Kangea 24

រដ្ឋមន្រ្តីក្រសួងការងារ៖ «សមាគម TAFTAC គឺជាដៃគូប្រវត្តិសាស្រ្តសហការយ៉ាងជិតស្និតរបស់រដ្ឋាភិបាលកម្ពុជាក្នុងការដោះស្រាយរាល់បញ្ហាប្រឈម »

(ភ្នំពេញ)៖ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានមានប្រសាសន៍ថា សមាគម TAFTAC អតីត GMAC គឺជាដៃគូប្រវត្តិសាស្រ្តសហការយ៉ាងជិតស្និតរបស់រាជរដ្ឋាភិបាលកម្ពុជាក្នុងការចូលរួមដោះស្រាយរាល់បញ្ហាប្រឈមរួមគ្នា ក្នុងដំណាក់កាលនៃស្ថានភាពមិនមានស្ថិរភាព រហូតដល់ក្លាយទៅជាកិច្ចសហការដែលមានភាពសុខដុមរមនា និងបំពេញបន្ថែមឱ្យគ្នាទៅវិញទៅមក ព្រមទាំងបានបានជួយអភិវឌ្ឍវិស័យវាយនភណ្ឌ កាត់ដេរ ផលិតស្បែកជើង និងផលិតផលធ្វើដំណើរនិងកាបូបនៅកម្ពុជាឱ្យមានការរីកចម្រើនដូចបច្ចុប្បន្ន។

ឯកឧត្តមរដ្ឋមន្រ្តីមានប្រសាសន៍ដូចនេះក្នុងឱកាសទទួលជួបសម្តែងការគួរសម និងពិភាក្សាការងារជាមួយលោក Enjoy Ho ប្រធានសមគមវាយនភណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា(TAFTAC) និងគណៈកម្មការប្រតិបត្តិថ្មី នារសៀលថ្ងៃទី៧ ខែមេសា ឆ្នាំ២០២៦ នៅទីស្តីការក្រសួងការងារ។

នាឱកាសនោះ ឯកឧត្តមរដ្ឋមន្រ្តីបានរំលឹកអំពីការប្តេជ្ញាចិត្ត និងភាពអត់ធ្មត់រួមគ្នារបស់សមាគម TAFTAC ក្នុងអំឡុងពេលមានបញ្ហាលើប្រព័ន្ធអនុគ្រោះពន្ធ EBA ដែលសមាគមបានដើរតួនាទីយ៉ាងសំខាន់ក្នុងការជួយកម្ពុជាលើការចរចា ដោយបានធ្វើការពន្យល់ពីការលើកកម្ពស់លក្ខខណ្ឌការងារល្អ សិទ្ធិសេរីភាពក្នុងការបង្កើតសមាគម និងតួនាទីសំខាន់របស់កម្មការិនីក្នុងវិស័យនេះ។

ក្នុងជំនួបនោះ ឯកឧត្តមក៍បានបញ្ជាក់ថា សមាគម TAFTAC ក៏ជាដៃគូយ៉ាងសំខាន់ និងអាចជឿទុកចិត្តរបស់រាជរដ្ឋាភិបាលកម្ពុជា និយោជក និងកម្មករនិយោជិត ក្នុងយន្តការចចារត្រីភាគី បង្កើតវេទិកាសន្ទនា ដែលជួយរក្សា ពង្រឹក និងលើកកម្ពស់លក្ខខណ្ឌការងារ សុខុមាលភាព និងសិទ្ធិការងារសម្រាប់កម្មករនិយោជិត ព្រមទាំងផលប្រយោជន៍ស្របច្បាប់របស់វិនិយោគិននៅកម្ពុជា។

ជាលទ្ធផលនៃជំនួបនេះ ភាគីទាំងពីរបានប្តេជ្ញាចិត្តពង្រឹងភាពជាដៃគូ ក្នុងការជំរុញការអភិវឌ្ឍវិស័យការងារឱ្យកាន់រីកចម្រើនប្រកបដោយសមត្ថភាពប្រកួតប្រជែង និងរក្សាបាននូវទីផ្សារសម្រាប់ការនាំចេញផលិតផលពីកម្ពុជា ដែលបានជួយបង្កើតការងារជូនកម្មករនិយោជិតប្រមាណ ១,២ លាននាក់ និងអ្នកដែលទទួលផលដោយប្រយោលពីវិស័យនេះ ប្រមាណ ៣លាននាក់។

