ស្នងការដ្ឋាននគរបាលខេត្តកណ្តាល - Police Commissariat Of Kandal Province

នៅ​ថ្ងៃ​ចន្ទ​​​ ១រោច​ ខែ​ជេស្ឋ​ ឆ្នាំ​មមី​ អដ្ឋ​ស័ក​ ព.ស​ ២៥៧០​ ត្រូវ​នឹង​ថ្ងៃ​ទី​០១ ខែមិថុនា​ ឆ្នាំ​២០២៦

ដោយអនុវត្តតាមការដឹកនាំបញ្ជាដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ឯក​ឧត្ដម​ គួច​ ចំរើន​ អភិបាល​ នៃគណៈ​អភិបាល​ខេត្ត​កណ្តាល​ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានណែនាំដល់​កម្លាំងនគរបាលក្រុងតាខ្មៅ ចុះទៅផ្សព្វផ្សាយអំពីច្បាប់ចរាចរណ៏ផ្លូវគោក នៅចំណុចសាលាវិទ្យាល័យហ៊ុនសែនសេរីភាព ស្ថិតក្នុងភូមិតាខ្មៅ២ សង្កាត់តាខ្មៅ ក្រុងតាខ្មៅ ខេត្តកណ្ដាល។

**ក្រុមការងារយើងបានលើកយកបញ្ហាប្រឈមដែលងាយរងគ្រោះ ថ្នាក់ចរាចរណ៏មានកត្តាអ្វីខ្លះ? មកធ្វើការផ្សព្វផ្សាយ។

**ក្រុមការងារយើងបានពន្យល់អោយពួកគាត់យល់ដឹងអំពីច្បាប់ស្តីពីចរាចរណ៏ផ្លូវគោក អោយពួកគាត់យល់ដឹងថាតើពលរដ្ឋគ្រប់រូបមានអាយុប៉ុន្មានមានសិទ្វបើកបរម៉ូតូហើយអាយុប៉ន្មានមានសិទ្ធបើកបររថយន្ត(ហើយកំរិតយាន្តប្រភេទណាត្រូវមានបណ្ណ័បើកបរទៅតាមប្រភេទយាន។ល។)

**ម៉្យាងទៀតអោយពួកគាត់យល់ដឹងចេះប្រើប្រាស់ផ្លូវថ្នល់ (បែងចែកគន្លងទោចក្រយានយន្ត និងគន្លងរថយន្ត
-ចេះចាំស្គាល់ ផ្លាកសញ្ញា ភ្លើងសញ្ញា និងគំនូសសញ្ញាចរាចរណ៏
-ត្រូវយល់ដឹងអំពីទណ្ឌកម្ម ពិន័យ ជាប្រាក់តាមកំរិតបទល្មើសចរាចរណ៏ផ្លូវគោកតាមអនុក្រិត្យលេខ០៣៩ អ.ន.ក្រ។

**ប្រជាពលរដ្ឋគ្រប់រូបត្រូវតែគោរពច្បាប់ដែលបានកំណត់បើកបរត្រូវប្រកាន់ស្តាំ បើកបរត្រូវយោគយល់ អធ្យាស្រយ័គ្នាទៅវិញ ទៅមក ហើយហាមវ៉ាជែងក្នុងស្ថានភាពមានគ្រោះថ្នាក់(ដូចជាផ្លូវកោង ឡើងស្ពានជាដើម ។

**បញ្ជាក់យានយន្ត និងទោចក្រយានគ្រប់ប្រភេទមិនត្រូវបំពាក់គ្រឿងកែឆ្នៃខុសលក្ខណះបច្ចេកទេសឡើយ។
**ក្រុមការងាររបស់យើងចូលរួមបានលើកឡើងពាក់ពន្ធ័ជំនាញរៀងខ្លួនដូចជា៖
-ការថែរក្សាបរិស្ថានក្នុងសហគមន៏
-ការប្រយុទ្ធប្រឆាំងគ្រឿងញៀនក្នុងសហគមន៏។ល។

