MoEYS Cambodia

Call Directions Website Contact the organization

MoEYS Cambodia ទំព័របណ្ដាញ Facebook ផ្លូវការតែមួយគត់របស់ក្រសួងអប់រំ យុវជន និងកីឡា
(18851)

ទំព័របណ្ដាញ Facebook ផ្លូវការតែមួយគត់របស់ក្រសួងអប់រំ យុវជន និងកីឡា
Official page of the Ministry of Education, Youth and Sport of Cambodia

សេចក្ដីប្រកាសព័ត៌មានស្ដីពីការប្រារព្ធទិវាគ្រូបង្រៀន ៥ តុលា ២០២៦
04/10/2026

សេចក្ដីប្រកាសព័ត៌មានស្ដីពីការប្រារព្ធទិវាគ្រូបង្រៀន ៥ តុលា ២០២៦

04/10/2026

ផ្សាយផ្ទាល់៖ពិធីប្រកាសជ័យលាភី កម្មវិធីប្រឡងប្រកួតប្រជែង តែងនិពន្ធ ពានរង្វាន់ «សម្ដេចព្រះសង្ឃរាជ ជួន ណាត» និងស្មូតកំណាព្យ ពានរង្វាន់ «ព្រះភិរម្យភាសាអ៊ូ ហៅ ង៉ុយ» អបអរសាទរ ទិវាគ្រូបង្រៀន ៥ តុលា ២០២៦

ពិធីរាយការណ៍ និងបិទកម្មវិធី The Civic Action Bootcamp​ខេត្តសៀមរាប៖ នាថ្ងៃទី០២ ខែតុលា ឆ្នាំ២០២៦ ក្រោមអធិបតីភាព លោកជំទាវ ស...
04/10/2026

ពិធីរាយការណ៍ និងបិទកម្មវិធី The Civic Action Bootcamp

​ខេត្តសៀមរាប៖ នាថ្ងៃទី០២ ខែតុលា ឆ្នាំ២០២៦ ក្រោមអធិបតីភាព លោកជំទាវ ស្រូយ សុជាតិ អគ្គនាយកនៃអគ្គនាយកដ្ឋានយុវជន ក្រសួងអប់រំ យុវជន និងកីឡា និងលោកជំទាវ ម៉ននី រង្សី អភិបាលរងនៃគណៈអភិបាលខេត្តសៀមរាប នៅមជ្ឈមណ្ឌលជាតិយុវជនកម្ពុជា។

​ពិធីនេះមានការចូលរួមពីសំណាក់ថ្នាក់ដឹកនាំអគ្គនាយកដ្ឋានយុវជន រដ្ឋបាលខេត្តសៀមរាប តំណាងមន្ទីរអប់រំ យុវជន និងកីឡាខេត្តសៀមរាប មជ្ឈមណ្ឌលជាតិយុវជនខេត្តសៀមរាប និងមជ្ឈមណ្ឌលអាមេរិកាំងសៀមរាប និងអ្នកសម្របសម្រួល និងប្អូនៗសិក្ខាកាមយុវជនសរុបចំនួន ២០នាក់ (បែងចែកជា ៤ក្រុម)។
​ជាកិច្ចចាប់ផ្ដើម លោក ទុយ ច័ន្ទសុបញ្ញា អនុប្រធានការិយាល័យកិច្ចការយុវជនអន្តរជាតិ ក្នុងនាមជាប្រធានដឹកនាំគម្រោង និងជាអតីតសិក្ខាកាម YSEALI PFP បានជម្រាបជូនអង្គពិធីអំពីរបាយការណ៍សង្ខេប និងលទ្ធផលនៃការអនុវត្តគម្រោង។ លោកបានបញ្ជាក់ថា គម្រោងរបស់ក្រុមយុវជននីមួយៗសុទ្ធសឹងតែបង្កើតឡើងក្នុងគោលបំណងឆ្លើយតបទៅនឹងបញ្ហាប្រឈមសង្គមជាក់ស្ដែងនៅតាមសហគមន៍ជនបទ ដោយរួមបញ្ចូលគំនិតច្នៃប្រឌិត ភាពជាអ្នកដឹកនាំ បំណិនសតវត្សរ៍ទី២១ និងការចូលរួមជាពលរដ្ឋសកម្ម ដើម្បីយកទៅប្រើប្រាស់ក្នុងសង្គមបានជាក់ស្ដែង។

