រោងចក្រផលិតឧបករណ៍សិប្បនិម្មិត-Orthopedic Component Factory-OCF

ព្រឹកថ្ងៃព្រហស្បតិ៍ ទី៥ ខែកុម្ភៈ ឆ្នាំ២០២៦ អង្គការ ICRC ប្រចាំកម្ពុជា និង Mine-Ex Foundation បានអញ្ជើញមកទស្សនកិច្ចការងារ នៅរោងចក្រផលិតឧបករណ៍សិប្បនិម្មិត។

ថ្ងៃពុធ ១០រោច ខែភទ្របទ ឆ្នាំម្សាញ់ ឆស័ក ព.ស ២៥៦៩
ត្រូវនឹងថ្ងៃទី១៧ខែកញ្ញា ឆ្នាំ២០២៥
ក្រុមបច្ចេកទេសពីមជ្ឈមណ្ឌលស្ដារលទ្ធភាពពលកម្មកាយសម្បទាជាតិពី ប្រទេសទីម័រ បានធ្វើទស្សនកិច្ចសិក្សានៅក្នុងរោងចក្រផលិតឧបករណ៍សិប្បនិម្មិត ដើម្បីយល់ដឹងពីវិធីសាស្រ្តផលិតគ្រឿងឧបករណ៍សិប្បនិម្មិត និងរណប។

នាថ្ងៃទី២៥ ខែសីហា ឆ្នាំ២០២៥ ក្រុមការងារនៃរោងចក្រផលិតអវយវៈសិប្បនិម្មិតដឹកនាំដោយលោក ជួន ឡេង នាយករងមូលនិធិជនពិការ បានចុះមកតាមដានត្រួតពិនិត្យបន្ថែមលើគុណភាព និងការតម្លើងឧបករណ៍អវយវៈសិប្បនិម្មិតរណ និងឧបករណ៍ទ្រទ្រង់រាងកាយនៅមជ្ឈមណ្ឌលស្តារលទ្ធភាពពលកម្មខេត្តព្រះសីហនុ។

ខេត្តកណ្ដាល៖ រសៀលថ្ងៃព្រហស្បតិ៍ ទី២៦ ខែមិថុនា ឆ្នាំ២០២៥ ឯកឧត្ដម ជា សុមេធី រដ្ឋមន្រ្ដីក្រសួងសង្គមកិច្ច អតីតយុទ្ធជន និងយុវនីតិសម្បទា បានអញ្ជើញចូលរួមពិធីគោរពវិញ្ញាណក្ខន្ធសព លោក ហឿង សុផាន់ណា ប្រធានរោងចក្រផលិតឧបករណ៍សិប្បនិម្មិត បានទទួលមរណភាពកាលពី ថ្ងៃព្រហស្បតិ៍ ១កើត ខែអាសាឍ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី២៦ ខែមិថុនា ឆ្នាំ២០២៥ វេលាម៉ោង ០៧:៣០ នាទីព្រឹក ក្នុងជន្មាយុ ៤៥ឆ្នាំ ដោយរោគាពាធ ដែលប្រារព្ធធ្វើនៅក្រុងតាខ្មៅ ខេត្តកណ្ដាល។

ដំណឹងមរណៈភាព
ដោយទទួលបាននូវព័ត៍មានយ៉ាងក្តុកក្តួលបំផុត ចំពោះលោក ហឿង សុផាន់ណា ប្រធានរោងចក្រផលិតឧបករណ៍សិប្បនិម្មិត បានទទួលមរណៈភាព នៅថ្ងៃព្រហស្បតិ៍ ១កើត ខែអាសាឍ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី២៦ ខែមិថុនា ឆ្នាំ២០២៥ វេលាម៉ោង ៧:៣០ នាទីព្រឹក ក្នុងជន្មាយុ ៤៦ឆ្នាំ ដោយរោគាពាធ។ យើងខ្ញុំទាំងអស់គ្នាជាមន្ត្រីរាជការ និងបុគ្គលិកជាប់កិច្ចសន្យាទាំងអស់ នៃរោងចក្រផលិតឧបករណ៍សិប្បនិម្មិតពិតជាមានការសោកស្តាយយ៉ាងក្រៃលែង ដោយបាត់បង់លោកប្រធានរោងចក្រដ៏ល្អម្នាក់នេះ និងសូមចូលរួមរំលែកទុក្ខយ៉ាងក្រៀមក្រំបំផុតជាមួយក្រុមគ្រួសារនៃសព និងសូមឲ្យដួងវិញ្ញាណក្ខ័ន្ធលោក ហឿង សុផាន់ណា ប្រធានរោងចក្រផលិតឧបករណ៍សិប្បនិម្មិត បានទៅកាន់ឋានសុគតិភពកុំបីឃ្លៀងឃ្លាតឡើយ 🙏🏻🙏🏻🙏🏻។
សពដម្កល់ទុក និងធ្វើបុណ្យទក្ខិណានុប្បទានតាមប្រពៃណីជាតិ និងព្រះពុទ្ធសាសនា នៅផ្ទះលេខ៦៧ ផ្លូវលេខ៤ បុរីពិភពថ្មី១ ក្រុងតាខ្មៅ ជាប់បន្ទាយអង្គរក្ស។

សារលិខិតជូនពរ ឯកឧត្ដម និងលោកជំទាវ ថ្នាក់ដឹកនាំក្រសួងសង្គមកិច្ច អតីតយុទ្ធជន និងយុវនីតិសម្បទា ទាំងអស់ ក្នុងឱកាសបុណ្យចូលឆ្នាំថ្មីប្រពៃណីខ្មែរខាងមុខនេះ ដោយក្ដីគោរពដ៏ខ្ពង់ខ្ពស់🙏🙏🙏។

សារលិខិតជូនពរ លោក ហឿង សុផាន់ណា ប្រធានរោងចក្រផលិតឧបករណ៍សិប្បនិម្មិត ក្នុងឱកាសពិធីបុណ្យចូលឆ្នាំថ្មីប្រពៃណីខ្មែរខាងមុខនេះ ដោយក្ដីគោរព🙏🙏🙏។