Cambodian Red Cross

សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន សូមថ្លែងអំណរព្រះរាជគុណ ព្រះករុណា ព្រះមហាក្សត្រនៃព្រះរាជាណាចក្រកម្ពុជា ដែលព្រះអង្គសព្វព្រះរាជហឫទ័យប្រោសព្រះរាជូបត្ថម្ភព្រះរាជទ្រព្យ ១ពាន់ដុល្លារ ដល់កាកបាទក្រហមកម្ពុជា សម្រាប់ខែឧសភា ឆ្នាំ២០២៦

(ភ្នំពេញ)៖ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅថ្ងៃទី២០ ខែឧសភា ឆ្នាំ២០២៦នេះ បានក្រាបបង្គំទូលថ្វាយនូវសារលិខិតថ្លែងអំណរព្រះរាជគុណថ្វាយ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ដែលព្រះអង្គសព្វព្រះរាជហឫទ័យប្រោសព្រះរាជូបត្ថម្ភនូវព្រះរាជទ្រព្យចំនួន ១ពាន់ដុល្លារ ចំពោះកាកបាទក្រហមកម្ពុជា សម្រាប់ខែឧសភា ឆ្នាំ២០២៦។

ក្នុងសារលិខិតនោះមានខ្លឹមសារថា ៖ «ខ្ញុំម្ចាស់ និងសហការី នៃកាកបាទក្រហមកម្ពុជា មានសេចក្តីរីករាយឥតឧបមា ដោយបានទទួលនូវព្រះរាជទ្រព្យ ចំនួន 1,000 USD (មួយពាន់ដុល្លារអាម៉េរិក) អំពី ព្រះករុណាជាអម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យ ប្រោសព្រះរាជូបត្ថម្ភដល់កាកបាទក្រហមកម្ពុជា សម្រាប់ខែឧសភា ឆ្នាំ២០២៦ តាមរយៈ សម្តេចមហាមន្ត្រី គុយ សុផល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង។

ក្នុងនាមកាកបាទក្រហមកម្ពុជា ខ្ញុំម្ចាស់ សូមព្រះបរមរាជានុញ្ញាតដ៏ខ្ពង់ខ្ពស់ សូមក្រាបបង្គំទូលថ្វាយថ្លែងអំណរព្រះរាជគុណដ៏ខ្ពង់ខ្ពស់បំផុត ថ្វាយ ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ដែលព្រះអង្គប្រកបដោយព្រះរាជហឫទ័យទសពិធរាជធម៌ ជួយទ្រទ្រង់សកម្មភាពមនុស្សធម៌ របស់កាកបាទក្រហមកម្ពុជា សម្រាប់ជួយសម្រាលសេចក្តីទុក្ខលំបាក និងសង្គ្រោះប្រជារាស្ត្រកម្ពុជា ដែលទទួលរងគ្រោះដោយគ្រោះមហន្តរាយផ្សេងៗ។

ខ្ញុំម្ចាស់ សូមបួងសួងគុណបុណ្យព្រះរតនត្រ័យ បារមីនៃវត្ថុស័ក្តិសិទ្ធិនានាក្នុងលោក ព្រះបារមីទេវតារក្សា ព្រះមហាស្វេតច្ឆត្រ និងព្រះតេជះបារមីនៃព្រះវិញ្ញាណក្ខន្ធអតីតព្រះមហាក្សត្រ ព្រះមហាក្សត្រិយានីខ្មែរគ្រប់ព្រះអង្គ សូមព្រះមេត្តាប្រោសព្រះរាជទានព្រះពរជ័យបវរមហាប្រសើរថ្លៃថ្លា ថ្វាយ ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត សូមព្រះអង្គឆាប់បានជាសះស្បើយ ពីព្រះរោគាពាធ និងសូមព្រះអង្គព្រះប្រកបដោយព្រះបរមសុខគ្រប់ប្រការ ដើម្បីគង់ប្រថាប់ក្នុងព្រះបរមសិរីរាជសម្បត្តិ ជាម្លប់ដ៏ត្រជាក់ត្រជំ សម្រាប់ប្រជារាស្ត្រកម្ពុជា ជាកូន ជាចៅ ជ្រកកោនតរៀងទៅ។»

ខាងក្រោមនេះ ជាខ្លឹមសារទាំងស្រុងនៃសារលិខិតរបស់ សម្តេចកិត្តិព្រឹទ្ធបណ្ឌិត ទូលថ្វាយថ្លែងអំណរព្រះរាជគុណ ព្រះករុណា ព្រះមហាក្សត្រ នៃព្រះរាជាណាចក្រកម្ពុជា៖

គ្រួសាររងគ្រោះ និងងាយរងគ្រោះបំផុត ១២គ្រួសារ បានទទួលអំណោយមនុស្សធម៌ ពីសាខាកាកបាទក្រហមកម្ពុជា ខេត្តត្បូងឃ្មុំ...!!!