​នាឱកាសនោះ លោកជំទាវអគ្គនាយកនៃអគ្គនាយកដ្ឋានយុវជន និងលោកជំទាវអភិបាលរងខេត្ត បានសម្ដែងនូវការកោតសរសើរចំពោះបេក្ខជនទាំងអស់ដែលមានភាពក្លាហាន និងការប្ដេជ្ញាចិត្តខ្ពស់ក្នុងកម្មវិធីនេះ។ កម្មវិធី The Civic Action Bootcamp អាចចាត់ទុកថា ជាវេទិកាសិក្សាមួយសម្រាប់អភិវឌ្ឍ និងបណ្ដុះសមត្ថភាពយុវជននៅតាមតំបន់ជនបទប្រកបដោយគុណភាព ដើម្បីប្រកបជាប្រយោជន៍ជូនដល់សហគមន៍ និងសង្គមជាតិ។

​បន្ថែមពីនេះ លោកជំទាវបានលើកឡើងថា ការចូលរួមរបស់យុវជនក្នុងសកម្មភាពសង្គមនាពេលនេះ គឺជាកម្លាំងចលករយ៉ាងសំខាន់ក្នុងការជំរុញការអភិវឌ្ឍពីបាតគ្រឹះ និងបង្ហាញពីកិច្ចខិតខំប្រឹងប្រែងរួមគ្នារវាងស្ថាប័នរដ្ឋ ដៃគូអន្តរជាតិ និងវិស័យឯកជន ក្នុងការលើកកម្ពស់សមត្ថភាពយុវជនកម្ពុជា។

​គួរបញ្ជាក់ផងដែរថា គំនិតផ្ដួចផ្ដើម The Civic Action Bootcamp គឺជាគម្រោងផ្លាស់ប្ដូរទៅវិញទៅមកនៃកម្មវិធី YSEALI (YSEALI Reciprocal Exchange Project) ដែលទទួលបានការឧបត្ថម្ភថវិកាផ្លូវការពីការិយាល័យកិច្ចការអប់រំ និងវប្បធម៌នៃក្រសួងការបរទេសសហរដ្ឋអាមេរិក (U.S. Department of State Bureau of Educational and Cultural Affairs) តាមរយៈស្ថានទូតអាមេរិកប្រចាំកម្ពុជា ដោយមានកិច្ចសហការអនុវត្តរវាងអគ្គនាយកដ្ឋានយុវជននៃក្រសួងអប់រំ យុវជន និងកីឡា និងស្ថាប័ន spectrUM Discovery Area នៃសាកលវិទ្យាល័យម៉ុងតាន៉ា សហរដ្ឋអាមេរិក (University of Montana, USA) ក្រោមការដឹកនាំរួមគ្នារបស់លោក ទុយ ច័ន្ទសុបញ្ញា និងសហការីជាតិអាមេរិក អ្នកនាង Caitlin Ervin។

​ឆ្លៀតក្នុងឱកាសនេះ លោកជំទាវអធិបតី សូមថ្លែងអំណរគុណយ៉ាងជ្រាលជ្រៅចំពោះស្ថានទូតអាមេរិកប្រចាំកម្ពុជា កម្មវិធី YSEALI ក្រុមការងារដឹកនាំ និងសម្របសម្រួល ដៃគូឧបត្ថម្ភទីតាំង (មជ្ឈមណ្ឌលជាតិយុវជនកម្ពុជា និងមជ្ឈមណ្ឌលអាមេរិកាំងសៀមរាប) ព្រមទាំងក្រុមហ៊ុន Yoe’s Cambodia ដែលបានចូលរួមឧបត្ថម្ភភេសជ្ជៈ និងគាំទ្រយ៉ាងពេញទំហឹង ក្នុងការផ្ដល់ឱកាសឱ្យយុវជនកម្ពុជារបស់យើងអាចរៀន អាចសាកល្បង និងអាចបង្ហាញសមត្ថភាពរបស់ខ្លួនប្រកបដោយសក្ដានុពល៕

