ឯកឧត្ដម សោម ច័ន្ទឌីណា

ព្រឹកថ្ងៃទី០៧ ខែកញ្ញា ឆ្នាំ២០២២ នេះ ឯកឧត្តម សោម ច័ន្ទឌីណា អនុរដ្ឋលេខាធិការក្រសួងមហាផ្ទៃ និងជាអនុប្រធានគណៈកម្មាធិការប្រយុទ្ធប្រឆាំងផលិតផលក្លែងក្លាយ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ មៀច សុផាន់ណា រដ្ឋលេខាធិការក្រសួងមហាផ្ទៃ និងជាប្រធានគណៈកម្មាធិការប្រយុទ្ធប្រឆាំងផលិតផលក្លែងក្លាយ បានអញ្ជើញចូលរួមពិធី ប្រកាសផ្ទេរភារកិច្ច និងតែងតាំងមុខតំណែងអគ្គាធិការ នៃអគ្គាធិការដ្ឋានក្រសួងមហាផ្ទៃ ក្រោមអធិបតីភាពដ៏ខ្ពង់ខ្ពស់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ៕

នាព្រឹកថ្ងៃអង្គារ ១១រោច ខែស្រាពណ៍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៣ ខែសីហា ឆ្នាំ២០២២ នេះ ឯកឧត្តម សោម ច័ន្ទឌីណា អនុរដ្ឋលេខាធិការក្រសួងមហាផ្ទៃ និងជាអនុប្រធានគណៈកម្មាធិការប្រយុទ្ធប្រឆាំងផលិតផលក្លែងក្លាយ បានអញ្ជើញចូលរួមកម្មវិធីជំនួបរវាង ឯកឧត្តម នាយឧត្តមសេនីយ៍ មៀច សុផាន់ណា រដ្ឋលេខាធិការក្រសួងមហាផ្ទៃ និងជាប្រធានគណៈកម្មាធិការប្រយុទ្ធប្រឆាំងផលិតផលក្លែងក្លាយ ជាមួយ ឯកឧត្តម ឧកញ៉ា ច័ន្ទ តារា នាយកប្រតិបត្តិក្រុមហ៊ុន Lee's Food Service និងក្រុមការងារ នៅទីស្តីការក្រសួងមហាផ្ទៃ ។

ជំនួបនេះបានរៀបចំឡើងតាមការស្នើសុំពីសំណាក់ ឯកឧត្ត ឧកញ៉ា ក្នុងគោលបំណងសំណេះសំណាល និងសំដែងការគួរសម ជូនចំពោះ ឯកឧត្តម នាយឧត្តមសេនីយ៍ រដ្ឋលេខាធិការ និងជាប្រធាន គ.ប.ផ.ក ព្រមទាំងពិភាក្សាលើការងារប្រយុទ្ធប្រឆាំងផលិតផលក្លែងក្លាយ ដែលបង្កគ្រោះថ្នាក់មានហានិភ័យខ្ពស់ដល់សុខភាព និងសុវត្ថិភាពសង្គម ចូលរួមការពារអ្នកប្រើប្រាស់នៅក្នុងប្រទេសកម្ពុជាពីការក្លែងបន្លំ ជៀសវាងពីការប្រើប្រាស់ផលិតផលខូចគុណភាព ផលិតផលដែលរក្សាទុកមិនស្របតាមបទដ្ឋានស្តង់ដារសុវត្ថិភាព ផលិតផលដែលផ្ទុកទៅដោយសារធាតុគីមីហាមឃាត់ធ្វើឲ្យប៉ះពាល់យ៉ាងធ្ងន់ធ្ងរដល់សុខភាពប្រជាពលរដ្ឋ ព្រមទាំងលើកកម្ពស់ការធ្វើធុរកិច្ចប្រកបដោយសុច្ចរិតភាព គោរពច្បាប់ និងការប្រកួតប្រជែងដោយភាពស្មោះត្រង់ ៕

