ម៉ាស់ពេទ្យ

ឈ្វេងយល់ពីមុខងារនិងសមត្ថភាពការពារ?

16/04/2024

16/04/2024

Love

12/04/2020

ឥទ្ធិពលរបស់វិស័យដឹកជញ្ជូនរហ័ស ក្នុងការជួយជំរុញសេដ្ឋកិច្ចនៅកម្ពុជា

ដោយសារជំងឺ Covid-19 រាតត្បាត និងទិន្នន័យពាក់ព័ន្ធរបស់រដ្ឋាភិបាល យើងព្យាករណ៍ថាសេដ្ឋកិច្ចប្រទេសកម្ពុជា នឹងទទួលបានឱកាសថ្មី ក្នុងការអភិវឌ្ឍលើវិស័យឧស្សាហកម្ម ពាណិជ្ជកម្មតាមប្រព័ន្ធអេឡិចត្រូនិក និងការដឹកជញ្ជូន ឈានមុខគេនៅឆ្នាំ ២០២០ នេះ។

រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ លោក អូន ព័ន្ធមុនីរ័ត្ន ធ្លាប់មានប្រសាសន៍ថា៖«សេដ្ឋកិច្ចរបស់កម្ពុជា ត្រូវបានគេរំពឹងថា នឹងកើនឡើងយ៉ាងឆាប់រហ័សក្នុងអត្រាប្រហែល ៦.៥% ក្នុងឆ្នាំ២០២០។ ផលិតផលក្នុងស្រុកសរុប សម្រាប់ប្រជាជនម្នាក់នឹងឈានដល់ ១,៨១៦ ដុល្លារអាមេរិក។ ក្នុងចំណោមនោះ វិស័យឧស្សាហកម្ម ត្រូវបានគេរំពឹងថាកើនឡើង ៨.៩% ឧស្សាហកម្មសេវាកម្មកើនឡើង ៦.៤% និងវិស័យកសិកម្មកើនឡើង ១.៧%។ យោងតាមធនាគារពិភពលោកសេដ្ឋកិច្ចកម្ពុជា នៅតែមានស្ថិរភាព»។

ក្រសួងផែនការ បានស្នើថវិកាចំនួន ១៤.៤៨ពាន់លានដុល្លារ ដើម្បីដំណើរការគម្រោងចំនួន៦០៨ នៅចន្លោះឆ្នាំ២០២០ និង២០២២។ គម្រោងទាំងនេះ នឹងផ្តោតលើវិស័យចំនួន៤ រួមមានសេដ្ឋកិច្ចហិរញ្ញវត្ថុ ហេដ្ឋារចនាសម្ព័ន្ធ និងសេវាកម្ម។ ជាមួយនឹងកំណើនសេដ្ឋកិច្ចយ៉ាងឆាប់រហ័សនេះ បរិមាណទំនិញនៅតាមព្រលានយន្តហោះ និងកំពង់ផែសមុទ្រសំខាន់ៗរបស់កម្ពុជា នឹងមានការកើនឡើងគួរឱ្យកត់សម្គាល់ ក្នុងរយៈពេលប៉ុន្មានឆ្នាំនេះ។ រដ្ឋាភិបាល មានគោលបំណងបង្កើតប្រព័ន្ធដឹកជញ្ជូនចម្រុះ ព្រមទាំងភ្ជាប់ច្រកព្រំដែនសេដ្ឋកិច្ចចំនួន៣ រួមមានភ្នំពេញ-ព្រះសីហនុ, ភ្នំពេញ-បាវិត និងភ្នំពេញ-ប៉ោយប៉ែត។ ទោះយ៉ាងណាក៏ដោយ ក៏មានក្រុមហ៊ុនធំៗជាច្រើន បានចាប់ផ្តើមប្រតិបត្តិការ លើវិស័យដឹកជញ្ជូនរួចរាល់ហើយនៅកម្ពុជា រួមមាន J&T, BEST EXPRESS, និងZTO ជាដើម។

លោក Jason អ្នកគ្រប់គ្រងទូទៅប្រចាំតំបន់អាស៊ីអាគ្នេយ៍ របស់ក្រុមហ៊ុនដឹកជញ្ជូន BEST EXPRESS បានលើកឡើងថា៖ «ប្រទេសកម្ពុជា គឺជាប្រទេសដែលមានការរីកចម្រើនយ៉ាងឆាប់រហ័ស និងជាផ្នែកមួយដ៏សំខាន់ របស់យុទ្ធសាស្ត្រអន្តរជាតិរបស់យើង។ បច្ចុប្បន្ន គឺជាឱកាសដ៏ល្អមួយ សម្រាប់ការវិនិយោគលើប្រព័ន្ធដឹកជញ្ចូន ប្រកបដោយប្រសិទ្ធភាព និងវិជ្ជាជីវៈនៅក្នុងប្រទេសកម្ពុជា ដើម្បីជួយដល់ការអភិវឌ្ឍសេដ្ឋកិច្ចឌីជីថល របស់ប្រទេសកម្ពុជា» ។

ជាក់ស្តែង BEST EXPRESS បានវិនិយោគរាប់លានដុល្លារនៅក្នុងប្រទេសកម្ពុជា ហើយវិសាលភាពអាជីវកម្មរបស់ក្រុមហ៊ុននេះ គឺស្រដៀងគ្នាទៅនឹងPOST និង J&T។ យុទ្ធសាស្ត្ររបបស់ក្រុមហ៊ុន គឺផ្តោតសំខាន់លើពាណិជ្ជកម្មតាមប្រព័ន្ធអេឡិចត្រូនិក ការដឹកជញ្ជូនក្នុងស្រុក និងក្រៅស្រុក ស្របពេលដែល BEST EXPRESS មានទំនាក់ទំនងជិតស្និទ្ធ ជាមួយក្រុមហ៊ុន Alibaba Group។ ក្រុមហ៊ុននេះ បានចាប់ផ្តើមដំណើរការនៅធានីភ្នំពេញ ហើយត្រូវបានគេរំពឹងថា នឹងបញ្ចប់ការបង្កើតបណ្តាញសាខាក្រុមហ៊ុនដឹកជញ្ជូន នៅក្នុងប្រទេសកម្ពុជាទាំងមូល នៅក្នុងឆ្នាំ២០២០នេះ។