សាខាកាកបាទក្រហមកម្ពុជា ខេត្តត្បូងឃ្មុំ ៖ នៅថ្ងៃពុធ ទី២០ ខែឧសភា ឆ្នាំ២០២៦ លោក រស់ សុខន នាយកប្រតិបត្តិសាខា បានដឹកនាំក្រុមមន្រ្តីប្រតិបត្តិសាខា និងអនុសាខាស្រុកក្រូចឆ្មារ ស្រុកត្បូងឃ្មុំ រួមជាមួយក្រុមកាកបាទក្រហមឃុំទ្រា ឃុំក្រូចឆ្មារ និងអ្នកស្ម័គ្រចិត្តភូមិ ព្រមទាំងសហការី ចុះទៅសុខទុក្ខ និងនាំយកអំណោយមនុស្សធម៌របស់សាខា ទៅផ្តល់ជូនគ្រួសាររងគ្រោះ និងងាយរងគ្រោះបំផុត ១២គ្រួសារ ក្នុងនោះមានជីវភាពខ្វះខាត ១០គ្រួសារ គ្រួសាររងគ្រោះដោយសារអគ្គិភ័យ ១គ្រួសារ នៅក្នុងមូលដ្ឋានស្រុកក្រូចឆ្មារ និងគ្រួសារមានជំងឺប្រចាំកាយ ១គ្រួសារ នៅភូមិប្រាំដំឡឹង ឃុំពាមជីលាំង ស្រុកត្បូងឃ្មុំ ខេត្តត្បូងឃ្មុំ។

នាឱកាសនោះ លោកនាយកសាខា បាននាំយកប្រសាសន៍ផ្តាំផ្ញើសួរសុខទុក្ខ ពីសំណាក់ឯកឧត្តម ប៉ែន កុសល្យ ប្រធានគណៈកម្មាធិការសាខា និងឯកឧត្តម អ៊ាង សុផល្លែត ប្រធានកិត្តិយសសាខា ជាពិសេសពីសំណាក់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជាមួយគ្រួសារខាងលើ។ ដែលជានិច្ចកាលសម្ដេចតែងតែគិតគូរពីសុខទុក្ខរបស់បងប្អូនទាំងអស់ ដោយមិនប្រកាន់និន្នាការនយោបាយអ្វីឡើយ ក្នុងការជួយសម្រាលទុក្ខលំបាកជនជនរងគ្រោះ និងងាយរងគ្រោះបំផុត ឱ្យបានទាន់ពេលវេលា ដូចពាក្យស្លោក «ទីណាមានការលំបាក ទីនោះមានកាកបាទក្រហមកម្ពុជា» និង «កាកបាទក្រហមមានគ្រប់ទីកន្លែង មិនទុកនរណាម្នាក់ចោលឡើយ»។

លោកនាយកសាខា ក៏បានអំពាវនាវដល់ឱ្យបងប្អូនប្រជាពលរដ្ឋទាំងអស់ ត្រូវយកចិត្តទុកដាក់គិតគូរ ពីសុខភាព អនាម័យ ហូបស្អាត ផឹកស្អាត រស់នៅស្អាត និងសុវត្ថិភាពផ្ទាល់ខ្លួន ព្រមទាំងការពារខ្លួនពីជំងឺឆ្លង និងជំងឺឆ្លងទាំងឡាយ។ ទន្ទឹមនោះ លោក ក៏បានសំណូមពរ ដល់បងប្អូនប្រជាពលរដ្ឋ សូមឱ្យមានការប្រុងប្រយ័ត្នខ្ពស់ចំពោះការប្រើប្រាស់អគ្គីសនី ដែលអាចបង្ករឱ្យមានអគ្គិភ័យឆាបឆេះផ្ទះសម្បែងផងដែរ។

អំណោយមនុស្សធម៌ដែលបានផ្តល់ជូនដល់គ្រួសារនីមួយៗរួមមាន ៖ អង្ករ ២៥គីឡូក្រាម, មី ១កេស, ទឹកត្រី ១យួរ, ទឹកស៊ីអុីវ ១យួរ, ប្រេងឆា ១ដប, ត្រីខ ១០កំប៉ុង, សម្ភារផ្ទះបាយ ១ឈុត (សម្រាប់គ្រួសាររងគ្រោះអគ្គិភ័យ) និងថវិកាមួយចំនួនផងដែរ៕

ឯកឧត្តម ប៉ែន កុសល្យ ប្រធានគណៈកម្មាធិការសាខាកាកបាទក្រហមកម្ពុជា ខេត្តត្បូងឃ្មុំ សូមថ្លែងអំណរគុណយ៉ាងជ្រាលជ្រៅបំផុតចំពោះសប្បុរសជន ដែលបាននាំយកថវិកា មកដោយផ្ទាល់ ឧបត្ថម្ភជូនសាខាកាកបាទក្រហមកម្ពុជា ខេត្តត្បូងឃ្មុំ នៅថ្ងៃទី២០ ខែឧសភា ឆ្នាំ២០២៦ ក្នុងឱកាសខួបលើកទី១៦៣ ទិវាពិភពលោកកាកបាទក្រហម អឌ្ឍចន្ទក្រហម ៨ ឧសភា ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌» ដែលមានរាយនាម ដូចខាងក្រោម ៖
១- លោក មួន សុភាព ប្រធានទីស្នាក់ការត្រួតពិនិត្យច្រកទ្វាព្រំដែនអន្តរជាតិត្រពាំងផ្លុង ឧបត្ថម្ភថវិកាចំនួន ១០០ដុល្លា (មួយរយដុល្លារ)។
២-លោក វរ:សេនីយទោ ស សុធារិទ្ធ នាយប៉ុស្តនគបាលអន្តោប្រវេសច្រកទ្វារព្រំដែនអន្តរជាតិត្រពាំងផ្លុង ឧបត្ថមថវិការ១០០$(មួយរយដុល្លា)។

