អង្គភាពព័ត៌មាននិងប្រតិកម្មរហ័ស PRU

សម្តេចធិបតី ហ៊ុន ម៉ាណែត ផ្ញើសារលិខិតក្នុងឱកាសខួបលើកទី៧៧ ទិវាកុមារអន្តរជាតិ ១មិថុនា ខួបលើកទី២៥ ទិវាពិភលោកប្រឆាំងពលកម្មកុមារ ១២មិថុនា និងទិវាកុមារកម្ពុជាឆ្នាំ២០២៦
-----
ក្នុងឱកាសខួបលើកទី៧៧ទិវាកុមារអន្តរជាតិ១មិថុនា ខួបលើកទី២៥ទិវាពិភពលោកប្រឆាំងពលកម្ម កុមារ១២ មិថុនា និងទិវាកុមារកម្ពុជាឆ្នាំ២០២៦នេះ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជានិងក្នុងនាមប្រធានកិត្តិយសក្រុមប្រឹក្សាជាតិកម្ពុជាដើម្បីកុមារបានសម្តែងនូវមនោសញ្ចេតនារីករាយនិងគាំទ្រយ៉ាងពេញ ទំហឹងចំពោះការរៀបចំទិវាដ៏មានសារៈសំខាន់នេះ។

ការប្រារព្ធទិវាដ៏មានអត្ថន័យនេះគឺជាការបង្ហាញនូវឆន្ទៈមោះមុតនិងការប្តេជ្ញាចិត្តខ្ពស់របស់រាជរដ្ឋាភិបាលក្នុងការបន្តលើកកម្ពស់ការអនុវត្តសិទ្ធិកុមារឱ្យកាន់តែមាន ប្រសិទ្ធភាព។ ទន្ទឹមនឹងនេះ សម្តេចលើកទឹកចិត្តឱ្យបងប្អូនជនរួមជាតិទាំងអស់រួមគ្នាបន្តលើកស្ទួយវិស័យសុខុមាលភាពកុមារឱ្យកាន់តែល្អប្រសើរដើម្បីឧត្តមប្រយោជន៍និងអនាគតដ៏រុងរឿងរបស់កុមារកម្ពុជាគ្រប់ រូប។

ឆ្នាំនេះទិវាកុមារអន្តរជាតិនឹងទិវាកុមារកម្ពុជា១មិថុនា ត្រូវបានប្រារព្ធឡើងក្រោមប្រធានបទ «សន្តិភាពជាមូលដ្ឋានគ្រឹះនៃការគោរពនិងកិច្ចគាំពារសិទ្ធិកុមារ» និងទិវាពិភពលោកប្រឆាំងពលកម្មកុមារ១២មិថុនា ក្រោមប្រធានបទ «ប្តេជ្ញាលុបបំបាត់ទម្រង់ធ្ងន់ធ្ងរនៃពលកម្មកុមារនៅគ្រប់ខ្សែច្រវាក់ផលិតកម្មដើម្បីកសាងភាពធន់និងការងារសមរម្យ» ដើម្បីរម្លឹកដល់ការអនុវត្តសិទ្ធិជាមូលដ្ឋានរបស់កុមារនិងបង្ហាញពីការយកចិត្តទុកដាក់របស់រាជរដ្ឋាភិបាលក្នុងការដោះស្រាយបញ្ហាប្រឈមនានារបស់កុមារ៕

