នាយកដ្ឋានអង្គរក្ស - Bodyguard Department

#នាយកដ្ឋានអង្គរក្ស ថ្ងៃព្រហស្បតិ៍ ៧រោច ខែចេត្រ ឆ្នាំម្សាញ់ សប្តស័ក ព.ស. ២៥៦៩ ត្រូវនឹង ថ្ងៃទី៩ ខែមេសា ឆ្នាំ២០២៦
ថ្នាក់ដឹកនាំ និងមន្រ្តីនគរបាលនៃនាយកដ្ឋានអង្គរក្សទាំងអស់ សូមគោរពចូលរួមរំលែកមរណទុក្ខដ៏ក្រៀមក្រំជាមួយ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងលោកជំទាវ ស ស៊ីណា ព្រមទាំងក្រុមគ្រួសារ ចំពោះមរណភាពរបស់ សិលាភិរ័ក្ខសិរិវិសុទ្ធា អគ្គមហាឧបាសិកាពុទ្ធសាសនូបត្ថម្ភក៍ ផូ ភួង ដែលបានទទួលមរណភាពកាលពីថ្ងៃពុធ ៦រោច ខែចេត្រ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី៨ ខែមេសា ឆ្នាំ២០២៦ វេលាម៉ោង០១:១២នាទីរំលងអាធ្រាត្រ ក្នុងជន្មាយុ ៩៥ឆ្នាំ ដោយជរាពាធ ។

#នាយកដ្ឋានអង្គរក្ស៖ នាព្រឹកថ្ងៃចន្ទ ៤រោច ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៦ ខែមេសា ឆ្នាំ២០២៦
លោក ឧត្តមសេនីយ៍ឯក ជុំ សាវុឌ្ឍ ប្រធាននាយកដ្ឋានអង្គរក្ស បានអញ្ចើញដឹកនាំមន្ដ្រីតាមបណ្ដាការិយាល័យ-អង្គភាពចូលរួមប្រជុំជួរគោរពទង់ជាតិ នៃព្រះរាជាណាចក្រកម្ពុជា ដើម្បីពង្រឹងវិន័យរបស់កងកម្លាំង និងផ្សព្វផ្សាយបទបញ្ជារបស់ឯកឧត្ដម នាយឧត្ដមសេនីយ៏ អគ្គស្នងការនគរបាលជាតិ ជូនដល់មន្រ្ដីក្រោមឱវាទ។

#នាយកដ្ឋានអង្គរក្ស ព្រឹកថ្ងៃសុក្រ ១រោច ខែចេត្រ ឆ្នាំម្សាញ់ សប្តស័ក ព.ស. ២៥៦៩ ត្រូវនឹង ថ្ងៃទី៣ ខែមេសា ឆ្នាំ២០២៦ ដោយបានការអនុញ្ញាតពី ឯកឧត្ដម នាយឧត្ដមសេនីយ៏ អគ្គស្នងការនគរបានជាតិ ឯកឧត្ដម ឧត្ដមសេនីយ៏ឯក យឹម លាង អគ្គស្នងការរងនគរបាលជាតិ ទទួលដឹកនាំនាយកដ្ឋានអង្គរក្ស នឹងលោក ឧត្ដមសេនីយ៏ឯក ជុំ សាវុឌ្ឍ ប្រធាននាយកដ្ឋានអង្គរក្ស បានអញ្ចើញចុះត្រួតពិនិត្យការហ្វឹកហាត់សមក្បួនហែរអមទ្រង់ទ្រាយធំ ចាប់ពីគោលដៅសួនច្បារវត្តបទុមវតី រហូតដល់អាកាសដ្ឋានអន្ដរជាតិតេជោ ដែលជាការហ្វឹកហាត់ត្រៀមការពារសន្ដិសុខ សណ្ដាប់ធ្នាប់ និងសុវត្ថិភាព ក្នុងកិច្ចប្រជុំពូលហ្រ្វង់កូហ្វូនី លើកទី២០ ឆ្នាំ២០២៦ ដែលព្រះរាជាណាចក្រកម្ពុជានឹងធ្វើជាម្ចាស់ផ្ទះនាពេលខាងមុខ។

