ក្រុមប្រឹក្សាជាតិកម្ពុជាដើម្បីអភិវឌ្ឍយុវជន - NYDC

អបអរសាទរ «ទិវាសន្តិភាពនៅកម្ពុជា» លើកទី២៧ (២៩ ធ្នូ ១៩៩៨ - ២៩ ធ្នូ ២០២៥)

«ទិវាសន្តិភាពនៅកម្ពុជា» និងទិវាបញ្ចប់សង្គ្រាមនៅកម្ពុជា តាមរយៈការអនុវត្តនយោបាយ ឈ្នះឈ្នះ ថ្ងៃទី២៩ ខែធ្នូ ឆ្នាំ២០២៥នេះ ជាការរម្លឹកដឹងគុណ និងចងចាំជាប់ជានិច្ចនូវគំរូវីរភាពដ៏អង់អាចក្លាហាន និងការធ្វើពលិកម្មគ្រប់បែបយ៉ាងរបស់វីរបុរសស្នេហាជាតិ និងវីរនារីស្នេហាជាតិរបស់កម្ពុជា ដែលបានប្រយុទ្ធ និងតស៊ូនៅគ្រប់សមរភូមិ ទាំងសមរភូមិសង្គ្រាម ទាំងសមរភូមិការទូត ទាំងសមរភូមិនយោបាយ រហូតសម្រេចបាននូវការបញ្ចប់ជាស្ថាពរនូវសង្គ្រាមនៅកម្ពុជា ហើយសម្រេចបាននូវការបង្រួបបង្រួមជាតិ ឯកភាពជាតិ និងនាំមកជូនជាតិ និងប្រជាជនកម្ពុជានូវសុខសន្តិភាពពេញផ្ទៃប្រទេស នៅព្រះរាជាណាចក្រកម្ពុជា។

«ទិវាសន្តិភាពនៅកម្ពុជា» ជាការដាស់តឿនក្រើនរម្លឹកដល់ប្រជាជនកម្ពុជាគ្រប់ជំនាន់ ទាំងក្នុងពេលបច្ចុប្បន្ន ទាំងក្នុងពេលអនាគត ឱ្យចងចាំជានិច្ចអំពីមហាវិនាសកម្មរបស់ជាតិ និងទុក្ខលំបាកយ៉ាងវេទនារបស់ប្រជាជនកម្ពុជា ព្រមទាំងផលវិបាកនានា ដែលបង្កឡើងដោយសង្គ្រាម និងការបែកបាក់ជាតិ។

«ទិវាសន្តិភាពនៅកម្ពុជា» ជាការបំផុសស្មារតីដល់ប្រជាជនកម្ពុជាគ្រប់ជំនាន់ ឱ្យយល់ដឹងច្បាស់អំពី “គុណតម្លៃនៃសុខសន្តិភាព” ហើយរួមគ្នាលើកកម្ពស់ “វប្បធម៌សន្តិភាព” នៅកម្ពុជា ពិសេសការចូលរួមការពារ និងថែរក្សាឱ្យបានដាច់ខាតនូវ “សុខសន្តិភាព” ដែលជាអាយុជីវិតរបស់ជាតិ និងជាគ្រឹះដ៏មានតម្លៃបំផុតសម្រាប់ការអភិវឌ្ឍប្រទេសជាតិ និងភាពសុខសាន្តរបស់ ប្រជាជនកម្ពុជាប្រកបដោយចីរភាព និងភិយ្យោភាព៕