ឱកាសការងារចំនួន ៩០,៧៨០ កន្លែង នៅតាមរាជធានី-ខេត្ត កំពុងរង់ចាំបងប្អូនប្រជាពលរដ្ឋដែលកំពុងស្វែងរកការងារធ្វើ ជាពិសេសបងប្អូនអតីតពលករ ដែលវិលត្រឡប់មកកម្ពុជាវិញ

រដ្ឋមន្រ្តីក្រសួងការងារ៖ «TVET គឺជាសសរស្តម្ភដ៏សំខាន់នៃយុទ្ធសាស្ត្ររបស់រាជរដ្ឋាភិបាលកម្ពុជា ក្នុងការប្រែក្លាយកម្លាំងពលកម្មឱ្យមានជំនាញខ្ពស់»

(រាជធានីភ្នំពេញ)៖ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាបានមានប្រសាសន៍ថា ការបណ្តុះបណ្តាលបច្ចេកទេស និងវិជ្ជាជីវៈ (TVET) គឺជាសសរស្តម្ភដ៏សំខាន់នៃយុទ្ធសាស្ត្ររបស់រាជរដ្ឋាភិបាលកម្ពុជា ក្នុងការប្រែក្លាយកម្លាំងពលកម្មឱ្យមានជំនាញខ្ពស់ តាមរយៈការធ្វើទំនើបកម្មជំនាញ និងការបណ្តុះបណ្តាលជំនាញថ្មីឱ្យស្របតាមការវិវត្តនៃឧស្សាហកម្ម។

ឯកឧត្តមរដ្ឋមន្រ្តីមានប្រសាសន៍ដូចនេះក្នុងឱកាសទទួលជួបសម្ដែងការគួរសមជាមួយលោក Christoph Weigelmeier ភារធារីស្តីទីនៃស្ថានទូតសាធារណរដ្ឋសហព័ន្ធអាល្លឺម៉ង់ប្រចាំកម្ពុជា និងលោកបណ្ឌិត Christoph Hoffmann អតីតសមាជិកសភាអាល្លឺម៉ង់ នាថ្ងៃទី១ ខែមេសា ឆ្នាំ២០២៦ នៅទីស្តីការក្រសួង។

ក្នុងកិច្ចជំនួបនោះ ភាគីទាំងពីរបានពិភាក្សាគ្នាដើម្បីស្វែងរកឱកាសបង្កើតគំនិតផ្តួចផ្តើមដែលគាំទ្រដល់ការលើកកម្ពស់ការអភិវឌ្ឍធនធានមនុស្សនៅកម្ពុជា ការបង្កើតកិច្ចសហប្រតិបត្តិការរវាងប្រទេសទាំងពីរ ជាពិសេសលើវិស័យបណ្តុះបណ្តាលវិជ្ជាជីវៈ និងការបញ្ជូនកម្មសិក្សាការី ដោយបានសង្កត់ធ្ងន់ថា យន្តការនេះត្រូវផ្អែកលើគោលការណ៍ «ឈ្នះ-ឈ្នះ» ដែលផ្តល់ផលប្រយោជន៍ទៅវិញទៅមក ទាំងសម្រាប់ប្រទេសបញ្ជូន និងប្រទេសទទួល។

ទន្ទឹមនឹងនេះ ឯកឧត្តមរដ្ឋមន្រ្តី ហេង សួរ បានបញ្ជាក់ពីជំហរត្រៀមខ្លួនរួចជាស្រេចរបស់ក្រសួង ក្នុងការសហការជាមួយសាលាវិជ្ជាជីវៈអាល្លឺម៉ង់ ដើម្បីជ្រើសរើសគ្រឹះស្ថានសិក្សាសមស្របនៅកម្ពុជា ក្នុងគោលដៅបង្កើតភាពជាដៃគូ និងគាំទ្រដល់ដំណើរការជ្រើសរើសសិក្ខាកាមឱ្យមានតម្លាភាព។

