អេង បញ្ញា- Eng Panha

ថ្ងៃព្រហស្បតិ៍ ៤រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែមិថុនា ឆ្នាំ២០២៦នេះ

លោក ជិន ប៊ុនធឿន អភិបាលខណ្ឌឫស្សីកែវ និងជាប្រធានគណៈបញ្ជាការឯកភាពរដ្ឋបាលខណ្ឌ បានអញ្ជើញចុះពិនិត្យមើលវឌ្ឍនភាពនៃការសាងសង់ និងកែលំអ អាគារ អធិការដ្ឋាននគរបាលខណ្ឌឫស្សីកែវ ដែលបាននឹងកំពុងបន្តការសាងសង់យ៉ាងសស្រាក់សស្រាំ ដើម្បីសោភណភាព និងផាសុខភាព សម្រាប់បងប្អូនប្រជាពលរដ្ឋដែលអញ្ជើញមកទទួលសេវាផ្សេងៗនៅទីនេះផងដែរ។

ជាមួយគ្នានេះដែរ លោកប្រធានគណៈបញ្ជាការឯកភាពរដ្ឋបាលខណ្ឌ បានថ្លែងនូវកោតសរសើរចំពោះ លោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឫស្សីកែវ ដែលតែងតែបានគិតគូរពីសុខទុក្ខរបស់កងកម្លាំងទាំងអស់ និងការយកចិត្តទុកដាក់ចំពោះការរៀបចំកែលំអអាគារអធិការដ្ឋាននគរបាលខណ្ឌ អោយមានសណ្ដាប់ធ្នាប់របៀបរៀបរយល្អ សាកសមជាកន្លែងផ្ដល់សេវា និងប្រចាំការត្រៀមប្រត្តិបត្តិការ ការពារសុខសុវត្ថិភាពជូនបងប្អូនប្រជាពលរដ្ឋក្នុងមូលដ្ឋានខណ្ឌ។

ក្នុងនាមប្រធានគណៈបញ្ជាការ ខ្ញុំសូមវាយតម្លៃខ្ពស់ចំពោះស្នាដៃដឹកនាំ និងលទ្ធផលប្រតិបត្តិការដ៏ល្អបំផុតរបស់កងកម្លាំងគ្រប់ផ្នែក និងគ្រប់ជំនាញរបស់អធិការនគរបាលខណ្ឌដែលបានរួមគ្នាធ្វើការបង្ការ និងបង្រ្កាបបទល្មើសព្រហ្មទណ្ឌបានសម្រេចជោគជ័យភាគច្រើន ពោលគឺនៅមានសេសសល់បទល្មើសមួយចំនួនតូចតែប៉ុណ្ណោះ មិនទាន់បង្រ្កាបបាន ហើយយើងនៅបន្តស្រាវជ្រាវតាមជំនាញស្វែងរកមុខសញ្ញាដើម្បីបង្រ្កាប ថែមទៀត គឺមិនទុកចោលបទល្មើសនោះឡើយ។

អ.ន.ក ខណ្ឌប្ញស្សីកែវ ៖ នាថ្ងៃព្រហស្បតិ៍ ទី០៤ ខែមិថុនា ឆ្នាំ២០២៦នេះ

លោក ជិន ប៊ុនធឿន សមាជិកគណៈកម្មាធិការសមាគមអតីតយុទ្ធជន និងនិវត្តជនរាជធានីភ្នំពេញ និងជាប្រធានសមាគមអតីតយុទ្ធជន និងនិវត្តជនខណ្ឌប្ញស្សីកែវ និងលោកវីរសេនីយ៍ឯក ហ៊ាង ថារ៉េត អធិការនគរបាលខណ្ឌប្ញស្សីកែវ និងជាអនុប្រធានសមាគមអតីតយុទ្ធជន និងនិវត្តជនខណ្ឌប្ញស្សីកែវ បានអញ្ជើញចុះសួរសុខទុក្ខ និងនាំយកថវិកាបេឡាមរណៈសង្គ្រោះជូនក្រុមគ្រួសារសពអតីតយុទ្ធជនចំនួន៤គ្រួសាររួមមាន៖
១.ក្រុមគ្រួសារសព លោក ឆឹម សុគន្ធី
២. ក្រុមគ្រួសារសព លោក គង់ និមល
៣.ក្រុមគ្រួសារសព លោកស្រី រ័ត្ន ផន
៤.ក្រុមគ្រួសារសព លោកស្រី ម៉ា យុំ ក្នុងមួយគ្រួសារៗទទួលបានថវិកា៤លានរៀល ។