#នាយកដ្ឋានអង្គរក្ស៖ នាព្រឹកថ្ងៃព្រហស្បតិ៍ ១៥កើត ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២ ខែមេសា ឆ្នាំ២០២៦ ដោយមានការណែនាំពីឯកឧត្ដម ឧត្ដមសេនីយ៏ឯក យឹម លាង អគ្គស្នងការរងនគរបាលជាតិ ទទួលដឹកនាំនាយកដ្ឋានអង្គរក្ស លោក ឧត្ដមសេនីយ៏ឯកជុំ សាវុឌ្ឍ ប្រធាននាយកដ្ឋានអង្គរក្ស បានអញ្ចើញចុះជួបសំណេះសំណាល និងត្រួតពិនិត្យសកម្មភាពហ្វឹកហាត់របស់សិក្ខាកាម ក្នុងវគ្គបណ្ដុះបណ្ដាល នៅហ្នឹងកន្លែងជំនាញបើកបរម៉ូតូហែអមការពារ និងរថយន្តស៊ីរ៉ែននាំក្បួនការពារថ្នាក់ដឹកនាំជាន់ខ្ពស់ជាតិ និងអន្តរជាតិ នៅក្នុងបរិវេណនៃពហុកីឡដ្ឋានជាតិ មរតកតេជោ។ គួរបញ្ចាក់ផងដែរ វគ្គបណ្ដុះបណ្ដាលនេះ នាយកដ្ខានអង្គរក្សបានរៀបចំឡើងនេះ ដើម្បីត្រៀមលក្ខណៈឱ្យបានគ្រប់គ្រាន់ក្នុងភារកិច្ចការពារសន្តិសុខ សុវត្ថិភាពថ្វាយព្រះមហាក្សត្រ និងសម្ដេចព្រះមហាក្សត្រីយ៍ ព្រះវររាជមាតាជាតិខ្មែរ ជូនថ្នាក់ដឹកនាំជាតិ-អន្តរជាតិ ដែលយាង និងអញ្ចើញមកបំពេញទស្សនកិច្ចផ្លូវការក្នុងព្រះរាជាណាចក្រកម្ពុជា ក៏ដូចជាចូលរួមក្នុងកិច្ចប្រជុំកំពូលហ្រ្វង់កូហ្វូនី លើកទី២០ ឆ្នាំ២០២៦ ដែលព្រះរាជាណាចក្រកម្ពុជាធ្វើជាម្ចាស់ផ្ទះនាពេលខាងមុខ។

#នាយកដ្ឋានអង្គរក្ស ៖ រសៀលថ្ងៃពុធ ១០កើត ខែមាឃ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី២៨ ខែមករា ឆ្នាំ២០២៦
ឯកឧត្ដម ឧត្តមសេនីយ៍ឯក យឹម លាង អគ្គស្នងការរងនគរបាលជាតិ ទទួលដឹកនាំនាយកដ្ឋានអង្គរក្ស និងលោកឧត្ដមសេនីយ៏ឯក ជុំ សាវុឌ្ឍ ប្រធាននាយកដ្ឋានអង្គរក្ស បានអញ្ជើញចូលរួមកិច្ចប្រជុំផ្សព្វផ្សាយផែនការការពារ សន្តិសុខ សណ្ដាប់ធ្នាប់ ក្នុងឱកាសប្រារព្ធសន្និបាតត្រួតពិនិត្យលទ្ធផលការងារឆ្នាំ២០២៥ និងលើកទិសដៅការងារឆ្នាំ២០២៦ របស់ក្រសួងមហាផ្ទៃ និងលទ្ធផលការងារប្រឡងប្រណាំងអនុវត្តគោលនយោបាយ"ភូមិ-ឃុំ-សង្កាត់ មានសុវត្ថិភាព" ក្រោមអធិបតីភាព ឯកឧត្ដម សន្តិបណ្ឌិត យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី ដោយមានការអញ្ចើញចូលរួមពីបណ្ដាស្ថាប័ន-អង្គភាពពាក់ព័ន្ធជាច្រើនរូបទៀត នៅសាលប្រជុំនាយកដ្ឋានអង្គរក្ស ។