ការវិនិយោគរបស់ក្រុមហ៊ុន ដែលមានជំនាញធំៗទាំងនេះ នៅក្នុងប្រទេសកម្ពុជា សុទ្ធសឹងតែមានស្ថិរភាពខ្ពស់ និងលទ្ធភាពហិរញ្ញវត្ថុល្អ ជាមួយនឹងវិស័យមួយនេះ ដូច្នេះយើងជឿជាក់ថា វានឹងក្លាយជាអាជីវកម្មដ៏ល្អមួយ សម្រាប់ការវិនិយោគរបស់ក្រុមហ៊ុនធំដូច BEST EXPRESS នៅកម្ពុជា។

កម្ពុជាសូមស្វាគមន៍ ចំពោះការចូលមករបស់ក្រុមហ៊ុនល្អៗទាំងនេះ ដើម្បីជួយដល់ការអភិវឌ្ឍសេដ្ឋកិច្ចរបស់ប្រទេស៕

ដើម្បីទំនាក់ទំនងបើកសាខា BEST EXPRESS CAMBODIA សូមចុចទីនេះ៖ https://forms.gle/eR6Pzas6dF65G7tj6

12/04/2020

អាមេរិកមានអ្នកឆ្លង COVID-19 ជាង៥៣ម៉ឺនករណី ហើយស្លាប់ជាង២ម៉ឺននាក់ដែលច្រើនជាងគេបំផុត
គិតត្រឹមថ្ងៃទី១២ ខែមេសា អាមេរិកមានអ្នកស្លាប់ដោយសារជំងឺរលាកសួត ដែលបង្កដោយកូរ៉ូណាវីរុសច្រើនជាងគេបង្អស់នៅលើពិភពលោក។ ការណ៍នេះ បានធ្វើឲ្យអាមេរិកក្លាយជាប្រទេសមាន COVID-19 និងអ្នកស្លាប់ដោយសារជំងឺរលាកសួតប្រភេទថ្មីនេះច្រើនជាងគេ។ អត្រាឆ្លង និងស្លាប់កើនឡើងយ៉ាងគំហុកបែបនេះ ដោយសារមួយថ្ងៃៗអាមេរិកមានអ្នកឆ្លងជាច្រើនម៉ឺនករណី និងស្លាប់ជាច្រើនករណី។

បើតាមវែបសាយ Worldometer អាមេរិកមាន COVID-19 សរុប និងអ្នកស្លាប់ដោយសារជំងឺឆ្លងនេះ ច្រើនជាងគេបង្អស់ ពោលគឺកើនលើសអ៊ីតាលីទៅទៀត។ មកដល់ថ្ងៃទី១២ ខែមេសា នេះ អាមេរិកបានរកឃើញអ្នកផ្ទុក COVID-19 ថ្មីជាង៣ម៉ឺនករណី និងអ្នកស្លាប់ជាង ១៨០០ករណី។ យ៉ាងណាក្តី តួលេខនេះ គឺធ្លាក់ចុះបន្តិចបើធៀបនឹងថ្ងៃទី១០ ខែមេសា ដែលមានចំនួនអ្នកឆ្លង ៣៣៧៥២ករណី និងអ្នកស្លាប់ ២០៣៥ករណី។

តួលេខសរុប COVID-19 របស់អាមេរិក មានចំនួន ៥៣២៨៧៩រណី អ្នកស្លាប់ ២០៥៧៧ករណី និងអ្នកជាសះស្បើយមាន ៣០៤៥៣ករណី។

ចំណែកអ៊ីតាលី ដែលពីមុនមានអ្នកស្លាប់ច្រើនជាងគេ បានធ្លាក់មកលំដាប់ទីពីរវិញ ដោយមានករណីស្លាប់សរុបចំនួន ១៩៤៦៨ករណី។ ចំណែកករណីCOVID-19 សរុបរបស់អ៊ីតាលីមានជាង ១៥ម៉ឺនករណី។

សូមបញ្ជាក់ថា បើទោះបីជាអាមេរិកមានវិធានការទប់ស្កាត់COVID-19 ដូចជាបិទរដ្ឋ បិទសាលារៀន កន្លែងកម្សាន្ត ការរឹតត្បិតការធ្វើដំណើរ ក៏ចំនួនអ្នកឆ្លងនៅអាមេរិកនៅតែបន្តកើនឡើយគំហុក៕

12/04/2020

COVID-19៖ ម៉ាឡេស៊ី២នាក់នៅកំពង់ចាមសះស្បើយ តែ២ករណីថ្មី មានស្ត្រីវៀតណាម និងស្វាមីកាណាដា
ក្រសួងសុខាភិបាល នាថ្ងៃនេះ បានប្រកាសពីករណីជាសះស្បើយ២ទៀតពី COVID-19 ដែលក្នុងនោះមានបុរសម៉ាឡេស៊ី២នាក់នៅកំពង់ចាម តែជាមួយគ្នានេះ ក៏មានករណី២ថ្មី ទៀតផងដែរ ដោយអ្នកជំងឺជាស្ត្រីទេសចរវៀតណាម ស្នាក់នៅអាផាតមិនមួយនៅផ្លូវ៣០២សង្កាត់បឹងកេងកង១ រួមជាមួយស្វាមីជនជាតិកាណាដាដើមកំណើតចិនដែលបម្រើការនៅកាស៊ីណូមួយ។ មកដល់ពេលនេះ កម្ពុជាករណីឆ្លង COVID-19 ចំនួន១២២នាក់ ក្នុងនោះ ៧៧នាក់សះស្បើយ ដែលស្មើនឹង៦៣.១១ភាគរយ។

