សុខ ពុទ្ធិវុធ - SOK Puthyvuth

ឯកឧត្តម សុខ ពុទ្ធិវុធ បានអញ្ជើញអម ឯកឧត្តម ហ៊ុន ម៉ានី ក្នុងឱកាសទិវាកុមារអន្តរជាតិ ១ មិថុនា

រាជធានីភ្នំពេញ៖ រសៀលថ្ងៃទី៣១ ខែឧសភា ឆ្នាំ២០២៦ ឯកឧត្តម សុខ ពុទ្ធិវុធ សមាជិកគណៈអចិន្ត្រៃយ៍គណៈកម្មាធិការកណ្តាលសហភាពសហព័ន្ធយុវជនកម្ពុជា និងជាប្រធានសហភាពសហព័ន្ធយុវជនកម្ពុជា ខេត្តតាកែវ បានអញ្ជើញអម ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងលោកជំទាវ ក្នុងឱកាសទិវាកុមារអន្តរជាតិ ១ មិថុនា ដែលស្ថិតក្រោមការគ្រប់គ្រងរបស់អង្គការផ្ទះបាយកុមារ ដោយមានការអញ្ជើញចូលរួមពីថ្នាក់ដឹកនាំគណៈអចិន្រ្តៃយ៍ គណៈកម្មាធិការកណ្តាល សមាជិក សមាជិកា ស.ស.យ.ក. តំណាងស្ថានទូតចិន និងសប្បុរសជននានា នៅបរិវេណសាលាបឋមសិក្សាជ័យជំនះ។

ឯកឧត្តម សុខ ពុទ្ធិវុធ បានអញ្ជើញចូលរួមកម្មវិធី «ដាស់ស្មារតីជាតិ» (Day of Reckoning)

រាជធានីភ្នំពេញ៖ រសៀលថ្ងៃទី២៨ ខែឧសភា ឆ្នាំ២០២៦ ឯកឧត្តម សុខ ពុទ្ធិវុធ សមាជិកគណៈអចិន្ត្រៃយ៍គណៈកម្មាធិការកណ្តាលសហភាពសហព័ន្ធយុវជនកម្ពុជា និងជាប្រធានសហភាពសហព័ន្ធយុវជនកម្ពុជា ខេត្តតាកែវ បានអញ្ជើញចូលរួមកម្មវិធី «ដាស់ស្មារតីជាតិ» (Day of Reckoning) ក្រោមអធិបតីភាពដ៏ខ្ពង់ខ្ពស់ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា នៅពហុកីឡដ្ឋានជាតិអូឡាំពិក។

ឯកឧត្តម សុខ ពុទ្ធិវុធ បានអញ្ជើញចូលរួមកម្មវិធី “2026 Cambodia-Jungwon Study Visit and International Forum”

សាធារណរដ្ឋកូរ៉េ៖ ថ្ងៃទី១៨ ដល់ថ្ងៃទី២២ ខែឧសភា ឆ្នាំ២០២៦ ឯកឧត្តម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍និងទូរគមនាគមន៍ បានអញ្ជើញចូលរួមកម្មវិធី “2026 Cambodia-Jungwon Study Visit and International Forum” ដោយមានការអញ្ជើញចូលរួមពីតំណាងក្រសួងកិច្ចការនារី ក្រសួងសង្គមកិច្ច អតីតយុទ្ធជន និងយុវនីតិសម្បទា ក្រសួងអប់រំ យុវជន និងកីឡា សាកលវិទ្យាល័យភូមិន្ទភ្នំពេញ និងសាកលវិទ្យាល័យពាណិជ្ជសាស្ត្រអេស៊ីលីដា នៅសាកលវិទ្យាល័យជុងវ៉ុន នៃសាធារណរដ្ឋកូរ៉េ។

ឯកឧត្តម សុខ ពុទ្ធិវុធ បានអញ្ជើញចូលរួមពិធីសំណេះសំណាលជាមួយថ្នាក់ដឹកនាំ ក្រសួងស្ថាប័ន ក្រុមប្រឹក្សារាជធានី ខណ្ឌ សង្កាត់ នានាជុំវិញរាជធានីភ្នំពេញ

រាជធានីភ្នំពេញ៖ ព្រឹកថ្ងៃទី២៤ ខែឧសភា ឆ្នាំ២០២៦ ឯកឧត្តម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍និងទូរគមនាគមន៍ បានអញ្ជើញចូលរួមពិធីសំណេះសំណាលជាមួយថ្នាក់ដឹកនាំ ក្រសួងស្ថាប័ន ក្រុមប្រឹក្សារាជធានី ខណ្ឌ សង្កាត់ នានាជុំវិញរាជធានីភ្នំពេញ ក្រោមអធិបតីភាពដ៏ខ្ពស់ខ្ពស់ សម្ដេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទី នៃព្រះរាជាណាចក្រកម្ពុជា នៅមជ្ឈមណ្ឌលពិព័រណ៍ និងសន្និបាតកោះពេជ្រ។