​គេហទំព័រ និងបណ្ដាញសង្គម៖ https://linktr.ee/moeyscambodia

​

សូមអនុមោទនា ពិធីបុណ្យកាន់បិណ្ឌ៨ សូមអនុមោទនា ពិធីបុណ្យកាន់បិណ្ឌ៨ ថ្ងៃអាទិត្យ ៨រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូ...
04/10/2026

សូមអនុមោទនា ពិធីបុណ្យកាន់បិណ្ឌ៨ សូមអនុមោទនា ពិធីបុណ្យកាន់បិណ្ឌ៨ ថ្ងៃអាទិត្យ ៨រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៤ ខែតុលា ឆ្នាំ២០២៦

#បិណ្ឌ៨ #ភ្ជុំបិណ្ឌ

សូមរង់ចាំទស្សនា វេទិកាពិភាក្សាតុមូល ក្រោមប្រធានបទ៖ «គរុកោសល្យទំនើប ដើម្បីលើកកម្ពស់បំណិនសតវត្សរ៍ទី២១ ឆ្ពោះទៅ PISA» ក្នុងក...
03/10/2026

សូមរង់ចាំទស្សនា វេទិកាពិភាក្សាតុមូល ក្រោមប្រធានបទ៖ «គរុកោសល្យទំនើប ដើម្បីលើកកម្ពស់បំណិនសតវត្សរ៍ទី២១ ឆ្ពោះទៅ PISA» ក្នុងកម្មវិធីអបអរសាទរទិវាគ្រូបង្រៀន ៥ តុលា ដែលប្រព្រឹត្តទៅនៅថ្ងៃទី៥ ខែតុលា ឆ្នាំ២០២៦ នៅវិទ្យាស្ថានជាតិអប់រំ ដែលមានផ្សាយផ្ទាល់នៅលើទំព័រហ្វេសប៊ុកផ្លូវការរបស់ក្រសួងអប់រំ យុវជន និងកីឡា MoEYS Cambodia នាវេលាម៉ោង ២:០០ នាទីរសៀល។

#ទិវាគ្រូបង្រៀន

កម្មវិធីប្រឡងប្រណាំងតែងនិពន្ធពានរង្វាន់សម្ដេចសង្ឃរាជ ជួន ណាត និងស្មូតកំណាព្យពានរង្វាន់ព្រះភិរម្យភាសាអ៊ូ ហៅ ង៉ុយ ដើម្បីអប...
03/10/2026

កម្មវិធីប្រឡងប្រណាំងតែងនិពន្ធពានរង្វាន់សម្ដេចសង្ឃរាជ ជួន ណាត និងស្មូតកំណាព្យពានរង្វាន់ព្រះភិរម្យភាសាអ៊ូ ហៅ ង៉ុយ ដើម្បីអបអរសាទរទិវាគ្រូបង្រៀន ០៥ តុលា ២០២៦

រាជធានីភ្នំពេញ៖ ក្រសួងអប់រំ យុវជន និងកីឡា បានរៀបចំកម្មវិធីប្រឡងប្រណាំងជ្រើសរើសជ័យលាភីថ្នាក់ជាតិចំណាត់ថ្នាក់លេខ១ ដល់លេខ៣ តែងនិពន្ធពានសម្ដេចសង្ឃរាជ ជួន ណាត និងស្មូតកំណាព្យពានរង្វាន់ព្រះភិរម្យភាសាអ៊ូ ហៅ ង៉ុយ ដើម្បីអបអរសាទរទិវាគ្រូបង្រៀន ០៥ តុលា ២០២៦ ក្រោមប្រធានបទដ៏មានអត្ថន័យជ្រាលជ្រៅគឺ៖ «គ្រូបង្រៀនជាសសរស្ដម្ភនៃគរុកោសល្យទំនើប ដើម្បីកសាងធនធានមនុស្សសតវត្សរ៍ទី២១»។