សូមជម្រាបជូនថា សាធារណរដ្ឋសហព័ន្ធអាល្លឺម៉ង់ជាប្រទេសក្នុងចំណោមបណ្តាប្រទេសនៃសហភាពអឺរ៉ុបដែលតែងតែបានជួយជ្រោមជ្រែងដល់ការអភិវឌ្ឍធនធានមនុស្សនៅកម្ពុជានាពេលកន្លងមក។

អតីតពលករខ្មែរដែលត្រឡប់ពីថៃ៖ កម្ពុជាមិនខ្វះការងារធ្វើដូចការលើកឡើងរបស់ អង្គការក្រៅរដ្ឋាភិបាលមួយចំនួននោះទេ

អតីតពលករខ្មែរដែលត្រឡប់ពីថៃ៖ កម្ពុជាមិនខ្វះការងារធ្វើដូចការលើកឡើងរបស់ អង្គការក្រៅរដ្ឋ មាន Kangea 24 មានព័ត៌មាននៅក្នុងដៃ

ក្រសួងការងារកម្ពុជា និងវិទ្យាស្ថានល្បីឈ្មោះមួយរបស់ប្រទេសសឹង្ហបុរីបានចុះ MoU ជាមួយគ្នាលើកិច្ចសហប្រតិបត្តិការក្នុងវិស័យបណ្តុះបណ្តាលបច្ចេកទេស និងវិជ្ជាជីវៈ TVET

(ភ្នំពេញ)៖ នារសៀលថ្ងៃទី២៤ ខែមីនា ឆ្នាំ២០២៦ ក្រសួងការងារ និងបណ្តុះបណ្តាលវិជ្ជាជីវៈ បានចុះហត្ថលេខាលើអនុស្សរណៈនៃការយោគយល់គ្នា (MoU) ជាមួយនឹងវិទ្យាស្ថាន ITE Education Services (ITEES) របស់ប្រទេសសឹង្ហបុរី ស្តីពី«កិច្ចសហប្រតិបត្តិការលើវិស័យអប់រំបណ្តុះបណ្តាលបច្ចេកទេស និងវិជ្ជាជីវៈ (TVET)» ដើម្បីពង្រីកកិច្ចសហការក្នុងការលើកកម្ពស់ស្តង់ដារបណ្តុះបណ្តាលវិជ្ជាជីវៈនៅកម្ពុជាឱ្យកាន់តែមានគុណភាព។

ការចុះអនុស្សរណៈនៃការយោគយល់គ្នា (MoU) នេះធ្វើឡើងក្រោមអធិបតីភាព ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ និងលោក Suresh Natarajan នាយកប្រតិបត្តិនៃវិទ្យាស្ថាន ITE Education Services (ITEES) នៃប្រទេសសឹង្ហបុរី ក្រោមការគាំទ្រយ៉ាងរឹងមាំពីស្ថានទូតសឹង្ហបុរីប្រចាំប្រទេសកម្ពុជា។

កិច្ចព្រមព្រៀងខាងលើនេះធ្វើឡើងដោយផ្តោតសំខាន់លើការអភិវឌ្ឍប្រព័ន្ធបណ្តុះបណ្តាលជំនាញបច្ចេកទេសវិជ្ជាជីវៈ TVET នៅកម្ពុជារួមមាន៖ ហេដ្ឋារចនាសម្ព័ន្ធ ភាពជាអ្នកដឹកនាំ សមត្ថភាព ការសិក្សាអប់រំ និងគុណភាពTVET ក៏ដូចជាការផ្តល់អាជ្ញាបណ្ណ និងវិញ្ញាបនបត្រជាដើម ដើម្បីធានាថាយុវជនកម្ពុជាដែលបានបញ្ចប់ការសិក្សាមានជំនាញពិតប្រាកដ និងសមត្ថភាពពេញលេញក្នុងការប្រកួតប្រជែងលើឆាកអន្តរជាតិ។