អ្នកជាសះស្បើយទាំង២នាក់នេះ គឺបុរសជនជាតិម៉ាឡេស៊ី អាយុ៣៤ឆ្នាំ និងអាយុ៥៨ឆ្នាំ មកពីប្រទេសម៉ាឡេស៊ីធ្វើការងារសាសនា នៅភូមិឃុំស្រុកកងមាស ខេត្តកំពង់ចាម ។

នៅថ្ងៃនេះ ក្រសួងក៏ប្រកាសថាបានរកឃើញប្តីប្រពន្ធ ឆ្លងថ្មី២នាក់ទៀត ដែលជាស្ត្រីជនជាតិវៀតណាម អាយុ២៤ឆ្នាំ ជាភ្ញៀវទេសចរស្នាក់នៅខុនដូមួយ នៅសង្កាត់បឹងកេងកង១ ខណ្ឌបឹងកេងកង រាជធានីភ្នំពេញ និងបុរសជាប្ដី ជនជាតិកាណាដា(ដើមកំណើតចិន) អាយុ៥០ឆ្នាំ បម្រើការងារនៅកាស៊ីណូក្នុងរាជធានីភ្នំពេញ ។បច្ចុប្បន្នអ្នកឆ្លង២នាក់នេះ កំពុងសម្រាកព្យបាលនៅមណ្ឌលសុខភាពចាក់អង្រែក្រាម។

សូមជម្រាបថា អ្នកឆ្លងជំងឺកូវីដ-១៩ សរុបនៅកម្ពុជា មានចំនួន ១២២នាក់ ក្នុងនោះមានអ្នក ជាសះស្បើយ ចំនួន ៧៧នាក់ ដែលរួម មានជនជាតិចិន១នាក់, ជនជាតិអង់គ្លេស៤នាក់, ជនជាតិបែលហ្សិក ១នាក់, ជនជាតិ បារាំង២៥នាក់, ជនជាតិ ម៉ាឡេស៊ី ១០នាក់ និងជនជាតិខ្មែរ៣៦នាក់។ ចំណែកអ្នក កំពុង សម្រាក ព្យបាល មាន ចំនួន ៤៥នាក់៕

11/04/2020

ឈ្វេងយល់ពីច្បាប់គ្រប់គ្រងប្រទេសក្នុងគ្រាមានអាសន្ន

សេចក្តីព្រាងច្បាប់ស្តីពីការគ្រប់គ្រងប្រទេសជាតិស្ថិតក្នុងភាពអាសន្ន មាន៥ជំពូក និង១២មាត្រា។ បើគេ បានអានសេចក្តីព្រាងច្បាប់នេះ គេ អាចនឹងចាប់អារម្មណ៍ខ្លាំងទៅលើមាត្រា៥ ក្នុងជំពូកទី៣ ស្តីពីការគ្រប់គ្រងប្រទេសជាតិស្ថិតក្នុងភាពអាសន្ន និង មាត្រា៧ ដល់ មាត្រា១០ ក្នុងជំពូកទី៤ ស្តីពីទោសបញ្ញត្តិ។

ពេលប្រទេស ត្រូវបានដាក់ឲ្យស្ថិតក្នុងគ្រាមានអាសន្ន រដ្ឋាភិបាល អាចធ្វើអ្វីបានខ្លះ អាចដាក់ចេញវិធានការអ្វីខ្លះ ហើយមានសិទ្ធិអំណាចកម្រិតណា គឺមានចែងក្នុងមាត្រា៥ នៃសេចក្តីព្រាងច្បាប់ស្តីពីការគ្រប់គ្រងប្រទេសជាតិស្ថិតក្នុងភាពអាសន្ន។ យោងតាមមាត្រា៥ ក្នុងជំពូកទី៣ រដ្ឋាភិបាល មានសិទ្ធិអំណាចដាក់ចេញវិធានការ១២យ៉ាងគឺ៖

១. ហាមឃាត់ ឬដាក់កម្រិតលើសិទ្ធិសេរីភាពក្នុងការធ្វើដំណើរ។

២. ហាមឃាត់ ឬដាក់កម្រិតលើសិទ្ធិសេរីភាពក្នុងការជួបជុំ ឬការប្រមូលផ្តុំមនុស្ស។

៣. ហាមឃាត់ ឬដាក់កម្រិតលើការធ្វើសកម្មភាពការងារ ឬមុខរបរ។

៤. ហាមឃាត់ ឬដាក់កម្រិតមិនឲ្យបុគ្គលចេញពីលំនៅឋាន ឬទីសំណាក់ណាមួយ។

៥. ចេញវិធានដាក់មនុស្សឲ្យនៅដាច់ដោយឡែក ក្នុងករណីគ្រោះអាសន្នបន្ទាន់ចំពោះសុខភាពសាធារណៈ បណ្តាលមកពីការឆ្លងរាលដាលនៃជំងឺ។

៦. ចេញវិធានការទាក់ទងនឹងកំណែននិងជម្លៀសពលរដ្ឋ ដើម្បីឆ្លើយតបចំពោះភាពអាសន្ន។

៧. ចេញវិធានការទាក់ទងនឹងការធ្វើកំណែន ការដកហូត ការគ្រប់គ្រង ការចាត់ចែងទ្រព្យសម្បត្តិរូបវន្តបុគ្គល និងសេវា ដែលមានភាពចាំបាច់ ដើម្បីឆ្លយតបចំពោះភាពអាសន្ន។ នីតិវិធីនៃការធ្វើកំណែន ការដកហូត ការគ្រប់គ្រង ការចាត់ចែង ព្រមទាំងការផ្តល់សំណង ត្រូវកំណត់ដោយរដ្ឋាភិបាល។ (ចំណុចនេះ មិនបានបញ្ជាក់ឲ្យច្បាស់ឡើយថា ជាទ្រព្យសម្បត្តិរដ្ឋឬឯកជន តែទំនងជាចង់សំដៅលើឯកជន)។