កម្មវិធីនេះប្រព្រឹត្តទៅក្រោមអធិបតីភាព ឯកឧត្តមបណ្ឌិតសភាចារ្យ ណាត ប៊ុនរឿន រដ្ឋលេខាធិការក្រសួងអប់រំ យុវជន និងកីឡា និងមានការចូលរួមពីថ្នាក់ដឹកនាំក្រសួងអប់រំ យុវជន និងកីឡា ដែលជាគណៈកម្មការ លោកគ្រូ អ្នកគ្រូ និងបេក្ខជនជាច្រើនរូប។

ទិវាគ្រូបង្រៀននេះបានប្រព្រឹត្តទៅក្នុងគោលបំណង ដើម្បីជាការបំផុសនូវគ្រប់ភូមិសិក្សាទូទាំងប្រទេស និងរំលឹកពីគុណបំណាច់របស់គ្រូបង្រៀន ដែលបានចំណាយពេលវេលា កម្លាំងកាយ កម្លាំងចិត្ត ស្មារតី និងវិជ្ជាជីវៈ ក្នុងការបំពេញភារកិច្ចជាអ្នកបណ្ដុះបណ្ដាលដើម្បីផ្ទេរនូវតម្លៃ ព្រមទាំងទូន្មានឱ្យសិស្សានុសិស្សធ្វើតែអំពើល្អ ដឹងគុណគ្រូបង្រៀន៕

គេហទំព័រ និងបណ្ដាញសង្គម៖ https://linktr.ee/moeyscambodia

#ទិវាគ្រូបង្រៀន

ពិធីសំណេះសំណាលជាមួយសិស្សានុសិស្សដែលទទួលបាននិទ្ទេស A នៃស្រុកកងមាស ខេត្តកំពង់ចាម ក្នុងការប្រឡងសញ្ញាបត្រមធ្យមសិក្សាទុតិយភូម...
03/10/2026

ពិធីសំណេះសំណាលជាមួយសិស្សានុសិស្សដែលទទួលបាននិទ្ទេស A នៃស្រុកកងមាស ខេត្តកំពង់ចាម ក្នុងការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ១០ សីហា ២០២៦

ខេត្តកំពង់ចាម៖ នាព្រឹកថ្ងៃទី៣ ខែតុលា ឆ្នាំ២០២៦ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកកងមាស បានអញ្ជើញជួបសំណេះសំណាលជាមួយសិស្សានុសិស្សដែលទទួលបាននិទ្ទេស A នៃស្រុកកងមាស ខេត្តកំពង់ចាម ក្នុងការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ១០ សីហា ២០២៦ ដោយមានការចូលរួមពីសំណាក់ ឯកឧត្តម លោកជំទាវ ថ្នាក់ដឹកនាំក្រសួងអប់រំ យុវជន និងកីឡា ប្រធានមន្ទីរអប់រំ យុវជន និងកីឡាខេត្ត គណៈគ្រប់គ្រង នាយក នាយិកា លោកគ្រូ អ្នកគ្រូ និងសិស្សានុសិស្ស។

ក្នុងឱកាសនេះ ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានកោតសរសើរ និងថ្លែងអំណរគុណចំពោះក្រុមការងាររាជរដ្ឋាភិបាលចុះមូលដ្ឋានស្រុកកងមាស ដែលបានខិតខំប្រឹងប្រែងយ៉ាងសកម្មអស់រយៈពេល ១០ឆ្នាំកន្លងមកនេះ ក្នុងការរួមចំណែកអភិវឌ្ឍមូលដ្ឋាន ជាពិសេសវិស័យអប់រំឱ្យមានការប្រែប្រួលមុខមាត់ថ្មី។ ក្នុងន័យនេះ ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានលើកឡើងថា សាលារៀននៅស្រុកកងមាសមួយចំនួនដូចជា វិទ្យាល័យ ហ៊ុន សែន ពាមជីកង វិទ្យាល័យ ហ៊ុន សែន កងតាណឹង និងវិទ្យាល័យ ហ៊ុន សែន ខ្ចៅ ដែលពីមុនធ្លាប់តែប្រឈមនឹងបញ្ហាលិចទឹក ឥឡូវនេះត្រូវបានដោះស្រាយប្រកបដោយប្រសិទ្ធភាព តាមរយៈការវិនិយោគលើការលើកកម្ពស់ហេដ្ឋារចនាសម្ព័ន្ធ ជួសជុលនិងកសាងអគារសិក្សា ជាពិសេសបំពាក់នូវកុំព្យូទ័រ ប្រព័ន្ធអ៊ីនធឺណិត និងសម្ភារឧបទេសសិក្សា រហូតប្រែក្លាយសាលារៀនទាំងបីនេះជាសាលារៀនគំរូ។