#នាយកដ្ឋានអង្គរក្ស៖ នាព្រឹកថ្ងៃពុធ ៣កើត ខែមាឃ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២១ ខែមករា ឆ្នាំ២០២៦

ឯកឧត្តម ឧត្តមសេនីយ៍ឯក យឹម លាង អគ្គស្នងការរងនគរបាលជាតិ ទទួលដឹកនាំនាយកដ្ឋានអង្គរក្ស បានអញ្ជើញដឹកនាំ កិច្ចប្រជុំបូកសរុបលទ្ធផលការងារប្រចាំឆ្នាំ២០២៥ និងលើកទិសដៅការងារបន្តឆ្នាំ២០២៦ របស់នាយកដ្ឋានអង្គរក្ស។

កិច្ចប្រជុំនេះ មានការអញ្ចើញចូលរួមពីសំណាក់ លោកឧត្តមសេនីយ៍ឯក ជុំ សាវុឌ្ឍ ប្រធាននាយកដ្ឋានអង្គរក្ស
និងលោក-លោកស្រី អនុប្រធាននាយកដ្ឋាន លោកនាយការិយាល័យ-លោកប្រធានអង្គភាពចំណុះនាយកដ្ឋានអង្គរក្ស សរុបប្រមាណ ៦០រូប។ ឆ្លៀតឱកាសនេះឯកឧត្ដម ឧត្ដមសេនីយ៏ឯក អគ្គស្នងការរងនគរបាលជាតិ បានសម្ដែងនូវការកោតសសើរ និងវាយតម្លៃខ្ពស់ចំពោះអស់លោក-លោកស្រីដែលជាអនុប្រធាននាយកដ្ឋាន នាយការិយាល័យ ប្រធានអង្គភាព ក៏ដូចជាមន្ត្រីនគរបាលជាតិ នៃនាយកដ្ឋានអង្គរក្ស ទាំងអស់ ដែលកន្លងមកតែងតែងខិតខំបំពេញភារកិច្ចតាមជំនាញរៀងៗខ្លួន ដោយទទួលបាលលទ្ធផលល្អជាបន្តបន្ទាប់ និងទទួលបានការកោតសសើរពីថ្នាក់ដឹកនាំជារឿយផងដែរ។ ឯកឧត្ដម ក៏បានលើកទឹកចិត្តឱ្យបន្តការខិតខំប្រឹងប្រែងបន្តទៀត និងបានផ្ដល់អនុសាសន៍ មួយចំនួនស្របតាមផែនការយុទ្ធរបស់អគ្គស្នងការដ្ឋាននគរបាលជាតិ ដូចខាងក្រោម ៖
១- ត្រូវស្មោះត្រង់ដាច់ខាតចំពោះជាតិ សាសនា ព្រះមហាក្សត្រ និងរាជរដ្ឋាភិបាល
២- ត្រូវពង្រឹងវេនប្រចាំបញ្ជា និងចុះត្រួតពិនិត្យកម្លាំងប្រចាំការតាមបណ្ដាលអង្គភាឱ្យបានទៀងទាត់
៣- ត្រូវគោរពបទវិន័យនគរបាលជាតិ ឱ្យបានខ្ជាប់ខ្ជួន និងម៉ឺងម៉ាត
៤- ត្រូវបន្តពង្រឹងប្រសិទ្ធភាពការងារ និងសមត្ថភាពមន្ត្រី
៥- ត្រូវចូលរួមថែរក្សាសម្ភារៈបច្ចេកទេស និងមធ្យោបាយ របស់អង្គភាព
៦- ត្រូវមានស្មារតីសាមគ្គីភាពផ្ទៃក្នុងឱ្យបានល្អ ទាំងក្នុងអង្គភាព នឹងជាមួយអង្គភាពពាក់ព័ន្ធ។

