ECCD Cambodia

បន្ទាយមានជ័យ៖ រសៀលថ្ងៃទី០១ ខែមិថុនា ឆ្នាំ២០២៦ ឯកឧត្តមបណ្ឌិត ប្រាក់ កុសល អគ្គលេខាធិការរងគណៈកម្មាធិការជាតិគាំពារនិងអភិវឌ្ឍន៍កុមារតូច និងជាប្រធាននាយកដ្ឋានអប់រំកុមារតូច តំណាងដ៏ខ្ពង់ខ្ពស់ឯកឧត្តមបណ្ឌិតសភាចារ្យ ហង់ជួន ណារ៉ុនឧបនាយករដ្ឋមន្ដ្រី រដ្ឋមន្ត្រីក្រសួងអប់រំ យុវជន និងកីឡា បានដឹកនាំក្រុមការងារចុះសួរសុខទុក្ខលោកគ្រូ-អ្នកគ្រូសាលាបឋមសិក្សាព្រៃចាន់ ដែលកំពុងដឹកនាំដំណើរការរៀននិងបង្រៀននៅក្នុងភូមិបណ្តោះអាសន្នស្ថិតនៅភូមិស្លរក្រាម ឃុំស្លរក្រាម ស្រុកស្វាយចេក ខេត្តបន្ទាយមានជ័យ។ ក្នុងឱកាសនោះឯកឧត្តម បាននាំយកថវិកានិងសម្ភារ:ឧបត្ថម្ភមាន៖
-ជូនលោកគ្រូ-អ្នកគ្រូ ៥នាក់ សរុបថវិកា ៦៥០ ០០០រៀល
-កុំព្យូទ័រយួរដៃ(Laptop) ១គ្រឿង
-ព្រីនធ័រ(Printer) ១គ្រឿង
-ថេបប្លេត(Tablet) ៦គ្រឿង
-ធុងសម្រាម ១០
-សម្ភារៈប្រើប្រាស់(ទង់ជាតិ, ប៊ិចខៀវ/ក្រហម, ហ្វឺត-ទឹកហ្វឺត, ក្រដាសរ៉ាម, អំបោស,...)

តាមរយៈឯកឧត្តម អង្គការ Aide et Action បានជួយឧបត្ថម្ភមាន៖
-អាយផេត(iPad Air) ១គ្រឿង
-សំលៀកបំពាក់ឯកសណ្ឋានកុមារ ៥០កំប្លេ(មត្តេយ្យ+ថ្នាក់ទី១)
-សំលៀកបំពាក់កីឡា ៥០កំប្លេ
-សៀវភៅ ២០០ក្បាល
-គុយទាវខ្មែរ ២កេះ
-ត្រីខកំប៉ុង ១០យួរ

សិក្ខាសាលាតម្រង់ទិសស្ដីពីការរៀបចំដំណើរការទារកដ្ឋាន ក្នុងគម្រោងកែលម្អការអប់រំកម្រិតមូលដ្ឋាន(BEIP)