សូមជម្រាបថា វិទ្យាស្ថាន ITEES នេះជាវិទ្យាស្ថានល្បីឈ្មោះ និងមានបទពិសោធន៍ច្រើនឆ្នាំលើជំនាញបណ្តុះបណ្តាលបច្ចេកទេស និងវិជ្ជាជីវៈ នៅប្រទេសសឹង្ហបុរី ដោយកន្លងមកវិទ្យាស្ថាននេះក៏បានចូលរួមដើរតួនាទីសំខាន់ក្នុងការបណ្តុះបណ្តាលមន្រ្តី និងគ្រូបង្គោលកម្ពុជាជាង ៦ ០០០នាក់រួចមកហើយ ដែលបានគាំទ្រដល់ការពង្រឹងគុណភាពបណ្តុះបណ្តាល ការពង្រឹងការគ្រប់គ្រងស្ថាប័ន ឧត្តមភាពនៃការបង្រៀន និងការលើកកម្ពស់ភាពទាក់ទាញកម្លាំងពលកម្ម ក្នុងការរក្សាបាននូវភាពប្រកួតប្រជែងក្នុងតំបន់ និងអន្តរជាតិ។

គួរបញ្ជាក់ផងដែរថា កិច្ចសហប្រតិបត្តិការលើវិស័យបណ្តុះបណ្តាលជំនាញបច្ចេកទេសនេះ គឺជាលទ្ធផលដ៏ល្អប្រសើរដែលអនុវត្តតាមគោលនយោបាយរបស់រាជរដ្ឋាភិបាលកម្ពុជាក្នុងការបើកចំហ ចំពោះអ្នកផ្តល់សេវាអប់រំបរទេស ដែលនាពេលថ្មីៗនេះ ក្រសួងការងារ និងបណ្តុះបណ្តាលវិជ្ជាជីវៈកម្ពុជាក៏បានបង្កើតកិច្ចសហប្រតិបត្តិការជាមួយនឹងចក្រភាពអង់គ្លេស និងប្រទេសអូស្រ្តាលី ដើម្បីពង្រឹងលើផ្នែកបណ្តុះបណ្តាលនេះដូចគ្នា។

កម្ពុជា-សិង្ហបុរី ពង្រីកកិច្ចសហប្រតិបត្តិការ ដើម្បីពង្រឹងគុណភាពប្រព័ន្ធ TVET និងបើកឱកាសការងារដល់ពលករកម្ពុជានាពេលអនាគត

កម្ពុជា-សិង្ហបុរី ពង្រីកកិច្ចសហប្រតិបត្តិការ ដើម្បីពង្រឹងគុណភាពប្រព័ន្ធ TVET និងបើកឱកាសកា មាន Kangea 24 មានព័ត៌មាននៅក្នុងដៃ

អតីតពលករខ្មែរ ដែលប្រឡប់ពីថៃ ៦៥ម៉ឺននាក់ ទទួលបានឱកាសការងារ ខណៈរាជរដ្ឋាភិបាលកំពុងបន្តផ្សព្វផ្សាយឱកាសការងាររាប់ម៉ឺនកន្លែង

អតីតពលករខ្មែរ ដែលប្រឡប់ពីថៃ ៦៥ម៉ឺននាក់ ទទួលបានឱកាសការងារ ខណៈរាជរដ្ឋាភិបាលកំពុងបន្តផ្សព មាន Kangea 24 មានព័ត៌មាននៅក្នុងដៃ

«ការចុះធ្វើអធិការកិច្ចដោយអន្តរក្រសួងក្នុងពេលតែមួយ គឺជាយន្តការក្នុងការកាត់បន្ថយការរំខានដល់ប្រតិបត្តិការប្រចាំថ្ងៃរបស់សហគ្រាស ក្រុមហ៊ុន និងរោងចក្រ »

(ភ្នំពេញ)៖ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ និងជាប្រធានក្រុមការងាររៀបចំក្រុមអធិការកិច្ចអន្តរក្រសួង បានមានប្រសាសន៍សង្កត់ធ្ងន់ថា ការចុះធ្វើអធិការកិច្ចអន្តរក្រសួងក្នុងពេលតែមួយនេះ គឺជាការឆ្លើយតបយ៉ាងមានប្រសិទ្ធភាពក្នុងការកាត់បន្ថយការរំខានដល់ប្រតិបត្តិការប្រចាំថ្ងៃរបស់សហគ្រាស ក្រុមហ៊ុន និងរោងចក្រ ដែលកត្តានេះនឹងរួមចំណែកក្នុងការធ្វើឱ្យកម្ពុជាក្លាយជាគោលដៅវិនិយោគដ៏ទាក់ទាញបំផុត។