សូមជូនពរ សប្បុរជនទាំងអស់ ជួបប្រទះតែពុទ្ធពរទាំងបួនប្រការ គឺអាយុ វណ្ណ: សុខ: ពល: កុំបីឃ្លៀងឃ្លាតឡើយ៕

ឯកឧត្តម ប៉ែន កុសល្យ ប្រធានគណៈកម្មាធិការសាខាកាកបាទក្រហមកម្ពុជា ខេត្តត្បូងឃ្មុំ សូមថ្លែងអំណរគុណយ៉ាងជ្រាលជ្រៅបំផុតចំពោះ ថ្នាក់ដឹកនាំនិយោជិត-កម្មករអគ្គិសនីត្បូងឃ្មុំ នៃអគ្គិសនីកម្ពុជា បានឧបត្ថម្ភ​ថវិកាចំនួន​ ៣០.០០០.០០០រៀល (សាមសិបលានរៀល) ជូនសាខាកាកបាទក្រហមកម្ពុជា ខេត្តត្បូងឃ្មុំ ក្នុងឱកាសខួបលើកទី១៦៣ ទិវាពិភពលោកកាកបាទក្រហម អឌ្ឍចន្ទក្រហម ៨ ឧសភា ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

សូមជូនពរ សប្បុរជនទាំងអស់ ជួបប្រទះតែពុទ្ធពរទាំងបួនប្រការ គឺអាយុ វណ្ណ: សុខ: ពល: កុំបីឃ្លៀងឃ្លាតឡើយ៕

ទីណាមានទុក្ខលំបាក ទីនោះមានបេសកកម្មកាកបាទក្រហមកម្ពុជា !!!

សាខា កក្រក ខេត្តបន្ទាយមានជ័យ ៖ នៅថ្ងៃពុធ ទី២០ ខែឧសភា ឆ្នាំ២០២៦ ដោយទទួលបានអនុសាសន៍ និងការយកចិត្តទុកដាក់ពីសំណាក់ឯកឧត្តម អ៊ុំ រាត្រី ប្រធានគណៈកម្មាធិការសាខាខេត្តបន្ទាយមានជ័យ បន្ទាប់ពីទទួលបានព័ត៌មានរាយការណ៍ពីមណ្ឌលភៀសសឹកភ្លាម ឯកឧត្តមបានចាត់អោយលោកស្រី សុខ លាភា នាយិកាសាខា សហការអនុសាខាស្រុកស្វាយចេក នាំយកអំណោយមនុស្សធម៌របស់សាខាទៅជូនដល់គ្រួសារលោក ពូល ចាន់ដារ៉ា និងលោកស្រី ទី ម៉ាឡែន មកពីភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ បច្ចុប្បន្នស្នាក់នៅផ្ទះលេខ២៣០១ ក្នុងមណ្ឌលភៀសសឹកចក់ពួក ដែលកំពុងជួបការលំបាក ព្រោះកូនស្រីរបស់គាត់ឈ្មោះ រ៉ា សុជា អាយុ១៦ឆ្នាំ មានជំងីវិប្លាស(ពិការខួរក្បាល) និងកំពុងមានជំងឺប្រចាំកាយទៀតផង។

