02/06/2026
ពួកនិយាយថា បុណ្យបាបវាអោយផល ជួនបុណ្យអោយផល ជួនបាបវាអោយផល នោះគឺពួកជំនឿទេ មិនមែនជាពាក្យព្រះពុទ្ធទេ។ អោយវាពន្យល់ដំណើរធម្មជាតិអោយយើងគិតហេតុផលយល់បានទៅមើល ថាតើបុណ្យបាបវាអោយផលនោះ វាដំណើរការអោយផលយ៉ាងណា? បើមិននិយាយចេញមកអត់សមហេតុផលសោះឥឡូវហ្នឹង។ អត់សមតាមហេតុតាមផលនោះគឺជំនឿសាសនាហ្នុងហើយ។ ព្រះពុទ្ធត្រាស់ដឹងអំពីដំណើរកម្មបង្កើតលោកិយយ៉ាងម៉េច មិនមែនសាសនាទេ។ ព្រះអង្គពន្យល់ហេតុផលកម្មជាហេតុបង្កើតលោកិយ អោយអ្នកស្តាប់យកដំណើរហេតុផលមកគិតហេតុផលតាមលំហូរព្រះអង្គពន្យល់ យល់បានគ្រប់គ្រាប់ពាក្យរបស់ព្រះអង្គទាំងអស់ គ្មានជាជំនឿបែបសាសនាទេ ដូច្នេះហៅព្រះពុទ្ធសាសនាដូចសព្វថ្ងៃហ្នឹងមិនត្រូវទេ។ អោយតែគិតដំណើរហេតុផលយល់ថាហេតុមិនសមនឹងផលហើយ នោះគឺមិនមែនជាពាក្យព្រះពុទ្ធទេ។ បុណ្យបាបអោយផល គឺគ្មានហេតុគ្មានផលអាចគិតយល់ពីដំណើរប្រព្រឹត្តទៅថាវាគឺមានដំណើរអញ្ចឹងមែន នោះគឺមិនមែនពាក្យព្រះពុទ្ធដាច់ខាត៕