វិទ្យាស្ថានជាតិអាកាសចរណ៍ស៊ីវិល NICA

នាព្រឹក ថ្ងៃអង្គារ ៣កើត ខែជេស្ឋ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី១៩ ខែឧសភា ឆ្នាំ២០២៦។ វិទ្យាស្ថានជាតិអាកាសចរណ៍ស៊ីវិល ដែលដឹកនាំដោយ ឯកឧត្តម ជា អូន រដ្ឋលេខាធិការ នៃរដ្ឋលេខាធិការដ្ឋានអាកាសចរណ៍ស៊ីវិល និងថ្នាក់ដឹកនាំនៃវិទ្យាស្ថានជាតិអាកាសចរណ៍ស៊ីវិល បានធ្វើបដិសណ្ឋារកិច្ចស្វាគមន៍ទទួល គណៈប្រតិភូគណៈកម្មការ សាធារណការ ដឹកជញ្ជូន អាកាសចរណ៍ស៊ីវិល ប្រៃសណីយ៍ ទូរគមនាគមន៍ ឧស្សាហកម្ម វិទ្យាសាស្រ្ត បច្ចេកវិទ្យា នវានុវត្តន៍ រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និង សំណង់ (គណៈកម្មការទី៩) នៃរដ្ឋសភា ដែលដឹកនាំដោយ លោកជំទាវ និន សាផុន ប្រធានគណៈកម្មការទី៩ នៃរដ្ឋសភា មកបំពេញទស្សនកិច្ចស្វែងយល់ពីអំពីការបណ្តុះបណ្តាលអាកាសចរណ៍ស៊ីវិល របស់វិទ្យាស្ថានជាតិអាកាសចរណ៍ស៊ីវិល តាមរយៈការធ្វើបទបង្ហាញ ប្រជុំពិភាក្សា ទស្សនាអគារ ថ្នាក់រៀន ឧបករណ៍ គ្រឿងសម្ភារៈបរិក្ខាផ្សេងៗ ជាពិសេសបន្ទប់គ្រប់គ្រងការហោះហើរ និងបន្ទប់បញ្ជាម៉ាស៊ីនហោះហើរ (ATC Simulator)។

នៅរសៀលថ្ងៃសុក្រ ១៤រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹង ថ្ងៃទី១៥ ខែឧសភា ឆ្នាំ២០២៦ ។ វិទ្យាស្ថានជាតិអាកាសចរណ៍ស៊ីវិល ដែលដឹកនាំដោយ លោក ហួ៊ង សូដែត នាយករងវិទ្យាស្ថានជាតិអាកាសចរណ៍ស៊ីវិល តំណាងឯកឧត្តម លឹម កៅ នាយកវិទ្យាស្ថានជាតិអាកាសចរណ៍ស៊ីវិល និងថ្នាក់ដឹកនាំនៃវិទ្យាស្ថានជាតិអាកាសចរណ៍ស៊ីវិល បានធ្វើបដិសណ្ឋារកិច្ចស្វាគមន៍ទទួល គណៈប្រតិភូនៃនាយកដ្ឋានអាកាសចរណ៍ស៊ីវិលនៃសាធារណរដ្ឋប្រជាធិបតេយ្យប្រជាមានិតឡាវ (The Department of Civil Aviation of Lao PDR )អមដំណើរដោយថ្នាក់ដឹកនាំនៃអគ្គនាយកដ្ឋានគោលនយោបាយដឹកជញ្ចូនតាមផ្លូវអាកាស នៃរដ្ឋលេខាធិការដ្ឋានអាកាសចរណ៍ស៊ីវិល មកធ្វើទស្សនកិច្ចស្វែងយល់ពីអំពីការបណ្តុះបណ្តាលអាកាសចរណ៍ស៊ីវិល របស់វិទ្យាស្ថានជាតិអាកាសចរណ៍ស៊ីវិល តាមរយៈការធ្វើបទបង្ហាញ ប្រជុំពិភាក្សា ទស្សនាអគារ ថ្នាក់រៀន ឧបករណ៍ គ្រឿងសម្ភារបរិក្ខាផ្សេងៗ ជាពិសេសបន្ទប់គ្រប់គ្រងការហោះហើរ និងបន្ទប់បញ្ជាម៉ាស៊ីនហោះហើរ (ATC Simulator)។

សូមព្រះបរមរាជានុញ្ញាតសម្តែងនូវព្រះពរជ័យ សិរីវឌ្ឍនា បវរមហាប្រសើរថ្វាយ ព្រះករុណាព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងព្រះរាជពិធីចម្រើនព្រះជន្មាយុ គម្រប់ខួប ៧៣ ព្រះវស្សា យាងចូល ៧៤ ព្រះវស្សា (១៤ ឧសភា ១៩៥៣ - ១៤ ឧសភា ២០២៦)


.I.C.A.

