រដ្ឋបាលសង្កាត់អូរបែកក្អម

វេទិកាសាធារណៈរបស់រដ្ឋបាលសង្កាត់អូរបែកក្អម​ ខណ្ឌសែនសុខ​ រាជធានីភ្នំពេញ ។
.......................................................................
សង្កាត់អូរបែកក្អម​ ៖ នាព្រឹកថ្ងៃចន្ទ ១រោច ខែជេស្ឋ ឆ្នាំមមី អដ្ឋស័ក ព.ស.២៥៧០
ត្រូវនឹង ថ្ងៃទី០១ ខែមិថុនា ឆ្នាំ២០២៦​ នេះ រដ្ឋបាលសង្កាត់អូរបែកក្អម​ បានរៀបចំវេទិកាសាធារណៈនៅទីតាំងសាលាសង្កាត់ដែលមានប្រជាពលរដ្ឋចំនួន៥ភូមិចូលរួម​ ។
វេទិកាសាធារណៈនេះមានកិត្តិយសបានការអញ្ជើញចូលរួមជាអធិបតីពីលោក​ យឹម​ រ័ត្ន​ ប្រធានក្រុមប្រឹក្សាសង្កាត់​ លោក​ នាង​ ផល្លី​ នាយបុស្តិ៍នគរបាល​រដ្ឋបាលអូរបែកក្អម​ លោក​ ខាត់ឌុន​ តារាផល​ តំណាងឯកឧត្តម​ប្រធានក្រុ​មការងារចុះជួយសង្កាត់​ លោក​ លោកស្រី​ សមាជិក​ សមាជិកា​ ក្រុមប្រឹក្សាសង្កាត់​ ស្មៀនសង្កាត់​ និងប្រជាពលរដ្ឋចូលរួមចំនួន ១០៧រូប ក្នុងនោះស្រ្តី​ ២៨រូប។ វេទិកានេះ បានរៀបចំឡើងដើម្បីផ្តល់ឱកាសជូនប្រជាពលរដ្ឋក្នុងមូលដ្ឋាន បានជួបផ្ទាល់ជាមួយអង្គភាពផ្តល់សេវា ដើម្បីលើក ជាសំណើ សំណូមពរ និងបញ្ហាប្រឈមនានារបស់តំណាងប្រជាពលរដ្ឋទាំង៥ភូមិ បានធ្វើការពិភាក្សាយ៉ាងផុលផុស និងមានដំណោះស្រាយបញ្ហាបានយ៉ាងរលូន​ជាមួយគ្នានេះដែរ ប្រជាពលរដ្ឋមានការពេញចិត្ត និងទទួលយកដំណោះស្រាយនានា​ ដែលរដ្ឋបាលសង្កាត់ដោះស្រាយជូន​ ។
វេទិកាសាធារណៈនេះ បានបញ្ចប់ស្របតាមកម្មវិធី ក្នុងរយៈពេលមួយព្រឹក ដែលបានកំណត់​ ។

ថ្ងៃពុធ ១១កើត ខែជេស្ឋ ឆ្នាំមមី អដ្ឋស័ក ព.ស. ២៥៧០​ ត្រូវនឹង ថ្ងៃទី២៧ ខែឧសភា ឆ្នាំ២០២៦​ វេលាម៉ោង​ ៨:៣០នាទីព្រឹក​ នៅសាលប្រជុំរដ្ឋបាលសង្កាត់អូរបែកក្អម​ មានបើកកិច្ចប្រជុំសាមញ្ញលើកទី៤៧ របស់ក្រុមប្រឹក្សាសង្កាត់​ អាណត្តិទី៥ ឆ្នាំ២០២៦​ ក្រោមអធិបតីភាព​ លោក យឹម​ រ័ត្ន​ ប្រធានក្រុមប្រឹក្សាសង្កាត់ ដោយមានការចូលរួមពីសំណាក់លោក លោកស្រី សមាជិកក្រុមប្រឹក្សា លោកនាយប៉ុស្តិ៍​ លោកនាយកសាលាបឋមសិក្សា​ តំណាងមណ្ឌលសុខភាព​ លោក​/កញ​្ញា មេភូមិ​ទាំង៥ និងបុគ្គលិក​សង្កាត់​។
​ គោលបំណងនៃកិច្ចប្រជុំគឺដើម្បីត្រួតពិនិត្យលើលទ្ធផលសកម្មភាពការងារ និងផែនការទិសដៅអនុវត្តបន្ត ព្រមទាំងពិនិត្យ ពិភាក្សា និងអនុម័តលើកិច្ចការងាររដ្ឋបាលមួយចំនួន ក៏ដូចជាប្រឹក្សាយោបល់ សម្របសម្រួល និងដោះស្រាយរាល់បញ្ហាប្រឈមនានាដែលបានកើតមាននៅក្នុងមូលដ្ឋានតាមបណ្តាភូមិទាំង៥​ និងជំរុញ​ការអនុវត្តការងារផ្តល់សេវាសាធារណះជូនប្រជាពលរដ្ឋឱ្យបានកាន់តែល្អប្រសើរឡើង ៕

សេចក្តីណែនាំស្តីពីការអនុវត្តបទបញ្ជាលេខ០២ របស់រាជរដ្ឋាភិបាលកម្ពុជា ស្តីពីការដាក់ចេញវិធានការហាមឃាត់ការនាំចូល លក់ចែកចាយ ផ្សាយពាណិជ្ជកម្ម ការកាន់កាប់ ការប្រើប្រាស់ផលិផល និងការស្តុកទុកឧបករណ៍ អេឡិចត្រូនិច និងសារធាតុគីមីសម្រាប់ជក់ និងសុីស្សា នៅរាជធានីភ្នំពេញ។