ខ្មែររួមគ្នា "សង្គ្រោះ បម្រើ ការពារ" ជាតិមាតុភូមិកម្ពុជា

តើ​កិត្តិយស​របស់​ជាតិ​សាសន៍​ថៃស្ថិត​នៅ​ឯណា?

​ សួរ​ខ្លួនឯង​មើល៍​! តើ​អ្នក​នៅមាន​សារជាតិ​ជា​មនុស្ស​ដែរ​
ឬទេ? ពេលនេះឈ្មោះ​ថា​ "ថៃ" ត្រូវ​បាន​ប្រឡាក់​ដោយ​
ឈាមនិងទឹក​ភ្នែក​ជូរចត់​នៃ​ស្រ្តី​ខ្មែរ​ម្នាក់​។ អ្នក​កំពុង​តែ​ឈរ​
លើ​គំនរ​អំពើ​ថោកទាប​របស់​យោធា​អ្នក​! ខ្ញុំមិន​និយាយ
ពី​ជម្លោះ​ព្រំដែន​ដី​ឡេីយ។ ខ្ញុំ​និយាយ​ពីការ​រំលោភ​បំពាន​
ព្រំដែន​មនុស្សធម៌ ដ៏​គួរ​ឱ្យ​ស្អប់ខ្ពើម​ ដែល​ប្រព្រឹត្ត​ឡេីង
ដោយ​យោធា​អ្នក។ តើ​ការ​មាន​ឯកសណ្ឋាន​កងទ័ព​ អាចផ្ដល់
សិទ្ធិ​ឱ្យ​យោធា​ទាំង​៧នាក់​ ប្រែក្លាយ​ខ្លួន​ទៅជា​សត្វ​តិរច្ឆាន​
ស្ទាក់​ប្លន់​កិត្តិយស​ និង​ព្រលឹង​នៃ​ពលការិនីខ្មែរ​ក្រីក្រ​ម្នាក់​
ក្បែរ​របង​ព្រំដែន​មែនទេ?
​ នេះ​គឺ​ជា​ស្នាម​ប្រឡាក់​ដ៏​ថោកទាប​​បំផុត​លើ​សំពត់​
ប្រវត្តិសាស្ត្រ​ទំនើប​របស់​ប្រទេស​ថៃ​! វា​បង្ហាញ​យ៉ាង​ច្បាស់​ពី​
​ការ​មើលងាយ​ដ៏​ធ្ងន់ធ្ងរ​ចំពោះ​ជនជាតិ​ខ្មែរ​ ដែល​ត្រូវ​បាន​អនុវត្ត​
ដោយ​កងកម្លាំង​ដែល​គួរ​តែ​ជាអ្នកការពារ​សណ្ដាប់ធ្នាប់។
​ តេីប្រជារាស្ត្រ​ និង​មេដឹកនាំ​ថៃអាច​គេង​លក់​ស្រួល​ដែរ​ទេ
ខណៈ​ដែល​ឈ្មោះ​របស់​ជាតិ​សាសន៍​អ្នក​ត្រូវ​បាន​ប្រឡាក់​
ដោយ​អំពើ​ព្រៃផ្សៃ​​ដ៏​ខ្មៅ​ងងឹត​នេះ?​ ពលការិនី​ខ្មែរ​ទៅទឹកដី​អ្នក​
ដេីម្បី​ស្វែងរក​តម្លៃ​ពលកម្ម​ដ៏​ស្មោះត្រង់​ ប៉ុន្តែ​អ្វី​ដែល​នាង​
ទទួល​បាន​ គឺ​ការឈឺចាប់​អស់មួយ​ជីវិត​​។ រាល់​តំណក់​ឈាម​
និង​ទឹក​ភ្នែក​របស់​នាង​ ជា​បណ្ដាសា ដែល​នឹងដិតដាម​លើ​
កិត្តិយស​នៃស្ថាប័នយោធាថៃ​ជារៀងរហូត​។
​ ឱ! ជាតិ​សាសន៍​ដ៏​ថ្លៃ​ថ្នូរ​អេីយ​ បើ​អ្នក​ពិត​ជា​នៅមាន​សេចក្ដី​
អៀនខ្មាស​មែន​នោះ​ សូម​កុំ​នៅ​ស្ងៀម​! កុំ​លាក់​បាំង​! ចូរ​ដាក់
ទោស​ជនដៃដល់​ទាំង​ប្រាំពីរ​នាក់​នោះ​ ឱ្យ​ធ្ងន់ធ្ងរ​បំផុតដេីម្បី​ឱ្យ​​
ពិភពលោកមេីល​ឃេីញ​ថា​ អ្នក​នៅ​មាន​ភាព​ជា​មនុស្ស​នៅ​ឡេីយ​!
បើ​មិន​ដូច្នោះ​ទេ​ អ្នក​ទាំង​អស់​គ្នា​នឹង​ត្រូវ​បាន​គេ​ចាត់ទុក​ថា​ជា​អ្នក
សមគំនិតក្នុង​អំពើ​អមនុស្សធម៌​ដ៏គួរ​ឱ្យ​ស្អប់ខ្ពើម​នេះ។
១៧​ វិច្ឆិកា​ ២០២៥
ស៊ូ​ ខេមរិន្ទ​ កវី​និពន្ធ​ខ្មែរ​ឯករាជ្យ