នាព្រឹកថ្ងៃសៅរ៍ ៨រោច ខែស្រាពណ៍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២០ ខែសីហា ឆ្នាំ២០២២ ឯកឧត្តម សោម ច័ន្ទឌីណា អនុរដ្ឋលេខាធិការក្រសួងមហាផ្ទៃ និងជាប្រធានក្រុមការងារចុះជួយឃុំពាមមានជ័យ ស្រុកពាមរក៍ ខេត្តព្រៃវែង បានដឹកនាំសប្បុរសជនមួយក្រុម ចុះចែកសម្ភារ និងថ្នាំពេទ្យសង្គោះបឋម ជូនដល់ប្រជាពលរដ្ឋក្រីក្រ ចាស់ជរាចំនួនជាង ២០០នាក់ នៅក្នុងភូមិថ្មី ឃុំពាមមានជ័យ ស្រុកពាមរក៍ ខេត្តព្រៃវែង ដែលជាទឹកចិត្តដ៏សប្បុរស និងជាការចែករំលែកពីសំណាក់សប្បុរសជនជាច្រើន ។

នៅក្នុងកម្មវិធីនោះក៏មានការចូលរួមផងដែរពីសំណាក់ក្រុមគ្រូពេទ្យស្ម័គ្រចិត្តនៃគ្លីនិក អេស ភី បានជួយព្យាបាលជំងឺភ្នែក និងវាស់សម្ពាធឈាមជូនប្រជាពលរដ្ឋចាស់ជរាចំនួនជាង ១០០នាក់ និងបានផ្តល់ជាថ្នាំសម្រាប់ព្យាបាលផងដែរ ។

តាងនាមឲ្យក្រុមការងារចុះជួយឃុំពាមមានជ័យ សូមថ្លែងអំណរគុណយ៉ាងជ្រាលជ្រៅជូនចំពោះបងប្អូនសប្បុរសជនទាំងអស់ ដែលបានចូលរួមឧបត្ថម្ភទាំងស្មារតី សម្ភារៈ និងថវិការចូលរួមក្នុងការងារមនុស្សធម៌នេះ ។ បន្ថែមពីនេះទៀត សូមថ្លែងអំណគុណជាពិសេសចំពោះ #គ្លីនិកsp ដែលបានរៀបចំក្រុមគ្រូពេទ្យស្ម័គ្រចិត្ត ចុះពិនិត្យជំងឺដល់ប្រជាពលរដ្ឋចាស់ជរា និងបានផ្តល់នូវថ្នាំព្យាបាលមួយចំនួនផងដែរ ។

ការខិតខំប្រឹងប្រែងយ៉ាងអស់ពីកម្លាំងកាយចិត្ត និងលះបង់ពេលវេលា រួមទាំងថវិការយ៉ាងច្រើនរបស់បងប្អូន គឺមានអត្ថន័យរួមចំណែកប្រកបដោយសាមគ្គីភាពធ្វើឲ្យភូមិមានការវិវឌ្ឍន៍រីកចំរើនទៅមុខ ហើយទឹកចិត្តដ៏ល្អ និងសន្តានចិត្តចេះជួយគ្នាទៅវិញទៅមកនាគ្រាលំបាករបស់បងប្អូន គឺដើម្បីភាពសុខសាន្តរបស់ប្រជាពលរដ្ឋក្នុងភូមិ ក៏ដូចជាប្រជាជនខ្មែរទូទាំងប្រទេស ។

ឆ្លៀតក្នុងឱកាសដ៏វិសេសថ្លៃថ្លានេះ យើងខ្ញុំសូមបួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិទាំងអស់ក្នុងលោក ទេវតារក្សាព្រះរាជាណាចក្រកម្ពុជា ជាពិសេស ទេវតាឆ្នាំថ្មីព្រះនាម កិរិណីទេវី សូមប្រសិទ្ធិពរ បវរមហាប្រសើរជូនដល់បងប្អូន និងក្រុមគ្រួសារ ព្រមទាំងក្រុមការងារទាំងអស់ សូមប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕

រសៀលថ្ងៃចន្ទ ៤កើត ខែស្រាពណ៍ ឆ្នាំខាល ចត្វាស័ក ព.ស. ២០៥៦៦ ត្រូវនឹងថ្ងៃទី០១ ខែសីហា ឆ្នាំ២០២២ នេះ ឯកឧត្តម សោម ច័ន្ទឌីណា អនុរដ្ឋលេខាធិការក្រសួងមហាផ្ទៃ និងជាអនុប្រធានគណៈកម្មាធិការប្រយុទ្ធប្រឆាំងផលិតផលក្លែងក្លាយ តំនាងដ៏ខ្ពស់ខ្ពស់ ឯកឧត្តម នាយឧត្តមសេនីយ៍ មៀច សុផាន់ណា រដ្ឋលេខាធិការក្រសួងមហាផ្ទៃ និងជាប្រធានគណៈកម្មាធិការប្រយុទ្ធប្រឆាំងផលិតផលក្លែងក្លាយ បានអញ្ជើញចូលរួម ពិធីប្រកាសសមាសភាពក្រុមការងារតាមដានការដោះស្រាយសំណើ សំណូមពរ និងមតិយោបល់របស់មហាជន ក្នុងទំព័រហ្វេសប៊ុក សម្តេចក្រឡាហោម ស ខេង ។

ពិធីនេះប្រព្រឹត្តទៅនៅទីស្តីការក្រសួងមហាផ្ទៃ ក្រោមអធិបតីភាពដ៏ខ្ពង់ខ្ពស់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងមានការចូលរួមពីសំណាក់ ឯកឧត្តម លោកជំទាវ លោក លោកស្រី រដ្ឋលេខាធិការ អនុរដ្ឋលេខាធិការ អគ្គនាយក អគ្គនារករង និងថ្នាក់ដឹកនាំជាន់ខ្ពស់ក្រសួងមហាផ្ទៃជាច្រើនរូបទៀត ៕

នាថ្ងៃព្រហស្បតិ៍ ៨រោច ខែអាសាឍ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី២១ ខែកក្កដា ឆ្នាំ២០២២ ឯកឧត្តម សោម ច័ន្ទឌីណា អនុរដ្ឋលេខាធិការក្រសួងមហាផ្ទៃ បានអញ្ជើពិសាអាហារសាមគ្គីជាមួយលោកជំទាវ កែវ មុំ អគ្គនាយិការក្រុមហ៊ុននំស្រួយ លី លី និងជាប្រធានសមាគមសហគ្រិនស្ត្រីកម្ពុជា ក្នុងគោលបំណងដើម្បីស្វែងយល់ពីគ្នាទៅវិញទៅមក និងស្វែងរកកិច្ចសហប្រតិបត្តិការនាពេលខាងមុខ ។

កម្មវិធីពិសាអាហារសាមគ្គីបានប្រព្រឹត្តទៅប្រកបដោយបរិយាកាសល្អ ស្មោះត្រង់ និងសប្បាយរីករាយក្រៃលែង ៕

នាព្រឹកថ្ងៃសុក្រ ១កើត ខែស្រាពណ៍ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី២៩ ខែកក្កដា ឆ្នាំ២០២២ នេះ ដោយមានការឯកភាពដ៏ខ្ពង់ខ្ពស់ពីសំណាក់ ឯកឧត្តម នាយឧត្តមសេនីយ៍ មៀច សុផាន់ណា រដ្ឋលេខាធិការក្រសួងមហាផ្ទៃ និងជាប្រធានគណៈកម្មាធិការប្រយុទ្ធប្រឆាំងផលិតផលក្លែងក្លាយ (គ.ប.ផ.ក) ឯកឧត្តម សោម ច័ន្ទឌីណា អនុរដ្ឋលេខាធិការក្រសួងមហាផ្ទៃ និងជាអនុប្រធាន គ.ប.ផ.ក បានដឹកនាំក្រុមការងារជំនាញ ធ្វើទស្សនៈកិច្ច សិក្សាស្វែងយល់ពីដំណើរការអាជីវកម្មរបស់ក្រុមហ៊ុន JTI ដែលមានទីតាំងស្ថិតនៅសង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ៕