នាឱកាសនោះ លោកស្រីនាយិកាសាខា បាននាំយកនូវប្រសាសន៍ផ្តាំផ្ញើពីការសួរសុខទុក្ខ និងក្ដីនឹករឭកពីសំណាក់ឯកឧត្តម អ៊ុំ រាត្រី ប្រធានគណៈកម្មាធិការសាខាកាកបាទក្រហមកម្ពុជាខេត្តបន្ទាយមានជ័យ ជាមួយឯកឧត្តម ឌិត ទីណា ប្រធានកិត្តិយសសាខា នឹងជាពិសេសពីសំណាក់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជាមួយក្រុមគ្រួសាររងគ្រោះខាងលើ ឱ្យបានដឹងនូវទំហំចិត្តថ្នាក់ដឹកនាំគ្រប់ជាន់ថ្នាក់របស់កាកបាទក្រហមកម្ពុជាក្រោមការដឹកនាំដ៏ឈ្លៀសវៃរបស់សម្តេចកិត្តិព្រឹទ្ធ ប៊ុន រ៉ានី ហ៊ុនសែន តែងតែបានគិតគូរពីសុខទុក្ខរបស់បងប្អូនប្រជាពលរដ្ឋគ្រប់ទិសទីដែលជាជនរងគ្រោះ និងងាយរងគ្រោះគ្រប់ៗគ្នាទោះបីជាសម្ដេចមិនបានមកផ្ទាល់ក៏សម្ដេចមានក្រុមការងារនៅតាមបណ្ដាខេត្តនីមួយៗ ចុះមកជួយសង្រ្គោះស្របតាមពាក្យស្លោក "ទីណាមានទុក្ខលំបាក ទីនោះមានកាកបាទក្រហមកម្ពុជា" និង "កាកបាទក្រហមកម្ពុជាមានគ្រប់ទីកន្លែង សម្រាប់គ្រប់ៗគ្នាមិនទុកនរណាម្នាក់ចោល" ទោះបីជាស្ថិតក្នុងកាលៈទេសៈណាក៏ដោយ។ ជាមួយគ្នានេះដែរ លោកស្រីក៏បានជូនពរដល់គ្រួសាររបស់យុវតីខាងលើសូមមានសុខភាពល្អឆាប់ជាសះស្បើយពីរោគា និងបានអំពាវនាវដល់បងប្អូនប្រជាពលរដ្ឋទាំងអស់មេត្តាខិតខំថែរក្សាសុខភាពឱ្យបានល្អដោយប្រកាន់ភ្ជាប់នូវអនាម័យ រស់នៅស្អាត ហូបស្អាត ផឹកស្អាត ត្រូវគោរពអនុវត្តតាមវិធានការនានារបស់ក្រសួងសុខាភិបាល ជាពិសេសសូមបងប្អូនបន្តអនុវត្តឱ្យបានខ្ជាប់ខ្ជួននូវវិធានការការពារខ្លួនពីជំងឺឆ្លង ឬមិនឆ្លងដែលកំពុងរីកដុះដាលនៅក្នុងពេលនេះទៅតាមការណែនាំរបស់ក្រសួងសុខាភិបាល។

អំណោយដែលសាខាបានផ្តល់ជូនរួមមាន ៖ អង្ករ២៥គីឡូក្រាម មី១កេស ត្រីខ១យួរ ទឹកត្រី១យួរ ទឹកស៊ីអ៊ីវ១យួរ ត្រីខ១យួរ ខោទឹកនោម៣យួរ ឃីតសុខភាពស្ត្រី១កញ្ចប់ សំឡីអនាម័យ១យួរ ភេសជ្ជ:វីកូឡា១កេស និងថវិកាមួយចំនួនផងដែរ៕

ឯកឧត្តម សុខ លូ បន្តចាត់តំណាងនាំយកអំណោយមនុស្សធម៌ផ្តល់ជូនប្រជាពលរដ្ឋ រងគ្រោះដោយខ្យល់កន្រ្តាក់ចំនួន៧៣ គ្រួសារ នៅស្រុករុក្ខគីរី និងស្រុកមោងឬស្សី.......!!!

