មជ្ឈមណ្ឌលជាតិរក្សាសន្តិភាព

ភ្នំពេញ៖ នៅព្រឹកថ្ងៃទី២ ខែមិថុនា ឆ្នាំ២០២៦ ឯកឧត្តម ឧត្តមសេនីយ៍ទោ សែម រតនា អនុប្រធានទី១ គណៈកម្មាធិការជាតិ និងជាអគ្គនាយកស្តីទី មជ្ឈមណ្ឌលជាតិរក្សាសន្តិភាព បានអញ្ជើញដឹកនាំកិច្ចប្រជុំបូកសរុបរបាយការណ៍ការងារសម្រេចបានប្រចាំខែឧសភា និងទិសដៅបន្តខែមិថុនា ឆ្នាំ២០២៦ ដែលមានការអញ្ជើញចូលរួមពី ឯកឧត្តម ជាអគ្គនាយករង នាយក នាយកដ្ឋាន និងប្រធានជំនាញជាច្រើន នាមជ្ឈមណ្ឌលជាតិរក្សាសន្តិភាព ៕

សាធារណរដ្ឋស៊ូដង់ខាងត្បូង៖ នាថ្ងៃទី៣០ ខែឧសភា ឆ្នាំ២០២៦ លោកវរសេនីយ៍ឯក ចន្នី វង្សវណ្ណៈ មេបញ្ជាការ រួមទាំងមេបញ្ជាការង នៃកងអនុសេនាធំរាជអាវុធហត្ថលេខ៨៧៤ បានដឹកនាំកម្លាំង សហការជាមួយមន្ត្រី Transport និង Security ចុះត្រួតពិនិត្យជាតិអាកុល ( Alcohol Test ) និង ត្រួតពិនិត្យល្បឿនរថយន្ត(Speed Check ) ដើម្បីពង្រឹងការគោរពច្បាប់ចរាចរណ៍ និងបង្កើនសុវត្ថិភាពក្នុងតំបន់បេសកកម្ម។

ភ្នំពេញ៖ នាព្រឹកថ្ងៃចន្ទ ទី១ ខែមិថុនា ឆ្នាំ២០២៦ ឯកឧត្តម ឧត្តមសេនីយ៍ទោ សែម រតនា អនុប្រធានទី១ គណៈកម្មាធិការជាតិ និងជាអគ្គនាយកស្តីទី មជ្ឈមណ្ឌលជាតិរក្សាសន្តិភាព បានអញ្ជើញចូលរួមក្នុងកិច្ចប្រជុំឆ្លងសេចក្តីព្រាងរបាយការណ៍បូកសរុបការងារខែឧសភា និងទិសដៅអនុវត្តខែមិថុនា ឆ្នាំ២០២៦ ក្រោមអធិបតីភាព ឯកឧត្តម នាយឧត្តមសេនីយ៍ ចាយ សាំងយុន រដ្ឋលេខាធិការប្រចាំការ ក្រសួងការពារជាតិ នៅទីស្តីការក្រសួងការពារជាតិ។

ខេត្តកោះកុង៖ ថ្ងៃសៅរ៍ ទី៣០ ខែឧសភា ឆ្នាំ២០២៦ ឯកឧត្តម សែម រតនា អនុប្រធានទី១ គណៈកម្មាធិការជាតិ និងជាអគ្គនាយកស្តីទី មជ្ឈមណ្ឌលជាតិរក្សាសន្តិភាព បានអញ្ជើញចូលរួមក្នុងពិធីសម្ពោធដាក់ឱ្យប្រើប្រាស់ជាផ្លូវការ ស្តូបអនុស្សាវរីយ៍នយោបាយឈ្នះ ឈ្នះ ក្នុងខេត្តកោះកុង ក្រោមអធិបតីភាព ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងលោកជំទាវ តំណាងដ៏ខ្ពង់ខ្ពស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ។

-អរគុណសន្តិភាព !
-អរគុណនយោបាយឈ្នះឈ្នះ !
-ដឹងគុណស្ថាបនិក មគ្គុទ្ទេសក៍ឯក និងប្រតិបតិ្តករ នយោបាយ ឈ្នះ ឈ្នះ ដែលនាំមកនូវសន្តិភាព និងការឯកភាពជាតិពេញលេញ !

