នាយកដ្ឋានអភិវឌ្ឍន៍ធនធានមនុស្ស អ.ព.ស

នាថ្ងៃទី២៤​ ខែកុម្ភៈ​ ឆ្នាំ​២០២៣​ វេលា​ម៉ោង​ ២:០០​ នាទី​​រសៀល​ នៅអគ្គលេខាធិការដ្ឋានព្រឹទ្ធសភា​ មាន​រៀបចំ​បេីកវគ្គបណ្តុះបណ្តាលស្តីពី​ "កិច្ច​ការ​សភា​ (ជំហ៊ាន​៧)"​ ឧទ្ទេសនាម​ដោយ​ ឯកឧត្ដម​ ប៊ុន​ វុទ្ធា​ អគ្គនាយក​សេវា​ច្បាប់​និង​សមូហភាពដែនដី​ រៀបចំ​ដោយ​អគ្គលេខាធិការ​ដ្ឋាន​ព្រឹទ្ធ​សភា​ សម្រាប់​មន្ត្រី​រាជការ​ជាអនុប្រធាននាយកដ្ឋាន​ ចំណុះ​អគ្គ​លេខាធិការ​ដ្ឋាន​ព្រឹទ្ធ​សភា​ ចំនួន​ ៥២នាក់​ សិក្សា​រៀងរាល់​ថ្ងៃ​សុក្រ​ ចាប់​ពី​ថ្ងៃទី​២៤​ ខែ​កុម្ភៈ​ ដល់​ថ្ងៃ​ទី២៨​ ខែមេសា​ ឆ្នាំ​២០២៣​ វេលា​ម៉ោង​ ២:០០-៥:០០​ នាទី​ រសៀល​ នៅសាល​សិក្ខាសាលា​ខាង​ជើង​ ព្រឹទ្ធ​សភា​។

នាថ្ងៃ​ទី​០៦​ ខែកុម្ភៈ​ ឆ្នាំ​២០២៣​ វេលា​ម៉ោង​ ៨:០០នាទី​ព្រឹក​ នៅសាល​សិក្ខាសាលា​ខាង​ជើង​ព្រឹទ្ធ​សភា​ មាន​បេីកវគ្គបណ្ដុះបណ្ដាល ស្តីពី "វិធីសរសេរគម្រោងស្នើស៉ំពីប្រទេសចិន"​ ឧទ្ទេសនាមដោយ លោកបណ្ឌិត ជា មុនីឫទិ្ធ ប្រធានសមាគមអ្នកស្រាវជ្រាវវឌ្ឍនភាពកម្ពុជា-ចិន និងជាអ្នកសម្របសម្រួលគម្រោងពីភាគីចិន រៀប​ចំ​ដោយ​អគ្គលេខាធិការ​ដ្ឋាន​ព្រឹទ្ធ​សភា​ សម្រាប់មន្ត្រីរាជការគ្រប់អង្គភាពចំណុះអគ្គលេខាធិការដ្ឋានព្រឹទ្ធសភា​ ចំនួន​ ៤០នាក់​ ចាប់​ពីថ្ងៃទី០៦-០៨​ ខែកុម្ភៈ ឆ្នាំ២០២៣​ ពេល​ព្រឹក​វេលា​ម៉ោង​ ០៨:០០-១១:០០​ នាទី​​ (ចំនួន​ ០៤ពេល​)។

នាថ្ងៃ​ទី១៦ ខែធ្នូ ឆ្នាំ២០២២ វេលាម៉ោង​ ១០:០០​ នាទី​ នៅអគ្គលេខាធិការដ្ឋានព្រឹទ្ធសភា បានរៀបចំពិធីបិទវគ្គបណ្តុះបណ្តាលស្តីពី “​ ការគ្រប់គ្រង​ និងភាពជាអ្នកដឹកនាំ​ ​” ក្រោមអធិបតីភាព​ ឯកឧត្តម អ៊ុំ​ សារឹទ្ធ អគ្គលេខាធិការព្រឹទ្ធសភា នៅសាលសិក្ខាសាលាខាងជេីង​ព្រឹទ្ធសភា។
វគ្គបណ្តុះបណ្តាលខាងលើបានប្រព្រឹត្តទៅចាប់ពីថ្ងៃទី១២-១៦​ ខែធ្នូ​ ឆ្នាំ​២០២២​ ដោយមានសិក្ខាកាមចូលរួមចំនួន​ ៤៥នាក់​ សម្រាប់ថ្នាក់ដឹកនាំចាប់ពីប្រធាន​នាយកដ្ឋាន​ឡេីង​ ចំណុះឱ្យអគ្គលេខាធិការដ្ឋានព្រឹទ្ធសភា៕