ការិ.ស្ថានីយប្រព្រឹត្តកម្មទឹកកខ្វក់ និងហេដ្ឋា.គ្រប់គ្រងកាកសំណល់រឹង

Our last teaser post before we publish our feature article on Sunday - World Water Day! Read all about how CDIA supports Asia Pacific cities in their water supply and wastewater projects. Stay tuned.

Climate Vulnerability Study to Help Shape Investments in Four Cambodian Cities At the workshop held 19 November 2019 in Phnom Penh, CDIA presented the results of its Climate Vulnerability and Adaptation Assessment for the cities

ថ្ងៃចន្ទ ១រោច ខែអសុជ្ស ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី០៤ ខែតុលា ឆ្នាំ២០១៩
—————-
កិច្ចប្រជុំរវាងឯកឧត្តម ហេង រត្នពិសិដ្ឋ អគ្គនាយកសាធារណការ និងក្រុមការងារធនាគារពិភពលោក ដើម្បីពិភាក្សា និងពិនិត្យលទ្ធភាពក្នុងផ្តល់ជំនួយបច្ចេកទេសដល់ក្រសួងសាធារណការ និងដឹងជញ្ជូន លើការងាររៀបចំយន្តការ ក្របខណ្ឌបច្ចេកទេស យន្តការកំណត់ថ្លៃសេវា ផែនការអភិវឌ្ឍន៍ និងការកំណត់អាទិភាពពាក់ព័ន្ធនឹងការគ្រប់គ្រងកាកសំណល់ភក់។

ខណៈដែល “បេក្ខជន២.២៨១នាក់បានដាក់ពាក្យប្រឡងចូលបម្រើការងារក្នុងក្របខ័ណ្ឌមន្ត្រីរាជការក្រសួងសាធារណការ និងដឹកជញ្ជូន”
ឯកឧត្ដមប៉ាល់ ចន្ទតារា បានជំរុញឱ្យមន្ត្រីជំនាញពាក់ព័ន្ធពិភាក្សាឱ្យបានស៊ីជម្រៅអំពីបទបញ្ញត្តិ នីតិវិធីនៃការប្រឡង ដើម្បីស្វែងរកមន្ត្រីដែលជាធនធានមនុស្ស និងមានជំនាញ សមត្ថភាពពិតប្រាកដក្នុងការបម្រើសេវាសាធារណៈជូនប្រជាពលរដ្ឋ

---

ថ្ងៃសុក្រ ៩កើត ខែស្រាពណ៍ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី០៩ ខែសីហា ឆ្នាំ២០១៩ ឯកឧត្ដម ប៉ាល់ ចន្ទតារា រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានគណៈកម្មការប្រឡងជ្រើសរើសមន្ត្រីរាជការសម្រាប់ក្របខ័ណ្ឌថ្មី ឆ្នាំ២០១៩ បានអញ្ជើញដឹកនាំកិច្ចប្រជុំស្តីពីការរៀបចំនីតិវិធីសម្រាប់ការប្រឡងជ្រើសរើសមន្ត្រីរាជការក្រសួងសម្រាប់ក្របខ័ណ្ឌថ្មី ឆ្នាំ២០១៩ ដោយមានការចូលរួមពីមន្ត្រីជំនាញពាក់ព័ន្ធ។

ឯកឧត្ដមរដ្ឋលេខាធិការ បានជំរុញឱ្យមន្ត្រីជំនាញពាក់ព័ន្ធពិភាក្សាឱ្យបានស៊ីជម្រៅអំពីបទបញ្ញត្តិ នីតិវិធី នៃការប្រឡង និងចំណុចខ្វះខាតទាក់ទងនឹងការប្រឡងក្នុងឆ្នាំកន្លងមក ដើម្បីឱ្យការប្រឡងឆ្នាំនេះកាន់តែមានភាពរលូន គ្មានបាតុភាពកើតឡើង និងអាចរកឃើញមន្ត្រីដែលជាធនធានមនុស្ស និងមានជំនាញ សមត្ថភាពពិតប្រាកដក្នុងការបម្រើសេវាសាធារណៈជូនប្រជាពលរដ្ឋបាន។