កំពង់ស្ពឺ៖ព្រឹកថ្ងៃសុក្រ ១៣កើត ខែជេស្ឋ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី២៩ ខែឧសភា ឆ្នាំ២០២៦ ឯកឧត្តម ឧត្តមសេនីយ៍ទោ សែម រតនា អនុប្រធានទី១ គណៈកម្មាធិការជាតិ និងជាអគ្គនាយកស្តីទី មជ្ឈមណ្ឌលជាតិរក្សាសន្តិភាព តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពាជាតិ និងជាប្រធានគណៈកម្មាធិការជាតិ និងលោកជំទាវ វ្ល៉ាដាន់កា អាន់ឌ្រេវ៉ា (Vladanka Andreeva) អ្នកសម្របសម្រួល អង្គការសហប្រជាជាតិ ប្រចាំព្រះរាជាណាចក្រកម្ពុជា អញ្ជើញជាអធិបតីក្នុងពិធីរំលឹកខួបលើកទី៧៨ នៃទិវាអន្តរជាតិកងកម្លាំងរក្សាសន្តិភាពអង្គការសហប្រជាជាតិ និងដាក់កម្រងផ្កាគោរពវិញ្ញាណក្ខន្ធ ដល់កងកម្លាំងរក្សាសន្តិភាព ដែលបានពលី ក្នុងបុព្វហេតុបំពេញបេសកកម្មរក្សាសន្តិភាពរបស់អង្គការសហប្រជាជាតិ ព្រមទាំងមានការអញ្ជើញចូលរួមពី សេនានុព័ន្ធ អនុព័ន្ធយោធាអន្តរជាតិប្រចាំនៅកម្ពុជាជាច្រើនរូប កម្មពិធីនេះប្រព្រឹត្តិទៅនៅសាលាហ្វឹកហ្វឺនកងកម្លាំងរក្សាសន្តិភាពពហុសាសន៍ នាស្រុកភ្នំស្រួច ខេត្តកំពង់ស្ពឺ ៕

កំពង់ស្ពឺ៖ថ្ងៃព្រហស្បតិ៍ ១២កើត ខែជេស្ឋ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៨ ខែឧសភា ឆ្នាំ២០២៦ ឯកឧត្តម សែម រតនា អនុប្រធានទី១ គណៈកម្មាធិការជាតិ និងជាអគ្គនាយកស្តីទី មជ្ឈមណ្ឌលជាតិរក្សាសន្តិភាព និងឯកឧត្តម OLIVIER RICHARD ឯកអគ្គរដ្ឋទូត នៃសាធារណរដ្ឋបារាំង ប្រចាំព្រះរាជាណាចក្រកម្ពុជា បានអញ្ជើញចុះពិនិត្យការងារហ្វឹកហ្វឺនកម្ទេចយុទ្ធភណ្ឌមិនទាន់ផ្ទុះ EOD កំរិត ២ និងគ្រឿងផ្ទុះកែឆ្នៃ CIED ក្រោមជំនួយរបស់ប្រទេសបារាំង នៅសាលាហ្វឹកហ្វឺនកងកម្លាំងរក្សាសន្តិភាពពហុសាសន៍ នាស្រុកភ្នំស្រួច ខេត្តកំពង់ស្ពឺ ៕

សាធារណរដ្ឋអាហ្រ្វិកណ្តាល(បាងហ្គី)៖កាលពីព្រឹកថ្ងៃព្រហស្បតិ៍ទី២១ ខែឧសភា ឆ្នាំ២០២៦ កងកម្លាំងមួកខៀវកម្ពុជា នៃកងអនុសេនាធំកម្ទេចគ្រាប់មិនទាន់ផ្ទះលេខ៩៨-ទី៤ មានកិតិ្តយសទទួលស្វាគមន៍យ៉ាងកក់ក្តៅចំពោះ ឯកឧត្តម តំណាងពិសេសរងរបស់អគ្គលេខាធិការ អ.ស.ប (DSRSG) ដែលបានមកទស្សនកិច្ចដល់បន្ទាយកងកម្លាំងរក្សាសន្តិភាពកម្ពុជា ដែលកំពុងមានមូលដ្ឋាន នៅទីក្រុងបាងហ្គី នៃសាធារណរដ្ឋអាហ្រ្វិកកណ្តាល (MINUSCA) ។

On the morning of Thursday, 21 May 2026, the Cambodian peacekeepers of the Explosive Ordnance Disposal Unit warmly welcomed His Excellency the Deputy Special Representative of the Secretary-General (DSRSG) who visited the Cambodian peacekeeping force unit based in Bangui, of the Central African Republic (MINUSCA).