បាត់ដំបង, អនុវត្តតាមអនុសាសន៍របស់ ឯកឧត្តម សុខ លូ អភិបាលនៃគណៈអភិបាលនៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តបាត់ដំបង នៅរសៀលថ្ងៃពុធទី២០ខែឧសភា ឆ្នាំ២០២៦នេះ ក្រុមការងារសាខាកាកបាទក្រហមកម្ពុជាខេត្តបាង់ដំបងដឹកនាំដោយ ឯកឧត្តម ផេងសិទ្ធី អនុប្រធានចិន្រ្តៃយ៍គណៈកម្មាធិការសាខាខេត្តព្រមទាំងសហការីបានអញ្ចើញជួបសំណេះសំណាលសួរសុខទុក្ខនិងនាំយកអំណោយមនុស្សធម៌របស់សប្បុរសជនតាមរយៈសាខាខេត្តផ្តល់ជូនប្រជាពលរដ្ឋរងគ្រោះដោយខ្យល់កន្រ្តាក់សរុបចំនួន៧៣គ្រួសារក្នុងនោះរលំទាំងស្រុង ១៥ខ្នងផ្ទះ,ប៉ើងដំបូលធ្ងន់ធ្ងរ២២ខ្នងផ្ទះនិងប៉ះពាល់ដោយអន្លើចំនួន៣៦ខ្នងផ្ទះក្នុងស្រុកចំនួន២លើឃុំចំនួន៦ក្នុងភូមិចំនួន១៦ក្នុងនោះស្រុករុក្ខគីរីប៉ះពាល់ចំនួន២៦គ្រួសារ(២៦ខ្នងផ្ទះ) ប៉ះពាល់លើឃុំចំនួន៤ ក្នុងភូមិចំនួន៩បណ្តាលអោយប៉ះពាល់ធ្ងន់ធ្ងរចំនួន៨ខ្នងផ្ទះនិងប៉ះពាល់ដោយអន្លើចំនួន១៨ខ្នងផ្ទះស្រុកមោងឬស្សីប៉ះពាល់ចំនួន៤៧គ្រួសារ(៤៧ខ្នងផ្ទះ) ប៉ះពាល់លើ ឃុំចំនួន២ ក្នុងភូមិចំនួន៧បណ្តាលអោយរលំទាំងស្រុង១៥ខ្នងផ្ទះប៉ះពាល់ធ្ងន់ធ្ងរចំនួន១៤ខ្នងផ្ទះនិងប៉ះពាល់ដោយអន្លើចំនួន១៨ខ្នងផ្ទះដែលរងគ្រោះកាលពីកន្លងទៅ។ពិធីនេះបានប្រារព្វធ្វើនៅ៣ទីតាំងផ្សេងគ្នាសាលាស្រុករុក្គីរី,សាលាឃុំព្រៃស្វាយ សាលាឃុំកកោះស្រុកមោងឬស្សី។
មានប្រសាសន៍សំណេះសំណាលនាឱកាសនោះ ឯកឧត្តម ផេង សិទ្ធី បាននាំមកនូវការផ្ដាំផ្ញើ សាកសួរសុខ ទុក្ខពីសំណាក់ឯកឧត្តមសុខ លូអភិបាលនៃគណៈអភិបាលខេត្ត និងជាប្រធានគណៈកម្មាធិការ សាខាកាកបាទ ក្រហមកម្ពុជាខេត្តបាត់ដំបងជាពិសេសសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទ ក្រហមកម្ពុជាដោយក្ដីនឹករលឹកនិងក្តីអាណិតអាសូរជាទីបំផុត។ ឯកឧត្តមអនុប្រធានអចិន្រ្តៃយ៍គណៈកម្មាធិការសាខាបានបញ្ជាក់ថា៖ ទុក្ខលំបាករបស់ប្រជាពលរដ្ឋគ្រប់រូប គឺជាក្តីកង្វល់របស់ថ្នាក់ដឹកនាំពិសេសសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទ ក្រហមកម្ពុជាដែលត្រូវតែគិតគូរ និងស្វែងរកដំណោះស្រាយមួយល្អប្រសើរ ជាក់ស្តែងដូចជាការនាំយកអំណោយសង្គ្រោះបន្ទាន់មកចែកជូន ដល់ប្រជាពលរដ្ឋរងគ្រោះនាពេលនេះជាដើមទោះបីមិនអាចជួយបានទាំងស្រុងក៏ដោយ ក៏ប៉ុន្តែយើងបានចូលរួម ចំណែកជួយដោះស្រាយនូវការខ្វះខាតរបស់បងប្អូនបានមួយផ្នែកផងដែរ។ម៉្យាងទៀតអំណោយដែលសាខាបាននាំយកមកឧបត្ថម្ភជូនបងប្អូននាឱកាសនេះគឺពុំមានការប្រកាន់នូវពូជសាសន៍ ពណ៌សម្បុរ សាសនា ឬនិន្នាការនយោបាយអ្វីឡើយ។
ថ្លែងក្នុងពិធីនេះឯកឧត្តមផេង សិទ្ធី បានគូសបញ្ជាក់ផងដែរថា៖«កាកបាទក្រហមកម្ពុជាទទួលបានថវិកាពី សប្បុរសជន គ្រប់មជ្ឈដ្ឋានតាមរយ:កាអំពាវនាវនានាជាពិសេសក្នុងឱកាសនៃទិវាពិភពលោកកាកបាទក្រហមនិងអឌ្ឍចន្ទនក្រហម៨ឧសភា,ដូច្នេះអ្វីដែលកាកបាទក្រហមកម្ពុជាទទួលបាន គឺតែងតែយកទៅជួយ ដល់ប្រជាពលរដ្ឋងាយរង គ្រោះបំផុតនិងរងគ្រោះដោយគ្រោះមហន្តរាយផ្សេងៗដោយផ្ទាល់ដៃដែលនេះគឺជាការផ្សារភ្ជាប់រវាងសប្បុរសជន ជាមួយនឹងអ្នកទទួលផល ពីកាកបាទក្រហមកម្ពុជា នៅគ្រប់ទីកន្លែង និងគ្រប់ពេលវេលា»និងបានអំពាវនាវដល់ប្រជាពលរដ្ឋទាំងអស់ សូមមានការប្រុងប្រយ័ត្នចំពោះ ផ្គរ រន្ទះ នៅពេលមានភ្លៀងនិងថែទាំសុខភាពឱ្យបានល្អថែទាំកូនចៅតូចៗត្រូវប្រុងប្រយ័ត្នខ្លាចក្រែងជួបវិបត្តិផ្សេងៗ។
សូមបញ្ជាក់ថា គ្រួសារនីមួយៗទទួលបានអំណោយរួមមាន៖ អង្ករ ២៥គីឡូក្រាម មី ១កេស ទឹកត្រី១យួរទឹកស៊ីអ៊ីវ១យួរ ទឹកបរិសុទ្ធ១កេស និងត្រីខ១០កំប៉ុង ឃីត១(មុង ក្រមា)ចំនួន ១និងថវិកាមួយចំនួន ដោយលែកគ្រួសាររងគ្រោះរលំទាំងស្រុកទទួលបានបន្ថែមសំពត់តង១ផងដែរ។

បន្តរួមកម្លាំងគ្នា ដើម្បីមនុស្សធម៌ជាមួយជនរងគ្រោះ និងងាយរងគ្រោះ ដែលកំពុងត្រូវការជំនួយសម្រាប់ជិវិតរស់នៅរបស់ពួកគាត់