សូមជម្រាបជូនថា៖ ក្រសួងសាធារណការ និងដឹកជញ្ជូនបានចេញសេចក្តីជូនដំណឹងស្តីការជ្រើសរើសសិស្ស និស្សិត និងមន្ត្រីរាជការទូទៅឱ្យចូលបម្រើការងារក្នុងក្របខ័ណ្ឌក្រសួងសម្រាប់ឆ្នាំ២០១៩ ហើយ បានសម្រេចជ្រើសរើសក្របខ័ណ្ឌប្រភេទ ក ខ និងគ ដោយផ្សព្វផ្សាយ និងជូនដំណឹងដល់បេក្ខជនឱ្យចូលរួមដាក់ពាក្យចាប់ពីថ្ងៃទី០៨ ខែកក្កដា ឆ្នាំ២០១៩ ដល់ថ្ងៃទី០៨ ខែសីហា ឆ្នាំ២០១៩។

ជាលទ្ធផល នៅថ្ងៃបិទបញ្ចប់ការទទួលពាក្យនាថ្ងៃទី០៨ ខែសីហា ឆ្នាំ២០១៩ ក្រុមការងារក្រសួងបានទទួលបេក្ខជនដាក់ពាក្យសរុបមានចំនួន២២៨១នាក់ ៕

CDIA and MPWT Sign Agreement, Launch Climate Vulnerability Study in Cambodian Cities CDIA and the Ministry of Public Works and Transport (MPWT) signed a technical assistance (TA) agreement on July 29, 2019 in Phnom Penh, Cambodia. It m

កិច្ចប្រជុំពិភាក្សាបឋមដើម្បីដំណើរការគម្រោងសិក្សាសមិទ្ធិលទ្ធភាពនៃគម្រោងការអភិវឌ្ឍដោយចីរភាពនៃទីក្រុងប្រទេសកម្ពុជា និង គម្រោងសិក្សាវាយតម្លៃពីភាពងាយរងគ្រោះ និងការបន្ស៊ាំទៅនឹងអាកាសធាតុក្នុងក្រុងចំនួន០៣ ក្នុងព្រះរាជាណាចក្រកម្ពុជា
…
នៅថ្ងៃចន្ទ ៥ កើត ខែស្រាពណ៍ ឆ្នាំកុរឯកស័ក ពុទ្ធសករាជ ២៥៦៣ ត្រូវនឹងថ្ងៃទី០៥ ខែសីហា ឆ្នាំ២០១៩ នៅសាលប្រជុំសាលាខេត្តក្រចេះ ក្រុមការងារនាយកដ្ឋានសំណង់ប្រព័ន្ធចម្រោះទឹកកខ្វក់ នៃអគ្គនាយកសាធារណការនៃក្រសួងសាធារណការ និងដឹកជញ្ជូន បានទទួលការអនុញ្ញាតជួបប្រជុំពិភាក្សាដំបូង ដើម្បីដំណើរការគម្រោងសិក្សាសមិទ្ធិលទ្ធភាពនៃគម្រោងការអភិវឌ្ឍដោយចីរភាពនៃទីក្រុងប្រទេសកម្ពុជា៖ ការអនុវត្តគម្រោងទីក្រុងប្រកបដោយបរិយាប័ន្នសម្រាប់ទីរួមខេត្តចំនួន ០៣ និងគម្រោងសិក្សាវាយតម្លៃពីភាពងាយរងគ្រោះ និងការបន្ស៊ាំទៅនឹងអាកាសធាតុ រួមមានខេត្តកំពត ខេត្តបាត់ដំបង និងខេត្តក្រចេះ ដែលការសិក្សាមានរយៈពេល ០៩ខែ ចាប់ផ្តើមពីខែសីហា ឆ្នាំ២០១៩ ដឹកនាំកិច្ចប្រជុំដោយ ឯកឧត្តម ប៉ែន លីណាត អភិបាលរងខេត្ត តំណាងដ៏ខ្ពង់ខ្ពស់ ឯកឧត្តមអភិបាលនៃគណៈអភិបាលខេត្តក្រចេះ។ សមាសភាពចូលរួមក្នុងកិច្ចប្រជុំបឋមមានតំណាងមកពីស្ថាប័នពាក់ព័ន្ឋរួមមាន តំណាងមន្ទីរពាក់ព័ន្ធក្នុងខេត្ត តំណាងពីក្រុមហ៊ុនទីប្រឹក្សាបច្ចេកទេស Egis International, Niras និងក្រុមហ៊ុនទីប្រឹក្សាបច្ចេកទេសក្នុងស្រុកជាដៃគូរ។

