និយ័តករសន្តិសុខសង្គម - Social Security Regulator

និយ័តករសន្ដិសុខសង្គម បានបន្តផ្សព្វផ្សាយច្បាប់ស្តីពីការប្រឆាំងការសម្អាតប្រាក់ និងហិរញ្ញប្បទានភេរវកម្ម និងច្បាប់ស្តីពីការប្រឆាំងហិរញ្ញប្បទានដល់ការរីកសាយភាយអាវុធមហាប្រល័យ
==========

នាព្រឹកថ្ងៃអង្គារ ២រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២ ខែមិថុនា ឆ្នាំ២០២៦, និយ័តករសន្ដិសុខសង្គម បានសហការរៀបចំ សិក្ខាសាលាបណ្តុះបណ្តាលស្ដីពី "ប្រភេទ និងហានិភ័យការឆបោកតាមប្រព័ន្ធអនឡាញ" ដល់តំណាងបេឡាជាតិសន្ដិសុខសង្គម (ប.ស.ស.) នៅទីស្តីការអាជ្ញាធរសេវាហិរញ្ញវត្ថុមិនមែនធនាគារ ក្នុងគោលបំណងផ្សព្វផ្សាយ ចែករំលែកបទពិសោធន៍ និងចំណេះដឹងផ្នែកបទល្មើសបច្ចេកវិទ្យា ដើម្បីចូលរួមសហការក្នុងការប្រឆាំងបទល្មើសបច្ចេកវិទ្យានេះ ដែលពាក់ព័ន្ធកិច្ចការប្រឆាំងការសម្អាតប្រាក់និងហិរញ្ញប្បទានភេរវកម្ម និងហិរញ្ញប្បទានដល់ការរីកសាយភាយអាវុធមហាប្រល័យ ជូនដល់បុគ្គលរាយការណ៍ស្ថិតក្រោមសមត្ថកិច្ចរបស់និយ័តករសន្តិសុខសង្គម។






==========
សម្រាប់ព័ត៌មានបន្ថែម៖
- គេហទំព័រផ្លូវការ របស់ ន.ស.ស. (SSR's Official Website)៖ https://ssr.gov.kh/
- ទំព័រហ្វេសប៊ុកផ្លូវការ របស់ ន.ស.ស. (SSR's Official page)៖ https://www.facebook.com/SSRCambodia.gov

និយ័តករសន្តិសុខសង្គម​ សូមចូលរួមជាមួយថ្នាក់ដឹកនាំនិងមន្ត្រីរាជការ នៃក្រសួងសេដ្ឋកិច្ចនិងហិរញ្ញវត្ថុ និងឧត្តមក្រុមប្រឹក្សាសេដ្ឋកិច្ចជាតិ សូមប្រកាសគាំទ្រយ៉ាងពេញទំហឹងចំពោះសេចក្តីថ្លែងការណ៍របស់សម្តេចមហាបវរធិបតីហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ផ្ញើជូនជនរួមជាតិកម្ពុជា នាថ្ងៃទី២ ខែមិថុនា គ.ស.២០២៦ ស្តីពីដំណោះស្រាយរបស់រាជរដ្ឋាភិបាលពាក់ព័ន្ធនឹងការទាមទារដែនសមុទ្រត្រួតគ្នា (Overlapping Claims Area- OCA) រវាងកម្ពុជា-ថៃ ក្នុងការប្រើប្រាស់យន្តការផ្សះផ្សាដោយចាប់បង្ខំ(Compulsory Conciliation) ក្រោមអនុសញ្ញាអង្គការសហប្រជាជាតិស្តីពីនីតិសមុទ្រ(UNCLOS) ដើម្បីដោះស្រាយដោយសន្តិវិធី។

🪅អបអរសាទរ ទិវាកុមារអន្តរជាតិ ១ មិថុនា ២០២៦🪅

កុមារជាអនាគតរបស់ជាតិ។ ការចូលរួមការពារ និងលើកកម្ពស់សិទ្ធិកុមារនៅថ្ងៃនេះ គឺជាការកសាងសង្គមជាតិដ៏រឹងមាំនៅថ្ងៃអនាគត។​ ជាក់ស្តែង ទារក​ និងកុមារដែលជាកូនក្នុងបន្ទុករបស់សមាជិក​ នៃប្រព័ន្ធសន្តិសុខសង្គម បាន​ និងកំពុងទទួលបានការគាំពារពីប្រព័ន្ធសន្តិសុខសង្គម​។