៨. ចេញវិធានការទាក់ទងនឹងការកំណត់ថ្លៃទំនិញនិងសេវា ដែលមានភាពចាំបាច់ ដើម្បីឆ្លើយតបចំពោះភាពអាសន្ន។

៩. ចេញវិធានការទាក់ទងនឹងការបិទទីតាំងសាធារណៈ ឬឯកជនណាមួយ ដែលមានភាពចាំបាច់ ដើម្បីឆ្លើយតបចំពោះភាពអាសន្ន។

១០. ចេញវិធានការឃ្លាំមើល និងតាមដានតាមគ្រប់មធ្យោបាយ ដើម្បីទទួលបានព័ត៌មានតាមរយៈប្រព័ន្ធទំនាក់ទំនងទូរគមនាគមន៍គ្រប់រូបភាព ក្នុងគោលបំណងឆ្លើយតបចំពោះភាពអាសន្ន។

១១. ហាមឃាត់ ឬកម្រិតការចែកចាយ ឬការផ្សព្វផ្សាយព័ត៌មាន ដែលអាចបង្កឲ្យមានការភ័យខ្លាចដល់សាធារណជន ឬចលាចល ឬដែលនាំឲ្យខូចខាតដល់សន្តិសុខជាតិ ឬធ្វើឲ្យមានការភាន់ច្រឡំអំពីស្ថានភាពនៃភាពអាសន្ន។

១២. ចេញវិធានការដទៃទៀត ដែលសមស្របនិងចាំបាច់ ដើម្បីឆ្លើយតបចំពោះភាពអាសន្ន។

ក្រៅពីប្រគល់សិទ្ធិអំណាចទាំង១២យ៉ាងនេះ ទៅឲ្យរដ្ឋាភិបាល មាត្រា៥ ក៏បានចែងដែរថា វិធានការអនុវត្តពេលប្រទេសជាតិស្ថិតក្នុងភាពអាសន្ន អាចត្រូវបានដាក់ចេញសម្រាប់ទូទាំងប្រទេស ឬដែនដីកំណត់ជាក់លាក់ណាមួយ។

កថាខណ្ឌចុងក្រោយនៃមាត្រា៥ សង្កត់ធ្ងន់ថា៖«ក្នុងពេលសង្គ្រាម ឬក្នុងកាលៈទេសៈដទៃទៀត ដែលសន្តិសុខជាតិប្រឈមមុខនឹងគ្រោះថ្នាក់ធ្ងន់ធ្ងរ ការគ្រប់គ្រងប្រទេសជាតិស្ថិតក្នុងភាពអាសន្នដោយរដ្ឋាភិបាល អាចធ្វើឡើងតាមរបបអាជ្ញាសឹក»។

មាត្រា៦ ក្នុងជំពូកទី៣ដដែល ចែងថា រដ្ឋាភិបាល ត្រូវរាយការណ៍ជាប្រចាំអំពីវិធានការ ដែលខ្លួនបានដាក់ចេញក្នុងពេលប្រទេសជាតិស្ថិតក្នុងភាពអាសន្ន ជូនទៅរដ្ឋសភា និងព្រឹទ្ធសភា។ រដ្ឋសភា និងព្រឹទ្ធសភា អាចស្នើសុំព័ត៌មានចាំបាច់បន្ថែមផ្សេងទៀពីរដ្ឋាភិបាលក្នុងក្របខណ្ឌនៃការត្រួតពិនិត្យ និងការវាយតម្លៃអំពីវិធានការ ដែលបានដាក់ចេញក្នុងពេលប្រទេសជាតិស្ថិតក្នុងភាពអាសន្ន ដោយអនុលោមតាមរដ្ឋធម្មនុញ្ញកម្ពុជា។

បើចង់ដឹងពីទំហំនៃទោសទណ្ឌ គេ អាចមើលចាប់ពីមាត្រា៧ ដល់មាត្រា១០ ក្នុងជំពូកទី៤។

មាត្រា៧ ចែងថា ដោយមិនទាន់គិតដល់បទល្មើសព្រហ្មទណ្ឌដទៃទៀត អំពើដោយចេតនារារាំង ឬ បង្កឧបសគ្គដល់កិច្ចប្រតិបត្តិការឆ្លើយតបចំពោះភាពអាសន្ន ត្រូវផ្តន្ទាទោសដាក់ពន្ធនាគារពី១ឆ្នាំទៅ៥ឆ្នាំ និងពិន័យជាទឹកប្រាក់ពី ២លានរៀលទៅ១០លានរៀល។ អំពើរារាំងដល់កិច្ចប្រតិបត្តិការពេលប្រទេសជាតិស្ថិតក្នុងភាពអាសន្ន ត្រូវផ្តន្ទាទោសដាក់ពន្ធនាគារពី៥ឆ្នាំទៅ១០ឆ្នាំ កាលបើអំពើនោះ នាំឲ្យមានចលាចលជាសាធារណៈ ឬប៉ះពាល់ដល់សន្តិសុខជាតិ។