រសៀលថ្ងៃសៅរ៍ ២កើត ខែស្រាពណ៍ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី៣០ ខែកក្កដា ឆ្នាំ២០២២ ឯកឧត្តម សោម ច័ន្ទឌីណា អនុរដ្ឋលេខាធិការក្រសួងមហាផ្ទៃ និងជាអនុប្រធានគណៈកម្មាធិការប្រយុទ្ធប្រឆាំងផលិតផលក្លែងក្លាយ បានអញ្ជើញជូនដំណើរ ឯកឧត្តម នាយឧត្តមសេនីយ៍ មៀច សុផាន់ណា រដ្ឋលេខាធិការក្រសួងមហាផ្ទៃ និងជាប្រធានគណៈកម្មាធិការប្រយុទ្ធប្រឆាំងផលិតផលក្លែងក្លាយ ទៅបំពេញទស្សនៈកិច្ច សិក្សាស្វែងពីគណៈកម្មាធិការប្រកួតប្រជែង និងការពារអ្នកប្រើប្រាស់ ប្រទេសអូស្ត្រាលី ៕

ព្រឹកថ្ងៃអាទិត្យទី០៣ ខែកក្កដា ឆ្នាំ២០២២ ឯកឧត្តម សោម ច័ន្ឌឌីណា ប្រធានក្រុមការងារចុះជួយឃុំពាមមានជ័យ ស្រុកពាមរក៍ ខេត្តព្រៃវែង រួមទាំងសប្បុរសជនមួយចំនួន បាននាំយកសម្ភារៈសិក្សាចែកជូនដល់ក្មេងៗសិស្សានុសិស្សចំនួន ១០០នាក់ នៅសាលាបឋមសិក្សារភូមិថ្មី ស្ថិតនៅភូមិថ្មី ឃុំពាមមាជ័យ ស្រុកពាមរក៍ ខេត្តព្រៃវែង ដោយក្នុងម្នាក់ៗទទួលបាន៖ កាតាប១ សឺមី១ សៀវភៅ៥ក្បាល ប៊ិច៣ដើម បន្ទាត់ ខ្មៅដៃ ដៃខួង នឹងនំចំណីមួយចំនួន និងចូលរួមពិធីបុណ្យលោកតាសុក-លោកតាសៅ នៅចុងកោះ ភូមិថ្មី ដោយមានការចូលរួមពីសំណាក់លោកយាយ លោកតា បងប្អូនប្រជាពលរដ្ឋជាច្រើនរូបទៀត ។

ជាមួយគ្នានេះ តាងនាមឲ្យសិស្សានុសិស្សទាំងអស់នៅក្នុងសាលាបឋមសិក្សាភូមិថ្មី យើងខ្ញុំសូមថ្លែងអំណរគុណយ៉ាងជ្រៀលជ្រៅជូនចំពោះសប្បុរសជន រួមទាំងក្រុមការងារទាំងអស់ដែលបានរៀបចំកម្មវិធីសប្បុរសធម៌នេះឡើង ។ សិស្សានុសិស្ស លោកគ្រូ អ្នកគ្រូ និងអាណាព្យាបាលទាំងអស់ ពិតជាមានក្តីរំភើបសប្បាយរីករាយយ៉ាងខ្លាំងនៅពេលទទួលបានការជួយឧបត្ថម្ភជាសម្ភារៈទាំងនេះ ។

ជាចុងក្រោយ យើងខ្ញុំសូមជូនពរដល់សប្បុរសជន និងក្រុមការងារទាំងអស់ សូមមានសុខភាពល្អ ប្រកបកិច្ចការអ្វីឲ្យទទួលបានជោគជ័យគ្រប់កាលៈទេសៈ និងមានសុភមង្គលនៅក្នុងក្រុមគ្រួសារជានិច្ច ៕

🎊 អបអរសាទរ កម្ពុជាចូលជាសមាជិក អង្គការយូណេស្គូ 🎊

អង្គការយូណេស្កូមានសមាជិកចំនួន ១៩៣ប្រទេស និង ១១សមាគមន៍ ដែលមានការិយាល័យកណ្តាលនៅទីក្រុងប៉ារីស នៃប្រទេសបារាំង ៕

អបអរសាទរទិវាមច្ឆាជាតិ ០១កក្កដា២០២២!
តោះមកដឹងត្រួសៗពីទិវាមច្ឆាជាតិ!

