រដ្ឋបាលសង្កាត់ពន្សាំង

នៅរសៀលថ្ងៃសៅរ៍ទី៣០ ខែឧសភា ឆ្នាំ២០២៦ វេលាម៉ោង១៦ និង០០ នាទី កម្លាំងប៉ុស្តិ៍នគរបាលរដ្ឋាបាលពន្សាំង បានធ្វើការចុះចែកសៀវភៅស្នាក់នៅ (ក២ថ្មី) ជូនប្រជាពលរដ្ឋដល់តាមខ្នង់ផ្ទះក្នុងមូលដ្ឋាន ។

នៅថ្ងៃសៅរ៍ ទី៣០ ខែឧសភា ឆ្នាំ២០២៦ ក្រុមការងារ សង្កាត់ពន្សាំង ដឹកនាំដោយលោកស្រី ខេង ពិសី សមាជិក្រុមប្រឹក្សាសង្កាត់ពន្សាំង បានចុះរដ្ឋបាលទីតាំងខារ៉ាអូខេស្នំឯក២ ក្នុងភូមិកោញរងៀងសង្កាត់ពន្សាំង ដើម្បីបង្ការ ទប់ស្កាត់ កុំឱ្យមានអំពើឆបោកតាមប្រព័ន្ធបច្ចេកវិទ្យា (Online Scam)។

នាព្រឹកថ្ងៃទី ២៩ ខែឧសភា ឆ្នាំ ២០២៦ រដ្ឋបាលសង្កាត់ពន្សាំងបាន 1 ទីតាំង.(វិលជុំ.)ខារ៉ាអូខេបឹងក្រចាប់ត្រជាក់ចិត្ត ស្ថិតនៅភូមិតាគល់ សង្កាត់ពន្សាំង ខណ្ឌព្រែកព្នៅ រាជធានីភ្នំពេញ។

«ការថែរក្សាឱ្យបាននូវសាមគ្គីឯកភាពផ្ទៃក្នុងរបស់សង្គមជាតិកម្ពុជា ពិតជាត្រូវការថែរក្សាទុកតម្កល់អោយខ្ពស់ កសាង និងដាស់សា្មរតីជាប្រចាំ [...] ក្នុងនោះ សម្តេចមហាបវរធិបតីបានលើកឡើងថា ដើម្បីសន្តិភាព និងភាពសុខសាន្តនៃប្រទេសជាតិយើង យើងមិនអាចទៅសុំអង្វរអ្នកណាបានទេ យើងត្រូវតែការពារ ថែរក្សាដោយខ្លួនឯង និងត្រូវតែពឹងផ្អែកលើការពង្រឹងសមត្ថភាពខ្លួនឯងជាប្រចាំ ដែលត្រូវការខិតខំប្រឹងប្រែងពង្រឹងគ្រប់វិស័យ និងគ្រប់ពេលវេលា ហើយប្រាកដណាស់នេះជាបេសកកម្មរបស់យើងរៀងខ្លួនៗដើម្បីសង្គមជាតិ»​

នេះជាប្រសាសន៍ឯកឧត្តមហ៊ុន ម៉ានី ប្រធានសហភាពសហព័ន្ធយុវជនកម្ពុជា ថ្លែងក្នុងយុទ្ធនាការ «ដាស់ស្មារតីជាតិ» ដើម្បីរំលឹកមេរៀនប្រវត្តិសាស្ត្រ និងពង្រឹងស្មារតីសាមគ្គីភាពជាតិ នៅពហុកីឡដ្ឋានជាតិអូឡាំពិក។

👮‍♂️នៅព្រឹកថ្ងៃព្រហស្បតិ៍ទី២៨ ខែឧសភា ឆ្នាំ២០២៦ វេលាម៉ោង០៨ និង ២០នាទី សកម្មភាពកម្លាំងប៉ុស្តិ៍នគរបាលរដ្ឋបាលពន្សាំង ខណ្ឌព្រែកព្នៅ ចេញល្បាតក្នុងភូមិសាស្ត្រ ដើម្បីបង្ការបង្ក្រាប និង ទប់ស្កាត់បទល្មើស ។