ឯកឧត្តមរដ្ឋមន្រ្តីមានប្រសាសន៍ដូចនេះក្នុងឱកាសអញ្ជើញជាអធិបតីក្នុងនាមជាប្រធានដឹកនាំកិច្ចប្រជុំ ពិនិត្យវឌ្ឍនភាពការងារឆ្នាំ២០២៥ និងលើកទិសដៅការងារបន្តសម្រាប់ឆ្នាំ២០២៦ នៃក្រុមការងាររៀបចំក្រុមអធិការកិច្ចអន្តរក្រសួង នៅទីស្តីការក្រសួងការងារ នារសៀលថ្ងៃទី១៦ ខែមីនា ឆ្នាំ២០២៦។

កិច្ចប្រជុំនេះមានការអញ្ជើញចូលរួមពីថ្នាក់ដឹកនាំ និងមន្រ្តីជំនាញមកពីក្រសួងពាក់ព័ន្ធចំនួន ៧រួមមាន៖ ១, ក្រសួងការងារ និងបណ្តុះបណ្តាលវិជ្ជាជីវៈ ២, ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ៣, ក្រសួងបរិស្ថាន ៤, ក្រសួងទេសចរណ៍, ៥, ក្រសួងសុខាភិបាល, ៦, ក្រសួងកសិកម្ម រុក្ខាប្រមាញ់ និងនេសាទ, និង៧, ក្រសួងរៀបចំដែនដី នគរូបនីយកម្ម និងសំណង់។

ក្នុងឱកាសនោះ ឯកឧត្តមក៏បានគូសបញ្ជាក់អំពីសារៈសំខាន់នៃការបន្តជំរុញយន្តការអធិការកិច្ចអន្តរក្រសួងថាជាយន្តការដែលនឹងជួយបង្កើនអត្រាអនុលោមភាព ដែលជាកត្តាស្នូលមិនអាចខ្វះបានក្នុងការជ្រោមជ្រែងភាពប្រកួតប្រជែងរបស់កម្ពុជានៅលើទីផ្សារសកល និងជាពិសេសជាការត្រៀមលក្ខណៈក្នុងបរិបទដែលកម្ពុជានឹងត្រូវចាកចេញពីចំណាត់ថ្នាក់ប្រទេសដែលមានការអភិវឌ្ឍតិចតួច (LDC) នៅក្នុងឆ្នាំ២០២៩ ខាងមុខ។

ជាលទ្ធផល គិតមកទល់ពេលនេះ ក្រុមអធិការកិច្ចអន្តរក្រសួង ត្រូវបានបង្កើតឡើងដោយជោគជ័យលើវិស័យអាទិភាពចំនួន ៤ រួមមាន៖ វិស័យកម្មន្តសាល វិស័យឧស្សាហកម្មទេសចរណ៍ វិស័យកសិកម្ម និងវិស័យសំណង់៕

ឱកាសការងារបានមកដល់ទៀតហើយ! សបា្តហ៍នេះវេទិកាការងារនឹងនាំយកឱកាសការងារជាង ៨ម៉ឺនកន្លែងសម្រាប់បងប្អូនអ្នកខេត្តបាត់ដំបង និងខេត្តបន្ទាយមានជ័យ។