ជាលទ្ធផលស្ដែងចេញពីការកែទម្រង់ និងការខិតខំប្រឹងប្រែងនេះ វិទ្យាល័យទាំងបីទទួលបានលទ្ធផលប្រឡងបាក់ឌុបយ៉ាងត្រចះត្រចង់ ដោយក្នុងនោះ៖
-វិទ្យាល័យ ហ៊ុន សែន ខ្ចៅ សម្រេចបានអត្រាប្រឡងជាប់រហូតដល់ ៩៨% និងទទួលបានសិស្សនិទ្ទេស A ចំនួន ៥រូប។
-វិទ្យាល័យ ហ៊ុន សែន កងតាណឹង សម្រេចបានអត្រាប្រឡងជាប់ ៩៨% និងទទួលបានសិស្សនិទ្ទេស A ចំនួន ៤រូប។
-វិទ្យាល័យ ហ៊ុន សែន ពាមជីកង សម្រេចបានអត្រាប្រឡងជាប់ ៩៦% និងទទួលបានសិស្សនិទ្ទេស A ចំនួន ៣រូប។

បន្ថែមលើនេះ ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានផ្ដល់អនុសាសន៍ដល់សិស្សនិទ្ទេស A ទាំង១២រូប ឱ្យបន្តខិតខំប្រឹងប្រែងរៀនសូត្រនៅថ្នាក់ឧត្តមសិក្សា ដោយការប្រឡងបញ្ចប់សញ្ញាបត្រមធ្យមសិក្សាទុតិយភូមិនេះគ្រាន់តែជាការចាប់ផ្ដើមប៉ុណ្ណោះ ត្រូវបន្តពង្រឹងសមត្ថភាព រៀបចំផែនការជីវិតឱ្យបានច្បាស់លាស់ ចាប់យកជំនាញតាមចំណង់ចំណូលចិត្ត និងទេពកោសល្យ ឆ្លើយតបទៅនឹងតម្រូវការទីផ្សារការងារជាក់ស្ដែង។ ជាមួយគ្នានេះដែរ ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានបញ្ជាក់ពីការគាំទ្រ និងផ្ដល់ឱកាសអាហារូបករណ៍សិក្សាថ្នាក់ឧត្តមសិក្សាជូនដល់សិស្សជ័យលាភី ដើម្បីសម្រាលបន្ទុកគ្រួសារ និងជាការលើកទឹកចិត្តដល់ការខិតខំប្រឹងប្រែងរៀនសូត្រ ព្រមទាំងបានក្រើនរំឭកបន្ថែមថា ការបន្តការសិក្សានៅរាជធានីភ្នំពេញអាចជួបប្រឈមនឹងការលំបាកមួយចំនួន ដូច្នេះក្មួយៗត្រូវរៀនរស់នៅដោយមានម្ចាស់ការលើខ្លួនឯង មានឯករាជ្យភាព ត្រៀមខ្លួនឱ្យបានរួចរាល់ និងត្រូវពិគ្រោះយោបល់ជាមួយក្រុមការងារ និងលោកគ្រូ អ្នកគ្រូ ដើម្បីទទួលបានការតម្រង់ទិស និងដើរលើផ្លូវជីវិតប្រកបដោយភាពជោគជ័យ។