នគរបាលរដ្ឋបាលប៉ុស្តិ៍ពន្សាំង ចុះចែកអត្តសញ្ញាណបណ្ណសញ្ជាតិខ្មែរជូនប្រជាពលរដ្ឋដល់តាមខ្នងផ្ទះ
-------
អនុវត្តតាមការណែនាំ និងយកចិត្តទុកដាក់ខ្ពស់លើការផ្តល់សេវាសាធារណៈជូនប្រជាពលរដ្ឋ នៅរសៀលថ្ងៃទី២៧ ខែឧសភា ឆ្នាំ២០២៦ វេលាម៉ោង ១៤:៣០ នាទី កម្លាំងប៉ុស្តិ៍នគរបាលរដ្ឋបាលពន្សាំង នៃអធិការដ្ឋាននគរបាលខណ្ឌព្រែកព្នៅ បានចុះចែកអត្តសញ្ញាណបណ្ណសញ្ជាតិខ្មែរ ជូនដល់ប្រជាពលរដ្ឋដោយផ្ទាល់ដល់តាមខ្នងផ្ទះ។

សកម្មភាពដ៏សកម្មនេះ បានធ្វើឡើងនៅក្នុងភូមិសាស្ត្រសង្កាត់ពន្សាំង ខណ្ឌព្រែកព្នៅ រាជធានីភ្នំពេញ ក្នុងគោលបំណងបង្កលក្ខណៈងាយស្រួល ជួយសន្សំសំចៃពេលវេលា និងថវិកាធ្វើដំណើររបស់បងប្អូនប្រជាពលរដ្ឋ ជាពិសេសផ្តល់ភាពងាយស្រួលដល់ចាស់ជរា ជនពិការ និងអ្នកដែលពុំមានពេលទំនេរ ដើម្បីមកទទួលយកនៅទីស្នាក់ការប៉ុស្តិ៍។

ពិធីប្រកាស សមាសភាពសាខាសមាគម អតីតយុទ្ឋជន និង និវត្តជនកម្ពុជា សង្កាត់ទាំង៥ នៃខណ្ឌព្រែកព្នៅ រាជធានីភ្នំពេញ ក្រោមអធិបតីភាព លោក ធឹម សំអាន អភិបាលខណ្ឌព្រែកព្នៅ និងជាប្រធានគណៈកម្មាធិការសមាគមអតីតយុទ្ឋជន និងនិវត្តជនកម្ពុជា ខណ្ឌព្រែកព្នៅ នាព្រឹកថ្ងៃពុធ ទី២៧ ខែឧសភា ឆ្នាំ២០២៦។

សាលាបឋមសិក្សាបឹងប្រីយ៍ ចុះពិនិត្យចំណីអាហារក្នុងសាលា ដើម្បីធានាសុវត្ថិភាព និងសុខភាពសិស្សានុសិស្ស
-------
នាព្រឹកថ្ងៃទី២៥ ខែឧសភា ឆ្នាំ២០២៦ នេះ លោកគ្រូ-អ្នកគ្រូ នៃសាលាបឋមសិក្សាបឹងប្រីយ៍ បានចុះពិនិត្យផ្ទាល់ កន្លែងលក់ដូរចំណីអាហារជុំវិញ និងក្នុងបរិវេណសាលារៀន ដើម្បីស្វែងរក និងទប់ស្កាត់ការលក់ដូរចំណីអាហារដែលត្រូវបានហាមឃាត់។

ជាលទ្ធផល បន្ទាប់ពីបានចុះពិនិត្យយ៉ាងយកចិត្តទុកដាក់ បានរកឃើញថា អាជីវករទាំងអស់មានការយល់ដឹងខ្ពស់ ដោយបានលក់ដូរយ៉ាងត្រឹមត្រូវ និងមានអនាម័យល្អ។ រាល់មុខម្ហូប និងនំចំណីដែលដាក់លក់ គឺសុទ្ធសឹងតែជាអាហារដែលមានសុវត្ថិភាព មិនមានផ្ទុកសារធាតុគីមី ឬជាប្រភេទអាហារដែលក្រសួងអប់រំ យុវជន និងកីឡាបានហាមឃាត់នោះឡើយ។

