អង្គជំនុំជម្រះវិសាមញ្ញក្នុងតុលាការកម្ពុជា - អវតក

សូមស្វាគមន៍មកកាន់មជ្ឈមណ្ឌលធនធាន អ.វ.ត.ក. ចល័ត! យើងកំពុងធ្វើដំណើរទៅកាន់ គ្រឹះស្ថានសិក្សាចំនួន៥ ដែលស្ថិតក្នុងខេត្តកំពង់ធំ។

ចូលរួមជាមួយយើងដើម្បីរៀនអំពីតឹកតាងប្រវត្តិសាស្ត្រខ្មែរក្រហម និង កេរដំណែលនៃការជំនុំជម្រះក្តីរបស់ អ.វ.ត.ក.។

សូមតាមដានចំណតបន្តបន្ទាប់របស់យើង ហើយបន្តដំណើររៀនសូត្រពីប្រវត្តិសាស្ត្រកម្ពុជាទាំងអស់គ្នា។ តោះជិះឡានទាំងអស់គ្នា!



Welcome to the ECCC Mobile Resource Centre! We are traveling to five educational institutions across Kampong Thom province.
Join us to learn about the historical evidence of the Khmer Rouge regime and the legacy of the ECCC trials.
Stay tuned for our upcoming stops and continue the journey of learning about Cambodia’s history together. Hop on the bus with us!

នាព្រឹកថ្ងៃទី២៨ ខែឧសភា ឆ្នាំ២០២៦ អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) មានកិត្តិយសបានស្វាគមន៍ ឯកឧត្តម Igor Driesmans ឯកអគ្គរដ្ឋទូតសហភាពអឺរ៉ុបប្រចាំព្រះរាជាណាចក្រកម្ពុជា និង កូនប្រុសចំពោះដំណើរទស្សនកិច្ចផ្លូវការនៅមជ្ឈមណ្ឌលធនធាន អ.វ.ត.ក. ។
ក្នុងដំណើរទស្សនកិច្ចឯកឧត្តមបានទស្សនាការតាំងពិព័រណ៍អចិន្ត្រៃយ៍ ដែលបង្ហាញនូវការយល់ដឹងអំពីបេសកកម្មនៃតុលាការ នីតិវិធីនានា និងកេរដំណេលដ៏មានតម្លៃរបស់ អ.វ.ត.ក. ក្នុងការលើកកម្ពស់យុត្តិធម៌ ការទទួលខុសត្រូវ និងការផ្សះផ្សាជាតិ។
បន្ថែមពីនេះ ឯកឧត្តម Igor Driesmans ក៏បានទស្សនានិហីដ្ឋានបណ្ណសារ ដែលមានតម្កល់ឯកសារតុលាការ ការទុកដាក់ឯកសារទាំងនោះឱ្យបានគង់វង្ស

នៅថ្ងៃទី២៨ ខែឧសភា ឆ្នាំ២០២៦ នេះ អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) បានទទួលស្វាគមន៍ក្រុមយុវជនប្រមាណ ២០០នាក់ មកពីស្រុកសណ្តាន់ ខេត្តកំពង់ធំ ដែលបានអញ្ជើញមកបំពេញទស្សនកិច្ចសិក្សានៅមជ្ឈមណ្ឌលធនធាននៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.)។

ក្នុងឱកាសនេះ ក្រុមយុវជនបានអញ្ជើញទស្សនាពិព័រណ៍ស្តីអំពីការរៀបអាពាហ៍ពិពាហ៍ដោយបង្ខំក្នុងរបបខ្មែរក្រហម ស្តាប់បទបង្ហាញអំពីដំណើរការជំនុំជម្រះក្តី ស្វែងយល់អំពីការរៀបចំ និងការអភិរក្សឯកសាររបស់ អ.វ.ត.ក. ហើយក៏បានចូលរួមក្នុងកិច្ចពិភាក្សាអន្តរជំនាន់ ស្តីអំពីបទពិសោធន៍ឈឺចាប់ក្រោមរបបខ្មែរក្រហមផងដែរ។ បន្ទាប់ពីបញ្ចប់ទស្សនកិច្ចនៅមជ្ឈមណ្ឌលធនធាន អ.វ.ត.ក. ក្រុមយុវជនបានបន្តទៅទស្សនកិច្ចនៅសារមន្ទីរឧក្រិដ្ឋកម្មប្រល័យពូជសាសន៍ទួលស្លែង។