ក្រោយពីបានបញ្ចប់កិច្ចប្រជុំបូកសរុបលទ្ធផលការងារប្រចាំឆ្នាំ២០២៥ និងលើកទិសដៅការងារបន្តឆ្នាំ២០២៦ របស់នាយកដ្ឋានអង្គរក្សរួចមក ឯកឧត្ដម ឧត្ដមសេនីយ៏ឯក យឹម លាង អគ្គស្នងការរងនគរបាលជាតិ បានអញ្ជើញជួបសំណេះសំណាល និងផ្ដល់អនុសាសន៏សំខានៗដល់សិក្ខាកាមដែលទើបជាប់ក្របខ័ណ្ឌថ្មីកំពុងហ្វឹកហាត់ចំនួន ៧៥នាក់ ព្រមទាំងអញ្ជើញប្រគល់រថយន្ត និងសម្ភារៈបច្ចេកទេសមួយចំនួន ដែលជាអំណោយរបស់ ឯកឧត្ដម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ជូនដល់អង្គភាពការពារព្រះបរមរាជវាំង នៃនាយកដ្ឋានអង្គរក្ស ដើម្បីចូលរួមការពារព្រះរាជសុវត្ថិភាព ថ្វាយព្រះករុណា ព្រះមហាក្សត្រ និងសម្ដេចព្រះមហាក្សត្រី ព្រះវររាជមាតាជាតិខ្មែរ ក្នុងនោះរួមមាន៖
- រថយន្តល្បាតតាមគោលដៅ CFMOTO 4x4 EPS ចំនួន ០៣ គ្រឿង
-អាវក្រោះការពារគ្រាប់ ចំនួន ៥០ អាវ
-កាំភ្លើងប្រឆាំងដ្រូន ចំនួន ០៤ គ្រឿង ។
ពិធីនេះ ត្រូវបានបញ្ចប់ប្រកបដោយភាពស្និតស្នាលបំផុត ៕

#នាយកដ្ឋានអង្គរក្ស៖ នារសៀលថ្ងៃសុក្រ ៦រោច ខែបុស្ស ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៩ ខែមករា ឆ្នាំ២០២៦

ឯកឧត្តម ឧត្តមសេនីយ៍ឯក យឹម លាង អគ្គស្នងការរងនគរបាលជាតិ ទទួលដឹកនាំនាយកដ្ឋានអង្គរក្ស បានអញ្ជើញជាអធិបតី នៃពិធីបើកវគ្គបណ្ដុះបណ្ដាល នៅហ្នឹងកន្លែងជំនាញបើកបរម៉ូតូហែអមការពារ និងរថយន្តស៊ីរ៉ែននាំក្បួនការពារថ្នាក់ដឹកនាំជាន់ខ្ពស់ជាតិអន្តរជាតិ។