មាត្រា៨ ចែងថា ដោយមិនទាន់គិតដល់បទល្មើសព្រហ្មទណ្ឌដទៃទៀត អំពើដោយចេតនាមិនគោរពវិធានការដាក់ចេញដោយរាជរដ្ឋាភិបាលក្រោមបញ្ញាតិ្តនៃមាត្រា៥នៃច្បាប់នេះ ត្រូវផ្តន្ទាទោសដាក់ពន្ធនាគារពី១ខែទៅ១ឆ្នាំ និងពិន័យជាទឹកប្រាក់ពី១សែនរៀលទៅ២លានរៀល។ អំពើមិនគោរពតាមវិធានការ ពេលប្រទេសជាតិស្ថិតក្នុងភាពអាសន្ន ត្រូវផ្តន្ទាទោសដាក់ពន្ធនាគារពី១ឆ្នាំទៅ៥ឆ្នាំ និងពិន័យជាទឹកប្រាក់ពី ២លានរៀលទៅ១០លានរៀល កាលបើអំពើនេះ នាំឲ្យមានចលាចលជាសាធារណៈ។

មាត្រា៩ ចែងថា នីតិបុគ្គលអាចត្រូវបានប្រកាសថា ត្រូវទទួលខុសត្រូវព្រហ្មទណ្ឌដូចចែងក្នុងនៅមាត្រា៤២ (ការទទួលខុសត្រូវព្រហ្មទណ្ឌរបស់នីតីបុគ្គល) នៃក្រមព្រហ្មទណ្ឌ ចំពោះបទល្មើសដែលមានចែងក្នុងមាត្រា៧នៃច្បាប់នេះ។ នីតិបុគ្គល ត្រូផ្តន្ទាទោសពិន័យប្រាក់ពី ១រយលានរៀល ទៅ ១ពាន់លានរៀល ព្រមទាំងទោសបន្ថែមមួយ ឬច្រើនដូចមានចែងក្នុងមាត្រា១៦៨ (ទោសបន្ថែមអនុវត្តចំពោះនីតីបុគ្គល) នៃក្រមព្រហ្មទណ្ឌ។

មាត្រា៩ បន្តថា នីតិបុគ្គល អាចត្រូវបានប្រកាសថា ត្រូវទទួលខុសត្រូវព្រហ្មទណ្ឌដូចមានចែងក្នុងមាត្រា៤២ (ការទទួលខុសត្រូវព្រហ្មទណ្ឌរបស់នីតិបុគ្គល) នៃក្រមព្រហ្មទណ្ឌ ចំពោះបទល្មើសដែលមានចែងក្នុងមាត្រា៨ នៃច្បាប់នេះ។ នីតិបុគ្គល ត្រូវផ្តន្ទាទោសពិន័យប្រាក់ពី ៥០លានរៀលទៅ ៥រយលានរៀល ព្រមទាំងទោសបន្ថែមមួយ ឬច្រើន ដូចមានចែងក្នុងមាត្រា១៦៨ (ទោសបន្ថែមអនុវត្តចំពោះនីតិបុគ្គល) នៃក្រមព្រហ្មទណ្ឌ។

សម្រាប់មាត្រា១០ គឺទាក់ទងនឹងអាជ្ញាធរមានសមត្ថកិច្ច ដោយចែងថា អាជ្ញាធរមានសមត្ថកិច្ច ដែលប្រើប្រាស់សិទ្ធិអំណាចតាមទំនើងចិត្ត ដោយរំលោភបំពាន ខុសពីគោលបំណងនៃច្បាប់នេះ ហើយបង្កការប៉ះពាល់ដល់រូបរាងកាយឬការខូចខាតដល់ទ្រព្យសម្បត្តិរបស់បុគ្គលដទៃ ត្រូវទទួលខុសត្រូវចំពោះអំពើដែលខ្លួនបានប្រព្រឹត្ត ស្របតាមច្បាប់កម្ពុជា។

គេ អាចយល់ពីបែបបទ នីតិវិធី និង លក្ខខណ្ឌ នៃការប្រកាសដាក់ប្រទេសជាតិស្ថិតក្នុងភាពអាសន្ន នៅក្នុងជំពូកទី២ ដែលមានសរសេរ២មាត្រា គឺមាត្រា៣ និងមាត្រា៤។

មាត្រា៣ ចែងថា នៅពេលប្រជាជាតិប្រឈមមុខនឹងគ្រោះថ្នាក់ ព្រះមហាក្សត្រទ្រង់ប្រកាសប្រទានដំណឹងជាសាធារណៈដាក់ប្រទេសជាតិស្ថិតក្នុងភាពអាសន្ន ក្រោយពីបានមតិឯកភាពពីនាយករដ្ឋមន្រ្តី ប្រធានរដ្ឋសភា និង ប្រធានព្រឹទ្ធសភា។

មាត្រា៣ បន្ថែមថា ការប្រកាសដាក់ប្រទេសជាតិស្ថិតក្នុងភាពអាសន្ន ត្រូវធ្វើឡើងដោយព្រះរាជក្រឹត្យ។ ការកំណត់ថិរវេលាសម្រាប់ការប្រកាសដាក់ប្រទេសជាតិស្ថិតក្នុងភាពអាសន្ន មិនឲ្យលើសពី៣ខែឡើយ ហើយថិរវេលានេះ អាចត្រូវបានបន្តក្នុងលក្ខខណ្ឌដូចគ្នា។ កាលៈទេសៈ ដែលប្រទេសជាតិស្ថិតក្នុងភាពអាសន្ន អាចត្រូវបញ្ចប់ទៅវិញដោយព្រះរាជក្រឹត្យតាមសំណើរបស់នាយករដ្ឋមន្រ្តី បន្ទាប់ពីបានពិគ្រោះយោបល់ជាមួយប្រធានរដ្ឋសភា និងប្រធានព្រឹទ្ធសភា កាលបើកាលៈទេសៈពិសេសនេះ បានចប់ទៅវិញមុនកាលកំណត់ (៣ខែ) នៃថិរវេលា ដែលមានចែងក្នុងព្រះរាជក្រឹត្យទាក់ទងនឹងការដាក់ប្រទេសជាតិស្ថិតក្នុងភាពអាសន្ន។