សាខា កក្រក ខេត្តបន្ទាយមានជ័យ ៖ នៅរសៀលថ្ងៃពុធ ទី២០ ខែឧសភា ឆ្នាំ២០២៦ នេះ ឯកឧត្តម អ៊ុំ រាត្រី ប្រធានគណៈកម្មាធិការសាខាកាកបាទក្រហមកម្ពុជា ខេត្តបន្ទាយមានជ័យ សូមថ្លែងអំណរគុណយ៉ាងជ្រាលជ្រៅបំផុតចំពោះ លោក ស្រ៊ុន គឹមស្រ៊ាង ម្ចាស់ហាងលក់ម៉ូតូនៅជិតរង្វង់មូលស្រីគ្រប់ល័ក្ខ ក្រុងសិរីសោភ័ណ ខេត្តបន្ទាយមានជ័យ និងភរិយា ព្រមទាំងកូនចៅ ដែលបានឧបត្ថម្ភថវិកា ១៦៥,០០០រៀល (មួយរយហុកសិបប្រាំពាន់រៀលគត់) ជូនដល់សាខាកាកបាទក្រហមកម្ពុជា ខេត្តបន្ទាយមានជ័យក្នុងឱកាសខួបលើកទី១៦៣ ទិវាពិភពលោក កាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

«ថវិកាដែលលោកបានបរិច្ចាគនាពេលនេះ នឹងក្លាយទៅជាអង្ករ ម្ហូបអាហារ ទឹកស្អាត ថ្នាំពេទ្យ និងសម្ភារៈចាំបាច់ ឬជំនួយបន្ទាន់មួយកញ្ចប់សម្រាប់ជួយដល់គ្រួសារមួយដែលកំពុងជួបការលំបាក។ លើសពីនេះទៅទៀត វាក៏ក្លាយទៅជាកម្លាំងចិត្តមួយនៃក្តីសង្ឃឹមមួយសម្រាប់គ្រួសាររងគ្រោះ និងងាយរងគ្រោះនានានៅក្នុងមូលដ្ឋានរដ្ឋបាលខេត្តបន្ទាយមានជ័យ ដូចជាបណ្ដាគ្រួសារភៀសសឹក ឬគ្រួសារយុទ្ធជនពលី ជាមួយយុទ្ធជនរងរបួស ដោយសារបុព្វហេតុធម្មជាតិ ឬយថាហេតុផ្សេងៗជាដើម។»

សាខាកាកបាទក្រហមកម្ពុជា ខេត្តបន្ទាយមានជ័យ សូមគោរពជម្រាបមក សម្ដេច ទ្រង់ ឯកឧត្តម លោកជំទាវ លោកអ្នកឧកញ៉ា លោកឧកញ៉ា ឧកញ៉ា លោក លោកស្រី ដែលជាសប្បុរសជនគ្រប់មជ្ឈដ្ឋាន មេត្តាជូនជ្រាបថា សាខាកាកបាទក្រហមកម្ពុជា ខេត្តបន្ទាយមានជ័យ មានក្រុមការងាររង់ចាំទទួលស្វាគមន៍ជានិច្ចចំពោះការចូលរួមគាំទ្រចូលរួមបរិច្ចាគនូវថវិកា គ្រឿងឧបភោគ បរិភោគ របស់សម្ដេច ទ្រង់ ឯកឧត្តម លោកជំទាវ លោកអ្នកឧកញ៉ា លោកឧកញ៉ា លោក លោកស្រី សម្រាប់បន្តបេសកកម្មភាពមនុស្សធម៌របស់សាខារៀងរាល់ថ្ងៃនៅទីស្នាក់ការសាខាកាកបាទក្រហមកម្ពុជា ខេត្តបន្ទាយមានជ័យ ស្ថិតនៅផ្លូវ៧មករា ភូមិខ្លាកូនថ្មី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ចាហ់ពីថ្ងៃនេះតទៅ ឬរាល់ព័ត៌មានបន្ថែម សូមមេត្តាទំនាក់ទំនងរាមរយៈលេខ ៖
១. ឯកឧត្តម អ៊ុំ រាត្រី ប្រធានគណៈកម្មាធិការសាខា
លេខទូរសព្ទ 012 882 002
២. លោក បឹង គឹមសឹង អនុប្រធានគណៈកម្មាធិការសាខា
លេខទូរសព្ទ 012 888 176
៣. ឯកឧត្តម យុត ស្វិនី ហេរញ្ញិកគណៈកម្មាធិការសាខាលេខទូរសព្ទ 012 668 828
៤.លោកស្រី សុខ លាភា នាយិកាសាខា
លេខទូរស័ព្ទ 095 954 401/097 725 26 38

បន្ទាប់ពីបានទទួលព័ត៌មាន មានយុទ្ធជនកំពុងសម្រាក់ព្យាបាលជំងឺ (ជំងឺចាស់ឈឺមកវិញ) នៅមន្ទីរពេទ្យឯកជនមួយកន្លែង និងអស់ថវិកាព្យាបាល, សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ក្រុមការងារ តាមដានព័តមានខាងលើនេះ នៅព្រឹកថ្ងៃទី១៩ ខែឧសភា ឆ្នាំ២០២៦ លោកជំទាវ ម៉ែន នារីសោភ័គ អគ្គលេខាធិការរងទី១ បានជួបសំណេះសំណាល ជាមួយយុទ្ធជន ម្តាយយុទ្ធជន និងអ្នកផ្សាយព័ត៌មានយុទ្ធជន នៅទីស្នាក់ការកណ្តាលកាកបាទក្រហមកម្ពុជា។ ហើយបានផ្តល់អំណោយ គ្រឿងឧបភោគបរិភោគ និងថវិកា ៥លានរៀល និងឧបត្ថម្ភ ២លានរៀលទៀតជូនម្តាយរបស់យុទ្ធជនផងដែរ