ក្នុងពិធីនេះ មានការអញ្ចើញចូលរួមពីសំណាក់ លោកឧត្តមសេនីយ៍ឯក ជុំ សាវុឌ្ឍ ប្រធាននាយកដ្ឋានអង្គរក្ស លោកឧត្ដមសេនីយ៍ទោ ខ្លូត តារារ័ត្ន អនុប្រធាននាយកដ្ឋានកណ្ដាលសន្តិសុខ, លោកឧត្ដមសេនីយ៍ទោ ហេង រតនា ស្នងការរង នៃស្នងការដ្ឋាននគរបាលរាជធានីភ្នំពេញ, លោកឧត្ដមសេនីយ៍ត្រី ភូ សុក នាយរងការិយាល័យបុគ្គលិក នៃអគ្គស្នងការដ្ឋាននគរបាលជាតិ​ និងលោក-លោកស្រី អនុប្រធាននាយកដ្ឋាន លោកនាយការិយាល័យ-លោកប្រធានអង្គភាពចំណុះនាយកដ្ឋានអង្គរក្ស ព្រមទាំងសិក្ខាកាម សរុបប្រមាណ ៧០រូប។ ឆ្លៀតឱកាសនេះ ដើម្បីពង្រឹង និងធានាបាននូវប្រសិទ្ធិភាពការងារ ឯកឧត្ដម ឧត្ដមសេនីយ៏ឯក អគ្គស្នងការរងនគរបាលជាតិ មានប្រសាសន៍ផ្តាំផ្ញើ និងណែនាំបន្ថែម ដល់សិក្ខាកាមទាំងអស់ នូវខ្លឹមសារមួយចំនួនដូចតទៅ ៖
១- ត្រូវស្មោះត្រង់ដាច់ខាតចំពោះជាតិ សាសនា ព្រះមហាក្សត្រ និងរាជរដ្ឋាភិបាល
២- ត្រូវមានស្មារតីខិតខំ តស៊ូប្រឹងប្រែង ពុះពារជម្នះឱ្យបានរាល់ការនឿយហត់ ការលំបាកផ្សេងៗ ព្រមទាំាងយកចិត្តទុកដាក់ស្វែងយល់ទាំងទ្រឹស្តី និងហ្វឹកហាត់ជាក់ស្តែងឱ្យបានស្ទាត់ជំនាញ។
៣- ត្រូវគោរពវិន័យ បទបញ្ជាផ្ទៃក្នុងវគ្គសិក្សានេះឱ្យបានម៉ឺងម៉ាត់ ដូចជា៖ ការគោរពពេលវេលាហ្វឹកហាត់ទៀងទាត់, ការគោរពគ្រូបង្គោល និងខិតខំកត់ត្រាតាមការពន្យល់ណែនាំ របស់គ្រូបង្គោល ឬថ្នាក់ដឹកនាំនាយកដ្ឋានអង្គរក្ស។
៤- ក្នុងពេលហ្វឹកហាត់ជាក់ស្តែង សូមសិក្ខាកាមទាំងអស់ ត្រូវមានស្មារតីប្រុងប្រយ័ត្នខ្ពស់បំផុតជានិច្ច ជៀសវាងនូវគ្រោះថ្នាក់ផ្សេងៗជាយថាហេតុ។
៥- សិក្ខាកាមទាំងអស់ត្រូវមានស្មារតី ចូលរួមថែរក្សាការពារ ទ្រព្យសម្បតិ្តរបស់រដ្ឋឱ្យបានល្អ ដូចជា មធ្យោបាយ ឧបករណ៍ សម្ភារៈហ្វឹកហាត់ផ្សេងៗ ត្រូវជូតសំអាតរៀបចំទុកដាក់ឱ្យបានត្រឹមត្រូវ ទៅតាមលក្ខណៈបច្ចេកទេស។
៦- ត្រូវមានស្មារតីសាមគ្គីភាព ក្នុងវគ្គឱ្យបានល្អ រវាងសិក្ខាកាម និងសិក្ខាកាម រវាងសិក្ខាកាម និងគ្រូ ជាពិសេសសិក្ខាកាម ដែលយល់ដឹងច្រើនត្រូវជួយពន្យល់បន្ថែមដល់អ្នកមិនសូវយល់ ធ្វើយ៉ាងណាឱ្យសិក្ខាកាម របស់យើងម្នាក់ៗទទួលបានលទ្ធផលល្អ នាពេលបញ្ចប់វគ្គ ។
៧- ក្រោយបញ្ចប់វគ្គសិក្សានេះ សិក្ខាកាមទាំងអស់ ត្រូវយកចំណេះវិជ្ជា និងជំនាញដែលបានរៀនសូត្រ យកមកបម្រើឱ្យការងាររបស់អង្គភាពឱ្យមានប្រសិទ្ធភាព ហើយមិនត្រូវធ្វើឱ្យប៉ះពាល់ដល់ផលប្រយោជន៍ជាតិ និងអង្គភាពឡើយ
៨- ត្រូវបន្តបង្កើន និងអភិវឌ្ឍគុណភាព សមត្ថភាព ចំណេះ និងជំនាញ សំដៅលើកស្ទួយកិត្តិយស កិត្យានុភាព និងឧត្តមភាពរបស់កងកម្លាំងនគរបាលជាតិ។

