ក្រុមប្រឹក្សានីតិកម្ម នៃក្រសួងមហាផ្ទៃ Legal Council of Ministry of Interior

ច្បាប់ស្ដីពីការគ្រប់គ្រងអ្នកប្រកបវិជ្ជាជីវៈវិស័យសុខាភិបាល។

លោកជំទាវ ឧត្តមសេនីយ៍ទោ ហន សុគន្ធា អនុប្រធានក្រុមប្រឹក្សានីតិកម្ម និងជាប្រធានក្រុមការងារយេនឌ័រក្រុមប្រឹក្សានីតិកម្ម អមដោយលោកស្រី ឆាន់ ចន្ទសុភាព អនុប្រធាននាយកដ្ឋានរដ្ឋបាលសរុប និងលោកស្រីវរសេនីយ៍ត្រី វុន ដារឿន នាយរងការិយាល័យ និងជាសមាជិកក្រុមការងារយេនឌ័រនៃក្រុមប្រឹក្សានីតិកម្ម បានអញ្ជើញចូលរួមវគ្គបណ្តុះបណ្តាលគ្រូបង្គោលយេនឌ័រក្រសួងមហាផ្ទៃ ក្រោមអធិបតីភាពបើក និងបិទវគ្គដោយលោកជំទាវ អុង សុភាវី រដ្ឋលេខាធិការ និងជាប្រធានក្រុមការងារយេនឌ័រក្រសួងមហាផ្ទៃ។ វគ្គបណ្តុះបណ្តាលនេះ ប្រព្រឹត្តទៅរយៈពេល២ថ្ងៃ នៅថ្ងៃអង្គារ ទី២ និងថ្ងៃពុធ ទី៣ ខែមិថុនា ឆ្នាំ២០២៦ ដោយមានសិក្ខាកាមចូលរួមមកពីតំណាងក្រុមការងារយេនឌ័រ នៃអគ្គនាយកដ្ឋាននានា ចំណុះក្រសួងមហាផ្ទៃជាច្រើនរូបផងដែរ។

[English Below] សេចក្ដីប្រកាសព័ត៌មាន ស្ដីពីស្ថានភាពពលរដ្ឋភៀសសឹក និងផលប៉ះពាល់លើតំបន់ស៊ីវិល គិតត្រឹមព្រឹកថ្ងៃទី៤ ខែមិថុនា ឆ្នាំ២០២៦។

Press Release on the Situation of Displaced Persons and Impact on Civilian Areas as of the Morning of 4 June 2026.

ព្រឹកថ្ងៃព្រហស្បតិ៍ ទី៤ ខែមិថុនា ឆ្នាំ២០២៦ នេះ ឯកឧត្តម ទឹង សុជាតិ អនុប្រធានក្រុមប្រឹក្សានីតិកម្ម ជាតំណាងក្រុមប្រឹក្សានីតិកម្ម បានអញ្ជើញចូលរួមពិធីប្រកាសចូលកាន់មុខតំណែងអភិបាលរង នៃគណៈអភិបាលខេត្តកែប។ ពិធីនេះ ប្រព្រឹត្តទៅនៅសាលប្រជុំសាលាខេត្តកែប ក្រោមអធិបតីភាពឯកឧត្តម សន្តិបណ្ឌិត ម៉ៅ ច័ន្ទតារា រដ្ឋលេខាធិការប្រចាំការ តំណាងដ៏ខ្ពង់ខ្ពស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។ ពិធីប្រកាសចូលកាន់មុខតំណែងនេះ រួមមាន៖ លោក លី សាវ៉េត ពីអភិបាលរងនៃគណៈអភិបាលខេត្តតាកែវ ឱ្យទៅកាន់មុខតំណែងជាអភិបាលរងនៃគណ:អភិបាលខេត្តកែប លោក សុខ រស់ ពីអភិបាលរង នៃគណ:អភិបាលខេត្តស្វាយរៀង ឱ្យទៅកាន់មុខតំណែងជាអភិបាលរងនៃគណៈអភិបាលខេត្តកែប និងតែងតាំងលោក សែម រមនា ឱ្យកាន់មុខតំណែងជាអភិបាលរង នៃគណ:អភិបាលខេត្តកែប។

ព្រះរាជក្រឹត្យស្តីពីលក្ខន្តិកៈនៃអង្គសុខាភិបាល។

ក្រសួងមហាផ្ទៃ ជ្រើសរើសក្របខ័ណ្ឌមន្រ្តីនគរបាលជាតិ ចំនួន ៣៥០នាក់ បំពេញបន្ថែម។

ព្រះរាជក្រឹត្យស្តីពីលក្ខន្តិកៈនៃអង្គគ្រូបង្រៀន។

អនុក្រឹត្យ​ស្ដីពីសេវាអត្តសញ្ញាណកម្មដែលមិនតម្រូវឱ្យបង់កម្រៃសេវា​ និងតម្រូវឱ្យបង់កម្រៃសេវា​។

ព្រឹកថ្ងៃពុធ ទី៣ ខែមិថុនា ឆ្នាំ២០២៦ ឯកឧត្តម ឧត្តមសេនីយ៍ទោ ឃី គឹមលាង អនុប្រធានក្រុមប្រឹក្សានីតិកម្ម ជាតំណាងក្រុមប្រឹក្សានីតិកម្ម បានអញ្ជើញចូលរួមពិធីប្រកាសចូលកាន់មុខតំណែងអភិបាលរង នៃគណៈអភិបាលខេត្តស្វាយរៀង។ ពិធីនេះ ប្រព្រឹត្តទៅនៅសាលប្រជុំសាលាខេត្តស្វាយរៀង ក្រោមអធិបតីភាពឯកឧត្តម ផាន់ ចាន់ថុល រដ្ឋលេខាធិការក្រសួងមហាផ្ទៃ តំណាងដ៏ខ្ពង់ខ្ពស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។ លោក កង វណ្ណារ៉ូ និងលោក លឹម សៀងហេង ត្រូវបានតែងតាំងជាអភិបាលរង នៃគណៈអភិបាលខេត្តស្វាយរៀង។

ព្រឹកថ្ងៃពុធ ទី៣ ខែមិថុនា ឆ្នាំ២០២៦ ឯកឧត្តម ឧត្តមសេនីយ៍ឯក ប៉ាង រ៉ាស៊ី អនុប្រធានក្រុមប្រឹក្សានីតិកម្ម ជាតំណាងក្រុមប្រឹក្សានីតិកម្ម បានអញ្ជើញចូលរួមកិច្ចប្រជុំពិនិត្យ ពិភាក្សា និងផ្តល់ធាតុចូលលើសេចក្តីព្រាងអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការអនុវត្តច្បាប់រវាងព្រះរាជាណាចក្រកម្ពុជា និងនីហ្សេរីយ៉ា។ កិច្ចប្រជុំនេះ ប្រព្រឹត្តទៅនៅបន្ទប់ប្រជុំខេត្តរតនគិរី ទីស្តីការក្រសួងមហាផ្ទៃ ក្រោមអធិបតីភាពឯកឧត្តម ប៊ុន ហុន រដ្ឋលេខាធិការ ក្រសួងមហាផ្ទៃ ដោយមានការអញ្ជើញចូលរួមពីឯកឧត្តម លោកជំទាវអនុរដ្ឋលេខាធិការ អគ្គនាយក និងមន្ត្រីពាក់ព័ន្ធជាច្រើនរូបផងដែរ។