ដើម្បីជាការលើកទឹកចិត្តបន្ថែម និងជាឧបករណ៍ជំនួយដល់ការសិក្សានៅថ្នាក់ឧត្តមសិក្សា ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានផ្ដល់ជូននូវកុំព្យូទ័រយួរដៃ (Laptop) សរុបចំនួន ១២គ្រឿង ជូនដល់សិស្សជ័យលាភីនិទ្ទេស A ទាំង១២រូប (ដោយសិស្សម្នាក់ៗទទួលបាន ១គ្រឿង) ផងដែរ៕

គេហទំព័រ និងបណ្ដាញសង្គម៖ https://linktr.ee/moeyscambodia

SEAMEO TED សហការរៀបចំសន្និសីទអន្តរជាតិ UNESCO ជាមួយសាកលវិទ្យាល័យ TU Dortmund នៃប្រទេសអាល្លឺម៉ង់ទីក្រុងដតម៉ុន៖ សន្និសីទអន...
03/10/2026

SEAMEO TED សហការរៀបចំសន្និសីទអន្តរជាតិ UNESCO ជាមួយសាកលវិទ្យាល័យ TU Dortmund នៃប្រទេសអាល្លឺម៉ង់

ទីក្រុងដតម៉ុន៖ សន្និសីទអន្តរជាតិរបស់ UNESCO Chairs ស្ដីពី «កិច្ចសហប្រតិបត្តិការក្នុងការអប់រំឧត្តមសិក្សា និងការអប់រំបណ្ដុះបណ្ដាលបច្ចេកទេស និងវិជ្ជាជីវៈ (TVET): ការភ្ជាប់គម្លាតរវាងទ្រឹស្ដី និងការអនុវត្តគោលដៅអភិវឌ្ឍន៍ប្រកបដោយចីរភាព (SDGs)» ដែលបានប្រព្រឹត្តទៅនៅសាកលវិទ្យាល័យ TU Dortmund ប្រទេសអាល្លឺម៉ង់ ចាប់ពីថ្ងៃទី៣០ ខែកញ្ញា ដល់ថ្ងៃទី២ ខែតុលា ឆ្នាំ២០២៦។

លោកបណ្ឌិត អៃ សុងហ៊ាង (Dr. Songheang Ai) នាយកមជ្ឈមណ្ឌល SEAMEO TED បានដឹកនាំប្រតិភូអាស៊ានចូលរួមក្នុងសន្និសីទអន្តរជាតិដែលមានរយៈពេល ៣ថ្ងៃ មានអ្នកចូលរួមជាង ២៧០នាក់ មកពី ៤០ប្រទេស ដែលរួមមានប្រធាន និងតំណាង UNESCO Chairs, BMZ, BIBB, UNEVOC ថ្នាក់ដឹកនាំសាកលវិទ្យាល័យ អ្នកស្រាវជ្រាវ អ្នករៀបចំគោលនយោបាយ អ្នកជំនាញ TVET អ្នកអនុវត្ត និងតំណាងអង្គការអន្តរជាតិ។ ថ្លែងក្នុងពិធីបើកអង្គសន្និសីទ លោកបណ្ឌិត អៃ សុងហ៊ាង បានលើកឡើងពីសារៈសំខាន់នៃតួនាទីរបស់អាស៊ាន និងស៊ីមេអូក្នុងការអភិវឌ្ឍជំនាញសម្រាប់យុវជន។ លោកបណ្ឌិតបានសង្កត់ធ្ងន់ថា “ប្រទេសអាល្លឺម៉ង់បានក្លាយជាសមាជិកសហការីនៃអង្គការស៊ីមេអូតាំងពីឆ្នាំ១៩៩០ ហើយមានប្រវត្តិជួយគាំទ្រមជ្ឈមណ្ឌលស៊ីមេអូតំបន់តាមរយៈកម្មវិធីសេវាផ្លាស់ប្ដូរការសិក្សាអាល្លឺម៉ង់ (DAAD) និងទីភ្នាក់ងារអាល្លឺម៉ង់សម្រាប់ការអភិវឌ្ឍអន្តរជាតិ”។