**ក្នុងវេទិការផ្សព្វផ្សាយនោះដែរក្រុមកាងារយើងបានចែកសៀវភៅច្បាប់ និងខិត្តបណ្ណ័រួមមាន៖
-ច្បាប់ស្តីពីចរាចរណ៏ផ្លូវគោក៣០ក្បាល។
-កូនសៀវភៅស្តីពីអ្វីដែលអ្នកបើកបរទោចក្រយានយន្តត្រូវយល់ដឹងដឹង៥០០ក្បាល។
-ខិត្តបណ្ណ័ជំនួយស្មារតីអំពីច្បាប់ចរាចរណ៏ចំនួន៥០០សន្លឹក។
-សីលធម៏១០ចំណុចសម្រាប់សុវត្ត្ថភាពចរាចរណ៏ចំនួន២០០សន្លឹក។
-ប្រតិទិនសញ្ញាចរាចរណ៏ចំនួន៥ផ្ទាំង
-សញ្ញាចរាចរណ៏ចំនួន២០ផ្ទាំង។

នៅព្រឹកថ្ងៃចន្ទ ១រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១ ខែមិថុនា ឆ្នាំ២០២៦

ដោយអនុវត្តតាមបទបញ្ជាចង្អុលដឹកនាំដ៏ខ្ពង់ខ្ពស់ របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល លោកឧត្តមសេនីយ៍ត្រី ជា សំអាត ស្នងការរងបានដឹកនាំកម្លាំងតាមការិយាល័យជំនាញ ធ្វើការគោរពទង់ជាតិ នៃព្រះរាជាណាចក្រកម្ពុជា នៅបរិវេណស្នងការដ្ឋាននគរបាលខេត្តកណ្តាល។

នៅព្រឹកថ្ងៃសៅរ៍ ១៤កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែឧសភា ឆ្នាំ២០២៦

លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានចាត់លោកឧត្តមសេនីយ៍ត្រី ឆេង សំអឿន ស្នងការរងជាតំណាង ចូលរួមកិច្ចប្រជុំត្រៀមរៀបចំផែនការការពារ សន្តិសុខ សណ្តាប់ធ្នាប់ និងសុវត្ថិភាពក្នុងពិធីសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរអង្គភាពនានាជុំវិញខេត្ត នាពេលខាងមុខនេះ ក្រោមអធិបតីភាពដ៏ខ្ពង់ខ្ពស់ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី នៃព្រះរាជាណាចក្រកម្ពុជា ក្រោមអធិបតីភាពដឹកនាំកិច្ចប្រជុំ ឯកឧត្តម នាយឧត្តមសេនីយ៍ សន្តិបណ្ឌិត យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី នៅសាលប្រជុំរដួល ស្ថិតនៅសង្កាត់រកាខ្ពស់ ក្រុងតាខ្មៅ ខេត្តកណ្តាល។

នៅព្រឹកថ្ងៃសៅរ៍ ១៤កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែឧសភា ឆ្នាំ២០២៦

លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បាន
អមដំណើរឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អញ្ជើញត្រួតពិនិត្យទីតាំង Online Scams ចំនួន៣កន្លែងដែលកម្លាំងសមត្ថកិច្ចទើបបង្ក្រាបបានថ្មីៗនេះ ស្ថិតនៅក្រុងសំពៅពូន ខេត្តកណ្តាល។

ថ្ងៃសុក្រ១៣កើត ខែជេស្ឋ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៩ ខែឧសភា ឆ្នាំ២០២៦