ភ្នំពេញ៖នាព្រឹកថ្ងៃសៅរ៍ ៧កើត ខែជេស្ឋ ឆ្នាំមមី អដ្ឋស័ក ព.ស. ២៥៧០ ត្រូវនឹង ថ្ងៃទី២៣ ខែឧសភា ឆ្នាំ២០២៦ ឯកឧត្តម ឧត្តមសេនីយ៍ទោ សែម រតនា អនុប្រធានទី១ គណៈកម្មាធិការជាតិ និងជាអគ្គនាយកស្តីទី មជ្ឈមណ្ឌលជាតិរក្សាសន្តិភាព បានអញ្ជើញចូលរួមអមដំណើរ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ ក្នុងពិធីបំពាក់ឋានន្តរស័ក្តិជាកិច្ចបច្ឆាមរណៈ និងគោរពវិញ្ញាណក្ខន្ធសព លោកជំទាវ ឧត្តមសេនីយ៍ទោ កើត ស៊ីយុត្តិ នាយករង មន្ទីរពេទ្យព្រះកេតុមាលា បានទទួលមរណភាពនាថ្ងៃពុធ ៤កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២០ ខែឧសភា ឆ្នាំ២០២៦ វេលាម៉ោង១៦:២០នាទី ក្នុងជន្មាយុ៧៤ឆ្នាំ ដោយរោគាពាធ ៕

ឯកឧត្តម សែម រតនា អញ្ជើញគោរពវិញ្ញាណក្ខន្ធ លោកជំទាវ ឧត្តមសេនីយ៍ឯក កើត ស៊ីយុត្តិ
‎==============
ភ្នំពេញ៖នាព្រឹកថ្ងៃសៅរ៍ ៧កើត ខែជេស្ឋ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៣ ខែឧសភា ឆ្នាំ២០២៦ ឯកឧត្តម ឧត្តមសេនីយ៍ទោ សែម រតនា អនុប្រធានទី១ គណៈកម្មាធិការជាតិ និងជាអគ្គនាយកស្តីទី មជ្ឈមណ្ឌលជាតិរក្សាសន្តិភាព បានដឹកនាំប្រតិភូនៃមជ្ឈមណ្ឌលជាតិ អញ្ជើញចូលរួមគោរពវិញ្ញាណក្ខន្ធ លោកជំទាវ ឧត្តមសេនីយ៍ឯក កើត ស៊ីយុត្តិ នាយករង មន្ទីរពេទ្យព្រះកេតុមាលា ដែលបានទទួលមរណភាពកាលពីថ្ងៃពុធ ០៤កើត ខែជេស្ឋ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី២០ ខែឧសភា ឆ្នាំ២០២៦ វេលាម៉ោង ១៦:២០ នាទីល្ងាច ក្នុងជន្មាយុ ៧៤ឆ្នាំ ដោយរោគាពាធ ។ ដែលប្រារព្ធធ្វើនៅគេហដ្ឋានសព ស្ថិតក្នុងភូមិមិត្តភាព សង្កាត់ព្រែកឯង ខណ្ឌច្បារអំពៅ រាជធានីភ្នំពេញ ។
‎
ឯកឧត្តម សែម រតនា ក៏បានចូលរួមរំលែកមរណទុក្ខជាមួយ ក្រុមគ្រួសារ និងបានឧទ្ទិសបួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិទាំងឡាយក្នុងលោក សូមឱ្យដួងវិញ្ញាណក្ខន្ធរបស់ លោកជំទាវ ឧត្តមសេនីយ៍ឯក កើត ស៊ីយុត្តិ បានទៅកាន់សុគតិភពកុំបីឃ្លៀងឃ្លាតឡើយ៕