មាត្រា៣ សរសេរទៀតថា នៅគ្រប់ករណីទាំងអស់ រដ្ឋសភាឬព្រឹទ្ធសភា មានសិទ្ធិបញ្ចប់កាលៈទេសៈ ដែលប្រទេសជាតិស្ថិតក្នុងភាពអាសន្ន បើសភាពការណ៍អនុញ្ញាត ដោយអនុលោមតាមរដ្ឋធម្មនុញ្ញកម្ពុជា។ បន្ទាប់ពីមានការសម្រេចរដ្ឋសភាឬព្រឹទ្ធសភា ការបញ្ចប់កាលៈទេសៈពិសេសនេះ ត្រូវធ្វើឡើងដោយព្រះរាជក្រឹត្យ តាមសំណើរបស់នាយករដ្ឋមន្រ្តី។ បើរដ្ឋសភាឬព្រឹទ្ធសភា មិនអាចប្រជុំបានទេ ដោយមូលហេតុចាំបាច់ ជាអាទិ៍ នៅពេលកម្លាំងបរទេសចូលមកកាន់កាប់ទឹកដី ការប្រកាសភាពអាសន្ន ត្រូវបន្តទៅមុខជាស្វ័យប្រវត្តិ។

មាត្រា៤ ចែងថា ការដាក់ប្រទេសជាតិស្ថិតក្នុងភាពអាសន្ន អាចធ្វើឡើងនៅពេលប្រជាជាតិប្រឈមមុខនឹងគ្រោះថ្នាក់ ជាអាទិ៍ គ្រោះថ្នាក់ដែលបង្កឡើងដោយសង្គ្រាម ឬ ការឈ្លានពានពីកម្លាំងបរទេស គ្រោះអាសន្នបន្ទាន់ចំពោះសុខភាពសាធារណៈ បណ្តាលមកពីការឆ្លងរាលដាលជំងឺ ភាពវឹកវរធ្ងន់ធ្ងរដល់សន្តិសុខជាតិនិងសណ្តាប់ធ្នាប់សាធរណៈ ព្រមទាំងគ្រោះថ្នាក់មហន្តរាយធ្ងន់ធ្ងរ ដែលគំរាមកំហែង ឬអាចបង្កគ្រោះថ្នាក់ពីការរីករាលដាលដល់កម្រិតទូទាំងប្រទេស។

មាត្រា១១ ចែងថា បទប្បញ្ញត្តិទាំងឡាយណា ដែលផ្ទុយនឹងច្បាប់នេះ ត្រូវទុកជានិរាករណ៍ ហើយមាត្រា១២ ចែងថា ច្បាប់នេះ ត្រូវប្រកាសជាការប្រញាប់។ មាត្រា១១ និងមាត្រា១២ ស្ថិតក្នុងជំពូកទី៥ ស្តីពីអវសានប្បញ្ញត្តិ។

បើចង់ដឹងពីគោលបំណងនិងវិសាលភាពនៃសេចក្តីព្រាងច្បាប់ស្តីពីការគ្រប់គ្រងប្រទេសជាតិស្ថិតក្នុងភាពអាសន្ន ចូរអានមាត្រា១ និងមាត្រា២ ក្នុងជំពូកទី១ ស្តីពីបទប្បញ្ញត្តិទូទៅ។

មាត្រា១ ចែងថា ច្បាប់នេះ កំណត់អំពីបែបបទ នីតិវិធី និង លក្ខខណ្ឌនៃការប្រកាសដាក់ប្រទេសជាតិស្ថិតក្នុងភាពអាសន្ន នៅពេលប្រជាជាតិប្រឈមមុខនឹងគ្រោះថ្នាក់ ព្រមទាំងការគ្រប់គ្រងប្រទេសជាតិស្ថិតក្នុងភាពអាសន្ន ដើម្បីការពារសន្តិសុខជាតិ និងសណ្តាប់ធ្នាប់សាធារណៈ ការពារអាយុជីវិត និងសុខភាពរបស់ប្រជាពលរដ្ឋ ព្រមទាំងការពារទ្រព្យសម្បត្តិនិងបរិស្ថាន។

មាត្រា២ ចែងថា ច្បាប់នេះ មានវិសាលភាពអនុវត្តនៅពេលប្រទេសជាតិ ត្រូវបានដាក់ក្នុងស្ថានភាពអាសន្ន ស្របតាមមាត្រា២២ថ្មី នៃរដ្ឋធម្មនុញ្ញកម្ពុជា។

ការតាក់តែងសេចក្តីព្រាងច្បាប់ស្តីពីការគ្រប់គ្រងប្រទេសជាតិស្ថិតក្នុងភាពអាសន្ន គឺយកមាត្រា២២ថ្មីនៃរដ្ឋធម្មនុញ្ញ ជាធ្វើជាគោល។ មាត្រា២២ថ្មីនៃរដ្ឋធម្មនុញ្ញ ចែងថា នៅពេលប្រជាជាតិប្រឈមមុខនឹងគ្រោះថ្នាក់ ព្រះមហាក្សត្រទ្រង់ប្រកាសប្រទានដំណឹងជាសាធារណៈ ដាក់ប្រទេសជាតិស្ថិតនៅក្នុងភាពអាសន្នក្រោយពីបានមតិឯកភាពពី នាយករដ្ឋមន្ត្រី ប្រធានរដ្ឋសភា និង ប្រធានព្រឹទ្ធសភា។

