នាយកដ្ឋានបឋមសិក្សា Primary Education Department

នា​រសៀល​ថ្ងៃ​ទី​១​​ ​​ខែមិថុនា​​ ​​ឆ្នាំ​២០២៦​​ ​​ឯកឧត្តមបណ្ឌិតសភាចារ្យ​​ ​​ណាត​​ ​​ប៊ុន​រឿន​​ ​​រដ្ឋលេខាធិការ​នៃ​ក្រសួងអប់រំ​​ ​​យុវជន​​ ​​និង​កីឡា​​ ​​តំណាង​ដ៏​ខ្ពង់ខ្ពស់​​ ​​ឯកឧត្តមបណ្ឌិតសភាចារ្យ​​ ​​ហង់​ជួន​​ ​​ណា​រ៉ុន ​​ឧបនាយករដ្ឋមន្ត្រី​​ ​​ ​រដ្ឋមន្ត្រីមន្ត្រីក្រសួងអប់រំ​​ ​​យុវជន​​ ​​និង​កីឡា​ បាន​ដឹកនាំ​ក្រុមការងារ​នាយកដ្ឋាន​បឋមសិក្សា​​ ​​និង​ក្រុមការងារ​អនុវត្ត​គម្រោងការ​លើកកម្ពស់​អភិបាលកិច្ច​​ ​​និង​ការ​ផ្ដល់​សេវា​អប់រំ​បឋមសិក្សា​​ ​​ឆ្នាំ​២០២៥​​ ​​នៃ​ក្រសួងអប់រំ​​ ​​យុវជន​​ ​​និង​កីឡា​​ ​​ចូលរួម​កិច្ចប្រជុំ​ស្ដី​ពី​៖​​ ​​ការ​ពិនិត្យ​​ ​​និង​ពិភាក្សា​លើ​របាយការណ៍​សមិទ្ធកម្ម​នៃ​ការ​អនុវត្ត​គម្រោង​ឆ្នាំ​២០២៥​។​​

​​កិច្ចប្រជុំ​នេះ​ដឹកនាំ​ក្រោម​​អធិបតីភាព​​ ​​ឯកឧត្ដម​​ ​​យក់​​ ​​ប៊ុនណា​ ​​រដ្ឋលេខាធិការ​ប្រចាំការ​នៃ​ក្រសួងមុខងារសាធារណៈ​​ ​​តំណាង​ដល់​ខ្ពង់ខ្ពស់​​ ​​ឯកឧត្ដម​​ ​​ហ៊ុន​​ ​​ម៉ា​នី​ឧបនាយករដ្ឋមន្ត្រី​ រដ្ឋមន្ត្រី​ក្រសួងមុខងារសាធារណៈ។​ ​
​
​
​កិច្ចប្រជុំ​នេះមានការ​ចូលរួម​ពីតំណាងក្រសួង​ពាក់ព័ន្ធ​​ ​​ដែល​ជា​សមាជិក​គណៈកម្មការ​​ ​​គ​.​ប​.​ស​​.​ ដើម្បីធ្វើការវាយតម្លៃ​គម្រោងការ​លើកកម្ពស់​អភិបាលកិច្ច​​ ​​និង​ការ​ផ្ដល់​សេវា​អប់រំ​បឋមសិក្សា​​ ​​ឆ្នាំ​២០២៥​​ ​​ដែល​មាន ៥​សូចនាករ​​​។ ក្រសួងអប់រំ យុវជន និងកីឡា ពិតជាមានមោទនភាព ដោយសូចនាករទាំង៥ របស់គម្រោង ​ទទួលលទ្ធផល​ជាទី​គាប់ចិត្ត ​ពោល​គឺ​សម្រេច​បាន​លទ្ធផល​​ ​​១០០​%​​​។​
​
​
​នាយកដ្ឋាន​បឋមសិក្សា​សូម​អបអរសាទរ​ចំពោះ​គ្រប់​ភាគី​ពាក់ព័ន្ធ​ដែល​បាន​អនុវត្ត​គម្រោង​ឆ្នាំ​២០២៥​​ ​​នេះ​ដោយ​សម្រេច​បាន​លទ្ធផល​​ ​​១០០​%​។​​ ​​នាយកដ្ឋាបបឋនសិក្សាក៏សូមគោរពអរគុណ​ ដល់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដែលបានផ្តួចផ្តើមនិងគាំទ្រឱ្យមានការអនុវត្តគោលនយោបាយប្រព័ន្ធលើកទឹកចិត្តគាំទ្រសមិទ្ធកម្ម និងគណៈកម្មាធិការ​​ ​​គ​.​ប​.​ស​.​ ​ដែល​តែងតែ​ផ្ដល់​ការគាំទ្រ​ ការ​ណែនាំ​យ៉ាង​យកចិត្តទុកដាក់​​ ​​និង​ជួយ​សម្របសម្រួល​កិច្ចសហការ​អន្តរក្រសួង​យ៉ាង​ជិតស្និទ្ធ​​ ​​តាំងពី​ជំហាន​ដំបូង​រហូត​ដល់​សម្រេច​បាន​ជោគជ័យ​គម្រោងឆ្នាំ២០២៥​ នេះ ព្រមទាំងបាននិងកំពុងគាំទ្រគម្រោងឆ្នាំ២០២៦ ផងដែរ។