«ការចូលរួមសហការពីសំណាក់អាជីវករ ក្នុងការមិនលក់ដូរចំណីអាហារខូចគុណភាព ឬអាហារហាមឃាត់ គឺជាកត្តាយ៉ាងសំខាន់ក្នុងការលើកកម្ពស់សុខុមាលភាព និងជួយឱ្យកុមារមានស្មារតីហ្មត់ចត់ក្នុងការសិក្សា»។

សកម្មភាពចុះពិនិត្យនេះ មិនត្រឹមតែធ្វើឡើងដើម្បីត្រួតពិនិត្យនោះទេ ប៉ុន្តែលោកគ្រូ-អ្នកគ្រូក៏បានឆ្លៀតឱកាសអប់រំណែនាំបន្ថែមដល់អាជីវករ ឱ្យបន្តរក្សាស្ដង់ដារអនាម័យនេះឱ្យបានល្អជាប្រចាំ។ ទន្ទឹមនឹងនេះ សាលាក៏បានរំលឹកដល់សិស្សានុសិស្ស ឱ្យចេះជ្រើសរើសចំណីអាហារណាដែលមានប្រយោជន៍ដល់រាងកាយផងដែរ។

គួរបញ្ជាក់ថា ការត្រួតពិនិត្យចំណីអាហារក្នុងសាលារៀននេះ ត្រូវបានធ្វើឡើងជាញឹកញាប់ ដើម្បីធានាឱ្យបាននូវ «សាលារៀនមានសុវត្ថិភាព» និងការពារកុមារតូចៗឱ្យចៀសផុតពីជំងឺដង្កាត់ផ្សេងៗ ដែលបង្កឡើងដោយសារអាហារមិនស្អាត ឬអាហារខុសច្បាប់៕

លោក ធឹម សំអាន អភិបាលខណ្ឌព្រែកព្នៅ ដឹកនាំក្រុមការងារចុះពិនិត្យទីតាំងត្រៀមចាក់ដីបំពេញផ្លូវ ក្នុងភូមិបឹងខ្នំ

នាស្រសៀលថ្ងៃព្រហស្បតិ៍ ទី២១ ខែឧសភា ឆ្នាំ២០២៦ លោក ធីម សំអាន អភិបាលនៃគណៈអភិបាលខណ្ឌព្រែកភ្នៅ បានដឹកនាំក្រុមការងាររដ្ឋបាលខណ្ឌ និងអាជ្ញាធរសង្កាត់ ចុះពិនិត្យស្ថានភាពទីតាំងផ្លូវលំក្នុងភូមិបឹងខ្នំ ដែលត្រូវចាក់ដីបំពេញបន្ថែម។

សកម្មភាពចុះពិនិត្យផ្ទាល់ដល់ទីតាំងនេះ ធ្វើឡើងក្នុងគោលបំណងវាយតម្លៃ និងត្រៀមលក្ខណៈបច្ចេកទេស ដើម្បីចាក់ដីបំពេញផ្លូវ ជួយសម្រួលដល់ការធ្វើចរាចរណ៍ ជៀសវាងការលិចទឹក ឬពិបាកធ្វើដំណើរ និងលើកកម្ពស់ជីវភាពរស់នៅរបស់បងប្អូនប្រជាពលរដ្ឋក្នុងមូលដ្ឋានឱ្យកាន់តែប្រសើរឡើង។

រដ្ឋបាលសង្កាត់ពន្សាំង សូមគោរពជម្រាប ជូនដំណឹង ដល់ប្រជាពលរដ្ឋក្នុងមូលដ្ឋាន ដូចយោងតាមលិខិតជូនដំណឹងខាងក្រោម៖