នារព្រឹកថ្ងៃសុក្រ ៧រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៨ ខែឧសភា ឆ្នាំ២០២៦ វិទ្យាស្ថានជាតិអាកាសចរណ៍ស៊ីវិល បានរៀបចំកិច្ចប្រជុំផែនការយុទ្ធសាស្ត្រថវិកាឆ្នាំ២០២៧-២០២៩ និងគម្រោងថវិកាលម្អិតឆ្នាំ២០២៧ របស់វិទ្យាសា្ថនជាតិអាកាសចរណ៍ស៊ីវិល។

ក្រោមអធិបតីភាពដ៏ខ្ពង់ខ្ពស់ ឯកឧត្តម លី សុវណ្ណារិទ្ធ រដ្ឋលេខាធិការទទួលបន្ទុកវិទ្យាស្ថានជាតិអាកាសចរណ៍ស៊ីវិល និងជាប្រធានកម្មវិធីថវិកាទី៣ នៃរដ្ឋលេខាធិការដ្ឋានអាកាសចរណ៍ស៊ីវិល ។ កិច្ចប្រជុំនេះ បានរៀបចំធ្វើឡើងនៅបន្ទប់ប្រជុំលេខ១ ជាន់ទី២ នៃវិទ្យាស្ថានជាតិអាកាសចរណ៍ស៊ីវិល ដោយមានការចូលរួមពីថ្នាក់ដឹកនាំ និងមន្ត្រីជំនាញសរុប១២នាក់ ។

ដំណើរការកិច្ចប្រជុំនេះរួមមានកិច្ចពិភាក្សាដូចខាងក្រោម៖
ពិភាក្សាពីប្រតិទិននៃការរៀបចំថវិកាប្រចាំឆ្នាំ៖ ១. ការរៀបចំក្របខ័ណ្ឌថវិកា ២. ការរៀបចំផែនការយុទ្ធសាស្រ្តថវិកា
៣. ការរៀបចំថវិកាប្រចាំឆ្នាំ
គោលការណ៍ណែនាំ និងបច្ចេកទេសនៃការរៀបចំផែនការយុទ្ធសាស្រ្តថវិកាឆ្នាំ២០២៧-២០២៩ និងការរៀបចំថវិកាឆ្នាំ២០២៧៖ ១. ការរៀបចំផែនការយុទ្ធសាស្រ្តថវិកាឆ្នាំ២០២៧-២០២៩ ២. ការរៀបចំថវិកាឆ្នាំ២០២៧ ៣. ការកំណត់សូចនាករសមិទ្ធកម្ម ៤. ការពិនិត្យឡើងវិញលើផែនការសមិទ្ធកម្មឆ្នាំ២០២៦ របស់ វិទ្យសា្ថនជាតិអាកាសចរណ៍ស៊ីវិល។
ផ្អែកតាមគោលការណ៍ណែនាំស្តីពីប្រតិទិនសម្រាប់ការរៀបចំសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៧ របស់ រ.ល.អ.ស ចុះថ្ងៃទី១៧ ខែកុម្ភៈ ឆ្នាំ២០២៦ មានដូចខាងក្រោម៖
១. គ្រប់នាយកដ្ឋាន ត្រូវរៀបចំផែនការសមិទ្ធកម្មឆ្នាំ២០២៧ ដាក់ជូនអង្គភាពថវិកា នៅសប្តាហ៍ទី៤ នៃខែកុម្ភៈ ដើម្បីពិនិត្យ និងកែលម្អ។
២. គ្រប់នាយកដ្ឋាន ត្រូវរៀបចំផែនការយុទ្ធសាស្រ្តថវិកាឆ្នាំ២០២៧-២០២៩ និងគម្រោងថវិកាឆ្នាំ២០២៧ ផ្ញើអង្គភាពថវិកា ឱ្យបានមុនសប្តាហ៍ទី២ នៃខែឧសភា។
៣. គ្រប់អង្គភាពថវិកា ត្រូវបូកសរុប និងរៀបចំផែនការយុទ្ធសាស្រ្តថវិកាឆ្នាំ២០២៧-២០២៩, គម្រោងថវិកា ឆ្នាំ២០២៧ និងផែនការសមិទ្ធកម្មឆ្នាំ២០២៧ ដាក់ជូនក្រុមការងារថវិកា ឱ្យបានមុនសប្តាហ៍ទី៤ នៃខែឧសភា។
៤. ក្រុមការងារថវិកា ត្រូវរៀបចំផែនការយុទ្ធសាស្រ្តថវិកា និងបូកសរុបគម្រោងថវិកា ដោយភ្ជាប់នូវផែនការសមិទ្ធកម្មឆ្នាំ២០២៧ ផ្ញើជូន កសហវ នៅមុនសប្តាហ៍ទី៣ នៃខែមិថុនា។
៥. សប្តាហ៍ទី១ នៃខែកក្កដា ក្រុមការងារថវិកាត្រៀមលក្ខណៈសម្បត្តិ និងពេលវេលាចូលរួមប្រជុំពិភាក្សាកម្រិតបច្ចេកទេស ជាមួយ កសហវ។
៦. សប្តាហ៍ទី១ នៃខែសីហា ក្រុមការងារថវិកាត្រៀមលក្ខណៈសម្បត្តិ និងពេលវេលាចូលរួមប្រជុំពិភាក្សាកម្រិតថ្នាក់ដឹកនាំ ជាមួយ ក្រសួហសេដ្ឋកិច្ច និងហិរញ្ញវត្ថុ។