អត្ថបទខ្លីៗ ៖ ​អ្នក​សារ​ព័ត៌មាន​ម្នាក់​ត្រូវ​បាន​ចាប់ខ្លួន​ ​ដោយសារ​ផ្សាយ​ផ្ទាល់​តាម​វីដេអូ​នៅ​ព្រំដែន​កម្ពុជា​-​ថៃ​

ចេញផ្សាយថ្ងៃទី២៧ ខែសីហា ឆ្នាំ២០២៥
------------------------
កាលពី​ថ្ងៃអង្គារ​ ​អាជ្ញាធរ​រដ្ឋ​បាន​ចាប់ខ្លួន​អ្នក​សារ​ព័ត៌មាន​ម្នាក់​ឈ្មោះ​ ​មាស​ ​សា​រ៉ា​ ​ហើយ​នៅ​ព្រឹកនេះ​ ​សាលាដំបូង​ខេត្ត​បន្ទាយ​មានជ័យ​បាន​សម្រេច​ចោទប្រកាន់​លោក​ ​ពី​បទ​ ​ញុះញង់​ឱ្យ​ប្រព្រឹត្ត​បទឧក្រិដ្ឋ​ជាអាទិ៍​ ​។​ ​លោក​ ​សា​រ៉ា​ ​អាច​នឹង​ជាប់ពន្ធនាគារ​ចន្លោះ​ពី​ ​៦​ខែ​ ​ដល់​ ​២​ឆ្នាំ​ ​ប្រសិនបើ​តុលាការ​ផ្តន្ទាទោស​លើ​រូបលោក​ ​ដោយ​យោង​តាម​មាត្រា​ ​៤​៩​៥​ ​នៃ​ក្រមព្រហ្មទណ្ឌ​ ​។​

​លោក​ ​សា​រ៉ា​ ​ត្រូវ​បាន​អាជ្ញាធរ​ចាប់ខ្លួន​ ​ក្រោយពេល​ដែល​លោក​បាន​ផ្សាយ​ផ្ទាល់​តាម​វីដេអូ​ ​សម្ភាស​ប្រជាពលរដ្ឋ​នៅ​ក្នុង​ភូមិ​ជោគជ័យ​ ​ខេត្ត​បន្ទាយ​មានជ័យ​ ​ដែល​ជា​ភូមិ​ជាប់​ព្រំដែន​កម្ពុជា​-​ថៃ​ ​និង​ជា​កន្លែង​កំពុង​ ​មានការ​ប្រឈម​មុខ​ដាក់គ្នា​រវាង​កងទ័ព​ថៃ​ ​និង​ប្រជាពលរដ្ឋ​ខ្មែរ​ ​កាលពី​ថ្ងៃ​ច័ន្ទ ​។

​កាលពី​ថ្ងៃ​ព្រហស្បតិ៍​ស​ប្តាហ៍​មុន​ ​អង្គភាព​សារ​ព័ត៌មាន​របស់​លោក​ ​ត្រូវ​បាន​ក្រសួង​ព័ត៌មាន​ ​ដក​អាជ្ញា​ប​ណ្ណ ​ក្រោយពេល​លោក​ចេញផ្សាយ​វីដេអូ​មួយ​ ​ដែល​លោក​បាន​សម្ភាស​ប្រជាពលរដ្ឋ​រស់នៅ​តាម​បណ្តោយ​ព្រំដែន​ ​ហើយ​ពលរដ្ឋ​ទាំងនោះ​បាន​អះអាង​ថា​ពួកគេ​មិន​អាច​ចូល​ទៅ​ផ្ទះសម្បែង​របស់​ពួកគេ​បានទេ​ ​ដោយសារ​កងទ័ព​ថៃ​រារាំង​ ​។​ ​ក្រសួង​ព័ត៌មាន​បាន​ប្រាប់សារ​ព័ត៌មាន​ខេ​ម​បូ​ចា ​ ​នៅ​ពេល​នោះ​ថា​ ​ករណី​នេះ​ជា​ការ​ “​រំលោភ​យ៉ាង​ធ្ងន់ធ្ងរ​លើ​ក្រម​សីលធម៌​វិជ្ជាជីវៈ​អ្នក​សារ​ព័ត៌មាន​” ​។​ ​លោក​ ​សា​រ៉ា​ ​បាន​និយាយ​ថា​ ​ទោះ​មានការ​ដកហូត​អាជ្ញា​ប​ណ្ណ​អង្គភាព​សារ​ព័ត៌មាន​របស់​លោក​ក៏ដោយ​ ​ក៏​លោក​នៅតែ​បន្ត​រាយការណ៍​ព័ត៌មាន​ ​ក្នុងនាម​ជា​ប្រជាពលរដ្ឋ​ម្នាក់​ដដែល​ ​៕​

គណនីតិកតុក ៖ https://www.tiktok.com/
តេឡេក្រាម ឆានែល៖ https://t.me/licadho
ភាសាខ្មែរ ៖ https://www.licadho-cambodia.org/flashnews.php?perm=458&khmer
English: https://www.licadho-cambodia.org/flashnews.php?perm=458

រូបភាព លោក មាស​ សារ៉ា ដកស្រង់ចេញទំព័រហ្វេសប៊ុករបស់លោកដែលបង្ហោះកាលពីថ្ងៃទី ១៣ ខែសីហា ឆ្នាំ២០២៥ ។