MME Youth យុវជនក្រសួង រ៉ែ និងថាមពល

ញត្តិថ្កោលទោស ចំពោះការវាយប្រហារឈ្លានពានរបស់យោធាថៃមកលើកម្ពុជា ។

ញត្តិថ្កោលទោសការបាញ់ប្រហាររបស់យោធាថៃមកលើប្រជាពលរដ្ឋកម្ពុជានៅភូមិព្រៃចាន់ នៅឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ។

ជួបគ្នានៅថ្ងៃស្អែកនេះ​ ❤️

សូមសប្បុរសជនទាំងឡាយដែលមានបំណងបរិច្ចាគឈាម​ អញ្ជេីញចូលរួមជាមួយក្រសួងរ៉ែនិងថាមពលក្នុងកម្មវិធីបរិច្ចាគឈាម​ លេីកទី១៦នេះ​ ក្រោមប្រធានបទ​ "ផ្ដល់ឈាម សង្គ្រោះជីវិត"

អ្នកចូលរួមនឹងទទួលបានអាវយឺតដ៏ស្រស់ស្អាតជាអនុស្សាវរីយ៍​នៃការបរិច្ចាគឈាម 👕🙏

#ក្រសួងរ៉ែនិងថាមពល #អរគុណសន្តិភាព

ដើម្បីជាការដឹងគុណចំពោះវីរៈភាពដ៏អង់អាចក្លាហានរបស់វីរៈកងទ័ពដែលបានពលីជីវិត ដើម្បីបុព្វហេតុការពារជាតិ និងដើម្បីចូលរួមចំណែកក្នុងការបណ្តុះបណ្តាលធនធានមនុស្សប្រកបដោយគុណភាពក្នុងជំនាញបច្ចេកទេសអគ្គិសនី ក្រសួងរ៉ែនិងថាមពល និងអគ្គិសនីកម្ពុជា សូមផ្តល់ អាហារូបករណ៍អគ្គិសនី សម្តេច ហ៊ុន សែន ១០០% ជូនដល់កូន ឬបងប្អូនបង្កើតរបស់វីរៈកងទ័ពដែលបានពលីជីវិតដើម្បីបុព្វហេតុការពារជាតិក្នុងសង្គ្រាមព្រំដែនកម្ពុជា-ថៃ សម្រាប់ឆ្នាំសិក្សា២០២៥-២០២៦។

និវត្តជនអគ្គិសនីកម្ពុជានិងសម្តេចតេជោ ហ៊ុន សែន ជាអ្នកកសាងមូលដ្ឋានគ្រឹះអគ្គិសនីពីបាតដៃទទេក្រោយថ្ងៃរំដោះ ៧ មករា ១៩៧៩។ សម្តេចធិបតី ហ៊ុន ម៉ាណែត និងថ្នាក់ដឹកនាំជំនាន់ក្រោយសូមគោរពដឹងគុណរាមច្បងទាំងអស់ហើយប្តេជ្ញាបន្តការអភិវឌ្ឍវិស័យអគ្គិសនីនិងវិស័យដទៃទៀតឱ្យកាន់តែមានការរីកចម្រើនជូនជាតិខ្មែរ។

ឯកឧត្តម ឃុត ចាន់ដារ៉ា ប្រធានផ្នែកក្រសួង-ស្ថាប័ន នៃយុវជនគណបក្សថ្នាក់កណ្ដាលបានដឹកនាំកិច្ចប្រជុំកិច្ចប្រជុំពិនិត្យវឌ្ឍនភាពការងារយុវជនគណបក្សផ្នែកក្រសួង-ស្ថាប័ន នៃយុវជនគណបក្សថ្នាក់កណ្ដាល

នាព្រឹកថ្ងៃសៅរ៍ ៧កើត ខែភទ្របទ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៣០ ខែសីហា ឆ្នាំ២០២៥ ឯកឧត្តម ឃុត ចាន់ដារ៉ា សមាជិកគណៈកម្មាធិការកណ្តាល សមាជិកគណៈអចិន្រ្តៃយ៍យុវជនគណបក្សថ្នាក់កណ្តាល និងជាប្រធានផ្នែកក្រសួង-ស្ថាប័ន នៃយុវជនគណបក្សថ្នាក់កណ្ដាល បានដឹកនាំកិច្ចប្រជុំកិច្ចប្រជុំពិនិត្យវឌ្ឍនភាពការងារយុវជនគណបក្សផ្នែកក្រសួង-ស្ថាប័ន នៃយុវជនគណបក្សថ្នាក់កណ្ដាល ដោយមានសមាសភាពចូលរួមប្រមាណ ៥០នាក់ នៅទីស្នាក់ការកណ្តាលគណបក្សប្រជាជនកម្ពុជា (វិមាន ៧មករា)។