សៀមរាប៖ ថ្ងៃចន្ទ ១រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១ ខែមិថុនា ឆ្នាំ២០២៦ ឯកឧត្តមបណ្ឌិត ប្រាក់ កុសល អគ្គលេខាធិការរងនៃអគ្គលេខាធិការដ្ឋានគណៈកម្មាធិការជាតិគាំពារនិងអភិវឌ្ឍកុមារតូច និងជាប្រធាននាយកដ្ឋានអប់រំកុមារតូចនៃក្រសួងអប់រំ យុវជន និងកីឡា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបើកសិក្ខាសាលាតម្រង់ទិសស្ដីពីការរៀបចំដំណើរការទារកដ្ឋាន ដែលអនុវត្តក្នុងគម្រោងកែលម្អការអប់រំកម្រិតមូលដ្ឋាន(BEIP)។ សមាសភាពក្នុងសិក្ខាសាលានេះ រួមមានថ្នាក់ដឹកនាំនាយកដ្ឋានអប់រំកុមារតូច អង្គភាពពាក់ព័ន្ធថ្នាក់កណ្ដាល ថ្នាក់ដឹកនាំមន្ទីរអប់រំ យុវជន និងកីឡាខេត្ត ការិយាល័យអប់រំ យុវជន និងកីឡានៃរដ្ឋបាលក្រុង ស្រុក និងគណៈគ្រង់គ្រងសាលាមត្តេយ្យសិក្សាគោលដៅ សមាជិកក្រុមប្រឹក្សាឃុំ សង្កាត់ សរុបចំនួន ១២០នាក់ ស្រី ៩៤នាក់។
ជាកិច្ចស្វាគមន៍ ឯកឧត្តមបណ្ឌិត ប្រាក់ កុសល បានថ្លែងការអបអរសាទរ ទិវាកុមារអន្ដរជាតិ ១ មិថុនា ២០២៦ ដែលជាឱកាសដ៏ល្អប្រពៃ ក្នុងការពង្រឹងគុណភាពសេវាអប់រំកុមារតូច ក្នុងការផ្ដួចផ្ដើមបង្កើតសេវាទារកដ្ឋាន នៅតាមមូលដ្ឋាន ផ្អែកតាមអនុក្រឹត្យ លេខ២៥៤ អនក្រ.បក ចុះថ្ងៃចន្ទ ១០រោច ខែមិគសិរ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី១៥ ខែធ្នូ ឆ្នាំ២០២៥ ស្ដីពីការគ្រប់គ្រងទារកដ្ឋាន។
សិក្ខាសាលានាពេលនេះ មិនទាន់ផ្ដោតទៅលើបច្ចេកទេសនៃការផ្ដល់សេវាទារកដ្ឋាននោះទេ ប៉ុន្តែគឺផ្ដោតទៅលើការគ្រប់គ្រង កិច្ចដំណើរការទារកដ្ឋាន ការកៀរគរ ការចូលរួមអំពីអ្នកពាក់ព័ន្ធ ការងារសាងសង់ និងការជ្រើសរើសទារកវប្បករ(អ្នកថែទាំកុមារ) ។
ជាចុងបញ្ចប់ឯកឧត្តមបណ្ឌិត បានផ្ដាំផ្ញើដល់សិក្ខាសាកាម ទាំងអស់ សូមយកចិត្តទុកដាក់ក្នុងការកត់ត្រាចំណុចសំខាន់ដែលគ្រូឧទ្ទេសនឹងបង្ហាត់បង្ហាញ ពីការអនុវត្តសកម្មភាពនានា ដូចជា ការប្រមូលកុមារចូលទារដ្ឋាន ការប្រើប្រាស់ធនធានសម្ភារៈ ថវិកា ឱ្យត្រូវតាមគោលការណ៍ហិរញ្ញវត្ថុ ដើម្បីធានានិរន្ដរភាពនៃកិច្ចដំណើរការទារដ្ឋានរបស់យើង។

ឯកឧត្តមបណ្ឌិត ប្រាក់ កុសល អគ្គលេខាធិការរងនៃគណៈកម្មាធិការជាតិគាំពារ និងអភិវឌ្ឍន៍កុមារតូច បាន​អញ្ជើញចូលរួមពិធីផ្តល់វិញ្ញាបនប័ត្របញ្ចប់ថ្នាក់មត្តេយ្យសិក្សានៃសាលាអន្តរជាតិផារ៉ាហ្គន។