សកម្មភាពនៃការប្រារព្ធទិវាកុមារអន្តរជាតិ នៅតាមសាលាបឋមសិក្សា
________________________________________________

#កុមារ #កុមារជាទំពាំងស្នងឬស្សី #ទិវាកុមារ

វគ្គបណ្តុះបណ្តាលស្តីពីប្រព័ន្ធគ្រប់គ្រងទិន្នន័យដើម្បីគាំទ្រការអនុវត្តស្តង់ដាសាលាបឋមសិក្សាគំរូ

រាជធានីភ្នំពេញ៖ នាថ្ងៃទី៣០ ដល់ថ្ងៃទី៣១ ខែឧសភា ឆ្នាំ២០២៦ នៅវិទ្យាស្ថានជាតិអប់រំ នាយកដ្ឋានបឋមសិក្សា បានរៀបចំវគ្គបណ្ដុះបណ្ដាលស្ដីពីប្រព័ន្ធគ្រប់គ្រងទិន្នន័យដើម្បីគាំទ្រការអនុវត្តស្តង់ដាសាលាបឋមសិក្សាគំរូ ដែលមានការចូលរួមពីគ្រូបង្រៀនបឋមសិក្សាមកពីរាជធានីភ្នំពេញ ខេត្តកណ្ដាល កោះកុង កំពង់ចាម កំពង់ឆ្នាំង កំពង់ធំ កំពង់ស្ពឺ កំពត តាកែវ ត្បូងឃ្មុំ បន្ទាយមានជ័យ ព្រៃវែង មណ្ឌលគិរី រតនៈគិរី សៀមរាប ស្វាយរៀង ឧត្តរមានជ័យ ព្រះវិហារ និងខេត្តក្រចេះ សរុប ១១២រូប ស្រី៨១រូប។
#ស្តង់ដាសាលាបឋមសិក្សាគំរូ
—————————————
តាមដានបណ្ដាញសង្គមនាយកដ្ឋានបឋមសិក្សា
https://linktr.ee/Primary_Education_Department

អបអរសាទរ ខួបទី៧៧ ទិវាកុមារអន្តរជាតិ ១ មិថុនា ២០២៦! ✨

កុមារគឺជាទំពាំងស្នងឫស្សី និងជាអនាគតរបស់សង្គមជាតិ។
ចូលរួមទាំងអស់គ្នា ដើម្បីផ្តល់ឱកាសឱ្យកុមារគ្រប់រូបទទួលបានការអប់រំ និងការរស់នៅប្រកបដោយក្តីស្រឡាញ់ និងសុវត្ថិភាព។

សូមជូនពរកុមារាកុមារីទាំងអស់ មានសុខភាពល្អ និងមានស្នាមញញឹមប្រកបដោយសេចក្តីសុខសុភមង្គល! 👦👧
—————————————
តាមដានបណ្ដាញសង្គមនាយកដ្ឋានបឋមសិក្សា
https://linktr.ee/Primary_Education_Department
#នាយកដ្ឋានបឋមសិក្សា #ទវាកុមារអន្តរជាតិ 'sDay

