ប៉ុស្តិ៍នគរបាលរដ្ឋបាលព្រែកអញ្ចាញ

តោះថ្ងៃអាទិត្យនេះថតអត្ត.នៅផ្ទះមេភូមិក្រោម

#ជម្រាបជូនដំណឹង
ក្រុមការងារជំនាញអត្តសញ្ញាណប័ណ្ណស្រុក និងប៉ុស្តិ៍ព្រែក អញ្ចាញ នៅថ្ងៃសៅរ៍-អាទិត្យទី៣០-៣១ ខែឧសភា ឆ្នាំ២០២៦នេះ គឺប្រចាំការនៅផ្ទះមេភូមិក្រោម ថតជូនបងប្អូនកម្មករ-កម្មការនី ក៏ដូចជាប្រជាពលរដ្ឋទូទៅនៅឃុំព្រែកអញ្ចាញ ចាំបាច់សំរាប់អ្នកដែលមានអត្តសញ្ញាណប័ណ្ណហួសសុពលភាព។

នៅល្ងាចថ្ងៃទី២៦.០៥.២០២៦ កម្លាំងប៉ុស្តិ៍បានចូលរួមការចុះរដ្ឋបាលត្រួតពិនិត្យការរស់នៅប្រមូលផ្តុំរបស់ជនបរទេស ដែលដឹកនាំដោយលោកប្រធានគណបញ្ជាការឯកភាពស្រុកមុខកំពូល🙏។

ចេញល្បាតជាមួយមេៗ ស្រុក

ថ្ងៃទី២៥.០៥.២០២៦មានកិច្ចប្រជុំចំនួន៤ ចឹងចែកមេៗជួយប្រជុំខ្លះ៖
១.នៅរដ្ឋបាលខេត្តកណ្តាល៖ ការប្រជុំផ្សព្វផ្សាយផែនការស្តីពីការបន្តនិរន្តរភាពយុទ្ធនាការបោសសម្អាតការឆាបោកតាមប្រព័ន្ធបច្ចេកវិទ្យា(Online Scams) ក្រោមអធិបតីភាព ឯកឧត្តមម៉ៅ ចន្ទតារា រដ្ឋលេខាធិការក្រសួងមហាផ្ទៃ។
២.នៅរដ្ឋបាលស្រុកមុខកំពូល៖ប្រជុំតាមប្រព័ន្ធ(Zoom)ផ្សព្វផ្សាយសេក្តីណែនាំលេខ០៧៤សណន
៣.នៅរដ្ឋបាលឃុំព្រែកអញ្ចាញ៖កិច្ចប្រជុំក្រុមប្រឹក្សាឃុំព្រែកអញ្ចាញ ក្រោមអធិបតីភាពលោកមេឃុំ
៤.នៅឃុំព្រែកដំបង៖ កិច្ចប្រជុំផ្សព្វផ្សាយប្រកាសលេខ១២៦៤៤ប្រ.ក ក្រោមអធិបតីភាពលោកឧត្តមសេនីយ៍ទោសួន សុជាតិ ប្រធាននាយកដ្ឋានអន្តោប្រវេសន្ត និងជនភៀសខ្លួន។

ក្មេងទំនើង តាមខ្ញុំសង្កេតមើលភាគច្រើន(មិនមែនទាំងអស់) គឺដោយសារឪពុកម្តាយ រឺព្យាបាលជាអ្នកធ្វើអោយពួកគេទំនើងតែម្តង ទំរើសណាស់ តាមចិត្តពេក រហូតខូចកូនតែម្តង

ព្រឹកថ្ងៃអាទិត្យ ៨កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៤ ខែឧសភា ឆ្នាំ២០២៦ ក្រោមការដឹកនាំបញ្ជាដោយផ្ទាល់ពីលោកអធិការឯក លន់ កម្លាំងប៉ុស្តិ៍រដ្ឋបាលព្រែកអញ្ចាញ និងកម្លាំងអន្តរាគមន៍អធិការដ្ឋានស្រុកមុខកំពូល បានចូលរួមសហការក្រោមការដឹកនាំដោយលោក ហុង គីរី អភិបាលរង នៃគណៈអភិបាលស្រុក តំណាងលោក យី យ៉េន អភិបាល នៃគណៈអភិបាលស្រុកមុខកំពូល និងជាប្រធានគណៈ បញ្ជាការឯកភាពរដ្ឋបាលស្រុក បានបន្តដឹកនាំកម្លាំងគណៈបញ្ជាការឯកភាពរដ្ឋបាលស្រុក និងអាជ្ញាធរពាក់ព័ន្ធ ចុះត្រួតពិនិត្យគោលដៅចរាចរណ៍នៅចំណុចផ្លូវជាតិលេខ៦ និងផ្លូវ២៦១ ភូមិសាស្ត្រស្រុកមុខកំពូល ខេត្តកណ្ដាល ក្នុងគោលបំណងត្រួតពិនិត្យ ផ្ទៀងផ្ទាត់ឯកសារពាក់ព័ន្ធរបស់ជនបរទេស ដើម្បីទប់ស្កាត់បទល្មើសផ្សេងៗ ពិសេសបទល្មើសបច្ចេកវិទ្យា។

#សូមអាណាព្យាបាលប្រុងប្រយ័ត្នអោយបានខ្ពស់
៙ចំពោះក្មេងតូចៗ ករណីក្មេងស្រី អាយុជិត២ឆ្នាំដែលលង់ទឹកពាងស្លាប់ នៅពេលឪពុកម្ដាយកំពុងធ្វើការនៅឡឥដ្ឋ។ កើតហេតុនៅចំនុចសិប្បកម្មឡឥដ្ឋមួយកន្លែង ស្ថិតនៅភូមិឈើទាល ឃុំព្រែកអញ្ចាញ កាលពីថ្ងៃទី២៣.០៥.២០២៦ វេលាម៉ោង១១ៈ៣០នាទីព្រឹក។

៙នៅថ្ងៃសុក្រ៧កើត ខែជេស្ឋ ឆ្នាំមមី អដ្ឋស័កព.ស២៥៧០
-ក្រោមការដឹកនាំបញ្ជាផ្ទាល់ពីលោកអធិការឯក លន់ កម្លាំងប៉ុស្តិ៍រដ្ឋបាលព្រែកអញ្ចាញ សហការជាមួយកម្លាំងអន្តរាគមន៍អធិការដ្ឋាននគរបាលស្រុកមុខកំពូល ចុះការពារសន្តិសុខ សុវត្ថិភាព និងរៀបចំសណ្តាប់ធ្នាប់ជូនឯកឧត្តមនូ សាខន ជាប្រធានក្រុមប្រឹក្សាខេត្តកណ្តាល ជាអនុប្រធានកិត្តិយសសាខាកាកបាទក្រហមខេត្តកណ្តាល និងជាតំណាងឯកឧត្តមគួច ចំរើន អភិបាលខេត្តកណ្តាល បានអញ្ជើញមកសាកសួរទុក្ខប្រជាពលរដ្ឋរងគ្រោះដោយខ្យល់កន្ត្រាក់ នៅឃុំព្រែកអញ្ចាញ។