ឯកឧត្តមបណ្ឌិត បានសម្តែងការអបអរសាទរចំពោះសាលាអន្តរជាតិផារ៉ាហ្គន ជាពិសេសក្មួយៗកុមារ បានបញ្ចប់ការអប់រំកម្រិតមត្តេយ្យសិក្សាបន្តការសិក្សានៅកម្រិតបឋមសិក្សា និងសូមសរសើរដល់លោកគ្រូ-អ្នកគ្រូបានផ្តល់ថែទាំនិងអប់រំកុមារតូចប្រកបដោយគុណភាពនេះ។ ឯកឧត្តមសម្តែងការកោតសរសើរដល់មាតាបិតា ដែលបានផ្តល់ឱកាសនិងជួយជំរុញកូនៗទទួលបានការថែទាំនិងអប់រំប្រកបដោយវិជ្ជាជីវៈ។
"កុមារម្នាក់មិនអាចរីកចម្រើនបានល្អដោយសារតែសាលារៀន ឬគ្រួសារតែម្ខាងនោះឡើយ ប៉ុន្តែកិច្ចសហការរវាងគ្រូនិងមាតាបិតា គឺជាគន្លឹះដ៏សំខាន់សម្រាប់ការកសាងអនាគត់ដ៏រុងរឿងរបស់កុមារ"។

ឯកឧត្តមបណ្ឌិត បានលើកទឹកចិត្តដល់មាតាបិតា សូមជៀសវាងកុំប្រៀបធៀបកូនរបស់ខ្លួន ជាមួយកូនរបស់អ្នកដ៏ទៃ ប៉ុន្តែយើងត្រូវចាំថា កុមារម្នាក់ៗមានសមត្ថភាព និងល្បឿនរៀនសូត្រខុសៗគ្នា។

ការផ្តល់សេវាថែទាំ និងអប់រំកុមារតូចប្រកបដោយគុណភាពនិងនិរន្តរភាពពេលនេះ មានន័យថា យើងកំពុងកសាងធនធានមនុស្សដ៏រឹងមាំសម្រាប់ថ្ងៃស្អែក និងសម្រាប់អនាគត់របស់សង្គមជាតិយើង។

H.E.Dr. Prak Kosal, Deputy Secretary-General of the National Committee for Early Childhood Care and Development, attended the Awarding Ceremony of Kindergarten Graduation Certificate at the Paragon International School.

His Excellency expressed his congratulations to Paragon International School and highly appreciation to all the children for successfully completing their kindergarten and continuing to primary education. He also highly appreciated the teachers for providing quality of early childhood care and education. In addition, His Excellency expressed his admiration for parents who have provided opportunities and encouragement for their children to receive the quality of care and education.
“A child cannot fully thrive through the efforts of either the school or the family alone. But Cooperation between teachers and parents is the key factors to building a bright future for children.”

His Excellency also encouraged parents to avoid comparing their children with others, emphasizing that every child has different abilities and learns at a different pace.

Providing quality and sustainable of early childhood care and education today means that we are building strong human resources for tomorrow and for the future of our nation.

[កម្ពុជាថ្មី] មន្ត្រីជាន់ខ្ពស់អប់រំ៖ ការវិនិយោគលើការអប់រំកុមារតូច ជាគ្រឹះសំខាន់សម្រាប់អភិវឌ្ឍធនធានមនុស្ស និងប្រទេសជាតិ

មន្ត្រីជាន់ខ្ពស់អប់រំ៖ ការវិនិយោគលើការអប់រំកុមារតូច ជាគ្រឹះសំខាន់សម្រាប់អភិវឌ្ឍធនធាន ការវិនិយោគលើការអប់រំទៅលើកុមារតូច នឹងជួយត្រៀមលក្ខណៈសម្បត្តិឱ្យកុមារចូលរៀនកម្រិតបឋមសិក្សាប្រកបដោយជោគជ័.....