ឯកឧត្តម សុខ ពុទ្ធិវុធ បានអញ្ជើញថ្លែងសុន្ទរកថាក្នុងកម្មវិធី The Grand Commencement, Opening of Cambodia's Largest Great Nine British School Campus- Shrewsbury Sen Sok Phnom Penh

រាជធានីភ្នំពេញ៖ រសៀលថ្ងៃទី២៣ ខែឧសភា ឆ្នាំ២០២៦ ឯកឧត្តម សុខ ពុទ្ធិវុធ បានអញ្ជើញថ្លែងសុន្ទរកថាក្នុងកម្មវិធី The Grand Commencement, Opening of Cambodia's Largest Great Nine British School Campus- Shrewsbury Sen Sok Phnom Penh នៅ The Premier Center Sen Sok។

សូមឧទ្ទិសបុណ្យកុសលជូនដល់វិញ្ញាណក្ខន្ធជនរងគ្រោះជាង៣លាននាក់ដែលបានស្លាប់បាត់បង់ជីវិត

ថ្ងៃទី២០ ខែឧសភា ជា «ទិវាជាតិនៃការចងចាំ» និងជាទិវាបុណ្យជាតិផ្លូវការដែលត្រូវបានកំណត់ដោយ រាជរដ្ឋាភិបាលកម្ពុជា តាមរយៈអនុក្រឹត្យលេខ១៩ អនក្រ.បក ចុះថ្ងៃទី១៤ ខែកុម្ភៈ ឆ្នាំ២០១៨ សម្រាប់ជាការរំឭក ដល់ជនរងគ្រោះនឹងការឈឺចាប់ពីឧក្រិដ្ឋកម្ម ដែលកើតមានក្នុងរបបកម្ពុជាប្រជាធិបតេយ្យ ចន្លោះពីថ្ងៃទី១៧ ខែមេសា ឆ្នាំ១៩៧៥ ដល់ថ្ងៃទី៦ ខែមករា ឆ្នាំ១៩៧៩។

ទិវាជាតិនៃការចងចាំ ២០ ឧសភា បង្កើតឡើងក្នុងគោលបំណងលើកតម្កើងការគោរព វិញ្ញាណក្ខន្ធ និងការធ្វើបុណ្យឧទ្ទិសដល់ជនរងគ្រោះបានស្លាប់ក្នុងរបបកម្ពុជាប្រជាធិបតេយ្យ, លើកតម្កើងការរំឭក ដល់ជនរងគ្រោះ ការស្តារកិត្តិយសនិងសេចក្តីថ្លៃថ្នូររបស់ជនរងគ្រោះ ទោះជានៅរស់រានមានជីវិតឬបានបាត់បង់ ជីវិតក៏ដោយ, ប៉ះប៉ូវការឈឺចាប់ខាងផ្លូវចិត្តនិងផ្នែកសង្គមរបស់ជនរងគ្រោះនិងក្រុមគ្រួសារ, ចូលរួមចំណែកដល់ ការផ្សះផ្សាជាតិនិងជំរុញឱ្យមានសុខដុមនីយកម្មក្នុងសង្គមកម្ពុជា, និង លើកកម្ពស់ការផ្សព្វផ្សាយនិងការយល់ដឹង អំពីអំពើឃោរឃៅដែលកើតមានក្នុងរបបកម្ពុជាប្រជាធិបតេយ្យកុំឱ្យកើតមានឡើងសាជាថ្មី។

#ហ៊ុនម៉ាណែត #កម្ពុជា #សន្តិភាពនៅកម្ពុជា

ឯកឧត្តម សុខ ពុទ្ធិវុធ បានអញ្ជើញចូលរួមកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧

តាកែវ៖ ព្រឹកថ្ងៃទី១៧ ខែឧសភា ឆ្នាំ២០២៦ ឯកឧត្តម សុខ ពុទ្ធិវុធ សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាសហប្រធានក្រុមការងារគណបក្សចុះមូលដ្ឋានស្រុកទ្រាំង បានអញ្ជើញចូលរួមកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត ជា វ៉ាន់ដេត សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តតាកែវ ដោយមានការអញ្ជើញចូលរួមពី ឯកឧត្តម លោកជំទាវ លោក លោកស្រី អនុប្រធាន និងសមាជិកក្រុមការងារគណបក្សចុះមូលដ្ឋាន ក្រុង ស្រុក ឃុំ សង្កាត់ នៅស្នាក់ការគណបក្សប្រជាជនកម្ពុជាខេត្តតាកែវ។

ឯកឧត្តម សុខ ពុទ្ធិវុធ បានអញ្ជើញចូលរួមពិធីខួបលើកទី ១៦៣ ទិវាពិភពលោកកាកបាទក្រហម អឌ្ឍចន្ទក្រហម ៨ ឧសភា ២០២៦