ពិធីនេះត្រូវបានបញ្ចប់ប្រកបដោយភាពស្និតស្នាល និងរីករាយក្រៃលែង៕

#នាយកដ្ឋានអង្គរក្ស ៖ ថ្ងៃព្រហស្បតិ៍ ៥រោច ខែបុស្ស ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី៨ ខែមករា ឆ្នាំ២០២៦

ដោយមានការចង្អុលបង្ហាញពី ឯកឧត្តម ឧត្តមសេនីយ៍ឯក យឹម លាង អគ្គស្នងការរងនគរបាលជាតិ ទទួលដឹកនាំនាយកដ្ឋានអង្គរក្ស លោកឧត្តមសេនីយ៍ឯក ជុំ សាវុឌ្ឍ ប្រធាននាយកដ្ឋានអង្គរក្ស បានអញ្ជើញជាអធិបតីក្នុងពិធីសំណេះសំណាលជាមួយនឹងបេក្ខជន-បេក្ខនារី ដែលទើបប្រឡងជាប់ជាស្ថាពរក្នុងក្របខ័ណ្ឌមន្ត្រីនគរបាលជាតិបំពេញជួសប្រចាំឆ្នាំ២០២៥ នៃនាយកដ្ឋានអង្គរក្ស។
ជាមួយគ្នានេះ ក្រោយពីបញ្ចប់ពិធីសំណេះសំណាលជាមួយមន្រ្តីក្របខ័ណ្ឌថ្មី លោកឧត្តមសេនីយ៍ឯក ប្រធាននាយកដ្ឋានអង្គរក្ស ក៏បានបន្ដជួបសំណេះសំណាល និងផ្ដល់អនុសាសន៍ដឹកនាំមួយចំនួនដល់ក្រុមការងារដឹកនាំ គ្រប់គ្រង និងតាមដានការសិក្សា ដែលត្រៀមបើកវគ្គបណ្ដុះបណ្ដាលជំនាញ “បើកបរម៉ូតូហែអម និងរថយន្ដស៊ីរ៉ែននាំក្បួនការពារថ្នាក់ដឹកនាំជាន់ខ្ពស់ជាតិ-អន្ដរជាតិ” នាពេលខាងមុខផងដែរ។

#នាយកដ្ឋានអង្គរក្ស៖ នាព្រឹកថ្ងៃសុក្រ ៧កើត ខែបុស្ស ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៦ ខែធ្នូ ឆ្នាំ២០២៥

ឯកឧត្តម ឧត្តមសេនីយ៍ឯក យឹម លាង អគ្គស្នងការរងនគរបាលជាតិ ទទួលដឹកនាំនាយកដ្ឋានអង្គរក្ស និងលោកឧត្តមសេនីយ៍ឯក ជុំ សាវុឌ្ឍ ប្រធាននាយកដ្ឋានអង្គរក្ស បានអញ្ជើញដឹកនាំកិច្ចប្រជុំបូកសរុបលទ្ធផលការងារប្រចាំខែធ្នូ ឆ្នាំ២០២៥ និងលើកទិសដៅការងារបន្តខែមករា ឆ្នាំ២០២៦ ។

