ហន ភក្តី Han Phakdey

ថ្ងៃព្រហស្បតិ៍ ៤រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែមិថុនា ឆ្នាំ២០២៦ តំណាង ឯកឧត្ដមបណ្ឌិតអភិបាលខេត្ត ខ្ញុំបានដឹកនាំថ្នាក់ដឹកនាំអង្គភាពជំនាញ ក្រុង ស្រុក ដើម្បីប្រជុំត្រួតពិនិត្យការងារផ្តល់សេវាក្រោមយន្តការអង្គភាពច្រកចេញចូលតែមួយ ក្រោមអធិបតីភាព ឯកឧត្ដម សួស ប្រាថ្នា អគ្គនាយក នៃអគ្គនាយករដ្ឋបាល ក្រសួងមហាផ្ទៃ និងជាប្រធានប្រតិភូអន្តរក្រសួង ។

ព្រះរាជក្រឹត្យស្តីពី លក្ខន្ដិកៈនៃអង្គគ្រូបង្រៀន ចុះថ្ងៃសៅរ៍ ១៤កើតខែជេស្ឋ ឆ្នាំមមី អដ្ឋស័ក ព.ស.២៥៧០ រាជធានីភ្នំពេញ ថ្ងៃទី៣០ ខែឧសភា ឆ្នាំ២០២៦

ថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦ នៅក្នុងបរិវេណវត្តច័ន្ទនារាម ស្ថិតក្នុងឃុំចាន់សែន ស្រុកសាមគ្គីមុនីជ័យ ខ្ញុំបានចូលរួមវេទិកាសាធារណៈ ដើម្បីត្រួតពិនិត្យ នូវបញ្ហាប្រឈម កង្វល់នានា របស់ប្រជាពលរដ្ឋ ក្រោមអធិបតីភាព ឈី វិជ្ជរ៉ា រដ្ឋលេខាធិការក្រសួងមុខងារសាធារណៈ និងជាប្រធានក្រុមការងាររាជរដ្ឋាភិបាល ចុះជួយស្រុកសាមគ្គីមុនីជ័យ នឹងដោយមានការចូលរួមពីមន្ទីរអង្គភាពជំនាញពាក់ព័ន្ធ ។

ញ្ញាតិគាំទ្រ

ខ្ញុំសូមសម្តែងនូវការគាំទ្រយ៉ាងពេញទំហឹងចំពោះចំណាត់ការរបស់រាជរដ្ឋាភិបាល ជាពិសេសជំហរមុតមាំរបស់ប្រមុខរាជរដ្ឋាភិបាលក្នុងការដោះស្រាយបញ្ហាជាមួយភាគីថៃ ដោយផ្អែកលើមូលដ្ឋានច្បាប់អន្តរជាតិ ដើម្បីចាប់ផ្តើមដំណើរការយន្តការផ្សះផ្សារដោយបង្ខំ ក្រោមអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) បន្ទាប់ពីភាគីថៃបានដកខ្លួនជាឯកតោភាគីពីអនុស្សរណៈនៃការយោគយល់គ្នាឆ្នាំ២០០១ (MOU 2001) ដែលជាក្របខណ្ឌទ្វេភាគីតែមួយគត់ក្នុងការដោះស្រាយដោយសន្តិវិធី នូវការទាមទារដែនសមុទ្រត្រួតស៊ីគ្នារវាងប្រទេសទាំងពីរ។

សាររបស់ សម្តេចមហាបវរធិបតី គឺជាឱកាសដើម្បីឱ្យបងប្អូនប្រជាពលរដ្ឋខ្មែរទាំងក្នុង និងក្រៅប្រទេស បានស្វែងយល់កាន់តែច្បាស់អំពីស្ថានភាពជាក់ស្តែង ជំហរម៉ឺងមាត់ និងការយកចិត្តទុកដាក់ខ្ពស់របស់រាជរដ្ឋាភិបាលកម្ពុជា ក្នុងការការពារផលប្រយោជន៍ស្របច្បាប់របស់ជាតិ ដោយឈរលើមូលដ្ឋានគតិយុត្តិនៃច្បាប់អន្តរជាតិ។ សារនេះ ក៏ជាការបញ្ជាក់នូវជំហររបស់កម្ពុជា ក្នុងការបន្តដោះស្រាយបញ្ហាចំពោះមុខប្រកបដោយភាពច្បាស់លាស់ និងសុឆន្ទៈ ផ្អែកលើគោលការណ៍ច្បាប់អន្តរជាតិ សន្តិវិធី និងកិច្ចសហប្រតិបត្តិការ។

សូមបងប្អូនជនរួមជាតិទាំងអស់ បន្តតាមដានដោយយកចិត្តទុកដាក់ ព្រមទាំងផ្តល់ជំនឿទុកចិត្ត និងការគាំទ្រយ៉ាងមោះមុតដល់រាជរដ្ឋាភិបាល ក្នុងការដោះស្រាយបញ្ហាព្រំដែន ទាំងលើគោក និងលើសមុទ្រជាមួយប្រទេសជិតខាង។

I would like to express my full support for the measures undertaken by the Royal Government of Cambodia, particularly the firm and principled stance of the Head of the Royal Government in resolving differences with the Thai side in accordance with international law. This includes the decision to initiate the compulsory conciliation mechanism under UNCLOS, following the unilateral withdrawal by the Thai side from the MOU 2001, which constituted the only bilateral mechanism for the peaceful resolution of overlapping maritime claims between the two countries.

The message of Samdech Moha Borvor Thipadei represents an important opportunity to inform the Cambodian people of the actual situation, the principled position, and the high level of attention and responsibility demonstrated by the RGC in safeguarding the national interests of Cambodia in accordance with international law. It also reaffirms Cambodia’s stance and continued efforts in resolving the differences with clarity and good faith, based on the principles of international law, peaceful means, and cooperation.

May we all continue to follow this matter closely and extend our trust, unity, and steadfast support to the Royal Government in the efforts to resolve border issues, both on land and at sea, with neighboring countries.

ព្រឹកថ្ងៃទី២ ខែមិថុនា ឆ្នាំ២០២៦ ខ្ញុំបានចូលរួមយុទ្ធនាការប្រឆាំងព័ត៌មានក្លែងក្លាយ ក្នុងតំបន់ ដែលរៀបចំដោយក្រសួងព័ត៌មាន នៅ សណ្ឋាគារ Moon & Sun រាជធានីភ្នំពេញ ។