ប្រសាសន៍ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា

- ថ្នាលឌីជីថល និងបណ្ដាញ​សង្គម​ផ្លូវការ​យុវជន​៖
https://lnk.bio/dgy.moeys.gov.kh

ថ្នាក់ដឹកនាំ និងមន្ត្រីរាជការគ្រប់រូបនៃអគ្គលេខាធិការដ្ឋាន ក្រុមប្រឹក្សាជាតិកម្ពុជាដើម្បីអភិវឌ្ឍយុវជន មានការសោកស្តាយយ៉ាងខ្លាំង និងសូមថ្កោលទោសដាច់អហង្ការ ចំពោះការឈ្លានពានរបស់ថៃមកលើអធិបតេយ្យ និងបូរណភាព ដែនដីរបស់ព្រះរាជាណាចក្រកម្ពុជា នាថ្ងៃទី៧-៨-៩ ខែធ្នូ ឆ្នាំ២០២៥។ ការឈ្លានពាន របស់ថៃបានប្រព្រឹត្តទៅនៅក្នុងតំបន់ជាច្រើន ជាពិសេស ក្នុងភូមិសាស្ត្រខេត្តព្រះវិហារ បន្ទាយមានជ័យ និងខេត្តឧត្តរមានជ័យ ដែលបណ្តាលឱ្យពលរដ្ឋជាជនស៊ីវិលជាច្រើន ស្លាប់ របួស និងត្រូវភៀសខ្លួនទៅ ទីតាំងសុវត្ថិភាព ដោយមានការខូចខាតទ្រព្យសម្បត្តិរដ្ឋ និងឯកជនរបស់កម្ពុជា យ៉ាងច្រើនសន្ធឹកសន្ធាប់។

ថ្នាក់ដឹកនាំ និងមន្ត្រីរាជការគ្រប់រូបនៃគ្រប់រូបនៃអគ្គលេខាធិការដ្ឋាន ក្រុមប្រឹក្សាជាតិកម្ពុជាដើម្បីអភិវឌ្ឍយុវជន សូមប្រកាសគាំទ្រពេញទំហឹងចំពោះរាជរដ្ឋាភិបាលកម្ពុជាក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងជឿជាក់ទាំងស្រុង ចំពោះវីរយុទ្ធជនគ្រប់រូបនៅជួរមុខ ដែលកំពុងឈរជើងការពារអធិបតេយ្យ និងបូរណភាពទឹកដីកម្ពុជាយើង។ យើងខ្ញុំ សូមអំពាវនាវដល់ ជនរួមជាតិ ពីគ្រប់មជ្ឈដ្ឋាន ទាំងក្នុង និងក្រៅប្រទេស សូមបន្តរួបរួមគ្នាក្រោមការដឹកនាំរបស់ រាជរដ្ឋាភិបាលកម្ពុជា ដើម្បីប្រឆាំងនឹងការឈ្លានពានរបស់ប្រទេសថៃ នាពេលនេះ។

- ថ្នាលឌីជីថល និងបណ្ដាញសង្គមផ្លូវការ៖
https://lnk.bio/nydc.gov.kh

សិក្ខាសាលា «ផ្សព្វផ្សាយពីការប្រឹក្សាការងារ សេវាកម្មប្រឹក្សា និងព័ត៌មានសម្រាប់យុវជន»

តាកែវ ៖ នាព្រឹកថ្ងៃទី៥ ខែធ្នូ ឆ្នាំ២០២៥ អគ្គលេខាធិការដ្ឋាន ក្រុមប្រឹក្សាជាតិកម្ពុជាដើម្បីអភិវឌ្ឍយុវជន (ក.ជ.យ.) បានរៀបចំពិធីបើកសិក្ខាសាលា «ផ្សព្វផ្សាយពីការប្រឹក្សាការងារ សេវាកម្មប្រឹក្សានិងព័ត៌មានសម្រាប់យុវជន» ក្រោមអធិបតីភាព លោកជំទាវ ស្រូយ សុជាតិ អគ្គលេខាធិការ នៃអគ្គលេខាធិការដ្ឋាន ក.ជ.យ. ដោយសហការរៀបចំដោយ ក្រសួងអប់រំ យុវជន និងកីឡា និងស្ថាប័នពាក់ព័ន្ធ។

