អ៉ីមរ៉ន ហាស្សាន់-Imran Hassan

រសៀលថ្ងៃព្រហស្បតិ៍ ទី២៨ ខែឧសភា ឆ្នាំ២០២៦
--------------
តំណាងឯកឧត្តមអភិបាលរាជធានីភ្នំពេញ ចូលរួមកិច្ចប្រជុំគណៈកម្មាធិការគោលនយោបាយសេដ្ឋកិច្ចនិងហិរញ្ញវត្ថុ ស្ដីពីការគ្រប់គ្រងក្រុមហ៊ុនដឹកជញ្ជូនអ្នកដំណើរក្នុងទីក្រុង(តាក់ស៊ី) ក្រោមអធិបតីភាពឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រីរដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ។

នាព្រឹកថ្ងៃពុធ ទី២៧ ខែឧសភា ឆ្នាំ២០២៦
——————-
ខ្ញុំ តំណាងឯកឧត្តមអភិបាលរាជធានីភ្នំពេញ ចូលរួមពិធី សម្ពោធរោងចក្រផលិតកែច្នៃកៅស៊ូ របស់ក្រុមហ៊ុន គីមស៍ រ៉ាប់ប៊ើរ (ខេមបូឌា) ក្រោមអធិបតីភាពដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត​​ នាយករដ្ឋមន្ត្រី នៃព្រះរាជាណាចក្រកម្ពុជា​​ ស្ថិតនៅស្រុកត្បូងឃ្មុំ ខេត្តត្បូងឃ្មុំ។

នៅព្រឹកថ្ងៃចន្ទ ទី២៥ ខែឧសភា ឆ្នាំ២០២៦
——————-
ដឹកនាំគេប្រជុំតាមដានវឌ្ឍនភាពការងារប្រចាំខែឧសភា និងដាក់ចេញទិសដៅការងារបន្ត របស់ការិយាល័យចំណុះទីចាត់ការ និងវិនិយោគ។

នាព្រឹកថ្ងៃអាទិត្យទី២៤ ខែឧសភា ឆ្នាំ២០២៦
———————-
ចូលរួមពិធីសំណេះសំណាលជាមួយថ្នាក់ដឹកនាំ ក្រសួងស្ថាប័ន ក្រុមប្រឹក្សារាជធានី ខណ្ឌ សង្កាត់ នានាជុំវិញរាជធានីភ្នំពេញ ក្រោមអធិបតីភាពដ៏ខ្ពង់ខ្ពស់បំផុតរបស់ សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទី នៃព្រះរាជាណាចក្រកម្ពុជា។

នាថ្ងៃសុក្រ ទី២២ ខែឧសភា ឆ្នាំ២០២៦
---------------
ចូលរួមសិក្ខាសាលាផ្សព្វផ្សាយនិងដាក់ឱ្យអនុវត្តន៍ “ផែនការអនុវត្តរយៈពេល៥ឆ្នាំ ដំណាក់កាលទី២ (២០២៦-២០៣០)” នៃកម្មវិធីជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ ។

នៅព្រឹកថ្ងៃព្រហស្បតិ៍ ទី២១ ខែឧសភា ឆ្នាំ២០២៦
——————-
រួមជាមួយឯកឧត្តម ឆាយ វីរៈ ដឹកនាំកិច្ចប្រជុំពិភាក្សាស្ដីពីសំណើសុំគោលការណ៍អនុញ្ញាតចុះបញ្ជីចេញប័ណ្ណកម្មសិទ្ធិដី ដែលមានទីតាំងនៅភូមិព្រែកតាឡុង២ សង្កាត់ចាក់អង្រែក្រោម ខណ្ឌមានជ័យរបស់ឈ្មោះ អ៊ុន ង៉េង និងឈ្មោះ ចាន់ សុ ម៉ា ។