រដ្ឋបាលសង្កាត់គោករកា

នៅថ្ងៃអាទិត្យ ទី៣១ ខែឧសភា ឆ្នាំ២០២៦ ក្រុមការងារ សង្កាត់គោករកា ដឹកនាំដោយលោក សន ស៊ិន ចៅសង្កាត់គោករកា បានចុះរដ្ឋបាលចំនួនពីរទីតាំង ក្នុងភូមិធ្លក និង ភូមិត្រពាំងសំព័រ សង្កាត់គោករកា ដើម្បីបង្ការ ទប់ស្កាត់ កុំឱ្យមានអំពើឆបោកតាមប្រព័ន្ធបច្ចេកវិទ្យា (Online Scam)។

នៅព្រឹកថ្ងៃសៅរ៍ ទី ៣០ ខែ ឧសភា ឆ្នាំ២០២៦
លោក សន ស៊ិន ចៅសង្កាត់គោករកា បានចាត់តាំងលោក អៀម ប៊ុនថាត ចៅរងទី១ ដឹកនាំក្រុមការងារសង្កាត់ សហការជាមួយកម្លាំងប៉ុស្តិ៍នគរបាលរដ្ឋបាលគោករកា និងកម្លាំងប្រជាការពារសង្កាត់ ចុះពិនិត្យ និងត្រួតពិនិត្យទីតាំងអាជីវកម្ម និងលំនៅឋានដែលមានជនបរទេសស្នាក់នៅនិងប្រកបអាជីវកម្ម បានចំនួន ២ទីតាំង៖
១. បុរី មេគង្គលែន ស្ថិតនៅភូមិធ្លក
២. ដេប៉ូចែកចាយ អាគុយ ស្ថិតនៅភូមិជុំរៅ
ក្នុងមូលដ្ឋានសង្កាត់ ដើម្បីពង្រឹងការគ្រប់គ្រងសន្តិសុខ សណ្តាប់ធ្នាប់សាធារណៈ ប្រមូលព័ត៌មានពាក់ព័ន្ធនឹងការស្នាក់នៅរបស់ជនបរទេស ព្រមទាំងបង្ការ ទប់ស្កាត់ និងបង្ក្រាបរាល់សកម្មភាពល្មើសច្បាប់ ជាពិសេសបទល្មើសឆបោកតាមប្រព័ន្ធអនឡាញ (Scam Online) និងបទល្មើសឆ្លងដែនគ្រប់ប្រភេទ។
រដ្ឋបាលសង្កាត់គោករកា សូមអំពាវនាវដល់ប្រជាពលរដ្ឋ ម្ចាស់ផ្ទះជួល និងម្ចាស់អាជីវកម្មទាំងអស់ សហការជាមួយអាជ្ញាធរមូលដ្ឋាន និងរាយការណ៍ជាបន្ទាន់អំពីសកម្មភាពសង្ស័យនានា ដើម្បីរួមចំណែកថែរក្សាសន្តិសុខ សុវត្ថិភាព និងសណ្តាប់ធ្នាប់សង្គមឱ្យកាន់តែល្អប្រសើរ។

#រដ្ឋបាលសង្កាត់គោករកា
#សន្តិសុខសណ្តាប់ធ្នាប់
#បង្ការទប់ស្កាត់បទល្មើសOnlineScam
#ភូមិឃុំសង្កាត់មានសុវត្ថិភាព

📢 សេចក្តីជូនដំណឹង
ស្តីពីការផ្អាកការផ្គត់ផ្គង់ទឹកស្អាតជាបណ្តោះអាសន្ន ក្នុងសង្កាត់គោករកា

រដ្ឋាករទឹកស្វយ័តក្រុងភ្នំពេញ បានជូនដំណឹងថា ដើម្បីអនុវត្តការងារភ្ជាប់បណ្តាញមេ និងកែលម្អប្រព័ន្ធចែកចាយទឹកស្អាត នឹងមានការផ្អាកការផ្គត់ផ្គង់ទឹកស្អាតជាបណ្តោះអាសន្ន នៅតំបន់មួយចំនួនក្នុងសង្កាត់គោករកា ខណ្ឌព្រែកព្នៅ រាជធានីភ្នំពេញ។

🗓️ ថ្ងៃអនុវត្តការងារ៖ ថ្ងៃសុក្រ ទី០៥ ខែ មិថុនា ឆ្នាំ២០២៦
⏰ ម៉ោងផ្អាកផ្គត់ផ្គង់ទឹក៖ ចាប់ពីម៉ោង ១០:០០ យប់ រហូតដល់បញ្ចប់ការងារ

📍 តំបន់ដែលអាចរងផលប៉ះពាល់៖
ភូមិ និងតំបន់មួយចំនួនក្នុងសង្កាត់គោករកា ដូចមានបង្ហាញក្នុងផែនទីភ្ជាប់មកជាមួយ។

អាស្រ័យហេតុនេះ សូមបងប្អូនប្រជាពលរដ្ឋ មេត្តាត្រៀមស្តុកទឹកប្រើប្រាស់ទុកជាមុន ដើម្បីជៀសវាងការខ្វះខាតក្នុងអំឡុងពេលផ្អាកការផ្គត់ផ្គង់ទឹកជាបណ្តោះអាសន្នខាងលើ។

សូមអរគុណចំពោះការយោគយល់ និងកិច្ចសហការពីបងប្អូនប្រជាពលរដ្ឋទាំងអស់៕

យោងតាមសេចក្តីណែនាំរបស់រដ្ឋបាលខណ្ឌព្រែកព្នៅ លេខ ០០១/២៦ ស.ណ.ន ស្ដីពីការអនុវត្តអនុក្រឹត្យលេខ ០៣ អនក្រ.បក របស់រាជរដ្ឋាភិបាលស្ដីពីការគ្រប់គ្រងសន្តិសុខ សុវត្ថិភាព ក្នុងភូមិសាស្ត្រខណ្ឌព្រែកព្នៅ។
ថ្ងៃសុក្រ ១៣កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែឧសភា ឆ្នាំ២០២៦។
តាមប្រសាសន៍ណែនាំរបស់លោកអភិបាល នៃគណៈអភិបាលខណ្ឌព្រែកព្នៅ និងមានការចង្អុលបង្ហាញពីលោកអភិបាលរង ហួរ ហួត។ លោក អៀម ប៊ុនថាត ចៅរងទី១ តំណាង លោក សន ស៊ិន ចៅសង្កាត់គោករកា និងមានការចូលរួមពីលោកអធិការរង ខណ្ឌព្រែកព្នៅ ដឹកនាំកម្លាំងគណៈបញ្ជាការឯកភាពសង្កាត់ ចុះត្រួតពិនិត្យ បានចំនួន ២ទីតាំង៖
១. បុរី មង្គលសុខសាន្ត ស្ថិតនៅភូមិត្រពាំងសំព័រ សង្កាត់គោករកា ខណ្ឌព្រែកព្នៅ រាជធានីភ្នំពេញ ។
២.បុរី ម៉ន ដានី ស្ថិតនៅភូមិជុំរៅ សង្កាត់គោករកា ខណ្ឌព្រែកព្នៅ រាជធានីភ្នំពេញ ។