កិច្ចប្រជុំលើការរៀបចំផែនការស្ទង់មតិលម្អិត សម្រាប់គម្រោងជំនួយបច្ចេកទេស របស់ធនាគារជាតិនៃកម្ពុជា ដំណាក់កាលទី២ ជាមួយក្រុមបេសកកម្មនៃទីភ្នាក់ងារសហប្រតិបត្តិការអន្តរជាតិជប៉ុន (JICA) ។
====
និយ័តករសន្តិសុខសង្គម (ន.ស.ស.) បានចូលរួមក្នុងកិច្ចប្រជុំពិភាក្សាជាមួយក្រុមបេសកកម្មនៃទីភ្នាក់ងារសហប្រតិបត្តិការអន្តរជាតិជប៉ុន (JICA) ក្នុងគោលបំណងដើម្បីពិភាក្សា និងចែករំលែកអំពីវឌ្ឍនភាពនៃវិស័យសន្តិសុខសង្គម ដើម្បីជាធាតុចូលសម្រាប់ការរៀបចំគម្រោងជំនួយបច្ចេកទេស របស់ធនាគារជាតិនៃកម្ពុជាក្នុងដំណាក់កាលទី២។

កិច្ចប្រជុំនេះដឹកនាំដោយឯកឧត្តម ម៉ី វ៉ាន់ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអគ្គលេខាធិការនៃអគ្គលេខាធិការដ្ឋានអាជ្ញាធរសេវាហិរញ្ញវត្ថុមិនមែនធនាគារ (អ.ស.ហ.) និងមានការចូលរួមដោយលោកស្រី ថន កេណ្ណារ័ត្ន អគ្គនាយករងនៃ ន.ស.ស. ព្រមទាំងតំណាងនិយ័តករ និងអង្គភាពក្រោមឱវាទ អ.ស.ហ. ។




===
បណ្តាញសង្គមរបស់ ន​.ស.ស.
- ទំព័រហ្វេសប៊ុកផ្លូវការ ន.ស.ស. (SSR's Official page)៖ https://www.facebook.com/SSRCambodia.gov
- Telegram ផ្លូវការរបស់ ន.ស.ស. (https://t.me/socialsecurityregulator)
- គេហទំព័រផ្លូវការ របស់ ន.ស.ស. (SSR's Official Website)៖ https://ssr.gov.kh/

ក្នុងឱកាសដ៏មហានក្ខត្តឫក្សនៃព្រះរាជពិធីបុណ្យចម្រើនព្រះជន្មវស្សារបស់ ព្រះករុណា ព្រះបាទសម្តេចព្រះបរមនាថ ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ទូលព្រះបង្គំជាខ្ញុំ ជាថ្នាក់ដឹកនាំ និងមន្ត្រីនៃនិយ័តករសន្តិសុខសង្គម សូមលំឱនកាយលើកហត្ថប្រណម្យបួងសួងដល់គុណបុណ្យព្រះរតនត្រ័យ គុណកែវទាំងបី វត្ថុស័ក្តិសិទ្ធិក្នុងលោក និងទេវតាថែរក្សាព្រះស្វេតច្ឆត្រ សូមជួយបីបាច់ថែរក្សា ការពារ អភិបាល ប្រោះព្រំនូវសព្វសាធុការពរជ័យគ្រប់ប្រការ មហាប្រសើរ ថ្វាយព្រះករុណា ព្រះបាទសម្តេចព្រះបរមនាថ ព្រះមហាក្សត្រនៃព្រះរាជាណាចក្រកម្ពុជា សូមព្រះអង្គប្រកបដោយព្រះរាជសុខភាពល្អបរិបូរណ៍ ព្រះកាយពលមាំមួន និងព្រះជន្មាយុយឺនយូរជាងរយព្រះវស្សា ដើម្បីគង់ប្រថាប់ជាមហាម្លប់ដ៏ត្រជាក់ត្រជុំដល់កូនចៅប្រជានុរាស្ត្រខ្មែរជានិច្ចនិរន្តរ៍តទៅ។

សេចក្តីគួរពុំគួរ សូមទ្រង់ព្រះមេត្តាប្រោស

អ្នកផ្សះផ្សានៅកម្រិត ន.ស.ស. មិនអាចបំពេញមុខងារបាន ឬត្រូវដកខ្លួនចេញពីសំណុំរឿង ក្នុងករណីដូចខាងក្រោម៖
១. ជាសហព័ទ្ធ ឬអតីតសហព័ទ្ធនៃភាគីវិវាទ
២. ជាញាតិលោហិតត្រឹមថ្នាក់ទី៤ ឬញាតិពន្ធត្រឹមថ្នាក់ទី៣ ឬអតីតញាតិពន្ធថ្នាក់ទី៣ របស់ភាគីវិវាទណាមួយ
៣. ធ្លាប់ ឬកំពុងមានវិវាទនៅតុលាការជាមួយភាគីវិវាទ
៤. ជាបុគ្គលដែលមានផលប្រយោជន៍ក្នុងវិវាទ
៥. ក្នុងអំឡុងពេល ២ឆ្នាំកន្លងមក ធ្លាប់ធ្វើជាអ្នកតំណាង ឬជាអ្នកជំនាញផ្តល់ប្រឹក្សាឱ្យភាគីវិវាទណាមួយលើករណីផ្សេងៗ ឬកំពុងធ្វើជាសាក្សី ឬជាអ្នកតំណាង ឬជាអ្នកជំនាញផ្តល់ប្រឹក្សាយោបល់ឱ្យភាគីវិវាទណាមួយ
៦. ស្ថានភាពណាមួយដែលលេចចេញនូវភាពលំអៀង ឬទំនាស់ផលប្រយោជន៍
៧. មានភាគីវិវាទណាមួយនៃសំណុំរឿងបានស្នើសុំផ្លាស់ប្តូរ ឬបានជំទាស់ជាលាយលក្ខណ៍អក្សរដោយមានមូលហេតុសមរម្យ ចំពោះការបំពេញតួនាទី និងភារកិច្ចរបស់អ្នកផ្សះផ្សាក្នុងសំណុំរឿងនោះ។