លោកជំទាវ ស្រូយ សុជាតិ អគ្គលេខាធិការ នៃអគ្គលេខាធិការដ្ឋាន ក.ជ.យ មានប្រសាសន៍ថា៖ ក្នុងបរិបទដែលសកលលោកទាំងមូលកំពុងផ្តោតការយកចិត្តទុកដាក់លើផលិតកម្ម ដើម្បីទ្រទ្រង់សេដ្ឋកិច្ចជាតិ គឺត្រូវទាមទារអោយមានការអភិវឌ្ឍធនធានមនុស្សប្រកបដោយសមត្ថភាព ភាពជាអ្នកដឹកនាំ ចំណេះដឹងភាសា និងលើកកម្ពស់យុវជន ដែលមានជំនាញផ្នែកបច្ចេកវិទ្យា ឌីជីថល និងជំនាញការប្រើប្រាស់បញ្ញាសប្បនិម្មិត AI ដែលជាជំនាញមានតម្រូវការចាំបាច់សម្រាប់បរិបទបច្ចុប្បន្ន ដោយសារពិភពលោកនាពេលនេះត្រូវបានឈានដល់យុគសម័យឧស្សាហកម្ម៤.០ ដែលធ្វើអ្វីៗស្ទើរតែទាំងអស់ ត្រូវប្រើប្រាស់បច្ចេកវិទ្យាដើម្បីបង្កើន និងគ្រប់គ្រងការងារឱ្យប្រសិទ្ធភាព។

បន្ថែមពីនេះ លោកជំទាវអគ្គលេខាធិការ បានជំរុញ និងលើកទឹកចិត្ត ឱ្យអ្នកសិក្ខាកាមទាំងអស់ សូមយកចិត្តទុកដាក់ស្តាប់ និងកត់ត្រានូវព័ត៌មានសំខាន់ៗ ដែលវាគ្មិនរបស់យើងនឹងបង្ហាញក្នុងសិក្ខាសាលានេះ ដែលសុទ្ធតែជាមេរៀន និងព័ត៌មានល្អៗសម្រាប់ជាជំនួយដល់ការសិក្សារបស់ប្អូននាពេលបច្ចុប្បន្ន និងមានប្រយោជន៍សម្រាប់ប្អូនៗ ដែលនឹងទៅបន្តការសិក្សា ក៏ដូចជាជីវិតការងារ ជាបន្តបន្ទាប់ទៀតនាពេលអនាគត។

ជាចុងបញ្ចប់ លោកជំទាវអគ្គលេខាធិការ បានកោតសរសេីរ និងថ្លែងអំណរគុណចំពោះ តំណាងមន្ទីរអប់រំ យុវជន និងកីឡាខេត្តតាកែវ តំណាងក្រសួងការងារ និងបណ្ដុះបណ្ដាលវិជ្ជាជីវៈ គណៈគ្រប់គ្រងវិទ្យាល័យ ហ៊ុន សែន បាទី និងក្រុមការងារទាំងអស់ ដែលបានសហការ និងចូលរួមរៀបចំកម្មវិធីដ៏មានសារសំខាន់នេះឡេីង ។

គួរបញ្ជាក់ផងដែរថា សិក្ខាសាលានេះរៀបចំឡើងក្នុងគោលបំណង ដើម្បីចូលរួមចំណែកសម្រេចចក្ខុវិស័យកម្ពុជាឆ្នាំ២០៣០ និងឆ្នាំ២០៥០ និងឆ្លើយតបទៅនឹង តម្រូវការជាក់ស្តែងរបស់យុវជនអំពីចំណេះដឹងថ្មីៗ ព័ត៌មានការងារ ការផ្តល់សេវាប្រឹក្សា និងព័ត៌មានចាំបាច់នានាសម្រាប់យុវជនដូចជា៖

-យុវជនទទួលបានព័ត៌មានបច្ចុប្បន្នភាពអំពីចំណេះដឹងថ្មីៗ ព័ត៌មានសិក្សានៅឧត្តមសិក្សា និងព័ត៌មាន ទីផ្សារការងារ
-យុវជនអាចជ្រើសយកឯកទេសសិក្សានៅកម្រិតឧត្តមសិក្សា និងអាជីពបានត្រឹមត្រូវសម្រាប់អនាគត
-បំណិនក្នុងការរៀបចំផែនការជីវិត អភិវឌ្ឍខ្លួន ដើម្បីទទួលបានជោគជ័យក្នុងជីវិត
-ចំណេះដឹងអំពីសហគ្រិនភាព STEM ជំនាញសតវត្សន៍ទី២១ ការរីកចម្រើននៃបច្ចេកវិទ្យា បដិវត្តឧស្សាហកម្ម ៤.០៕

