គណបក្សឯកភាពជាតិខ្មែរ

គណបក្សឯកភាពជាតិខ្មែរ​ សូមគាំទ្រសេចក្តីសម្រេចរបស់រាជរដ្ឋាភិបាលកម្ពុជា ក្នុងការដោះស្រាយបញ្ហាការទាមទារដែនសមុទ្រត្រួតស៊ីគ្នារវាងកម្ពុជា-ថៃ ដោយប្រេីច្បាប់UNCLOS។

នៅថ្ងៃអាទិត្យទី២៤ ខែឧសភា ឆ្នាំ២០២៦កន្លងទៅនេះ
គណៈកម្មការអចិន្រ្តៃយ៍ នៃគណបក្សឯកភាពជាតិខ្មែរ ដឹកនាំដោយឯកឧត្តមប្រធាន អ៊ុន ជឹម បានបើកកិច្ចប្រជុំវិសាមញ្ញមួយ ស្តីពី:
ទី១ ការងារផ្ទៃក្នុង
ទី២ ការបន្ថែមសមាជិកថ្នាក់ដឹកនាំខេត្ត /ក្រុង ស្រុក/ខ័ណ្ឌ និងឃុំ/សង្កាត់បន្ថែមទៀត
ទី៣ រៀបចំចងក្រងខេត្តបន្ថែមគ្រប់១៦ តាមផែនការ មុនបោះឆ្នោតមកដល់ និង
ទី៤ ផ្សេងៗជាច្រើនទៀត។

ដោយសារមួយរយៈចុងក្រោយនេះ មានការកើនឡើងនូវការគាំទ្រពីមហាជនជាច្រើន លើការដឹកនាំដ៏ល្អ និងស្នាដៃចូលរួមកសាងជាតិ ជួយជនភាសសឹក ជួយកងទ័ពជួរមុខ ជួយជួសជុលផ្លូវ និងជួយកសាងផ្លូវលំជាច្រើន ពីសំណាក់ឯកឧត្តមអ៊ុន ជឹម និងថ្នាក់ដឹកនាំកំពូលទាំងអស់។ លើសពីនេះ គណបក្សឯកភាពជាតិខ្មែរមានគោលការជួយជាតិ និងកសាងជាតិ ដោយយកផ្លូវកណ្តាល គឺមិនជេរ មិនចោទ មិនលាភពណ៌លើក្រុមណាមួយ ដើម្បីសាងប្រជាប្រីយភាពនយោបាយនោះឡើយ។

ហេតុនេះមានមហាជនចង់ឃើញគណបក្សឯកភាពជាតិខ្មែរមានរចនាសម្ព័ន្ធគ្រប់ខេត្តក្រុង ទូទាំងប្រទេស។ តែដោយសារគណបក្សយើងទើបបង្កើត និងនៅមានការខ្វះខាតថវិកា យើងមិនទាន់មានលទ្ធភាពរៀបចំរចនាសម្ព័ន្ធទូទាំងប្រទេស តាមសំណូមពរពីមហាជនបាននូវឡើយ។ យើងខ្ញុំនឹងខិតខំរៀបចំឲ្យបានយ៉ាងតិច១៦ខេត្តធំៗ មុនបោះឆ្នោតជាតិឆ្នាំ២០២៨ខាងមុខនេះ។

ក្នុងនាមឯកឧត្តមអ៊ុន ជឹម និងថ្នាក់ដឹកនាំទាំងអស់ សូមថ្លែងអំណរ
អរគុណដ៏ក្រៃលែងចំពោះការចូលរួម និងការគាំទ្រពីបងប្អូនកូនខ្មែរទាំងក្នុងប្រទេស និងក្រៅប្រទេស។ យើងខ្ញុំនឹងខិតខំតស៊ូឡើងមួយកម្រឹតទៀត ដើម្បីជាតិមាតុភូមិ ដើម្បីប្រជាជន និងដើម្បីធ្វើឲ្យមានការកែទម្រង់សង្គមឲ្យកាន់តែប្រសើរឡើងថែមទៀត៕

សារលិខិតថ្វាយព្រះពរ ព្រះករុណាសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជាក្នុងឱកាសនៃព្រះរាជពិធីបុណ្យចម្រើនព្រះជន្មវស្សា ៧៣ យាងចូល ៧៤ ព្រះវស្សា ។

ញត្តិគាំទ្រចំពោះការអនុម័តជាឯកច្ឆ័ន្ទរបស់ រដ្ឋសភា នៃព្រះរាជាណាចក្រកម្ពុជា លើសេចក្តីព្រាងច្បាប់ស្ដីពី "កាតព្វកិច្ចយោធា" របស់រដ្ឋសភានៃព្រះរាជាណាចក្រកម្ពុជា នាព្រឹកថ្ងៃទី១២ ខែឧស ភា ឆ្នាំ ២០២៦ នៅវិមានរដ្ឋសភា ក្នុងសំឡេងគាំទ្រ ១១៤ លើ ១១៤ សំឡេង។

គណបក្សឯកភាពជាតិខ្មែរសូមស្វាគមន៍លោក គឹម ណុច ជាសមាជិកថ្មី។ គណបក្ស និងគណៈកម្មការអចិន្រ្តៃយ៍បានសម្រេចតែងតាំងលោក គឹម ណុច ជាសមាជិកគណៈកម្មនាយក និងជាប្រធានប្រតិបត្តិសាខា រដ្ឋកាលីហ្វូនញ៉ា សហរដ្ឋអាមេរិក។

សូមគោរពជូនពរលោក គឹម ណុច និងភរិយា ព្រមទាំងបុត្រាបុត្រីទទួលបាននូវពុទ្ធពរទាំង៤ប្រការគឺអាយុ វណ្ណៈ សុខៈ និងពលៈកុំបីឃ្លាតឡើយ។ ជាពិសេស សូមលោកទទួលបានតែជោគជ័យគ្រប់ភារកិច្ច ដើម្បីជាតិ និងក្រុមគ្រួសារផងដែរ។

ញត្តិគាំទ្រលើសេចក្តីសម្រេចចិត្តរបស់រាជរដ្ឋាភិបាល ចំពោះការប្រើប្រាស់យន្តការផ្សះផ្សាដោយចាប់បង្ខំក្រោមអនុសញ្ញានៃអង្គការសហប្រជាជាតិស្តីពីនីតិសមុទ្រ (UNCLOS) ដើម្បីដោះស្រាយបញ្ហាទាមទារដែនសមុទ្រត្រួតស៊ីគ្នារវាងកម្ពុជា-ថៃ ។