អង្គប្រជុំបានសម្រេចដូចខាងក្រោម៖
កែសម្រួលលើចំណុចបច្ចេកទេសមួយចំនួន ដើម្បីឱ្យមានភាពស៊ីចង្វាក់គ្នាជាមួយសកម្មភាពការងារជាក់ស្តែង។
ឯកឧត្តមប្រធានអង្គប្រជុំបានផ្តល់អនុសាសន៍ឱ្យគ្រប់ផ្នែកទាំងអស់ រៀបចំឯកសារគាំទ្រឱ្យបានច្បាស់លាស់ ដើម្បីត្រៀមការពារកញ្ចប់ថវិកាជាមួយក្រសួងសាមី និងក្រសួងសេដ្ឋកិច្ច និងហិរញ្ញវត្ថុ។

កិច្ចប្រជុំបានបញ្ចប់នៅព្រឹកថ្ងៃដដែល ក្នុងបរិយាកាសរីករាយ និងទទួលខុសត្រូវខ្ពស់៕

អបអរសាទរ ព្រះរាជពិធីច្រត់ព្រះនង្គ័ល ថ្ងៃអង្គារ ៤រោច​ ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែឧសភា ឆ្នាំ២០២៦

អបអរសាទរ ទិវាពលកម្មអន្តរជាតិ ខួបលើកទី១៤០

១ ឧសភា ១៨៨៦ ~ ១ ឧសភា ២០២៦

អនុមោទនាបុណ្យ វិសាខបូជា ថ្ងៃសុក្រ ១៥កើត​ ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី ១ ខែឧសភា ឆ្នាំ២០២៦

# SSCA
.I.C.A.

នៅព្រឹកថ្ងៃព្រហស្បតិ៍ ១៤កើត ខែពិសាខ ឆ្នាំមមី អដ្ឋស័ក ព.ស២៥៦៩ ត្រូវនឹង ថ្ងៃទី៣០ ខែមេសា ឆ្នាំ២០២៦ ។ វិទ្យាស្ថានជាតិអាកាសចរណ៍ស៊ីវិល ដែលដឹកនាំដោយ លោក ប៊ុន ចាន់រ័ត្ន នាយករងវិទ្យាស្ថានជាតិអាកាសចរណ៍ស៊ីវិល អមដោយថ្នាក់ដឹកនាំ និងមន្រ្តីរាជការនៃវិទ្យាស្ថានជាតិអាកាសចរណ៍ស៊ីវិលបានធ្វើបដិសណ្ឋារកិច្ចទទួលថ្នាក់ដឹកនាំ គ្រូបង្រៀន
និងសិស្សនៃសាលាហ៊្វូតព្រីនអន្តរជាតិមកធ្វើទស្សនកិច្ចសិក្សាដើម្បីស្វែងយល់ពីអំពីវិស័យអាកាសចរណ៍តាមរយៈការទស្សនាអគារ ថ្នាក់រៀន ឧបករណ៍ គ្រឿងសម្ភារបរិក្ខាផ្សេងៗ ជាពិសេសបន្ទប់គ្រប់គ្រងការហោះហើរ និងបន្ទប់បញ្ជាម៉ាស៊ីនហោះហើរ។