-ថ្នាលឌីជីថល និងបណ្ដាញសង្គមផ្លូវការ៖
https://lnk.bio/nydc.gov.kh

ពិធីបើកសិក្ខាសាលាលើកទី៦ ភាពជាដៃគូជាមួយអង្គការមិនមែនរដ្ឋាភិបាល និងវិស័យឯកជន

រាជធានីភ្នំពេញ៖ នៅថ្ងៃទី២៨ ខែវិច្ឆិកា ឆ្នាំ២០២៥ ក្រសួងអប់រំ យុវជន និងកីឡា សហការជាមួយអគ្គលេខាធិការដ្ឋាន នៃក្រុមប្រឹក្សាជាតិកម្ពុជាដើម្បីអភិវឌ្ឍយុវជន បានរៀបចំពិធីបើកសិក្ខាសាលាលើកទី៦ ភាពជាដៃគូជាមួយអង្គការមិនមែនរដ្ឋាភិបាល និងវិស័យឯកជន ស្តីពី «ការអភិវឌ្ឍយុវជនកម្ពុជា» ក្រោមអធិបតីភាព លោកជំទាវ ស្រូយ សុជាតិ អគ្គនាយកយុវជន និងជាអគ្គលេខាធិការ នៃអគ្គលេខាធិការ ក.ជ.យ. ដោយមានសមាសភាពចូលរួមពីសំណាក់ ឯកឧត្តម លោកជំទាវ ថ្នាក់ដឹកនាំក្រសួងអប់រំ យុវជន និងកីឡា លោក លោកស្រី ថ្នាក់ដឹកនាំអគ្គលេខាធិការដ្ឋាន ក្រុមប្រឹក្សាជាតិកម្ពុជាដើម្បីអភិវឌ្ឍយុវជន តំណាងអង្គការយុវជន សង្គមស៊ីវិល អង្គការដៃគូ វិស័យឯកជន ស្ថាប័នពាក់ព័ន្ធ និងប្អូនៗយុវជន។

ថ្លែងក្នុងឱកាសនោះ លោកជំទាវ អគ្គលេខាធិការ បានរំឭកពីការបន្ស៊ីផែនការសកម្មភាពជាតិស្តីពីការអភិវឌ្ឍយុវជនកម្ពុជា និងគោលដៅនៃការរៀបចំកម្មវិធីសិក្សាបំពេញបន្ថែមទៅលើកម្មវិធីសិក្សាក្នុងសាលារៀន ដែលអាចបញ្ចូលទៅក្នុងសកម្មភាពក្រៅម៉ោងសិក្សា គឺដើម្បីបន្តលើកកម្ពស់ និងអភិវឌ្ឍសមត្ថភាពយុវជនឱ្យឆ្លើយតបនឹងកម្មវិធីគោលនយោបាយបន្ថែមទៀត។ ក្រសួងអប់រំ យុវជន និងកីឡា និងអគ្គលេខាធិការ ក.ជ.យ. មិនអាចសម្រេចការងារនេះបានដោយងាយឡើយ តែត្រូវមានការចូលរួមពីដៃគូអភិវឌ្ឍទាំងជាតិ និងអន្តរជាតិ ដែលបច្ចុប្បន្ននេះ ពួកគេកំពុងធ្វើការយ៉ាងមមាញឹកក្នុងការអភិវឌ្ឍសមត្ថភាពយុវជន។ ដូច្នេះ កម្មវិធីអភិវឌ្ឍយុវជនទាំងអស់ដែលរៀបចំដោយស្ថាប័នជាតិ ក្រោមជាតិ អង្គការដៃគូ និងវិស័យឯកជន នឹងអនុញ្ញាតឱ្យយុវជនជំនាន់នេះ ក្លាយជាអ្នកបន្តវេន អ្នកដឹកនាំជាតិសំខាន់ៗ និងជាពិសេសជាកម្លាំងពូនផ្តុំបន្តដំណើរកសាងភាពធន់រឹងមាំរបស់កម្ពុជា ឆ្លងកាត់បង្គោលចរនៃការប្រែក្លាយខ្លួនឆ្ពោះទៅចក្ខុវិស័យកម្ពុជាឆ្នាំ២០៣០ និងឆ្នាំ២០៥០។