ទិវាមច្ឆាជាតិ ត្រូវបានរាជរដ្ឋាភិបាលកម្ពុជាបាន សម្រេចបង្កើតដោយអនុក្រឹតលេខ៩៩ អនក្រ.បក ចុះថ្ងៃទី២៥ ខែកញ្ញា ឆ្នាំ២០០២ ដែលត្រូវប្រារព្ធធ្វើឡើងនៅទូទាំងប្រទេសនាថ្ងៃទី០១ ខែកក្កដា ជារៀងរាល់ឆ្នាំ ក្នុងគោលបំណងបំផុសបងប្អូនប្រជាពលរដ្ឋចូលរួមចំណែកការពារ អភិរក្ស និងអភិវឌ្ឍវិស័យជលផល ក្នុងទិសដៅធានានិរន្តរភាព នៃធនធានជលផលដើម្បីប្រយោជន៍សេដ្ឋកិច្ច សង្គម និងបរិស្ថាន ៕

លោក គា សុហ៊ាង តំណាងដ៏ខ្ពង់ខ្ពស់ ឯកឧត្តម សោម ច័ន្ទឌីណា អញ្ជើញចូលរួមពិធី អបអរសាទរខួបលើកទី៧១ ថ្ងៃបង្កើតគណបក្សប្រជាជនកម្ពុជា

(ព្រៃវែង) នាព្រឹកថ្ងៃទី២៨ ខែមិថុនា ឆ្នាំ២០២២ លោក គា សុហ៊ាង អនុប្រធានក្រុមការងារគណបក្សប្រជាជនកម្ពុជាចុះជួយឃុំពាមមានជ័យ ស្រុកពាមរក៍ ខេត្តព្រៃវែង តំណាងដ៏ខ្ពង់ខ្ពស់ ឯកឧត្តម សោម ច័ន្ទឌីណា ប្រធានក្រុមការងារគណបក្សប្រជាជនកម្ពុជាចុះជួយឃុំពាមមានជ័យ បានអញ្ជើញចូលរួមពិធី អបអរសាទរខួបលើកទី៧១ ថ្ងៃបង្កើតគណបក្សប្រជាជនកម្ពុជា ដែលកម្មវិធីនេះប្រព្រឹត្តទៅនៅទីស្នាក់ការបក្សឃុំពាមមានជ័យ ស្រុមពាមរក៍ ខេត្តព្រៃវែង ។

មានមតិសំណេះសំណាលនៅក្នុងអង្គពិធីនោះ លោក គា សុហ៊ាង មានពាំនាំនូវសេចក្តីនឹករលឹក សាកសួរសុខទុក្ខពីសំណាក់ ឯកឧត្តមប្រធានក្រុមការងារ និងចូលរួមអបអរសាទរចំពោះជ័យជំនះយ៉ាងត្រចះត្រចង់របស់គណបក្សប្រជាជនកម្ពុជា ក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់អណត្តិទី៥ ឆ្នាំ២០២២ នាពេលកន្លងមក ។

លោក គា សុហ៊ាង ក៏បានក្រើនរំលឹកដល់សមាជិក សមាជិការទាំងអស់ ជាពិសេស បេក្ខភាពដែលបានជាប់ឆ្នោតជាមេឃុំ សូមបន្តយកចិត្តទុកដាក់លើការងារបម្រើសេវាសាធារណៈជូនប្រជាពលរដ្ឋឲ្យបានទាន់ពេលវេលា ឆាប់រហ័ស និងព្យាយាមចុះជួយប្រជាពលរដ្ឋនៅពេលពួកគាត់ជួបការលំបាក ។

អង្គពិធីទាំងមូលបានបញ្ចប់ដោយមានការប្រគល់នូវប័ណ្ណអបអរសាទរជ័យជំនះនៃការបោះឆ្នោតក្រុមប្រឹក្សាឃុំសង្កាត់អណ្ណត្តិទី៥ ឆ្នាំ២០២២ និងសម្ភារៈមួយចំនួនទៀតជូនដល់សមាជិកក្រុមប្រឹក្សាឃុំ ជាមួយនឹងភាពស្និតស្នាល សាមគ្គីភាព និងសប្បាយរីករាយក្រៃលែង ៕

គ្រឿងញៀនបំផ្លាញជីវិត និងអនាគតអ្នក
ហេតុដូច្នេះ សូមកុំបណ្តោយឲ្យខ្លួនអ្នកធ្លាក់ក្នុងអន្ទាក់គ្រឿងញៀន