នាឱកាសនោះ លោក ជិន ប៊ុនធឿន បានចូលរួមរំលែកទុក្ខជាមួយក្រុមគ្រួសារនៃសព និងផ្តាំផ្ញើការសួរទុក្ខពីសំណាក់ ឯកឧត្តម ឃួង ស្រេង ប្រធានសមាគមអតីតយុទ្ធជន និងនិវត្តជនរាជធានីភ្នំពេញ ជាពិសេស សម្តេចតេជោ ហ៊ុន សែន ប្រធានព្រឹទ្ធសភា, ប្រធានឧត្តមក្រុមប្រឹក្សាព្រះមហាក្សត្រ និងជាប្រធានសមាគមអតីតយុទ្ធជន និងនិវត្តជនកម្ពុជា និងសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងជាអនុប្រធានទី១ សមាគមអតីតយុទ្ធជន និងនិវត្តជនកម្ពុជា តែងតែយកចិត្តទុកដាក់គិតគូរ ចំពោះជីវភាព រស់នៅរបស់អតីតយុទ្ធជន ដែលមានគុណបំណាច់ដ៏ធំធេងមិនអាចកាត់ថ្លៃបាន ហ៊ានលះបង់សាច់ស្រស់ ឈាមស្រស់ និងធ្វើពលីកម្មគ្រប់បែបយ៉ាង ក្នុងបុព្វហេតុរំដោះប្រទេសជាតិ ប្រជាជន ឱ្យរួចផុតពីរបបប្រល័យពូជសាសន៍ ធ្វើឱ្យប្រទេសកម្ពុជាមានសុខសន្តិភាព និងមានការអភិវឌ្ឍរីកចម្រើនរហូតដល់សព្វថ្ងៃ។ ជាចុងក្រោយ សូមឧទ្ទិសបួងសួងដល់ដួងវិញ្ញាណក្ខន្ធសពអ្នកទាំងបួន សូមឆាប់បានចាប់កំណើតក្នុងសុគតិភពគ្រប់ៗជាតិកុំបីឃ្លៀងឃ្លាតឡើយ៕

រដ្ឋបាលខណ្ឌប្ញស្សីកែវ៖ នាយប់ថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦

គណៈបញ្ជាការឯកភាពសង្កាត់ច្រាំងចំរេះទី២ ដឹកនាំដោយ លោក សុខ ប៊ុន មន្ត្រីនគរបាលប៉ុស្តិ៍ ដែលមានកងកម្លាំង សរុបចំនួនៈ ១០នាក់ បានចុះធ្វើរដ្ឋបាលចុះល្បាតតាមភូមិសាស្រ្តសំខាន់ៗនិងតាមទីតាំងដែលស្មុគស្មាញ ដើម្បីបង្ការនិងទប់ស្កាត់ បទល្មើសគ្រប់ប្រភេទ នៅតាមភូមិទាំង០៤។ ជាលទ្ធផល សភាពការណ៍ស្ងប់ស្ងាត់ធម្មតា មិនមានអ្វីគួរអោយកត់សម្គាល់ ។

រដ្ឋបាលខណ្ឌប្ញស្សីកែវ៖ នៅរសៀលថ្ងៃទី០៣ មិថុនា ២០២៦

ការិយាល័យអប់រំខណ្ឌឫស្សីកែវ បុគ្គលិកបឋម.ចំរើនរដ្ឋ និងបឋម.ហស.ចំរើនជាតិ សរុបចំនួន ២៤រូប បានចូលរួមវគ្គបណ្តុះបណ្តាលជំងឺឆ្កែឆ្កួត នៅសាលាបឋមសិក្សា ចំរើនរដ្ឋ៕