ទន្ទឹមនឹងនេះ សិក្ខាសាលាលើកទី៦ គឺជាវេទិកាពិភាក្សា ជំនួបរវាងតំណាងរាជរដ្ឋាភិបាលកម្ពុជា អង្គការក្រៅរដ្ឋាភិបាល អង្គការជាតិ និងអន្តរជាតិដែលធ្វើការអភិវឌ្ឍការអប់រំ ពង្រឹងចំណេះដឹង សីលធម៌ សុខភាព លើកកម្ពស់ការចូលរួមរបស់យុវជន និងឱកាសការងារសមរម្យ សម្រាប់ការអភិវឌ្ឍយុវជន កម្ពុជាក្នុងសម័យបច្ចេកវិទ្យាឌីជីថល ជារបៀបវារៈដែលសំខាន់មិនអាចខ្វះបានក្នុងការរកចំណុចរួម ដើម្បីរៀបចំអនាគតយុវជនទាំងក្នុង និងក្រៅប្រព័ន្ធដែលជាកម្លាំងស្នូលរបស់ប្រទេសជាតិ ឱ្យកាន់តែមានសមត្ថភាព មានសក្ដានុពលប្រកបដោយសីលធម៌ សុជីវធម៌ និងមានច្បាប់វិន័យ ចូលរួមចំណែកដោះស្រាយបញ្ហាផ្សេងៗរបស់សង្គមឱ្យសាកសមជាប្រទេសដែលធ្លាប់មានអារ្យធម៌ខ្ពស់។

គួរបញ្ជាក់ថា សិក្ខាសាលានេះ ប្រព្រឹត្តទៅនៅថ្ងៃទី២៨ ខែវិច្ឆិកា ឆ្នាំ២០២៥ នៅអគារដ្ឋបាលថ្មីក្រសួងអប់រំ យុវជន និងកីឡា សិក្ខាកាមចូលរួមសរុបប្រមាណ ១៥០នាក់ និងដោយមានការចូលរួមគាំទ្រពីអង្គការ UNFPA ផងដែរ។

- ថ្នាលឌីជីថល និងបណ្ដាញ​សង្គម​ផ្លូវការ​យុវជន​៖
https://lnk.bio/dgy.moeys.gov.kh



២៨ វិច្ឆិកា ២០២៥ | រាជធានីភ្នំពេញ

វេទិកាពិភាក្សាទី២៖ ក្រោមប្រធានបទ “ការងារ និងសហគ្រិនភាពរបស់យុវជនក្នុងសម័យបច្ចេកវិទ្យាឌីជីថល”

វាគ្មិន៖
- លោកស្រីបណ្ឌិត លី សុខនី អគ្គនាយករង នៃអគ្គនាយកដ្ឋានវិទ្យាសាស្ត្រ បច្ចេកវិទ្យា និងនវានុវត្តន៍ ក្រសួងឧស្សាហកម្ម វិទ្យាសាស្រ្ដ បច្ចេកវិទ្យា និងនវានុវត្តន៍
- លោក អែល សុភា អនុប្រធានក្រុមប្រឹក្សាភិបាល នៃសាកលវិទ្យាល័យ អន្តរជាតិ ផារ៉ាហ្គន និងជាសហស្ថាបនិក សាលាអន្តរជាតិ ផារ៉ាហ្គន
- កញ្ញា ចែម ស្រីអឿន ប្រធានផ្នែកកិច្ចការសាធារណៈ ក្រុមហ៊ុន Smart Axiata