#និយ័តករសន្តិសុខសង្គម #នសស #សន្តិសុខសង្គម
#ច្បាប់ស្តីពីរបបសន្តិសុខសង្គម #ការការពារសន្តិសុខសង្គម #អភិបាលកិច្ចសន្តិសុខសង្គម
==========
សម្រាប់ព័ត៌មានបន្ថែម៖
- Telegram ផ្លូវការរបស់ និយ័តករសន្តិសុខសង្គម ៖ https://t.me/socialsecurityregulator
- គេហទំព័រផ្លូវការ របស់ ន.ស.ស. (SSR's Official Website)៖ https://ssr.gov.kh/

🪅អបអរសាទរ ព្រះរាជពិធីច្រត់ព្រះនង្គ័ល🪅

ព្រះ​រាជពិធី​ច្រត់ព្រះនង្គ័ល ជា​ព្រះរាជ​បវេណី​ដ៏​មាន​សារៈសំខាន់​ក្នុង​បណ្តា​ព្រះរាជ​ពិធីបុណ្យ​ទ្វាទសមាស ប្រចាំឆ្នាំ ​និងតែងរៀបចំធ្វើនៅថ្ងៃ៤រោច ខែពិសាខ ដោយចាត់ទុកព្រះរាជពិធីនេះជា​វប្បមង្គល​មួយដ៏​ប្រសើរ​របស់​ប្រជារាស្ត្រ​ខ្មែរ​ ដែលព្រះករុណា​ព្រះមហាក្សត្រ គ្រប់​ព្រះអង្គ តែង​ដឹកនាំ​ប្រារព្ធ​ធ្វើ​ពុំដែល​ខកខាន​តាំងពី​បុរាណកាល​រៀងមក។ ព្រះរាជពិធី​នេះ ប្រព្រឹត្តិឡើង​ដើម្បី​ជា​មង្គលឧទ្ទិស​ដល់​ការចាប់ផ្តើម​រដូវធ្វើស្រែ​ចម្ការរបស់​ប្រជាកសិករ និង​បួងសួង​ដល់​វត្ថុ​ស័ក្តិសិទ្ធិ ឱ្យ​បង្ហូរ​ទឹកភ្លៀង​បរិបូណ៌​តាម​រដូវ​កាល​បម្រើឱ្យ​វិស័យ​កសិកម្ម​គ្រប់​ប្រភេទទទួលបានភោគផល​ខ្ពស់ ជាពិសេសផ្សងមើលប្រផ្នូលរបស់ស្រុកទេសទៅតាមការបរិភោគរបស់ គោឧសភរាជ។

#នសស

🪅អបអរសាទរ ខួបអនុស្សាវរីយ៍លើកទី១៤០ នៃទិវាពលកម្មអន្តរជាតិ (១ ឧសភា ១៨៨៦ ~ ១ ឧសភា ២០២៦)
ក្រោមប្រធានបទ ៖ «រួមគ្នាកសាងភាពធន់ ដើម្បីការងារសមរម្យ»

🪷អនុមោទនា ពិធីបុណ្យវិសាខបូជា!🪷
ថ្ងៃសុក្រ ១៥កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី១ ខែឧសភា ឆ្នាំ២០២៦ គឺជាថ្ងៃបុណ្យ "វិសាខបូជា"។

បុណ្យវិសាខបូជា ជាពិធីបុណ្យសាសនាដ៏សំខាន់បំផុត ដើម្បីរំឭកដល់ព្រឹត្តិការណ៍មហានក្ខត្តឫក្សទាំង ៣ នៃព្រះសម្មាសម្ពុទ្ធសមណគោតម គឺថ្ងៃដែលព្រះអង្គទ្រង់ ប្រសូត ត្រាស់ដឹង និងយាងចូលបរិនិព្វាន។ ពិធីបុណ្យនេះត្រូវបានអង្គការសហប្រជាជាតិ (UN) ទទួលស្គាល់ជាពិធីបុណ្យសាសនាអន្តរជាតិ តាំងពីឆ្នាំ១៩៩៩ មកម៉្លេះ។

ក្នុងឱកាសដ៏វិសេសវិសាលនេះ សូមជូនពរពុកម៉ែ បងប្អូនទាំងអស់ ទទួលបាននូវសេចក្ដីសុខ សេចក្ដីចម្រើន និងសុខភាពល្អបរិបូរណ៍គ្រប់ៗគ្នា។