របៀបវារៈកិច្ចប្រជុំផ្តោតលើ៖
- ការបង្ហាញជូនពីទំហំការងារ ប្រតិទិនការងារ និងលទ្ឋផលរំពឹងទុកពីគម្រោង
- ការណែនាំខ្លួនពីដៃគូរអភិវឌ្ឍន៍ (DPs) AFD និង CDIA ដែលជាម្ចាស់ជំនួយដល់ការសិក្សាគម្រោង និងការណែនាំសមាសភាពក្រុមហ៊ុនទីប្រឹក្សាគម្រោង
- ពិភាក្សាពីនីតិវិធីនៃការទំនាក់ទំនងរវាងក្រុមហ៊ុនទីប្រឹក្សាបច្ចេកទេស និងមន្ទីរអង្គភាពពាក់ព័ន្ធ និងទិន្នន័យចាំបាច់នានា
- មតិយោបល់ សំណួរ និង ចំឡើយផ្សេងៗ
- ពិនិត្យទីតាំងក្នុងក្រុង

ទំហំការងារនៃការសិក្សារួមមាន៖
- ការធ្វើអោយបានល្អឡើងវិញនៃសេវាកម្មសាធារណៈ (ការ​ផ្គត់ផ្គង់​ទឹកស្អាត ទឹកកខ្វក់ និងប្រព័ន្ធលូ ថាមពល (ប្រព័ន្ធបណ្តាញក្រោមដី​) ភ្លើងបំភ្លឺតាមផ្លូវ និងភ្លើងចរាចរណ៍ ទូរគមនាគមន៍ (ខ្សែកាបក្រោមដី) ប្រព័ន្ធដឹកជញ្ជូន ចំណតរថយន្ត និង​ការធ្វើចលភាពដោយប្រើកម្មវិធី)
- ការងារតាមមាត់ទន្លេ (ការការពារ និងគ្រប់គ្រងមាត់ទន្លេ ការគ្រប់គ្រងហានិភ័យទឹកជំនន់ ជួសជុលស្ពានចាស់នៅបាត់ដំបង និងកំពត កំពង់ផែរបស់ក្រុងក្រចេះ និងឆ្លូង)
- បង្កើនគុណភាពនៃទីធ្លាសាធារណៈ
- ការកសាងសមត្ថភាពសម្រាប់ការគ្រប់គ្រងទីក្រុង
- គាំទ្រដល់សកម្មភាពសេដ្ឋកិច្ចជាពិសេសនៅក្នុងវិស័យវប្បធម៌​ និងទេសចរណ៍
- កសាងគម្រោងប្រកបដោយគុណភាព និងធានាចីរភាពសង្គម-បរិស្ថាន

កិច្ចប្រជុំពិភាក្សាបឋមដើម្បីដំណើរការគម្រោងសិក្សាសមិទ្ធិលទ្ធភាពនៃគម្រោងការអភិវឌ្ឍដោយចីរភាពនៃទីក្រុងប្រទេសកម្ពុជា និង គម្រោងសិក្សាវាយតម្លៃពីភាពងាយរងគ្រោះ និងការបន្ស៊ាំទៅនឹងអាកាសធាតុក្នុងក្រុងចំនួន០៣ ក្នុងព្រះរាជាណាចក្រកម្ពុជា
…
នៅថ្ងៃអង្គារ ១៤ រោច ខែអាសាឍ ឆ្នាំកុរឯកស័ក ពុទ្ធសករាជ ២៥៦៣ ត្រូវនឹងថ្ងៃទី៣០ ខែកក្កដា ឆ្នាំ២០១៩ នៅសាលប្រជុំសាលាខេត្តកំពត ក្រុមការងារនាយកដ្ឋានសំណង់ប្រព័ន្ធចម្រោះទឹកកខ្វក់ នៃអគ្គនាយកសាធារណការនៃក្រសួងសាធារណការ និងដឹកជញ្ជូន បានទទួលការអនុញ្ញាតជួបប្រជុំពិភាក្សាដំបូង ដើម្បីដំណើរការគម្រោងសិក្សាសមិទ្ធិលទ្ធភាពនៃគម្រោងការអភិវឌ្ឍដោយចីរភាពនៃទីក្រុងប្រទេសកម្ពុជា និងគម្រោងសិក្សាវាយតម្លៃពីភាពងាយរងគ្រោះ និងការបន្ស៊ាំទៅនឹងអាកាសធាតុ ដែលការអនុវត្តគម្រោងទីក្រុងប្រកបដោយបរិយាប័ន្នសម្រាប់ទីរួមក្រុង នៃខេត្តចំនួន៣ គឺខេត្តកំពត ខេត្តបាត់ដំបង និងខេត្តក្រចេះ ដែលការសិក្សាមានរយៈពេល ០៩ខែ ចាប់ផ្តើមពីខែសីហា ឆ្នាំ២០១៩ ដឹកនាំកិច្ចប្រជុំដោយ ឯកឧត្តម បុឹល កុសល តំណាងដ៏ខ្ពង់ខ្ពស់ ឯកឧត្តម ជាវ តាយ អភិបាលនៃគណៈអភិបាលខេត្តកំពត។ សមាសភាពចូលរួមក្នុងកិច្ចប្រជុំបឋមមានតំណាងមកពីស្ថាប័នពាក់ព័ន្ឋរួមមាន ទីភ្នាក់ងារបារាំងសម្រាប់ការអភិវឌ្ឍ AFD, កិ្ចចផ្តួចផ្តើមអភិវឌ្ឍន៍ទីក្រុងសម្រាប់ទ្វីបអាសុី CDIA, តំណាងមន្ទីរពាក់ព័ន្ធក្នុងខេត្ត តំណាងពីក្រុមហ៊ុនទីប្រឹក្សាបច្ចេកទេស Egis International, Niras និងក្រុមហ៊ុនទីប្រឹក្សាបច្ចេកទេសក្នុងស្រុកជាដៃគូរ។