នារសៀលថ្ងៃពុធ ១៣កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី២៩ ខែមេសា ឆ្នាំ២០២៦ វិទ្យាស្ថានជាតិអាកាសចរណ៍ស៊ីវិល បានរៀបចំកិច្ចប្រជុំបូកសរុបលទ្ធផលការងារឆ្នាំ២០២៥ លើកទិសដៅការងារឆ្នាំ២០២៦ និងពិធីប្រកាសប្រគល់តួនាទីជូនថ្នាក់ដឹកនាំទទួលបន្ទុកវិទ្យាស្ថានជាតិអាកាសចរណ៍ស៊ីវិល ក្រោមអធិបតីភាពដ៏ខ្ពង់ខ្ពស់ ឯកឧត្តម លី សុវណ្ណារិទ្ធ រដ្ឋលេខាធិការទទួលបន្ទុកវិទ្យាស្ថានជាតិអាកាសចរណ៍ស៊ីវិល ។ កិច្ចប្រជុំនេះ បានរៀបចំធ្វើឡើងនៅសាលសន្និសីទនៃវិទ្យាស្ថានជាតិអាកាសចរណ៍ស៊ីវិល ដោយមានការចូលរួមពីថ្នាក់ដឹកនាំ និងមន្ត្រីរាជការទាំងអស់នៃវិទ្យាស្ថានជាតិអាកាសចរណ៍ស៊ីវិល​ ។

នៅក្នុងដំណើរការកិច្ចប្រជុំនេះរួមមានរបៀបវារៈចំនួនបួនដូចខាងក្រោម៖
១. របាយការណ៍សង្ខេបលទ្ធផលការងារឆ្នាំ២០២៥ (ស្ថានភាពទូទៅនៃការអនុវត្តការងារ លទ្ធផលសម្រេចបានសំខាន់ៗ បញ្ហាប្រឈម និងសំណូមពរ ) ដោយ៖
- លោក ជា រិទ្ធផេង ប្រធាននាយកដ្ឋានរដ្ឋបាល និងហិរញ្ញវត្ថុ
- ឯកឧត្តម សូវ៉ាត សីលា ទីប្រឹក្សា និងជាប្រធាននាយកដ្ឋានបណ្តុះបណ្តាលនិងវិក្រឹតការ
- លោក គាំ សុវណ្ណថា ប្រធាននាយកដ្ឋានផែនការ និងអភីវឌ្ឍន៏
- មិត និងរបាយការណ៍សរុបលទ្ធផលការងារឆ្នាំ២០២៥ ដោយឯកឧត្តម លឹម​ កៅ នាយកវិទ្យាស្ថានជាតិអាកាសចរណ៍ស៊ីវិល
២. អានសេចក្តីសម្រេចលេខ ០៤៥១ រ.ល.អ.ស ចុះថ្ងៃទី១៩ កុម្ភៈ ឆ្នាំ២០២៦​ ស្តីពីការកែសម្រួលរបៀបរបបការងារ និងការបែងចែកភារកិច្ចរបស់ថ្នាក់ដឹកនាំ រដ្ឋលេខាធិការដ្ឋានអាកាសចរណ៍ស៊ីវិល
៣. មតិសំណេះសំណាល និងអនុសាសន៍ដោយ៖
- ឯកឧត្តម ម៉ី សារុន អនុរដ្ឋលេខាធិការ
- ឯកឧត្តម ពៅ ប៉ូលីណែល រដ្ឋលេខាធិការ
- ឯកឧត្តម លី សុវណ្ណារិទ្ធ រដ្ឋលេខាធិការទទួលបន្ទុកវិទ្យាស្ថានជាតិអាកាសចរណ៍ស៊ីវិល
៤. មតិផ្សេងៗ

កិច្ចប្រជុំបានពិនិត្យឃើញសមិទ្ធផលសំខាន់ៗជាច្រើនដែលវិទ្យាស្ថានជាតិអាកាសចរណ៍ស៊ីវិលសម្រេចបានក្នុងឆ្នាំ២០២៥ និងបានលើកទិសការងារឆ្នាំ២០២៦ ដើម្បីបន្តអនុវត្តតាមគោលនយោបាយរបស់រដ្ឋលេខាធិការដ្ឋានអាកាសចរណ៍ស៊ីវិល ក្រោមការដឹកនាំដ៏ឈ្លាសវៃរបស់ ឯកឧត្តមបណ្ឌិត
ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល និងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលនិតីកាលកាលទី៧ នៃរដ្ឋសភា ក្រោមមាគ៌ាដឹកនាំប្រកបដោយគតិបណ្ឌិតរបស់ សម្តេចមហាបវធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលបានចាត់ទុកវិស័យអប់រំជាវិស័យអាទិភាពទី១ ។

កិច្ចប្រជុំបូកសរុបលទ្ធផលការងារឆ្នាំ២០២៥ លើកទិសដៅការងារឆ្នាំ២០២៦ របស់វិទ្យាស្ថានជាតិអាកាសចរណ៍ស៊ីវិល និងពិធីប្រកាសប្រគល់តួនាទីជូនថ្នាក់ដឹកនាំទទួលបន្ទុកវិទ្យាស្ថានជាតិអាកាសចរណ៍ស៊ីវិលបានបិទបញ្ចប់ដោយការថតរូបរួមគ្នា ក្នុងបរិយាកាសរីករាយ សាមគ្គីភាព និង ភាពស្និទ្ធស្នាល ។