អ្នកសម្របសម្រួល៖ លោក ងន់ យ៉េង មន្ត្រីលេខាធិការដ្ឋាន នៃអគ្គនាយកដ្ឋានយុវជន ក្រសួងអប់រំ យុវជន និងកីឡា

សិក្ខាសាលាលើកទី៦ ភាពជាដៃគូជាមួយអង្គការមិនមែនរដ្ឋាភិបាល និងវិស័យឯកជន ស្តីពី “ការអភិវឌ្ឍយុវជនកម្ពុជាក្នុងសម័យបច្ចេកវិទ្យាឌីជីថល”

• កាលបរិច្ឆេទ៖ ថ្ងៃទី២៨ ខែវិច្ឆិកា ឆ្នាំ២០២៥
• អគាររដ្ឋបាលក្រសួងអប់រំ យុវជន និងកីឡា (ជាន់ទី១)។

- ថ្នាលឌីជីថល និងបណ្ដាញ​សង្គម​ផ្លូវការ​យុវជន​៖
https://lnk.bio/dgy.moeys.gov.kh

'sForum

សិក្ខាសាលាលើកទី៦ ភាពជាដៃគូជាមួយអង្គការមិនមែនរដ្ឋាភិបាល និងវិស័យឯកជន ស្តីពី ការអភិវឌ្ឍយុវជនកម្ពុជាក្នុងសម័យបច្ចេកវិទ្យាឌីជីថល

បទបង្ហាញស្ដីពី “វឌ្ឍនភាពការងារក្នុងសម័យបច្ចេកវិទ្យាឌីជីថល” ដោយលោក អ៊ឹង ហ្សឺឌី មន្រ្តីកម្មវិធីជាតិ នៃកម្មវិធីមុខរបរនិងការងារសមរម្យសម្រាប់យុវជន អង្គការអន្តរជាតិខាងការងារ ប្រចាំកម្ពុជា

• កាលបរិច្ឆេទ៖ ថ្ងៃទី២៨ ខែវិច្ឆិកា ឆ្នាំ២០២៥
• អគាររដ្ឋបាលក្រសួងអប់រំ យុវជន និងកីឡា (ជាន់ទី១)។

- ថ្នាលឌីជីថល និងបណ្ដាញ​សង្គម​ផ្លូវការ​យុវជន​៖
https://lnk.bio/dgy.moeys.gov.kh

'sForum

សិក្ខាសាលាលើកទី៦ ភាពជាដៃគូជាមួយអង្គការមិនមែនរដ្ឋាភិបាល និងវិស័យឯកជន ស្តីពី ការអភិវឌ្ឍយុវជនកម្ពុជាក្នុងសម័យបច្ចេកវិទ្យាឌីជីថល

បទបង្ហាញស្ដីពី “នវានុវត្តន៍ឌីជីថលក្នុងវិស័យការងារឯកជន” ដោយលោក គិត សុភាព អនុប្រធាននាយកដ្ឋានព័ត៌មានទីផ្សារការងារ នៃអគ្គនាយកដ្ឋានអប់រំបណ្ដុះបណ្ដាលបច្ចេកទេស និងវិជ្ជាជីវៈ ក្រសួងការងារ និងបណ្ដុះបណ្ដាលវិជ្ជាជីវៈ

• កាលបរិច្ឆេទ៖ ថ្ងៃទី២៨ ខែវិច្ឆិកា ឆ្នាំ២០២៥
• អគាររដ្ឋបាលក្រសួងអប់រំ យុវជន និងកីឡា (ជាន់ទី១)។

- ថ្នាលឌីជីថល និងបណ្ដាញ​សង្គម​ផ្លូវការ​យុវជន​៖
https://lnk.bio/dgy.moeys.gov.kh

'sForum

វេទិកាពិភាក្សាទី១៖ ក្រោមប្រធានបទ “ការតម្រង់ទិសការអប់រំឌីជីលថលសម្រាប់យុវជនឆ្ពោះទៅពលរដ្ឋឌីជីថល”