រដ្ឋបាលខណ្ឌប្ញស្សីកែវ៖ នាយប់​ថ្ងៃ​ ពុធ៣រោច​​​​​​ ខែ​ជេស្ឋ​​​​​ ឆ្នាំមមី​ អដ្ឋ​ស័ក​ ព.ស​ ២៥៦៩ ត្រូវនឹងថ្ងៃទី​ ០៣​ ខែ​មិថុនា​​ ឆ្នាំ២០២៦​ វេលាម៉ោង​ ១៩:០០នាទី​ ដល់ម៉ោង​ ២១:៣០នាទី​

កម្លាំងគណៈបញ្ជាការឯកភាពខណ្ឌឫស្សីកែវ​ ដឹកនាំដោយលោក​ ឡុង​ ង៉ែត​ អភិបាលរងខណ្ឌ​ នាយក​រង​រដ្ឋបាល​ខណ្ឌ​ ប្រធានការិយាល័យសាធារណការ​ខណ្ឌ​ ការិយាល័​យអប់រំ​យុវជន​និង​កីឡា​ PL ,PM, និងកងកម្លាំងសណ្តាប់ធ្នាប់ខណ្ឌ​ មានកម្លាំងសរុប​ ៣៦នាក់​ ​ ស្ថិត​នៅ​ភូមិ​ ពោងពាយ​ សង្កាត់​ ទួលសង្កែ​រទី២។ បន្តមកក្រុមការងារបន្តចុះល្បាតតាមមូលដ្ឋានសង្កាត់ទាំង៧ ជាលទ្ធផលពុំមានអ្វីគួរឲ្យកត់សម្គាល់ឡើយ។

រដ្ឋបាលខណ្ឌប្ញស្សីកែវ៖ នារសៀលថ្ងៃពុធ ៣រោច ខែជេស្ឋ ឆ្នាំមមី អដ្ឋសក័ ពុទ្ធសករាជ ២៥៧០ ត្រូវនឹងថ្ងៃទី០៣ ខែមិថុនា ឆ្នាំ២០២៦

ដោយទទួលបានការអនុញ្ញាតពីលោក ជិន ប៊ុនធឿន អភិបាលខណ្ឌឫស្សីកែវ លោក ផល្លា ផលសម្បត្តិ នាយករងរដ្ឋបាល បានចូលរួមប្រជុំជាមួយតំណាងមន្ទីរអភិវឌ្ឍន៍ជនបទរាជធានីភ្នំពេញ ដែលដឹកនាំដោយលោក សូរ សុគន្ធារ៉ា អនុប្រធានមន្ទីអភិវឌ្ឍន៍ជនបទរាជធានីភ្នំពេញ ក្នុងកិច្ចប្រជុំស្នើសុំជួយអន្តរាគម៍ទៅបណ្ដាសង្កាត់ទាំង៧ ដើម្បីសហការបំពេញទិន្នន័យទឹកស្អាត និងអនាម័យនៅតាមទីសាធារណៈ ក្នុងភូមិសាស្រ្ដខណ្ឌឫស្សីកែវ រាជធានីភ្នំពេញ ដោយសមាសភាពចូលរួមមានលោកប្រធានការិយាល័យផែនការ និងស្ថិតិនៃមន្ទីអភិវឌ្ឍជនបទរាជធានីភ្នំពេញ លោកប្រធានការិយាល័យសេដ្ឋកិច្ចស្ដីទី លោកចៅសង្កាត់ លោកតំណាងសង្កាត់ទាំង៧ ដែលមានសមាភាពចូលរួមសរុបចំនួន១៤នាក់ នៅសាលប្រជុំB ។
ជាលិទ្ធផលនៃកិច្ចប្រជុំរួមមាន៖
១.សង្កាត់ទាំង៧ត្រូវបំពេញនូវតារាងដែលមន្ទីរអភិវឌ្ឍន៍ជនបទរាជធានីភ្នំពេញបានផ្ដល់ជូន(ទិន្នន័យ អំពីបង្គន់អនាម័យ អណ្ដូងស្នប់ បណ្ដាញទឹកស្អាតនៃសាលាឆទាន សាលាបុណ្យ និងទីស្នាក់ការភូមិ) ។
២.សង្កាត់ទាំង៧បំពេញនូវតារាងទាំងនោះយ៉ាងយូរត្រឹមថ្ងៃចន្ទ ទី៨ ខែមិថុនា ឆ្នាំ២០២៦ រួចប្រគល់មកការិយាល័យសេដ្ឋកិច្ច និងអភិវឌ្ឍន៍សហគមន៍ខណ្ឌឫស្សីកែវដើម្បីការិយាល័យមានពេលវេលាគ្រប់គ្រាន់ក្នុងការបូកសរុបជូនមន្ទីអភិវឌ្ឍន៍ជនបទរាជធានីភ្នំពេញ។

