរួម អនុប្រធានការិយាល័យច្រកចេញចូលតែមួយ លោក ហាក់ ខេមពេជ្រ អនុប្រធានការិយាល័យច្រកចេញចូលតែមួយ លោក ជា ទី មេឃុំ និងបុគ្គលិករបស់វិទ្យាស្ថានតស៊ូមតិ និគោលនយោបាល API អាជីវករក្រៅប្រព័ន្ធចូលរួមចំនួន ៧០នាក់។

ពិធីបើកស្រោមវិញ្ញាសាប្រឡងសាកសិស្សថ្នាក់ទី១២ សម័យប្រឡង ១៥-១៦ កក្កដា ២០២៦

នៅព្រឹកថ្ងៃទី១៥ ខែកក្កដា ឆ្នាំ២០២៦
លោក ទូចសីហា អភិបាលរងស្រុកមង្គលបូរី តំណាងលោក កែវ តារារស្មី អភិបាលនៃគណ:អភិបាលស្រុក អមដំណើរដោយលោក មាន ឫទ្ធី អនុប្រធានការិយាល័យអប់រំ យុវជននិងកីឡានៃរដ្ឋបាលស្រុក លោកស្រី វៀង ចាន់រី មន្ត្រីការិយាល័យអប់រំ យុវជន និងកីឡានៃរដ្ឋបាលស្រុក។ បានអញ្ជើញជាអធិបតី ក្នុងពិធី បើកស្រោមវិញ្ញាសាប្រឡងសាកថ្នាក់ទី១២ នៅវិទ្យាល័យមង្គលបូរី ស្ថិតនៅ ឃុំឫស្សីក្រោក ស្រុកមង្គលបូរី ខេត្ត បន្ទាយមានជ័យ។

============