នៅព្រឹកថ្ងៃទី១០ ខែមេសា ឆ្នាំ២០២០ រដ្ឋសភា បានអនុម័តសេចក្តីព្រាងច្បាប់ស្តីពីការគ្រប់គ្រងប្រទេសជាតិស្ថិតក្នុងភាពអាសន្ន។ ជានីតិវិធី រដ្ឋសភា នឹងបញ្ជូនសេចក្តីព្រាងច្បាប់នេះ ទៅព្រឹទ្ធសភា។ បន្ទាប់ពីព្រឹទ្ធសភា អនុម័ត នឹងត្រូវបញ្ជូនបន្តទៅក្រុមប្រឹក្សាធម្មនុញ្ញ។ ឆ្លងកាត់ក្រុមប្រឹក្សាធម្មនុញ្ញរួចហើយ ព្រះមហាក្សត្រ នឹងចេញព្រះរាជក្រមប្រកាសឲ្យប្រើប្រាស់។

ការរាលដាលជំងឺកូវីដ-១៩ ជាមូលហេតុចម្បង ដែលធ្វើឲ្យរដ្ឋាភិបាល នឹកឃើញពីការតាក់តែងសេចក្តីព្រាងច្បាប់ស្តីពីការគ្រប់គ្រងប្រទេសជាតិស្ថិតក្នុងភាពអាសន្ន។ រដ្ឋាភិបាល មិនទាន់អាចដាក់ប្រទេសឲ្យស្ថិតក្នុងភាពអាសន្ន ដោយសារតែកម្ពុជា មិនទាន់មានច្បាប់។

ប្រមុខរដ្ឋាភិបាល ប្រកាសថា សេចក្តីព្រាងច្បាប់ស្តីពីការគ្រប់គ្រងប្រទេសជាតិស្ថិតក្នុងភាពអាសន្ន អាចនឹងចេញ (ចូលជាធរមាន) នៅក្រោយពិធីបុណ្យចូលឆ្នាំខ្មែរ៕

11/04/2020

ដើម្បីបញ្ចៀសការទៅផ្សារ ឬចេញក្រៅផ្ទះញឹកញាប់ អ្នកស្រី ប៉ូ សុផាត បានទិញ អង្ករ ត្រី សាច់ជ្រូកយកទៅប្រឡាក់ទុក និងធ្វើផ្អក ព្រមទាំងគ្រឿងទេសមួយចំនួនទៀត ដើម្បីអាចទទួលទានបានយូរថ្ងៃ។ ក្រៅពីនេះ ស្ត្រីកូន៣រូបនេះក៏បានទិញបន្លែមួយចំនួនយកទៅកប់ដី ដើម្បីរក្សាទុកបានយូរផងដែរ។

11/04/2020

OXFAM៖ មនុស្សជាង៥០០លាននាក់ អាចនឹងធ្លាក់ក្នុងភាពក្រីក្រដោយសារ COVID-19

នៅថ្ងៃទី៩ ខែមេសា អង្គការ OXFAM ព្រមានថា មនុស្សជាង៥០០លាននាក់អាចនឹងធ្លាក់ក្នុងភាពក្រីក្រដោយសាតការរាតត្បាតជំងឺ COVID-19 ។ នេះបើយោងតាមរបាយការណ៍របស់ដែលផ្សាយដោយទីភ្នាក់ងារព័ត៍មាន Reuters ។ មកដល់ពេលនេះ ជំងឺ COVID-19 បានផ្តាច់ជីវិតមនុស្សចំនួន ៨៣,០០០នាក់។

របាយការណ៍របស់អង្គការ OXFAM ដែលចេញផ្សាយមុនជំនួបមូលនិធិរូបិយវត្ថុអន្តរជាតិ និងធនាគារពិភពលោក បានបង្ហាញថា វិបត្តិក្រីក្រសកលនេះបណ្តាលមកពីការធ្លាក់ចុះនូវការចំណាយ ឫការប្រើប្រាស់ក្នុងគ្រួសារ។ របាយការណ៍នេះបន្ថែមថា វិបត្តិសេដ្ឋកិច្ចនេះនឹងមានផលប៉ះពាល់ខ្លាំងជាវិបត្តិហិរញ្ញវត្ថុឆ្នាំ២០០៨ ទៅទៀត។

លើសពីនេះ របាយការណ៍ខាងលើឡើងថា ការប៉ាន់ស្មានបង្ហាញថា ក្នុងលក្ខខណ្ឌណាក៏ដោយ ភាពក្រីក្រសកលនឹងកើនឡើងជាលើកដំបូងតាំងតែពីឆ្នាំ១៩៩០មក។ ហើយដែលអាចឲ្យប្រទេសខ្លះធ្លាក់ក្នុងភាពក្រីក្រ ដែលធ្លាប់ឆ្លងកាត់កាលពី៣០ឆ្នាំមុន។

របាយការណ៍នេះ ក៏បានពិនិត្យសេណារីយូមួយចំនួនដើម្បីធ្វើរបាយការណ៍របស់ខ្លួន ក្នុងនោះរួមមានបន្ទាត់ភាពក្រីក្រខ្លាំងដែលមនុស្សរកចំណូលបានត្រឹម១,៩ដុល្លារ ឬតិចជាងនេះ និងបន្ទាត់ភាពក្រីក្រដែលមនុស្សរកចំណូលបានតិចជាង៥,៥ដុល្លាររបស់ធនាគារពិភពលោក។

នៅក្នុងសេណារីយូ ដែលប្រើប្រាស់បន្ទាត់ភាពក្រីក្រខ្លាំងដែលមនុស្សរកចំណូលបានត្រឹម១,៩ដុល្លារ ឬតិចជាងនេះ ចំនួនអ្នកក្រីក្រកើនឡើងពី៤៣៤លាននាក់ ទៅ៩២២លាននាក់នៅជុំវិញពិភពលោក ដោយប្រាក់ចំណូលចំនួន២០ភាគរយត្រូវបាត់បង់។ រីឯក្នុងសេណារីយូដែលប្រើប្រាស់បន្ទាត់ភាពក្រីក្រដែលមនុស្សរកចំណូលបានតិចជាង៥,៥ដុល្លារចំនួនអ្នកក្រីក្រកើនឡើងពី៥៤៨លាននាក់ ទៅ៤ពាន់លាននាក់។