កិច្ចប្រជុំនេះ មានការចូលរួមពីសំណាក់លោក-លោកស្រី អនុប្រធាននាយកដ្ឋាន លោកនាយការិយាល័យ-លោកប្រធានអង្គភាពចំណុះនាយកដ្ឋាន និងមន្រ្តីជំនាញ សរុបប្រមាណ ៥០រូប។ ឆ្លៀតក្នុងឱកាស នៃកិច្ចប្រជុំនេះ ឯកឧត្តម ឧត្តមសេនីយ៍ឯក យឹម លាង អគ្គស្នងការរងនគរបាលជាតិ និងជាប្រធានអង្គប្រជុំ បានចូលរួមអបអរសាទរ ព្រមទាំងកោតសរសើរ និងវាយតម្លៃខ្ពស់ដល់ថ្នាក់ដឹកនាំនាយកដ្ឋានអង្គរក្សគ្រប់ជាន់ថ្នាក់ ដែលបានបំពេញភារកិច្ចប្រកបដោយឆន្ទៈខ្ពស់ ខិតខំអស់ពីកម្លាំងកាយចិត្តរហូតទទួលបានជោគជ័យគ្រប់ភារកិច្ចនាពេលកន្លងមក។ ជាមួយគ្នានេះផងដែរ ឯកឧត្តម ឧត្តមសេនីយ៍ឯក អគ្គស្នងការរងនគរបាលជាតិ ក៏បានធ្វើការណែនាំ និងផ្តល់អនុសាសន៍ដឹកនាំមួយចំនួន ដូចខាងក្រោម៖
១-ត្រូវមានភាពស្មោះត្រង់ដាច់ខាតចំពោះជាតិ សាសនា ព្រះមហាក្សត្រ
២-ត្រូវអនុវត្តឱ្យបាននូវគោលនយោបាយនានារបស់រាជរដ្ឋាភិបាល នៃព្រះរាជាណាចក្រកម្ពុជា ជាពិសេសត្រូវប្រកាន់ខ្ជាប់នូវអភិក្រមទាំង៥ គឺ ឆ្លុះកញ្ចក់ មុជទឹក ដុសក្អែល ព្យាលបាល និងវះកាត់
៣-ត្រូវគោរពវិន័យកងកម្លាំងនគរបាលជាតិ និងបទបញ្ជានានា ដែលអគ្គស្នងការដ្ឋាននគរបាលជាតិ ក៏ដូចជាក្រសួងមហាផ្ទៃបានដាក់ចេញ ស្រមតាមប្រកាសលេខ ៨៧៣ ប្រ.ក ស្ដីពីវិន័យនគរបាលជាតិកម្ពុជា
៤-ត្រូវខិតខំបម្រើ និងមិនត្រូវឱ្យប៉ះពាល់ផលប្រយោជន៍ជាតិ និងប្រជាពលរដ្ឋ ព្រមទាំងចូលរួមសហការជាមួយអជ្ញាធរមូលដ្ឋានគ្រប់លំដាប់ថ្នាក់ ដើម្បីរួមចំណែកក្នុងការថែរក្សាសន្តិសុខ សុវត្ថិភាព ឱ្យស្របតាមគោលនយោបាយ ភូមិ-ឃុំ-សង្កាត់ មានសុវត្ថិភាព
៥-ត្រូវមានស្មារតីសាមគ្គីភាព សហការល្អ ជាមួយមិត្តរួមការងារ ជាមួយការិយាល័យ-អង្គភាព និងស្ថាប័នពាក់ព័ន្ធ
៦-ត្រូវខិតខំរៀនសូត្រលើគ្រប់ផ្នែក អំពីភារកិច្ចនគរបាល ច្បាប់ វិន័យ សីលធម៍ ជំនាញវិជ្ជាជីវៈ ដើម្បីបង្កើនសមត្ថភាពយល់ដឹង និងបទពិសោធន៍ផ្សេងៗ ក្នុងការធានារ៉ាប់រងរាល់ភារកិច្ចដែលថ្នាក់លើប្រគល់ឱ្យ
៧-ត្រូវបន្តបង្កើនគុណភាពមន្ត្រីនគរបាលអង្គរក្ស ដោយប្រកាន់យកនូវសកម្មភាពគំរូ ដែលប្រកបដោយសេចក្ដីថ្លៃថ្នូរ និងគុណធម៍សំដៅលើកស្ទួយកិត្តិយស កិត្យានុភាព និងឧត្តមភាពរបស់កងកម្លាំងនគរបាលជាតិ។

កិច្ចប្រជុំ ត្រូវបានបញ្ចប់ប្រកបដោយភាពស្និតស្នាល និងរីករាយក្រៃលែង៕

#នាយកដ្ឋានអង្គរក្ស ៖ ថ្ងៃព្រហស្បតិ៍ ៦កើត ខែបុស្ស ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី២៥ ខែធ្នូ ឆ្នាំ២០២៥។