វាគ្មិន៖
- លោក កោ សុខជា អនុប្រធានវិទ្យាស្ថានបច្ចេកវិទ្យាឌីជីថល នៃបណ្ឌិត្យសភាបច្ចេកវិទ្យាឌីជីថលកម្ពុជា
- លោក សុខា វិសាលពេជ្រ មន្រ្ដីការិយាល័យនវានុវត្ដន៍បច្ចេកវិទ្យាអប់រំ នៃនាយកដ្ឋានបរិវត្តកម្មឌីជីថល នៃក្រសួងអប់រំ យុវជន និងកីឡា

អ្នកសម្របសម្រួល៖ លោក ស៊ីវ ឧត្ដម អនុប្រធានការិយាល័យ នៃនាយកដ្ឋានសហប្រតិបត្តិការកាយរឹទ្ធិ

សិក្ខាសាលាលើកទី៦ ភាពជាដៃគូជាមួយអង្គការមិនមែនរដ្ឋាភិបាល និងវិស័យឯកជន ស្តីពី “ការអភិវឌ្ឍយុវជនកម្ពុជាក្នុងសម័យបច្ចេកវិទ្យាឌីជីថល”

• កាលបរិច្ឆេទ៖ ថ្ងៃទី២៨ ខែវិច្ឆិកា ឆ្នាំ២០២៥
• អគាររដ្ឋបាលក្រសួងអប់រំ យុវជន និងកីឡា (ជាន់ទី១)។

- ថ្នាលឌីជីថល និងបណ្ដាញ​សង្គម​ផ្លូវការ​យុវជន​៖
https://lnk.bio/dgy.moeys.gov.kh

'sForum

សិក្ខាសាលាលើកទី៦ ភាពជាដៃគូជាមួយអង្គការមិនមែនរដ្ឋាភិបាល និងវិស័យឯកជន ស្តីពី ការអភិវឌ្ឍយុវជនកម្ពុជាក្នុងសម័យបច្ចេកវិទ្យាឌីជីថល

បទបង្ហាញស្ដីពី “យុវជនក្នុងសម័យប្រព័ន្ធបច្ចេកវិទ្យាឌីជីថល” ដោយឯកឧត្ដមបណ្ឌិត សាន វឌ្ឍនា រដ្ឋលេខាធិការ ក្រសួងអប់រំ យុវជន និងកីឡា

• កាលបរិច្ឆេទ៖ ថ្ងៃទី២៨ ខែវិច្ឆិកា ឆ្នាំ២០២៥
• អគាររដ្ឋបាលក្រសួងអប់រំ យុវជន និងកីឡា (ជាន់ទី១)។

- ថ្នាលឌីជីថល និងបណ្ដាញ​សង្គម​ផ្លូវការ​យុវជន​៖
https://lnk.bio/dgy.moeys.gov.kh

'sForum

សិក្ខាសាលាលើកទី៦ ភាពជាដៃគូជាមួយអង្គការមិនមែនរដ្ឋាភិបាល និងវិស័យឯកជន ស្តីពី ការអភិវឌ្ឍយុវជនកម្ពុជាក្នុងសម័យបច្ចេកវិទ្យាឌីជីថល

បទបង្ហាញស្ដីពី “សកម្មភាពអាទិភាពរបស់អគ្គនាយកដ្ឋានយុវជន” ដោយឯកឧត្ដម ចឹក លីម អគ្គលេខាធិការរង នៃអគ្គលេខាធិការដ្ឋាន ក្រុមប្រឹក្សាជាតិកម្ពុជាដើម្បីអភិវឌ្ឍយុវជន

• កាលបរិច្ឆេទ៖ ថ្ងៃទី២៨ ខែវិច្ឆិកា ឆ្នាំ២០២៥
• អគាររដ្ឋបាលក្រសួងអប់រំ យុវជន និងកីឡា (ជាន់ទី១)។

- ថ្នាលឌីជីថល និងបណ្ដាញ​សង្គម​ផ្លូវការ​យុវជន​៖
https://lnk.bio/dgy.moeys.gov.kh

'sForum