របាយការណ៍នេះគូសបញ្ជាក់ទៀតថា ស្ត្រីរងគ្រោះច្រើនជាងបុរស ដោយហេតុថាពួកគាត់ធ្វើការក្នុងរបបសេដ្ឋកិច្ចក្រៅប្រព័ន្ធ ដែលមានសិទ្ធិការងារតិចតួចឬគ្មានទាល់តែសោះ។ របាយការណ៍នេះ ក៏ព្រមានផងដែរថា អ្នកធ្វើការក្នុងរបបសេដ្ឋកិច្ចក្រៅប្រព័ន្ធ២ពាន់លាននាក់ នឹងគ្មានប្រាក់ឈប់សម្រាកនៅពេលធ្លាក់ខ្លួនឈឺ។

ធនាគារពិភពលោក កាលពីសប្តាហ៍មុនបានប៉ាន់ស្មានថា ភាពក្រីក្រនៅអាស៊ីប៉ាស៊ីហ្វិក និងអាស៊ីខាងកើតនឹងកើនដល់ ១១លាននាក់ បើសិនជាស្ថានការណ៍នៅតែអាក្រក់បែបនេះ។

ដើម្បីពង្រួមផលប៉ះពាល់ខាងលើ អង្គការOXFAM បានស្នើផែនការសកម្មភាព ចំនួន៦ដែលក្នុងនោះរួមមាន ការផ្តល់ជាសាច់ប្រាក់ និងជួយដល់ពលរដ្ឋ និងអាជីវកម្មដែលត្រូវការ អំពាវនាវឲ្យលុបចោលបំណុល ការគាំទ្រពីនិធិរូបិយវត្ថុអន្តរជាតិ និងបង្កើនជំនួយ។ បើតាមអង្គការនេះ OXFAM គេអាចបង្កើនមូលនិធិទាំងអស់នោះបាន ដរាបណាគេយកពន្ធលើទ្រព្យសម្បត្តិ ផលចំណេញពិសេស និងផលិតផលហិរញ្ញវត្ថុ។

ចាប់តាំងតែពីសប្តាហ៍មុនមក ការអំពាវនាវឲ្យលុបចោលបំណុលមានការកើនឡើង ជាពិសេសបន្ទាប់ពីផលប៉ះពាល់សេដ្ឋកិច្ច ចាប់ផ្តើមជះឥទ្ធិពលលើប្រទេសកំពុងអភិវឌ្ឍ។ ជាសរុប រដ្ឋាភិបាលនៅជុំវិញពិភពលោកត្រូវការប្រាក់ ២,៥ទ្រីលានដុល្លារដើម្បីជួយប្រទេសកំពុងអភិវឌ្ឍ៕

11/04/2020

សមត្ថកិច្ច រកឃើញសាធាតុសម្លាប់មេរោគ ម៉ាស់ និងគ្រឿងសម្អាងគ្មានច្បាប់១៣តោន

ការចេញផ្សាររបស់គណៈម្មាធិការប្រយុទ្ធប្រឆាំងផលិតផលក្លែងក្លាយ បានឲ្យដឹងថា កម្លាំងសមត្ថកិច្ច បានចុះបង្ក្រាបផលិតផលនាំចូល ស្តុកទុក និងចែកចាយខុសច្បាប់ជាង១៣តោន កាលពីថ្ងៃទី៩ ខែមេសា ឆ្នាំ២០២០។ ផលិតផលទាំង១៣នេះ ត្រូវបានសមត្ថកិច្ចពិនិត្យឃើញថា គ្មានស្លាកយីហោ មិនបានចុះបញ្ជីការ និង មិនអនុលោមតាមច្បាប់ពីក្រសួងសុខាភិបាលឡើយ។

ក្រោយពីបានពិនិត្យ សមត្ថកិច្ចបានសម្រេចផ្អាកអាជីវកម្មរបស់អ្នកលក់ទាំងនោះបណ្តោះអាសន្ន។ ចំណែក ផលិតផលដែលរកឃើញបានរក្សាទុកនៅទីតាំងដដែល ដោយដកហូតវត្ថុតាងមួយចំនួនប៉ុណ្ណោះ យកទៅពិសោធ ដើម្បីរៀបចំសំណុំរឿងបន្ថែមតាមនីតិវិធីនៃច្បាប់។

ជាមួយគ្នានេះ មន្រី្តនៃគណៈម្មាធិការប្រយុទ្ធប្រឆាំងផលិតផលក្លែងក្លាយ បានអំពាវនាវដល់ពលរដ្ឋទាំងអស់ សហការផ្តល់ព័ត៌មាន ពីទីតាំងចែកចាយរបស់ផលិតផលក្លែងក្លាយ ជូនដល់សមត្ថកិច្ច ដោយផលិតផលទាំងនេះ អាចប៉ះពាល់ដល់សុខភាព។ ពលរដ្ឋគ្រប់រូប អាចទាក់ទងផ្ដល់ព័ត៌មានទៅលេខទូរស័ព្ទ០៨១ ៩៩៩ ៨០៨ ឬតាមបណ្តាញសង្គមហ្វេសប៊ុកឈ្មោះ គណៈកម្មាធិការប្រយុទ្ធប្រឆាំងផលិតផលក្លែងក្ហាយ-Counter Counterfeit Committee៕

Claim ownership or report listing

Want your business to be the top-listed Government Service in Phnom Penh?

Click here to claim your Sponsored Listing.