របៀបវារៈកិច្ចប្រជុំផ្តោតលើ៖
- ការបង្ហាញជូនពីទំហំការងារ ប្រតិទិនការងារ និងលទ្ឋផលរំពឹងទុកពីគម្រោង
- ការណែនាំខ្លួនពីដៃគូរអភិវឌ្ឍន៍ (DPs) AFD និង CDIA ដែលជាម្ចាស់ជំនួយដល់ការសិក្សាគម្រោង និងការណែនាំសមាសភាពក្រុមហ៊ុនទីប្រឹក្សាគម្រោង
- ពិភាក្សាពីនីតិវិធីនៃការទំនាក់ទំនងរវាងក្រុមហ៊ុនទីប្រឹក្សាបច្ចេកទេស និងមន្ទីរអង្គភាពពាក់ព័ន្ធ និងទិន្នន័យចាំបាច់នានា
- មតិយោបល់ សំណួរ និង ចំឡើយផ្សេងៗ
- ពិនិត្យទីតាំងក្នុងក្រុង

ទំហំការងារនៃការសិក្សារួមមាន៖
- ការធ្វើអោយបានល្អឡើងវិញនៃសេវាកម្មសាធារណៈ (ការ​ផ្គត់ផ្គង់​ទឹកស្អាត ទឹកកខ្វក់ និងប្រព័ន្ធលូ ថាមពល (ប្រព័ន្ធបណ្តាញក្រោមដី​) ភ្លើងបំភ្លឺតាមផ្លូវ និងភ្លើងចរាចរណ៍ ទូរគមនាគមន៍ (ខ្សែកាបក្រោមដី) ប្រព័ន្ធដឹកជញ្ជូន ចំណតរថយន្ត និង​ការធ្វើចលភាពដោយប្រើកម្មវិធី)
- ការងារតាមមាត់ទន្លេ (ការការពារ និងគ្រប់គ្រងមាត់ទន្លេ ការគ្រប់គ្រងហានិភ័យទឹកជំនន់ ជួសជុលស្ពានចាស់នៅបាត់ដំបង និងកំពត កំពង់ផែរបស់ក្រុងក្រចេះ និងឆ្លូង)
- បង្កើនគុណភាពនៃទីធ្លាសាធារណៈ
- ការកសាងសមត្ថភាពសម្រាប់ការគ្រប់គ្រងទីក្រុង
- គាំទ្រដល់សកម្មភាពសេដ្ឋកិច្ចជាពិសេសនៅក្នុងវិស័យវប្បធម៌​ និងទេសចរណ៍
- កសាងគម្រោងប្រកបដោយគុណភាព និងធានាចីរភាពសង្គម-បរិស្ថាន

