ក្រសួងធម្មការនិងសាសនា

ថ្នាក់ដឹកនាំ និងមន្ត្រីរាជការទាំងអស់ នៃក្រសួងធម្មការនិងសាសនា ចេញញត្តិគាំទ្រ ចំពោះការសម្រេចចិត្តរបស់ រាជរដ្ឋាភិបាល ក្នុងការជូនដំណឹងទៅភាគីថៃ និងអគ្គលេខាធិការ អ.ស.ប ដើម្បីចាប់ផ្តើមដំណើរការយន្តការផ្សះផ្សាដោយបង្ខំ។

ឯកឧត្តម ចាយ បូរិន រដ្ឋមន្រ្តីក្រសួងធម្មការនិងសាសនា បានចាត់ឱ្យ ឯកឧត្តម ឆាត សុឆេត រដ្ឋលេខាធិការនិងជាអ្នកនាំពាក្យ ចូលរួមពិធីបើកវេទិកាពិភាក្សាមហាអនុតំបន់មេគង្គ ស្តីពីយុទ្ធនាការប្រឆាំងព័ត៌មានក្លែងក្លាយ ក្រោមប្រធានបទ «ការកសាងទំនុកចិត្តក្នុងតំបន់ ភាពធន់នឹងប្រព័ន្ធឌីជីថល និងការចែករំលែកព័ត៌មានប្រកបដោយការទទួលខុសត្រូវ» ក្រោមអធិបតីភាព ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន នៅសណ្ឋាគារ Sun & Moon Riverside រាជធានីភ្នំពេញ។

វេទិកានេះមានការចូលរួមពីតំណាងស្ថានទូតចិន និងស្ថានទូតនៃបណ្តាប្រទេសអាស៊ានប្រចាំកម្ពុជា មន្ត្រីនាំពាក្យរាជរដ្ឋាភិបាល មន្ត្រីអ្នកនាំពាក្យគ្រប់ក្រសួង-ស្ថាប័ន និងរាជធានី-ខេត្ត ប្រតិបត្តិករក្នុងវិស័យព័ត៌មាន អ្នកសារព័ត៌មាន សមាគមអ្នកសារព័ត៌មាន អ្នកផលិតមាតិកា ភ្ញៀវជាតិ និងអន្តរជាតិមកពីបណ្តាប្រទេសជាសមាជិកមហាអនុតំបន់មេគង្គរួមមាន៖ កម្ពុជា ចិន ឡាវ វៀតណាមនិងមីយ៉ាន់ម៉ា ចំនួនប្រមាណ២០០នាក់៕
…………………….
ថ្ងៃអង្គារ ២រោចខែជេស្ឋ ឆ្នាំមមីអដ្ឋស័ក ព.ស.២៥៧០
ត្រូវនឹងថ្ងៃទី២ ខែមិថុនា ឆ្នាំ២០២៦

មន្ទីរធម្មការនិងសាសនាខេត្តតាកែវ សហការជាមួយអាជ្ញាធរ អញ្ជើញលោក ឡូញ គីមតូ មកធ្វើកិច្ចសន្យា

១.លុបរាល់រូបភាព/វិដេអូ ដែលបានបង្ហោះធ្វើឱ្យប៉ះពាល់ដល់ប្រពៃណី ទំនៀម ទម្លាប់ ព្រះពុទ្ធសាសនា សណ្តាប់ធ្នាប់សង្គម និងភាពថ្លៃថ្នូររបស់សង្គមជាតិ តាមបណ្តាញសង្គមទាំងអស់ឱ្យអស់។
២.សូមអំពាវនាវដល់បងប្អូនដែលប្រើប្រាស់បណ្តាញសង្គមទាំងអស់ សូមមេត្តាកុំយករូប ភាព/វីដេអូ របស់ខ្ញុំបាទ ទៅត្រូល ទៅបង្ហោះបន្ត នៅតាមបណ្តាញសង្គមគ្រប់ប្រភេទ និង សូមជួយលុប នូវរាល់រូបភាព/វីដេអូរបស់ខ្ញុំបាទ ទាំងអស់ចេញវិញផង។

៣.បើបងប្អូននៅតែបន្តថតចម្លងបង្ហោះចែកចាយតទៅទៀតខ្ញុំបាទ មិនទទួលខុសត្រូវឡើយ ហើយបងប្អូនត្រូវទទួលខុសត្រូវចំពោះមុខច្បាប់ជាធរមានដោយខ្លួនឯង។

៤.សូមសន្យាមិនឱ្យទង្វើរបស់ខ្ញុំបាទ កើតមានឡើងជាថ្មីម្តងទៀតឡើយ បើសិនខ្ញុំថតរូបឬផលិតវិដេអូបង្ហោះអំពីគ្រូបារមី គ្រូសណ្ឋិតផ្សេងៗ ដែលធ្វើឱ្យប៉ះពាល់ប្រពៃណី ទំនៀមទម្លាប់ សាសនា សណ្តាប់ធ្នាប់សង្គមយកទៅបង្ហោះលើបណ្តាញសង្គមបន្តទៀត ខ្ញុំសូមឱ្យសមត្ថកិច្ចចាត់ចែងតាមផ្លូវ ច្បាប់។

លោកបានសន្យាចំពោះមុខអាជ្ញាធរមានសមត្ថកិច្ចទាំងអស់ថា មិនឱ្យមាននូវអំពើទាំងអស់នេះ កើតមានលើកក្រោយទៀតឡើយ។ បើសិនជាមានបន្តទៀត ខ្ញុំបាទ សូមឱ្យសមត្ថកិច្ចគ្រប់លំដាប់ ថ្នាក់ ចាត់ចែងតាមផ្លូវច្បាប់។

ឯកឧត្តម ចាយ បូរិន រដ្ឋមន្រ្តីក្រសួងធម្មការនិងសាសនា
អញ្ជើញចូលរួមពិធី អបអរសាទរទិវាកុមារអន្តរជាតិ ១មិថុនា និងប្រកាសតែងតាំងទូតសុឆន្ទៈយូនីសេហ្វប្រចាំកម្ពុជា ក្រោមអធិបតីភាពដ៏ខ្ពង់ខ្ពស់ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត។
……………………..
ថ្ងៃចន្ទ ១រោច ខែជេស្ឋ ឆ្នាំមមី អដ្ឋស័ក ព.ស.២៥៧០
ត្រូវនឹងថ្ងៃទី១ ខែមិថុនា ឆ្នាំ២០២៦

សេចក្តីអំពាវនាវ
ក្រសួងវប្បធម៌និងវិចិត្រសិល្បៈ និង ក្រសួងធម្មការនិងសាសនា

អបអរសាទរ ខួបទី៧៧ ទិវាកុមារអន្តរជាតិ (១មិថុនា)
ក្រោមប្រធានបទ៖ «សន្តិភាព ជាមូលដ្ឋានគ្រឹះនៃការគោរពនិងកិច្ចគាំពារសិទ្ធិកុមារ»
១​ មិថុនា​ ១៩៤៩​ -​ ១​ មិថុនា​ ២០២៦

អបអរសាទរ ទិវាពិភពលោកគ្មានថ្នាំជក់
World No To***co Day
ខួបលើកទី ៣៩ ៣១ ឧសភា ១៩៨៧ - ៣១ ឧសភា ២០២៦