សិក្ខាសាលា ស្តីពី ការសិក្សាស្វែងយល់អំពីអាទិភាពនៃការអប់រំបឋមសិក្សានៅកម្ពុជា

រាធានីភ្នំពេញ៖ នាថ្ងៃទី៣០ ដល់ថ្ងៃទី៣១ ខែ ឧសភា ឆ្នាំ២០២៦ នាយកដ្ឋានបឋមសិក្សា បានរៀបចំសិក្ខាសាលា ស្តីពី ការសិក្សាស្វែងយល់អំពីអាទិភាពនៃការអប់រំបឋមសិក្សានៅកម្ពុជា ដែលមានការអញ្ជើញចូលរួមពីគ្រូបង្រៀន មកពីរាជធានីភ្នំពេញ ខេត្តកណ្ដាល ក្រចេះ កំពង់ចាម កំពង់ឆ្នាំង កំពង់ធំ កំពង់ស្ពឺ តាកែវ ត្បូងឃ្មុំ បាត់ដំបង បន្ទាយមានជ័យ ព្រៃវែង សៀមរាប និងខេត្តស្វាយរៀង សរុប ៦៨រូប។

នាយកដ្ឋានបឋមសិក្សាសូមថ្លែងអំណរគុណយ៉ាងជ្រាលជ្រៅ ដល់សិក្ខាកាមទាំងអស់ដែលបានស្ម័គ្រចិត្តចូលរួម ទោះបីជាមិនមានថវិកាឧបត្ថម្ភក្ដី និងបានលះបង់ពេលវេលាចុងសប្ដាហ៍ ក្នុងការសិក្សាស្វែងយល់ និងចែករលែកនូវបទពិសោធន៍ ជាពិសេសក្នុងការជួយសិស្សរៀនយឺត ដែលជាផ្នែកមួយនៃកិច្ចការអាទិភាពនៃការអប់រំបឋមសិក្សានៅកម្ពុជា។

—————————————
តាមដានបណ្ដាញសង្គមនាយកដ្ឋានបឋមសិក្សា
https://linktr.ee/Primary_Education_Department

នាព្រឹកថ្ងៃទី៣១ ខែឧសភា ឆ្នាំ២០២៦ លោកបណ្ឌិត កាន់ ពុទ្ធី បានអញ្ជើញរត់អមដំណើរ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន​ និងកីឡា ក្នុងព្រឹត្តិការណ៍ ១ម៉ឺនជំហាន ដើម្បីសិស្ស ១ម៉ឺននាក់ រត់ ដើរ ដើម្បីលើកកម្ពស់ការអាន និងសារមន្ទីរ ស.ស.រ។ ព្រឹត្តិការណ៍នេះ ធ្វើឡើងដើម្បី ១. រួមចំណែកលើកកម្ពស់ការអាន តាមរយៈការផ្សព្វផ្សាយសារៈសំខាន់នៃការអាន ដើម្បីបណ្ដុះទម្លាប់អានក្នុងជីវិតប្រចាំថ្ងៃ និងជំរុញរប្បធម៌អាននៅកម្ពុជា និង ២. ផ្ដល់ឱកាសឱ្យកុមារកម្ពុជា នៅតាមរាជធានីខេត្ត ចំនួន ១ម៉ឺននាក់ ដើម្បីស្វែងយល់ពីប្រវត្តិសាស្ត្រ រូបីយវត្ថុខ្មែរ តាមរយៈការទៅទស្សនាសារមន្ទីរ ស.ស.រ។

—————————————
តាមដានបណ្ដាញសង្គមនាយកដ្ឋានបឋមសិក្សា
https://linktr.ee/Primary_Education_Department

វគ្គបណ្តុះបណ្តាលស្ដីពី វិធីសាស្ត្របង្រៀនកញ្ចប់សម្ភារ:អំណានថ្នាក់ដំបូង ថ្នាក់ទី២ លើកទី៣ ជូនដល់គ្រូបង្រៀនថ្នាក់ទី២ និងអ្នកពាក់ព័ន្ធ រយៈពេល៣ថ្ងៃ ចាប់ពីថ្ងៃទី២៩ ដល់ទី៣១ ខែឧសភា ឆ្នាំ២០២៦ នៅបណ្ដុំសាលាបឋមសិក្សាវិហារខ្ពស់ ស្រុកត្រាំកក់ ខេត្ដតាកែវ។ វគ្គបណ្តុះបណ្តាលនេះទទួលបានការគាំទ្រពីអង្គការ UNICEF/CDPF។

—————————————
តាមដានបណ្ដាញសង្គមនាយកដ្ឋានបឋមសិក្សា
https://linktr.ee/Primary_Education_Department