វគ្គបណ្ដុះបណ្ដាលលើកទី៥ ស្តីពី "បច្ចេកទេសក្នុងការប្រើប្រាស់បណ្តាញសង្គម"

រាជធានីភ្នំពេញ នៅវិមាន ៧មករា ទីស្នាក់ការកណ្តាលគណបក្សប្រជាជនកម្ពុជា នាថ្ងៃទី១៣ ខែកក្កដា ឆ្នាំ២០២៥ យុវជនគណបក្សប្រជាជនកម្ពុជាក្រសួងរ៉ែ និងថាមពល ចំនួន ៥ រូប បានចូលរួមក្នុងវគ្គបណ្តុះបណ្តាលលើកទី៥ ស្តីពី "បច្ចេកទេសក្នុងការប្រើប្រាស់បណ្តាញសង្គម" ក្រោមអធិបតីភាពឯកឧត្តមបណ្ឌិត វង្ស ប៊ុនឥន្រ្ទាវុធ សមាជិកគណៈប្រចាំការ នៃគណៈអចិន្ត្រៃយ៍នៃយុវជនគណបក្សថ្នាក់កណ្តាល និងជាអនុប្រធានក្រុមការងារសម្របសម្រួលព័ត៌មាននៃយុវជនគណបក្សប្រជាជនកម្ពុជា (ក.ស.ព.) ដោយមានការអញ្ជើញចូលរួមពីសំណាក់ថ្នាក់ដឹកនាំនិងសមាជិក នៃក្រុមការងារសម្របសម្រួលព័ត៌មាន នៃយុវជនគណបក្សប្រជាជនកម្ពុជាថ្នាក់កណ្តាល និងក្រុមការងារស្នូល នៃក្រុមការងារសម្របសម្រួលព័ត៌មាន ចំណុះរចនាសម្ព័ន្ធក្រសួង ស្ថាប័ន ចំណុះរចនាសម្ព័ន្ធរាជធានី ខេត្ត និងក្រុមការងាររៀបចំអង្គការចាត់តាំងយុវជនគណបក្សនៅតាមបណ្តាប្រទេសនិងទ្វីប ដែលមានសរុបអ្នកចូលរួមប្រមាណជិត ២០០នាក់។

ថ្ងៃអាទិត្យ ៣រោច ខែអាសាឍ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១៣ ខែកក្កដា ឆ្នាំ២០២៥

យុវជនគណបក្សប្រជាជនកម្ពុជាក្រសួងរ៉ែ និងថាមពល បានចូលរួមវេទិកាផ្សព្វផ្សាយ ស្តីពី «កំណែទម្រង់រដ្ឋបាលសាធារណៈ» ក្រោមអធិបតីភាពដ៏ខ្ពង់ខ្ពស់របស់ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ ដែលមានការអញ្ជើញចូលរួមពី ឯកឧត្តមបណ្ឌិត ជ្រុនថេរ៉ាវ៉ាត អនុប្រធានយុវជនគណបក្សថ្នាក់កណ្តាល និងជាប្រធានគណៈប្រចាំការ គណៈអចិន្រ្តៃយ៍ នៃយុវជនគណបក្សថ្នាក់កណ្តាល ឯកឧត្តម លោកជំទាវ សមាជិក សមាជិកាគណៈអចិន្រ្តៃយ៍ នៃយុវជនគណបក្សថ្នាក់កណ្តាល ឯកឧត្តម លោកជំទាវ សមាជិក សមាជិកា យុវជនគណបក្សថ្នាក់កណ្តាល អង្គការចាត់តាំងយុវជនគណបក្សគ្រប់ថ្នាក់ទាំងក្នុងនិងក្រៅប្រទេស ក្រុមជំនួយការលេខាធិការដ្ឋាន និងបណ្តាផ្នែកទាំង១៦ សរុបចំនួន ៣ ៥០០នាក់ នៅទីស្នាក់ការកណ្តាលគណបក្សប្រជាជនកម្ពុជា (វិមាន ៧មករា)។

អបអរសាទរខួបអនុស្សាវរីយ៍លើកទី៧៤ ថ្ងៃបង្កើតគណបក្សប្រជាជនកម្ពុជា ១៩៥១-២០២៥ ។

អគ្គិសនីកម្ពុជា (EDC) បានអះអាងថា កម្ពុជាពុំមានការនាំអគ្គិសនីពីប្រទេសថៃមកផ្គត់ផ្គង់ឱ្យតំបន់ណាមួយនោះទេ ។

ព្រះរាជាណាចក្រកម្ពុជាផ្អាកការនាំចូលប្រេងនិងឧស្ម័នពីថៃ។ ព្រះរាជាណាចក្រកម្ពុជាមានលទ្ធភាពគ្រប់គ្រាន់ដើម្បីផ្គត់ផ្គង់ប្រេងឥន្ធនៈ និងឧស្ម័នឥន្ធនៈសម្រាប់តម្រូវការក្នុងប្រទេស ។