ក្នុងឱកាសនេះ លោកជំទាវ អគ្គលេខាធិការរងទី១ កោតសរសើរចំពោះទឹកចិត្តដ៏ប្រពៃរបស់សប្បុរសដែលបានផ្សាយព័ត៌មាន និងបានធ្វើការណែនាំ និងបញ្ជាក់យ៉ាងច្បាស់ៗអំពីគោលការណ៍ការងាររបស់កាកបាទក្រហម និងសូមសប្បុរសជនរាល់ការបង្ហោះសុំជំនួយ ត្រូវតែបញ្ជាក់ឈ្មោះ ភូមិ ឃុំ/សង្កាត់ និងលេខទូរស័ព្ទទំនាក់ទំនងឱ្យបានត្រឹមត្រូវ ដើម្បីងាយស្រួលដល់ក្រុមការងារចុះទៅពិនិត្យ និងស្វែងរក ហើយសម្រាប់ការផ្តល់ជំនួយរបស់កាកបាទក្រហមកម្ពុជា យើងត្រូវចុះពិនិត្យនិងស្វែងរកអ្នករងគ្រោះពិតប្រាកដ និងមិនផ្តល់អំណោយតាមរយៈឬឆ្លងកាត់បុគ្គលណាម្នាក់ទេ។ កាកបាទក្រហមកម្ពុជា គឺជាជំនួយការអជ្ញាធរសាធារណៈ និងរាល់សកម្មភាពមនុស្សធម៌របស់កាកបាទក្រហមកម្ពុជាតែងតែសហការជាមួយអាជ្ញាធរមូលដ្ឋាន ព្រោះបច្ចុប្បន្នបច្ចុប្បន្នមានជនខិលខូចមួយចំនួនបានយកឈ្មោះកងទ័ព ឬយកភាពទីទ័លក្រមកធ្វើជាឧបករណ៍ស្វែងរកផលប្រយោជន៍ផ្ទាល់ខ្លួន (បោកប្រាស់ថវិកា) ដូច្នេះការចុះស្រាវជ្រាវផ្ទាល់ និងមានព័ត៌មានជាក់លាក់គឺជារឿងចាំបាច់បំផុត។

យុទ្ធជនខាងលើ ជាកងទ័ពដែលឈរជើងនៅមុំបី និងធ្លាប់បានទៅសម្រាកព្យាបាលជំងឺនៅមន្ទីរពេទ្យរុស្ស៊ី និងមន្ទីរពេទ្យព្រះកេតុមាលា (ពេទ្យ១៧៩) ហើយនេះជំងឺចាស់ដែលឈើមកវិញ។ ជាចុងក្រោយ សូមថ្លែងអំណរគុណដល់កាកបាទក្រហមកម្ពុជា ជាពិសេសសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលបានឧបត្ថម្ភរូបលោកនិងក្រុមគ្រួសារនាពេលនេះ៕

ប្រធានគណៈកម្មាធិការសាខាកាកបាទក្រហមកម្ពុជា ខេត្តស្វាយរៀង សូមថ្លែងអំណរគុណ យ៉ាងជ្រាលជ្រៅបំផុតជូនចំពោះ ៖
-លោក គង់ ចាន់ថន ប្រធានមន្ទីរមុខងារសាធារណៈខេត្តស្វាយរៀង ដែបានឧបត្ថម្ភថវិកា ចំនួន 500,000 រៀល -លោក អ៊ុក សាឌី នាយកសាខាធនាគារជាតិនៃកម្ពុជា ខេត្តស្វាយរៀង ថវិកា 1,000,000 រៀល ជូនសាខាកាកបាទក្រហមកម្ពុជា ខេត្តស្វាយរៀង ក្នុងឱកាសខួបលើកទី ១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។
សាខាកាកបាទក្រហមកម្ពុជា ខេត្តស្វាយរៀង នឹងយកចិត្តទុកដាក់ប្រើប្រាស់អំណោយដ៍សប្យុរសនេះ ដើម្បីបម្រើសកម្មភាពមនុស្សធម៌ជួយដល់ប្រជាពលរដ្ឋងាយរងគ្រោះបំផុត អោយបានទាន់ពេលវេលា ។
ដើម្បីមានមូលនិធិសម្រាប់បន្តបេសកកម្មមនុស្សធម៌ជាជំនួយការជូនរាជរដ្ឋាភិបាល សាខាកាកបាទក្រហមកម្ពុជា ខេត្តស្វាយរៀង សូមអំពាវនាវចំពោះ សម្តេច ឯកឧត្តម លោកជំទាវ លោកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជនមកពីគ្រប់មជ្ឍដ្ឋានទាំងក្នុងវិស័យរដ្ឋ និង វិស័យឯកជន សូមមេត្តាបន្តចូលរួមបរិច្ចាកថវិកា សម្ភារ ជូនសាខា ដោយសទ្ធាជ្រះថ្លា និងតាមការស្ម័គ្រចិត្ត ។ ការចូលរួមឧបត្ថម្ភគាំទ្រការងារមនុស្សធម៌តាមរយៈបាទក្រហមកម្ពុជាខេត្ត គឺពិតជាមានគុណតម្លៃណាស់ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជន ជាមួយអ្នកទទួលផល ។