ពិធីប្រកាស​ដាក់ឲ្យ​អនុវត្ត​ដំណើរ​ការ​គម្រោង​អភិវឌ្ឍ​បំណិន​មូលដ្ឋាន​របស់​កុមារតូចតាម​រយៈ​បច្ចេកវិទ្យា​ (NEST)
=====
រាជធានីភ្នំពេញ៖ នាព្រឹកថ្ងៃទី២១ ខែឧសភា​ ឆ្នាំ២០២៦ លោកជំទាវបណ្ឌិត គឹម សេដ្ឋានី រដ្ឋមន្ត្រីស្ដីទី ក្រសួងអប់រំ យុវជន និងកីឡា បានអញ្ជើញជាអធិបតីក្នុងពិធីប្រកាស​ដាក់ឲ្យ​អនុវត្ត​ដំណើរ​ការ​គម្រោង​អភិវឌ្ឍ​បំណិន​មូលដ្ឋាន​របស់​កុមារតូចតាម​រយៈ​បច្ចេកវិទ្យា​ (NEST) និងមានការចូលរួមពីសំណាក់លោក ណាហ្គាសិ ខេនស៊ុកិ ឧបទូតនិងជាអនុប្រធានបេសកម្មការទូតជប៉ុនប្រចាំព្រះរាជាណាចក្រកម្ពុជា និងលោក CRISTIAN AEDO នាយកផ្នែកអប់រំប្រចាំតំបន់អាស៊ីខាងកើតនិងប៉ាស៊ីហ្វិកនៃធនាគារពិភពលោក ថ្នាក់ដឹកនាំ បុគ្គលិកអង្គការសន្ដិស័្មគ្រចិត្ត(SVA) ឯកឧត្តម លោកជំទាវ ថ្នាក់ដឹកនាំក្រសួងអប់រំ យុវជន និងកីឡា មន្ទីរអប់រំ យុវជន និងកីឡាខេត្តបាត់ដំបង បន្ទាយមានជ័យ និងខេត្តប៉ៃលិន តំណាងអង្គការជាតិ-អន្តរជាតិ តំណាងវិស័យឯកជន និងភាគីពាក់ព័ន្ធ សរុបចំនួន ៨៦នាក់ ៦៦ស្រី​។

រសៀលថ្ងៃទី១២ ខែឧសភា​ ឆ្នាំ២០២៦ ឯកឧត្តមបណ្ឌិត ប្រាក់ កុសល អគ្គលេខាធិការរងគណៈកម្មាធិការជាតិគាំពារ និងអភិវឌ្ឍកុមារតូច និងជាប្រធាននាយកដ្ឋានអប់រំកុមារតូច នៃក្រសួងអប់រំ យុវជន និងកីឡា បានដឹកនាំក្រុមការងារក្រុមការងារទទួលជួបពិភាក្សាការងារជាមួយលោក Jaekun Rho នាយកប្រតិបត្តិប្រចាំប្រទេសនៃអង្គការ ChorogUsan for Children​ និងប្រតិភូ ដើម្បីពិភាក្សាលើការលើកកម្ពស់សេវាអប់រំនៅមត្តេយ្យសិក្សា និងទារកដ្ឋាន ។

សៀមរាប​៖ នាយកដ្ឋានអប់រំកុមារតូច បានបើកវគ្គបណ្តុះបណ្តាលគ្រូបង្គោលថ្នាក់ជាតិស្តីពីការងារបច្ចេកទេសនិងកិច្ចដំណើរការទារកដ្ឋានដែលប្រព្រឹត្តទៅចាប់ពីថ្ងៃទី៤ ដល់ថ្ងៃទី៨ ខែឧសភា ឆ្នាំ២០២៦ ដោយមានការចូលរួមពីថ្នាក់ដឹកនាំ និងមន្ត្រីជំនាញអប់រំកុមាតូច សរុបចំនួន ៤៥នាក់ ស្រី ២៤នាក់។ វគ្គបំប៉ននេះ រៀបចំដោយនាយកដ្ឋានអប់រំកុមារតូច នៃក្រសួងអប់រំ យុវជន និងកីឡា គាំទ្រដោយគម្រោងកែលម្អការអប់រំកម្រិតមូលដ្ឋាន​ (BEIP)។

អបអរសាទរ ព្រះរាជពិធីច្រត់ព្រះនង្គ័ល ថ្ងៃអង្គារ ៤រោច​ ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែឧសភា ឆ្នាំ២០២៦

សូមជូនពរបងប្អូនប្រជាពលរដ្ឋខ្មែរទូទាំងប្រទេស ជួបតែសេចក្តីសុខ សេចក្តីចម្រើនគ្រប់ៗគ្នា៕