កម្មវិធីទទួលស្វាគមន៍កម្មសិក្សាការីកូរ៉េចុះមកបំពេញទស្សនកិច្ចសិក្សានៅក្រសួងសាធារណការ និងដឹកជញ្ជូន
---
ថ្ងៃចន្ទ ១៤កើត ខែអាសាឍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១៥ ខែកក្កដា ឆ្នាំ២០១៩ នៅទីស្ដីការក្រសួងសាធារណការ និងដឹកជញ្ជូន ឯកឧត្តម វ៉ាស៊ឹម សូរិយ៉ា អគ្គនាយក នៃអគ្គនាយកដ្ឋានរដ្ឋបាល និងហិរញ្ញវត្ថុ បានអញ្ជើញជាអធិបតីក្នុងកម្មវិធីទទួលស្វាគមន៍កម្មសិក្សាការីកូរ៉េចុះមកបំពេញទស្សនកិច្ចសិក្សានៅក្រសួងសាធារណការ និងដឹកជញ្ជូន ដែលដឹកនាំដោយលោកសាស្ត្រាចារ្យ CHUNHO YEOM ប្រធានគណៈប្រតិភូ និងជាសាស្ត្រាចារ្យ នៃសាកលវិទ្យាល័យ SEOUL។

ថ្លែងក្នុងកម្មវិធីទទួលស្វាគមន៍កម្មសិក្សាការីកូរ៉េនាឱកាសនោះ ឯកឧត្ដមអគ្គនាយកបានជម្រាបគណៈប្រតិភូពីចក្ខុវិស័យរបស់រាជរដ្ឋាភិបាលកម្ពុជាក្នុងការអភិវឌ្ឍខ្លួនទៅជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសដែលមានចំណូលកម្រិតខ្ពស់នៅឆ្នាំ២០៥០។

លើសពីនេះទៅទៀត ឯកឧត្ដមអគ្គនាយកបានបង្ហាញគណៈប្រតិភូពីតួនាទីរបស់ក្រសួងសាធារណការ និងដឹកជញ្ជូន ក្នុងការចូលរួមអនុវត្តឱ្យសម្រេចបាននូវចក្ខុវិស័យខាងលើ ដោយផ្អែកលើផែនការយុទ្ធសាស្ត្រជាតិ ក៏ដូចជាផែនការមេរបស់ក្រសួងសាធារណការ និងដឹកជញ្ជូន ជាពិសេសផែនការមេគ្រប់គ្រងទឹកកខ្វក់ និងទឹកភ្លៀង។

សូមបញ្ជាក់ថា៖ គណៈប្រតិភូកម្មសិក្សាការីកូរ៉េចុះមកបំពេញទស្សនកិច្ចសិក្សានៅក្រសួងសាធារណការ និងដឹកជញ្ជូននាពេលនេះ មានចំនួន១១រូប ដោយបំពេញទស្សនកិច្ចសិក្សារយៈពេល៣ថ្ងៃ គឺនៅថ្ងៃទី១៥ ទី១៦ និងទី១៩ ខែកក្កដា ឆ្នាំ២០១៩។ កម្មសិក្សានេះផ្ដោតជាសំខាន់លើការគ្រប់គ្រងទឹកកខ្វក់នៅកម្ពុជា ក៏ដូចជាការចែករំលែកបទពិសោធន៍ល្អលើវិស័យនេះពីសំណាក់គណៈប្រតិភូផងដែរ។

ឯកឧត្តមអគ្គនាយកបានសម្ដែងនូវការទទួលស្វាគមន៍យ៉ាងកក់ក្ដៅ និងថ្លែងអំណរគុណយ៉ាងជ្រាលជ្រៅចំពោះគណៈប្រតិភូដែលបានសម្រេចជ្រើសរើសយកក្រសួងសាធារណការ និងដឹកជញ្ជូន ដើម្បីធ្វើកម្មសិក្សាលើប្រធានបទជាក់លាក់របស់ខ្លួន និងបានផ្ដាំផ្ញើដល់មន្ត្រីពាក់ព័ន្ធចូលរួមសួរដេញដោល ចែករំលែក និងក្រេបយកចំណេះដឹង និងបទពិសោធន៍ដ៏មានតម្លៃទាំងនេះទុកជាឈ្នាន់ក្នុងការអភិវឌ្ឍខ្លួន និងប្រទេសជាតិមាតុភូមិរបស់យើង។

«កិច្ចប្រជុំពិគ្រោះយោបល់ និងស្នើសុំការគាំទ្រលើគម្រោងសិក្សាវាយតម្លៃពីភាពងាយរងគ្រោះ និងការបន្ស៊ាំទៅនឹងអាកាសធាតុ»