ទីភ្នាក់ងារជាតិមុខរបរនិងការងារ នៃក្រសួងការងារ និងបណ្តុះបណ្តាលវិជ្ជាជីវៈ នឹងរៀបចំនូវវេទិកាការងារ សន្តិសុខសង្គម និងបណ្តុះបណ្តាលវិជ្ជាជីវៈនៅក្នុងខេត្តចំនួន ២គឺខេត្តបាត់ដំបង និងខេត្តបន្ទាយមានជ័យ នៅក្នុងចុងសប្តាហ៍នេះ គឺថ្ងៃទី១៤ និងទី១៥ ខែមីនា ឆ្នាំ២០២៦ ដោយនឹងនាំយកនូវឱកាសការងារសរុបចំនួន ៨៣,២១៧កន្លែងស្ថិតក្នុងវិស័យចំនួន ៣គឺវិស័យកសិកម្ម វិស័យឧស្សាហកម្ម និងសេវាកម្មសម្រាប់ផ្តល់ជូនដល់ បងប្អូនអតីតពលករ សិស្សនិស្សិត យុវជន និងអ្នកកំពុងស្វែងរកការងារក្នុងខេត្តទាំងពីរនេះ។ សម្រាប់កាលបរិច្ឆេទ និងទីតាំងគឺមានដូចខាងក្រោមនេះ៖

ថ្ងៃទី១ ត្រូវជាថ្ងៃសៅរិ៍ ទី១៤ ខែមីនា ឆ្នាំ២០២៦ ក្នុងបរិវេណសាលាស្រុកអូរជ្រៅ នៅក្នុងស្រុកអូរជ្រៅ ខេត្តបន្ទាយមានជ័យ និងនៅបរិវេណសាលាបឋមសិក្សា និងអនុវិទ្យាកល័យកូនភ្នំ ៣២ ក្នុងស្រុកសំពៅលូន ខេត្តបាត់ដំបង និងថ្ងៃទី២ ថ្ងៃអាទិត្យ ទី១៥ ខែមីនា ឆ្នាំ២០២៦
នៅបរិវេណសាលាស្រុកស្វាយចេក ស្រុកស្វាយចេក ក្នុងខេត្តបន្ទាយមានជ័យ និងនៅក្នុងបរិវេណសាលាបឋមសិក្សាភូមិថ្មី និងអនុវិទ្យាល័យបន្សាយត្រែង ស្រុកថ្មគោល ខេត្តបាត់ដំបង។

បងប្អូនអតីតពលករ សិស្សនិស្សិត យុវជន និងអ្នកកំពុងស្វែងរកការងារក្នុងខេត្តបាត់ដំបង និងខេត្តបន្ទាយមានជ័យអាចចូលរួមដាក់ពាក្យ និងសម្ភាសន៍ការងារភ្លាមៗផ្ទាល់នៅទីតាំងចាប់ពីម៉ោង ៨ព្រឹក ដល់ម៉ោង ៣រសៀល។ កាន់តែពិសេសចំពោះបងប្អូនអតីតពលករដែលមានបំណងចូលរួមស្វែងរកការងារ នឹងទទួលបាន«ការដឹកជញ្ជូនចូលរួមកម្មវិធី អាហារ និងភេសជ្ជៈ» ដោយឥតគិតថ្លៃ។ សម្រាប់ព័ត៌មានបន្ថែមអាចទាក់ទងទៅកាន់លេខ ១២៩៧ ដែលជាលេខទំនាក់ទំនងរបស់ក្រសួងការងារ និងបណ្តុះបណ្តាលវិជ្ជាជីវៈ។

ដូច្នេះ សូមកុំអោយឱកាសការងារនេះរំលងផុតទៅ សូមបងប្អូនអតីតពលករ សិស្សនិស្សិត យុវជន និងអ្នកកំពុងស្វែងរកការងារធ្វើក្នុងខេត្តបាត់ដំបង និងបន្ទាយមានជ័យត្រៀមនូវឯកសារផ្ទាល់ខ្លូនដើម្បីចូលរូមសម្ភាសន៍ការងារទាំងអស់គ្នា។

TVET គឺជាវិថីដ៏សំខាន់មួយក្នុងការនាំយុវជនចូលទៅកាន់ទីផ្សារការងារ ដែលមិនខុសគ្នានឹងការអប់រំនៅថ្នាក់ឧត្តមសិក្សា និងប្រព័ន្ធអប់រំផ្សេងទៀតឡើយ។

ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈបានមានប្រសាសន៍ថា ការបណ្តុះបណ្តាលជំនាញបច្ចេកទេសTVET គឺជាវិថីដ៏សំខាន់មួយក្នុងការនាំយុវជនចូលទៅក្នុងទីផ្សារការងារ ដែលមិនខុសគ្នានឹងការអប់រំនៅថ្នាក់ឧត្តមសិក្សា និងប្រព័ន្ធអប់រំផ្សេងទៀតឡើយ ហើយព្រមទាំងជាជម្រើសមួយដ៏ល្អបន្ថែមដល់យុវជនផងដែរ។