លោកបណ្ឌិត អៃ សុងហ៊ាង បានធ្វើបទបង្ហាញក្រោមប្រធានបទ «និន្នាការថ្មីៗនៃ TVET ក្នុងតំបន់អាស៊ាន» ដោយបានលើកឡើងពីអាទិភាពសំខាន់ៗសម្រាប់ការផ្លាស់ប្ដូរ និងអភិវឌ្ឍ TVET រួមមាន ផែនការការងារអាស៊ានស្ដីពីការអប់រំ ឆ្នាំ២០២៦–២០៣០ ការផ្លាស់ប្ដូរឌីជីថល និងបញ្ញាសិប្បនិម្មិត ជំនាញបៃតង និងសេដ្ឋកិច្ចវិលជុំ សេដ្ឋកិច្ចថែទាំ និងការចល័តជំនាញក្នុងតំបន់។

ក្នុងអំឡុងពេលសន្និសីទ លោកបណ្ឌិត អៃ សុងហ៊ាង ក៏បានសម្របសម្រួលកិច្ចពិភាក្សាយុទ្ធសាស្ត្ររវាងសាកលវិទ្យាល័យ TU Dortmund និងសាកលវិទ្យាល័យនានាមកពីតំបន់អាស៊ានរួមទាំង ចិន ឥណ្ឌា និងតួកគី ស្ដីពីកិច្ចសហប្រតិបត្តិការលើការផ្លាស់ប្ដូរនិស្សិត និងការសិក្សាកម្រិតបរិញ្ញាបត្រជាន់ខ្ពស់ និងកម្រិតបណ្ឌិតនៅប្រទេសអាល្លឺម៉ង់។

សន្និសីទនេះមានមូលបទរងសំខាន់ៗដែលបានពិភាក្សាគ្នារួមមាន៖ (១) យុទ្ធសាស្ត្របម្រែបម្រួលប្រកបដោយចីរភាពនៃការគ្រប់គ្រងទីក្រុងសម្រាប់ពេលអនាគត (២) ការតភ្ជាប់រវាងមនុស្ស ព្រៃឈើ និងទឹកសំដៅអភិវឌ្ឍប្រព័ន្ធជីវសាស្ត្រសង្គម និងចីរភាព (៣) ចក្ខុវិស័យក្រោយគោលដៅអភិវឌ្ឍប្រកបដោយចីរភាពឆ្នាំ២០៣០ និងការកំណត់គោលដៅអភិវឌ្ឍដោយចីរភាពឆ្នាំ២០៥០ ដើម្បីឱ្យពិភពលោកទាំងមូលមានសមភាព (៤) ការរួមចំណែកនៃវិស័យ TVET ដើម្បីចីរភាពបច្ចេកវិទ្យា និងសង្គម (៥) គោលការណ៍ប្រតិបត្តិរបស់ UNESCO ស្ដីពីការបញ្ជ្រាបបញ្ញាសិប្បនិម្មិតទៅក្នុងវិស័យ TVET (៦) សេដ្ឋកិច្ចវិលជុំ និងអក្ខរកម្មឌីជីថល និង (៧) ការអប់រំក្នុងបរិបទនៃការសិក្សានៅបរទេស៕

គេហទំព័រ និងបណ្ដាញសង្គម៖ https://linktr.ee/moeyscambodia

03/10/2026

ផ្សាយផ្ទាល់៖ កម្មវិធីប្រឡងប្រកួតប្រជែង តែងនិពន្ធ ពានរង្វាន់ «សម្ដេចព្រះសង្ឃរាជ ជួន ណាត» និងស្មូតកំណាព្យ ពានរង្វាន់ «ព្រះភិរម្យភាសាអ៊ូ ហៅ ង៉ុយ» អបអរសាទរ ទិវាគ្រូបង្រៀន ៥ តុលា ២០២៦

Address

#80, Preah Norodom Boulevard
Phnom Penh

Opening Hours

Monday 07:30 - 17:30
Tuesday 07:30 - 17:30
Wednesday 07:30 - 17:30
Thursday 07:30 - 17:30
Friday 07:30 - 17:30

Telephone

+85566901800

Website

, ,

Alerts

Be the first to know and let us send you an email when MoEYS Cambodia posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to MoEYS Cambodia:

Shortcuts

Share

Category