សូមជម្រាបថា ទស្សនកិច្ចសិក្សានេះ ត្រូវបានរៀបចំឡើងដោយ អ.វ.ត.ក. ក្នុងគោលបំណងអប់រំ និងលើកកម្ពស់ការយល់ដឹងរបស់យុវជនកម្ពុជាអំពីយុត្តិធម៌អន្តរកាល ការកសាងសន្តិភាព សិទ្ធិមនុស្ស និងសារៈសំខាន់នៃការចងចាំអតីតកាល ដើម្បីទប់ស្កាត់មិនឲ្យអំពើឧក្រិដ្ឋកម្មធ្ងន់ធ្ងរប្រភេទនេះកើតឡើងវិញនៅពេលអនាគត។

នាព្រឹកថ្ងៃទី ២៧ ខែឧសភា ឆ្នាំ២០២៦ អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) មានសេចក្តីសោមនស្សរីករាយក្នុងការទទួលស្វាគមន៍សិស្សានុសិស្សចំនួន២០០នាក់ មកពីវិទ្យាល័យ ប៊ុន រ៉ានី ហ៊ុន សែន ព្រៃពោន។

ក្នុងឱកាសនៃទស្សនកិច្ចសិក្សានេះ ប្អូនៗសិស្សានុសិស្សបានសិក្សាស្វែងយល់យ៉ាងស៊ីជម្រៅអំពីប្រវត្តិសាស្ត្រខ្មែរក្រហម និងបេសកកម្មសំខាន់ៗរបស់ អ.វ.ត.ក. ក្នុងកិច្ចខិតខំប្រឹងប្រែងស្វែងរកយុត្តិធម៌ជូនជនរងគ្រោះនៃរបបប្រល័យពូជសាសន៍។

ក្រៅពីការស្តាប់បទបង្ហាញ អ្នកចូលរួមក៏បានចូលទស្សនាបណ្ណាល័យធនធាន និងបានស្វែងយល់ពីរបៀបប្រើប្រាស់គេហទំព័រកេរ្តិ៍ដំណែល អ.វ.ត.ក. ដែលជាមជ្ឈមណ្ឌលផ្ទុកឯកសារឌីជីថលដ៏មានសារៈសំខាន់ សម្រាប់សាធារណជនក្នុងការស្រាវជ្រាវ និងរៀនសូត្របន្ថែមអំពីកិច្ចដំណើរការយុត្តិធម៌នៅកម្ពុជា។

នាព្រឹកថ្ងៃទី២៥ ខែឧសភា ឆ្នាំ២០២៦ មជ្ឈមណ្ឌលធនធាននៃ អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) បានរៀបចំវគ្គបណ្តុះបណ្តាលស្តីពី “មគ្គុទេសក៍កិច្ចសន្ទនាអន្តរជំនាន់” នៅសាលពហុបំណងនៃ អ.វ.ត.ក.។
វគ្គបណ្តុះបណ្តាលនេះ មានគោលបំណងពង្រឹងការយល់ដឹង និងការអនុវត្តកិច្ចសន្ទនាអន្តរជាន់ ដើម្បីលើកកម្ពស់ការចែករំលែកបទពិសោធន៍ ការចងចាំប្រវត្តិសាស្ត្រ និងការកសាងសន្តិភាពរវាងយុវជន និងអ្នករស់រានមានជីវិតពីរបបខ្មែរក្រហម។ វគ្គបណ្តុះបណ្តាលនេះផងដែរមានអ្នកចូលរួមសរុបចំនួន២៦រូប។

📢 ឱកាសកម្មសិក្សានៅ អ.វ.ត.ក. – ផ្នែកទំនាក់ទំនង

តើអ្នកកំពុងស្វែងរកឱកាសដើម្បីទទួលបានបទពិសោធន៍ការងារផ្ទាល់ក្នុងវិស័យទំនាក់ទំនង និងប្រព័ន្ធផ្សព្វផ្សាយមែនទេ?

អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) កំពុងស្វែងរកកម្មសិក្សាការីផ្នែកទំនាក់ទំនងចំនួន ០៤ នាក់ ដើម្បីចូលរួមជាមួយក្រុមការងារ។

🔎 លក្ខខណ្ឌ៖
• ជានិស្សិត ឬទើបបញ្ចប់ការសិក្សាផ្នែកប្រព័ន្ធផ្សព្វផ្សាយ ទំនាក់ទំនង ទីផ្សារ ឬជំនាញពាក់ព័ន្ធ
• មានជំនាញទំនាក់ទំនងល្អ (ភាសាខ្មែរ និងអង់គ្លេស)
• មានភាពច្នៃប្រឌិត ទទួលខុសត្រូវ និងមានបំណងចង់រៀន
• មានចំណេះដឹងមូលដ្ឋានផ្នែករចនា ឬបណ្ដាញសង្គម គឺជាអាទិភាព

🎁 អត្ថប្រយោជន៍៖
• ប្រាក់ឧបត្ថម្ភប្រចាំខែ
• ទទួលបានបទពិសោធន៍ការងារផ្ទាល់
• បរិយាកាសការងាររួសរាយរាក់ទាក់ និងគាំទ្រ
• វិញ្ញាបនបត្រ
• ឱកាសអភិវឌ្ឍជំនាញវិជ្ជាជីវៈ

📝 ដាក់ពាក្យ៖
ស្កេន QR Code នៅលើ Poster ឬ https://docs.google.com/forms/d/e/1FAIpQLScCUpEypL3Q5d6qVjsQgYB3hAmXKmHlMjFFNUckjpITwLrODg/viewform

📅 ផុតកំណត់ទទួលពាក្យ៖
០១ កក្កដា ២០២៦

យើងខ្ញុំរង់ចាំស្វាគមន៍យុវជនដែលមានទេពកោសល្យ និងចំណង់ចំណូលចិត្តចូលរួមជាមួយក្រុមការងារ!

នាថ្ងៃទី២៣ ខែឧសភា ឆ្នាំ២០២៦ អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) មានសេចក្តីសោមនស្សរីករាយក្នុងការទទួលស្វាគមន៍ និស្សិតចំនួន៣០នាក់ មកពីសាកលវិទ្យាល័យប៊ែលធីអន្តរជាតិ និងនិស្សិតមកពីសាកលវិទ្យាល័យ បញ្ញាសាស្រ្ត កម្ពុជា។

ក្នុងឱកាសនៃទស្សនកិច្ចសិក្សានេះ និស្សិតទាំងអស់បានសិក្សាស្វែងយល់យ៉ាងស៊ីជម្រៅអំពីប្រវត្តិសាស្ត្រខ្មែរក្រហម និងបេសកកម្មសំខាន់ៗរបស់ អ.វ.ត.ក. ក្នុងកិច្ចខិតខំប្រឹងប្រែងស្វែងរកយុត្តិធម៌ជូនជនរងគ្រោះនៃរបបប្រល័យពូជសាសន៍។

ក្នុងនោះ អ្នកចូលរួមសរុបចំនួន៨០រូប បានចូលរួមទស្សនាការបញ្ចាំងភាពយន្តឯកសារ «ការណាត់ជួបជាមួយ ប៉ុល ពត» និង «មុនដំបូងខ្មែរក្រហមសម្លាប់ឪពុកខ្ញុំ» នៅសាលពហុបំណងនៃ អ.វ.ត.ក.។