តាកែវ៖ ព្រឹកថ្ងៃទី១៧ ខែឧសភា ឆ្នាំ២០២៦ ឯកឧត្តម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍និងទូរគមនាគមន៍ និងជាប្រធានសហភាពសហព័ន្ធយុវជនកម្ពុជាខេត្តតាកែវ បានអញ្ជើញចូលរួមពិធីខួបលើកទី ១៦៣ ទិវាពិភពលោកកាកបាទក្រហម អឌ្ឍចន្ទក្រហម ៨ ឧសភា ២០២៦ ក្រោមមូលបទបន្តរួមកម្លាំងគ្នាដើម្បីមនុស្សធម៌ ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ ប្រធានក្រុមការងាររាជរដ្ឋាភិបាលចុះមូលដ្ឋានខេត្តតាកែវ និងជាប្រធានកិត្តិយសសាខាកាកបាទក្រហមកម្ពុជា ខេត្តតាកែវ នៅវិទ្យាស្ថានពហុបច្ចេកទេសភូមិភាគតេជោសែន តាកែវ។

ឯកឧត្តមវេជ្ជបណ្ឌិត សុខ ផេង និង ឯកឧត្តម សុខ ពុទ្ធិវុធ បានអញ្ជើញជាអធិបតីក្នុងកិច្ចប្រជុំត្រៀមរៀបចំវេទិកាសាធារណៈក្នុងមូលដ្ឋានស្រុកទ្រាំង

ស្រុកទ្រាំង៖ ព្រឹកថ្ងៃទី១៦ ខែឧសភា ឆ្នាំ២០២៦ ឯកឧត្តមវេជ្ជបណ្ឌិត សុខ ផេង និង ឯកឧត្តម សុខ ពុទ្ធិវុធ សមាជិកគណៈកម្មាធិការកណ្ដាលគណបក្សប្រជាជនកម្ពុជា និងជាសហប្រធានក្រុមការងារគណបក្សចុះមូលដ្ឋានស្រុកទ្រាំង បានអញ្ជើញជាអធិបតីក្នុងកិច្ចប្រជុំត្រៀមរៀបចំវេទិកាសាធារណៈក្នុងមូលដ្ឋានស្រុកទ្រាំង ដោយមានការអញ្ជើញចូលរួមពី ឯកឧត្តម លោកជំទាវ លោក លោកស្រី នាងកញ្ញា អនុប្រធាន និងសមាជិកក្រុមការងារគណបក្សចុះមូលដ្ឋានស្រុក ប្រធាន និងអនុប្រធានក្រុមការងារគណបក្សចុះមូលដ្ឋានឃុំទាំង១៤ ប្រធាន និងអនុប្រធានក្រុមការងារជំនាញនៃក្រុមការងារចុះមូលដ្ឋានស្រុក គណៈកម្មាធិការគណបក្សស្រុក គណៈកម្មាធិការគណបក្សឃុំទាំង១៤ និងសាខាបក្ស នៅសាលប្រជុំស្នាក់ការគណបក្សស្រុកទ្រាំង។

[English Below]

ឯកឧត្តម សុខ ពុទ្ធិវុធ បានអញ្ជើញដឹកនាំកិច្ចប្រជុំពិភាក្សាជាមួយ UNICEF និង អង្គការអុី ប៊ី ស៊ី (EBC) ដើម្បីពង្រឹងកិច្ចសហប្រតិបត្តិការក្នុងវិស័យអប់រំឌីជីថល

រាជធានីភ្នំពេញ៖ រសៀលថ្ងៃទី១២ ខែឧសភា ឆ្នាំ២០២៦ ឯកឧត្តម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍និងទូរគមនាគមន៍ និងជាប្រធានគណៈកម្មការគ្រប់គ្រងគម្រោងស្តីពីការបង្កើតនិងប្រតិបត្តិការថ្នាលអប់រំដោយប្រើប្រាស់បច្ចេកវិទ្យាគមនាគមន៍ព័ត៌មាននិងប្រព័ន្ធផ្សព្វផ្សាយ បានអញ្ជើញដឹកនាំកិច្ចប្រជុំពិភាក្សាជាមួយ UNICEF និង អង្គការអុី ប៊ី ស៊ី (EBC) ដើម្បីពង្រឹងកិច្ចសហប្រតិបត្តិការក្នុងវិស័យអប់រំឌីជីថល ដោយមានការចូលរួមពី ឯកឧត្តម លោក លោកស្រី និងក្រុមការងារនៃអង្គការអុី ប៊ី ស៊ី (EBC) និង UNICEF។

----------
H.E. Sok Puthyvuth Leads a Discussion Meeting with UNICEF and Educational Broadcasting Cambodia (EBC) to Strengthen Digital Education Cooperation

Phnom Penh: H.E. Sok Puthyvuth, Secretary of State of the Ministry of Posts and Telecommunications and Chairman of the Committee on the Establishment and Operation of the Education Nurseries Using Information and Media Technology, led a discussion meeting with UNICEF and Educational Broadcasting Cambodia (EBC) to strengthen collaboration in digital education, with the participation of His Excellency, ladies and gentlemen, and working teams from Educational Broadcasting Cambodia (EBC) and UNICEF.

In the afternoon of May 12, 2026.