លោកឧត្តមសេនីយ៍ឯក ជុំ សាវុឌ្ឍ ប្រធាននាយកដ្ឋានអង្គរក្ស តំណាងដ៏ខ្ពង់ខ្ពស់​ ឯកឧត្តម​ ឧត្តមសេនីយ៍ឯក​ យឹម​ លាង​ អគ្គស្នងការរងនគរបាលជាតិ​ បានអញ្ជើញជាអធិបតីដ៏ខ្ពង់ខ្ពស់ក្នុងពិធីបើក-បិទវគ្គផ្សព្វផ្សាយអនុក្រឹត្យលេខ​ ១៧៧​ អនក្រ.បក​ របស់រាជរដ្ឋាភិបាល​ ស្តីពីឯកសណ្ឋាន សញ្ញាសម្គាល់ និងទង់ជាតិនគរបាលជាតិ ព្រមទាំងរបៀបសុំច្បាប់ និងអនុញ្ញាតច្បាប់គ្រប់ប្រភេទ តាមប្រព័ន្ធបច្ចេកវិទ្យាឌីជីថល ដោយមានការចូលរួមពីសំណាក់​លោក-លោកស្រី អនុប្រធាននាយកដ្ឋានអង្គរក្ស លោកនាយការិយាល័យ​ លោកប្រធានអង្គភាព និងនាយនគរបាលជាតិគ្រប់ជាន់ថ្នាក់​ នៃនាយកដ្ឋានអង្គរក្ស​ ចំនួន​ ៨១៦រូប។

#សេចក្តីជូនដំណឹង ស្តីពីកាលបរិច្ឆេទ និងមណ្ឌលប្រឡងប្រជែងជ្រើសរើសក្របខ័ណ្ឌមន្ត្រីនគរបាល សម្រាប់ឆ្នាំ២០២៥។

នាយកដ្ឋានអង្គរក្ស សូមជូនដំណឹងដល់បេក្ខជនទាំងពីរភេទ ដែលបានដាក់ពាក្យសុំចូលរួមប្រឡងប្រជែងចូលបម្រើការងារ ក្នុងក្របខ័ណ្ឌមន្ត្រីនគរបាលជាតិសម្រាប់ឆ្នាំ២០២៥ នៅនាយកដ្ឋានអង្គរក្ស នៃអគ្គស្នងការដ្ឋាននគរបាលជាតិ ឱ្យបានជ្រាបថា ការប្រឡងនឹងប្រព្រឹត្តនៅថ្ងៃទី៣០ ខែវិច្ឆិកា ឆ្នាំ២០២៥ វេលាម៉ោង៧:០០នាទីព្រឹក។
- បេក្ខជនទាំងអស់ត្រូវទៅមើលឈ្មោះ លេខបន្ទប់ លេខតុ នៅរសៀល ថ្ងៃទី២៩ ខែវិច្ឆិកា ឆ្នាំ២០២៥ នៅមណ្ឌលប្រឡងវិទ្យាល័យ ជា ស៊ីម សន្ធរម៉ុក។

បញ្ជាក់៖ សម្រាប់ថ្ងៃប្រឡង បេក្ខជនទាំងពីរភេទត្រូវ៖
- បុរសស្លៀកពាក់ ខោជើងវែង អាវពណ៌ស ឬពណ៌ផ្ទៃមេឃ
-នារីស្លៀកពាក់ សំពត់ក្រោមក្បាលជង្គង់ អាវពណ៌ស ឬពណ៌ផ្ទៃមេឃ
-ត្រូវយកអត្តសញ្ញាណប័ណ្ណ និងបង្កាន់ដៃទទួលពាក្យមកជាមួយ
- ត្រូវយកប៊ិចដែលមានទឹកពណ៌ខៀវ (មិនមែនប៊ិកហ្វឺត)។

បម្រាម ៖ ហាមយកសំណៅឯកសារ ទូរសព្ទ ឧបករណ៍ថតសំឡេង និងឧបករណ៍អេឡិចត្រូនិកគ្រប់ប្រភេទចូលមណ្ឌលប្រឡងជាដាច់ខាត
អាស្រ័យហេតុនេះ សូមបេក្ខជនទាំងអស់ ជ្រាបជាព័ត៌មាន៕