រដ្ឋបាលខណ្ឌប្ញស្សីកែវ៖ នាថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦

លោក ម៉ៅ វណ្ណា ចៅសង្កាត់គីឡូម៉ែត្រលេខ៦ ព្រមទាំង ក្រុមប្រឹក្សាសង្កាត់ មេភូមិ អនុភូមិ បានអញ្ជើញសំណេះសំណាល ជាមួយប្រជាពលរដ្ឋភូមិទាំង៣ ចំនួន១៨ នាក់ដែរបានផ្ទុកមេរោគអេដស៍ ក្នុងនោះផងដែរលោកចៅសង្កាត់ នាំយកអំណោយ ឃីត ១កញ្ជប់ អង្ករ ១៥គីឡូក្រាម ថវិកាចំនួន ២ម៉ឺនរៀល៕

រដ្ឋបាលខណ្ឌប្ញស្សីកែវ÷ នាព្រឹកថ្ងៃពុធ ទី០៣ ខែមិថុនា ឆ្នាំ២០២៦នេះ

លោក អ៊ាង សុឃីម អភិបាលរងខណ្ឌឫស្សីកែវ និងលោក ឡុង ង៉ែត អភិបាលរងខណ្ឌ តំណាង លោក ជិន ប៊ុនធឿន អភិបាលខណ្ឌឫស្សីកែវ បានអញ្ជើញជួបសំណេះសំណាល និងនាំយកអង្ករ និងថវិកាជាអំណោយរបស់លោក ជិន ប៊ុនធឿន អភិបាលខណ្ឌប្ញស្សីកែវ ជូនដល់បងប្អូនកម្មករក្រុមហ៊ុនប្រមូលសំរាម៨០០ស៊ុបពើ។

នាឱកាសនោះ លោកអភិបាលរងខណ្ឌ បានផ្តាំផ្ញើការសាកសួរសុខទុក្ខពីសំណាក់លោកអភិបាលខណ្ឌ ជូនដល់បងប្អូនទាំងអស់ប្រកបដោយក្តីនឹករលឹក ព្រមទាំងថ្លែងការកោតសរសើរចំពោះការលះបង់កម្លាំងកាយចិត្ត ពេលវេលា ខិតខំបម្រើការងារសម្អាត អនាម័យ បរិស្ថានដើម្បីមូលដ្ឋានខណ្ឌកាន់តែមានសោភ័ណភាពស្រស់បំព្រង ។ ជាមួយគ្នានេះ លោកអភិបាលរងខណ្ឌ សូមឲ្យបងប្អូនទាំងអស់ថែរក្សាសុខភាពឲ្យបានល្អ ដោយប្រកាន់នូវអនាម័យ៣ប្រការ ហូបស្អាត ផឹកស្អាត និងរស់នៅស្អាត ដើម្បីជៀសផុតឆ្ងាយជំងឺមកបៀតបៀនខ្លួនប្រាណយើងផងដែរ ៕