ឯកឧត្តមរដ្ឋមន្រ្តី ហេង សួរ មានប្រសាសន៍ដូចនេះក្នុងឱកាសចូលរួមជាសហអធិបតីជាមួយនឹង ឯកឧត្តម Dominic Williams ឯកអគ្គរាជទូតចក្រភពអង់គ្លេសប្រចាំព្រះរាជាណាចក្រកម្ពុជា នៅក្នុងវេទិកាជំនាញ និង TVET របស់កម្ពុជា-ចក្រភពអង់គ្លេស ឆ្នាំ២០២៦ ក្រោមប្រធានបទ«ការកសាងកម្លាំងពលកម្មត្រៀមខ្លួនសម្រាប់អនាគត តាមរយៈភាពជាដៃគូ» នាថ្ងៃទី១០ ខែមីនា ឆ្នាំ២០២៦ នៅសណ្ឋាគារ ហៃយ៉ាត់ រីជិនស៊ីភ្នំពេញ៕ ការឱកាសនោះកម្ពុជា-ចក្រភពអង់គ្លេសក៏បានរៀបចំពិធីប្រកាសដាក់ឱ្យអនុវត្តជាផ្លូវការនូវអនុស្សរណៈនៃការយោគយល់គ្នា (MoU) ស្តីពីការផ្លាស់ប្តូរ និងកិច្ចសហប្រតិបត្តិការនៅក្នុងវិស័យអប់រំបណ្តុះបណ្តាលបច្ចេកទេស និងវិជ្ជាជីវៈ ផងដែរ

ក្នុងឱកាសនោះ ឯកឧត្តមរដ្ឋមន្រ្តីបានលើកយកប្រសាសន៍របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ក្នុងកិច្ចប្រជុំកំពូលធុរកិច្ចអាស៊ាន-កម្ពុជា ឆ្នាំ២០២៦ ថា«មនុស្ស» គឺជាទ្រព្យសម្បត្តិដ៏មានតម្លៃ និងជាអត្ថប្រយោជន៍ប្រកួតប្រជែងដ៏សំខាន់របស់កម្ពុជា។ ក្នុងដំណើរការផ្លាស់ប្តូររចនាសម្ព័ន្ធសេដ្ឋកិច្ច និងការធ្វើពិពិធកម្មសេដ្ឋកិច្ច TVET មានតួនាទីយ៉ាងសំខាន់ក្នុងការផ្តល់ជំនាញចំបាច់ដល់កម្លាំងពលកម្មសម្រាប់កំណើនប្រកបដោយនិរន្តរភាព និងការអភិវឌ្ឍធនធានមនុស្សដ៏សំខាន់។

ឯកឧត្តមបានបន្តថា ក្នុងពេលកម្ពុជាកំពុងធ្វើទំនើបកម្មប្រព័ន្ធ TVET ជាតិ, MoU នេះពិតជាមានសារៈសំខាន់ជាយុទ្ធសាស្រ្ត និងទាន់ពេលវេលាបំផុតសម្រាប់កម្ពុជា ជាពិសេស យុវជនដែលជាកម្លាំងពលកម្មដ៏សកម្ម និងជាមូលដ្ឋានសំខាន់សម្រាប់ការរីកចម្រើននៃសេដ្ឋកិច្ចជាតិ។

ក្រសួងការងារ និងបណ្តុះបណ្តាលវិជ្ជាជីវៈបានប្តេជ្ញានឹងប្រើប្រាស់ធនធានចាំបាច់នានា ដើម្បីអនុវត្តឱ្យសម្រេចបាននូវលទ្ធផលជាយុទ្ធសាស្រ្ត ហើយសង្ឃឹមថាភាគីទាំងពីរនឹងអាចពង្រីកកិច្ចសហប្រតិបត្តិការទ្វេភាគីឱ្យបានកាន់តែទូលំទូលាយ។