ដោយទទួលបានការអនុញ្ញាត និងអនុវត្តតាមបទបញ្ជាដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានចាត់លោកឧត្តមសេនីយ៍ត្រី សេង សុទ្ធ ស្នងការរងផែនការងារសេនាធិការ ជាតំណាងដឹកនាំប្រតិភូរបស់ស្នងការដ្ឋាននគរបាលខេត្តកណ្ដាល ចូលរួមកិច្ចប្រជុំបូកសរុបលទ្ធផលកិច្ចសហប្រតិបត្តិការ រក្សាសន្តិសុខ សណ្ដាប់ធ្នាប់តាមតំបន់ព្រំដែនរវាងស្នងការដ្ឋាននគរបាលខេត្តកណ្ដាល, ព្រះសីហនុ, តាកែវ, កំពត និងកែប នៃព្រះរាជាណាចក្រកម្ពុជា និងមន្ទីរនគរបាលខេត្តអានយ៉ាងនៃសាធារណះរដ្ឋសង្គមនិយមវៀតណាម ប្រចាំឆ្នាំ២០២៥ និងលើកទិសដៅប្រចាំឆមាសទី១ ឆ្នាំ២០២៦ រវាងនគរបាល កម្ពុជា និងនគរបាលខេត្តអានយ៉ាង នៅភូក្វឹក ប្រទេសវៀតណាម។

នៅ​ថ្ងៃ​សុក្រ​​​ ១៣កេីត​ ខែ​ជេស្ឋ​ ឆ្នាំ​មមី​ អដ្ឋ​ស័ក​ ព.ស​ ២៥៧០​ ត្រូវ​នឹង​ថ្ងៃ​ទី​២៩ ខែ​ឧសភា​ ឆ្នាំ​២០២៦

ដោយអនុវត្តតាមការដឹកនាំបញ្ជាដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ឯក​ឧត្ដម​ គួច​ ចំរើន​ អភិបាល​ នៃគណៈ​អភិបាល​ខេត្ត​កណ្តាល​ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានបញ្ជាដល់​កម្លាំងនគរបាលក្រុងតាខ្មៅ ចុះផ្សព្វផ្សាយច្បាប់ចរាចរណ៍ផ្លូវគោកនៅចំណុច ភ្លើងស្តុប១១០ ស្ថិតនៅភូមិតាខ្មៅ២ សង្កាត់តាខ្មៅ ក្រុងតាខ្មៅ ខេត្តកណ្តាល។

**ក្រុមការងារបានពន្យល់អោយអ្នកធ្វើដំណើលើដងផ្លូវទាំងអស់ត្រូវតែ៖

-គោរពច្បាប់ចរាចរណ៍ផ្លូវគោក
-គោរពផ្លាកសញ្ញា គំនូសសញ្ញា និងភ្លើងសញ្ញាចរាចរណ៍អោយបានត្រឹមត្រូវ។
-បើកបរដោយប្រុងប្រយ័ត្ននិងមានការយោគយល់គ្នាដើម្បីជៀសវាងគ្រោះថ្នាក់ជាយថាហេតុ។
**ក្នុងពេលនោះដែរ អ្នកធ្វើដំណើរឆ្លងកាត់បានចូលរួមចំនួន ២១៣នាក់ ស្រី១២៣នាក់ ហើយក្រុមការងារក៏បានចែកនូវកូនសៀវភៅ (អ្នកបើកបរទោចក្រយានយន្តត្រូវតែយល់ដឹង) ចំនួន៩៩ក្បាល និងចែកខិត្តប័ណ្ណសុវត្ថិភាពក្នុងការបើកបរយានយន្តចំនួន ៣ដុំ ស្មើនឹង ៩៩សន្លឹក ផងដែរ។

នៅព្រឹកថ្ងៃសុក្រ ១៣កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែឧសភា ឆ្នាំ២០២៦

លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានចាត់លោកឧត្តមសេនីយ៍ត្រី ឡាក់ ម៉េងធី ស្នងការរងជាតំណាងចូលរួម កិច្ចប្រជុំប្រចាំ ខែមេសាឆ្នាំ២០២៦ របស់ក្រុមព័ត៌មានទាន់ហេតុការណ៍ (HOTLINE) ជាមួយជនបរទេស ប្រចាំនៅព្រះរាជាណាចក្រកម្ពុជា ក្រោមអធិបតីភាព ឯកឧត្ដម ឧត្ដមសេនីយ៍ឯក ជា ពៅ អគ្គស្នងការរងនគរបាលជាតិ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នៅសាលប្រជុំទីស្តីការក្រសួងមហាផ្ទៃ។