កាលពីព្រឹកថ្ងៃអង្ការ ១កើត ខែអាសាឍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០២ ខែកក្កដា ឆ្នាំ២០១៩ នៅសាលប្រជុំរដ្ឋបាលសាលាខេត្តក្រចេះ ក្រុមការងារនាយកដ្ឋានសំណង់ប្រព័ន្ធចម្រោះទឹកកខ្វក់នៃអគ្គនាយកដ្ឋានសាធារណការ បានទទួលការអនុញ្ញាតជួបប្រជុំពិគ្រោះយោបល់ និងស្នើសុំការគាំទ្រលើគម្រោងសិក្សាវាយតម្លៃពីភាពងាយរងគ្រោះ និងការបន្ស៊ាំទៅនឹងអាកាសធាតុ ដែលទទួលបានជំនួយហិរញ្ញប្បទានពី Cities Development Initiative for Asia (http://cdia.asia/) ដែលនឹងត្រូវភ្ជាប់នូវលទ្ធផលសិក្សានេះទៅនឹងគម្រោងសិក្សាសមិទ្ធិលទ្ធភាពនៃគម្រោងការអភិវឌ្ឍដោយចីរភាពនៃទីក្រុងប្រទេសកម្ពុជា៖ ការអនុវត្តគម្រោងទីក្រុងប្រកបដោយបរិយាប័ន្នសម្រាប់ទីរួមខេត្ត ៣ (ក្រុងក្រចេះ-ឆ្លូង ក្រុងបាត់ដំបង និងក្រុងកំពត) ដែលបានទទួលជំនួយហិរញ្ញប្បទានពីទីភ្នាក់ងារបារាំងសម្រាប់ការអភិវឌ្ឍ ដើម្បីធានាថាការវិនិយោគលើហេដ្ឋារចនាសម្ព័ន្ធប្រកបដោយនិរន្តរភាព មានភាពធន់នឹងអាកាសធាតុ បរិយាប័ន្ន ការគិតគូរដល់សហគមន៍ងាយរងគ្រោះ និងអភិបាលកិច្ចល្អ។ កិច្ចប្រជុះនេះដឹកនាំដោយ ឯកឧត្តម ខ័ណ្ឌ ចំណាន អភិបាលរងខេត្ត ដោយមានការចូលរួមពីតំណាងមន្ទីរពាក់ព័ន្ធ និងរដ្ឋបាលក្រុងក្រចេះ និងក្រុងឆ្លូង។

គម្រោងសិក្សាវាយតម្លៃពីភាពងាយរងគ្រោះ និងការបន្ស៊ាំទៅនឹងអាកាសធាតុ មានគោលបំណង៖
១. ដើម្បីប្រមូលទិន្នន័យចាំបាច់ និងវាយតម្លៃស្ថានភាពបច្ចុប្បន្ននៃហេដ្ឋារចនាសម្ព័ន្ធទីក្រុង និងអាកាសធាតុក្នុងក្រុងគោលដៅទាំង៤។
២. ដើម្បីកំណត់វិស័យ និងតំបន់អាទិភាពដែលត្រូវធ្វើឱ្យប្រសើរឡើងវិញ ដោយគិតបញ្ចូលនូវផលប៉ះពាល់ដែលបណ្តាលមកពីបម្រែបម្រួលអាកាសធាតុ។
៣. ដើម្បីផ្តល់អនុសាសន៍ក្នុងការកំណត់ការអន្តរាគមន៍អាទិភាព និងអនុគម្រោងការបន្ស៊ាំទៅនឹងអាកាសធាតុ ដែលផ្តល់ការការពារដល់សហគមន៍ងាយរងគ្រោះ

ជាលទ្ធផលនៃកិច្ចប្រជុំ ឯកឧត្តមអភិបាលរងខេត្ត តំណាងមន្ទីរពាក់ព័ន្ធ និងរដ្ឋបាលក្រុងក្រចេះ និងក្រុងឆ្លូង បានបង្ហាញនូវការគាំទ្រយ៉ាងពេញទំហឹងចំពោះគម្រោងសិក្សានេះ ហើយសង្ឃឹមយ៉ាងមុតមាំថាក្រុងទាំងពីរនឹងទទួលបានការអភិវឌ្ឍមួយប្រកបដោយនិរន្តរភាព និងបរិយាប្ន័ន។