តាមរយៈការបញ្ចាំងភាពយន្តទាំងនេះ អ្នកចូលរួមបានមានឱកាសស្វែងយល់កាន់តែស៊ីជម្រៅអំពីប្រវត្តិសាស្ត្រកម្ពុជា រំឭកដល់ជនរងគ្រោះ និងពិចារណាអំពីសារៈសំខាន់នៃសន្តិភាព យុត្តិធម៌ និងការទប់ស្កាត់មិនឱ្យអំពើឃោរឃៅបែបនេះកើតឡើងម្តងទៀតនាពេលអនាគត។

ពិព័រណ៍សៀវភៅខ្នាតតូចរបស់ អ.វ.ត.ក. ក៏បានបិទបញ្ចប់ដោយជោគជ័យផងដែរ ហើយ អ.វ.ត.ក. សង្ឃឹមថានឹងអាចត្រឡប់មកជួបអ្នកទាំងអស់គ្នាម្តងទៀតនៅឆ្នាំក្រោយ ជាមួយនឹងកម្មវិធី និងសកម្មភាពដែលមានអត្ថន័យជាច្រើនបន្ថែមទៀត។

អ.វ.ត.ក. សូមថ្លែងអំណរគុណយ៉ាងជ្រាលជ្រៅដល់អ្នកចូលរួម និស្សិត និងភ្ញៀវកិត្តិយសទាំងអស់ ដែលបានចូលរួម និងគាំទ្រកម្មវិធីដ៏មានអត្ថន័យនេះ។

នារសៀលថ្ងៃទី ២២ ខែឧសភា ឆ្នាំ២០២៦ អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) មានសេចក្តីសោមនស្សរីករាយក្នុងការទទួលស្វាគមន៍ សមណនិស្សិត និស្សិត ចំនួន១០០ អង្គនាក់មកពីពុទ្ធិកសកលវិទ្យាល័យព្រះសីហនុរាជ និងនិស្សិតចំនួន៦០នាក់ មកពីបណ្ឌិតសភានគរបាលកម្ពុជា។

ក្នុងឱកាសនៃទស្សនកិច្ចសិក្សានេះ សមណនិស្សិត និស្សិត ទាំងអស់បានសិក្សាស្វែងយល់យ៉ាងស៊ីជម្រៅអំពីប្រវត្តិសាស្ត្រខ្មែរក្រហម និងបេសកកម្មសំខាន់ៗរបស់ អ.វ.ត.ក. ក្នុងកិច្ចខិតខំប្រឹងប្រែងស្វែងរកយុត្តិធម៌ជូនជនរងគ្រោះនៃរបបប្រល័យពូជសាសន៍។

ក្រៅពីការស្តាប់បទបង្ហាញ អ្នកចូលរួមក៏បានចូលទស្សនាបណ្ណាល័យធនធាន និងបានស្វែងយល់ពីរបៀបប្រើប្រាស់គេហទំព័រកេរ្តិ៍ដំណែល អ.វ.ត.ក. ដែលជាមជ្ឈមណ្ឌលផ្ទុកឯកសារឌីជីថលដ៏មានសារៈសំខាន់ សម្រាប់សាធារណជនក្នុងការស្រាវជ្រាវ និងរៀនសូត្របន្ថែមអំពីកិច្ចដំណើរការយុត្តិធម៌នៅកម្ពុជា។

ក្រៅពីនេះអ្នកចូលរួមទាំងអស់ក៏បានចូលរួមកិច្ចពិភាក្សាពិសេសក្រោមប្រធានបទ «រឿងរ៉ាវដែលមិនអាចបំភ្លេចបាន» ក្នុងឱកាសទិវាជាតិនៃការចងចាំ ២០ ឧសភា ដើម្បីស្តាប់បទពិសោធន៍ និងការចងចាំពិតពីអ្នកដែលបានឆ្លងកាត់របបខ្មែរក្រហម ដើម្បីស្វែងយល់កាន់តែស៊ីជម្រៅអំពីប្រវត្តិសាស្ត្រកម្ពុជា ការឈឺចាប់ ការបាត់បង់ និងសារៈសំខាន់នៃការថែរក្សាសន្តិភាពសម្រាប់មនុស្សជំនាន់ក្រោយ។