ប្រធានគណៈកម្មាធិការសាខាកាកបាទក្រហមកម្ពុជា ខេត្តស្វាយរៀង សូមថ្លែងអំណរគុណ យ៉ាងជ្រាលជ្រៅបំផុតជូនចំពោះ លោកឧកញ៉ា សូ ងួន និងលោកជំទាវ ដែលបានឧបត្ថម្ភថវិកា ចំនួណ 4,000,000 រៀល ជូនសាខាកាកបាទក្រហមកម្ពុជា ខេត្តស្វាយរៀង ក្នុងឱកាសខួបលើកទី ១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។
សាខាកាកបាទក្រហមកម្ពុជា ខេត្តស្វាយរៀង នឹងយកចិត្តទុកដាក់ប្រើប្រាស់អំណោយដ៍សប្យុរសនេះ ដើម្បីបម្រើសកម្មភាពមនុស្សធម៌ជួយដល់ប្រជាពលរដ្ឋងាយរងគ្រោះបំផុត អោយបានទាន់ពេលវេលា ។
ដើម្បីមានមូលនិធិសម្រាប់បន្តបេសកកម្មមនុស្សធម៌ជាជំនួយការជូនរាជរដ្ឋាភិបាល សាខាកាកបាទក្រហមកម្ពុជា ខេត្តស្វាយរៀង សូមអំពាវនាវចំពោះ សម្តេច ឯកឧត្តម លោកជំទាវ លោកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជនមកពីគ្រប់មជ្ឍដ្ឋានទាំងក្នុងវិស័យរដ្ឋ និង វិស័យឯកជន សូមមេត្តាបន្តចូលរួមបរិច្ចាកថវិកា សម្ភារ ជូនសាខា ដោយសទ្ធាជ្រះថ្លា និងតាមការស្ម័គ្រចិត្ត ។ ការចូលរួមឧបត្ថម្ភគាំទ្រការងារមនុស្សធម៌តាមរយៈបាទក្រហមកម្ពុជាខេត្ត គឺពិតជាមានគុណតម្លៃណាស់ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជន ជាមួយអ្នកទទួលផល ។

ប្រធានគណៈកម្មាធិការសាខាកាកបាទក្រហមកម្ពុជា ខេត្តស្វាយរៀង សូមថ្លែងអំណរគុណ យ៉ាងជ្រាលជ្រៅបំផុតជូនចំពោះ ៖
-តំបន់សេដ្ឋកិច្ចពិសេស ឈីលូ QUILU (CAMBODIA) SPECIAL ECONOMIC ZONE ដែលបានឧបត្ថម្ភថវិកា ចំនួន 6,000 ដុល្លារ
-ឯកឧត្តម សរ សុដានី អភិបាលរង នៃគណៈអភិបាលខេត្តស្វាយរៀង និងលោកជំទាវ ថវិកា 100 ដុល្លារ ជូនសាខាកាកបាទក្រហមកម្ពុជា ខេត្តស្វាយរៀង ក្នុងឱកាសខួបលើកទី ១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។
សាខាកាកបាទក្រហមកម្ពុជា ខេត្តស្វាយរៀង នឹងយកចិត្តទុកដាក់ប្រើប្រាស់អំណោយដ៍សប្យុរសនេះ ដើម្បីបម្រើសកម្មភាពមនុស្សធម៌ជួយដល់ប្រជាពលរដ្ឋងាយរងគ្រោះបំផុត អោយបានទាន់ពេលវេលា ។
ដើម្បីមានមូលនិធិសម្រាប់បន្តបេសកកម្មមនុស្សធម៌ជាជំនួយការជូនរាជរដ្ឋាភិបាល សាខាកាកបាទក្រហមកម្ពុជា ខេត្តស្វាយរៀង សូមអំពាវនាវចំពោះ សម្តេច ឯកឧត្តម លោកជំទាវ លោកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជនមកពីគ្រប់មជ្ឍដ្ឋានទាំងក្នុងវិស័យរដ្ឋ និង វិស័យឯកជន សូមមេត្តាបន្តចូលរួមបរិច្ចាកថវិកា សម្ភារ ជូនសាខា ដោយសទ្ធាជ្រះថ្លា និងតាមការស្ម័គ្រចិត្ត ។ ការចូលរួមឧបត្ថម្ភគាំទ្រការងារមនុស្សធម៌តាមរយៈបាទក្រហមកម្ពុជាខេត្ត គឺពិតជាមានគុណតម្លៃណាស់ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជន ជាមួយអ្នកទទួលផល ។