សូមអានសារលិខិតរបស់សម្ដេចធិបតី ហ៊ុន ម៉ាណែត ដូចខាងក្រោម៖

កម្ពុជាធ្វើការតវ៉ាជាថ្មីចំពោះការបន្តរំលោភបំពានរបស់ភាគីថៃនិងមិនទទួលស្គាល់ខ្សែព្រំដែនតាមរយៈការប្រើប្រាស់កម្លាំងជាដាច់ខាត
-----
ក្រសួងការបរទេសនិងសហប្រតិបត្តិការនៃព្រះរាជាណាចក្រកម្ពុជា នៅថ្ងៃទី២៩ ខែឧសភា ឆ្នាំ២០២៦ បានចេញសេចក្តីថ្លែងការណ៍ដោយបញ្ជាក់ថា រាជរដ្ឋាភិបាលកម្ពុជាបានធ្វើការតវ៉ាជាផ្លូវការប្រឆាំងនឹងការបន្តរំលោភបំពានរបស់ភាគីថៃមកលើអធិបតេយ្យនិងបូរណភាពទឹកដីរបស់កម្ពុជានៅក្នុងតំបន់ដែលកងទ័ពថៃ បានកាន់កាប់ដោយខុសច្បាប់ចាប់តាំងពីថ្ងៃទី២៧ ខែធ្នូ ឆ្នាំ២០២៥។ ការតវ៉ាថ្មីៗនេះពាក់ព័ន្ធនឹងការសាងសង់ព្រះពុទ្ធបដិមាយ៉ាងតិចចំនួន៣៦អង្គ នៅទីតាំងមួយចំនួនក្នុងខេត្តព្រះវិហារនិងឧត្តរមានជ័យព្រមទាំងការដំឡើងបង្គោលទង់ជាតិចំនួន២ នៅក្នុងខេត្តព្រះវិហារ។

នៅក្នុងសេចក្តីថ្លែងការណ៍នោះដែរ រាជរដ្ឋាភិបាលកម្ពុជាបញ្ជាក់ជាថ្មីថា កម្ពុជាមិនទទួលស្គាល់ខ្សែព្រំដែនតាមរយៈការប្រើប្រាស់កម្លាំងជាដាច់ខាតឬការទាមទារទឹកដីជាឯកតោភាគីដោយប្រទេសថៃនោះទេហើយសកម្មភាពរបស់ភាគីថៃនឹងមិនធ្វើឱ្យប៉ះពាល់ដល់សិទ្ធិស្របច្បាប់ឬជំហររបស់ព្រះរាជាណាចក្រកម្ពុជាទាក់ទង នឹងព្រំដែនអន្តរជាតិរបស់ខ្លួននោះឡើយ។

រាជរដ្ឋាភិបាលកម្ពុជាបានអំពាវនាវឱ្យប្រទេសថៃគោរពតាមការប្តេជ្ញាចិត្តដែលបានធ្វើឡើងក្នុងសេចក្តីប្រកាសរួមនៃកិច្ចប្រជុំពិសេសលើកទី៣ របស់គណៈកម្មាធិការព្រំដែនទូទៅ (GBC) ដើម្បីស្តារឡើងវិញនូវជំនឿនិងទំនុកចិត្តគ្នាទៅវិញទៅមកព្រមទាំងលើកកម្ពស់សន្តិភាព ស្ថិរភាព និងទំនាក់ទំនងភាពជាអ្នកជិតខាងល្អតាមបណ្តោយព្រំដែនរួមរវាងប្រទេសទាំងពីរស្របតាមគោលការណ៍នៃច្បាប់អន្តរជាតិ ធម្មនុញ្ញអង្គការ សហប្រជាជាតិ ធម្មនុញ្ញអាស៊ាននិងសន្ធិសញ្ញាមិត្តភាព និងសហប្រតិបត្តិការនៅអាស៊ីអាគ្នេយ៍ (TAC)៕




#អងគភាពព័ត៌មាននិងប្រតិកម្មរហ័ស
#អពបរ

ឯកឧត្តម ទៀ សីហា៖ សន្តិភាព អធិបតេយ្យភាពនិងបូរណភាពទឹកដីគឺជាសមិទ្ធផលដែលត្រូវបានការពារដោយការលះបង់ឈាមនិងជីវិតរបស់អ្នកជំនាន់មុន
------
យោងតាមការបង្ហោះផ្សាយរបស់ ឯកឧត្តមឧបនាយករដ្ឋមន្រ្តី ទៀ សីហា រដ្ឋមន្រ្តីក្រសួងការពារជាតិកម្ពុជា នៅរសៀលថ្ងៃទី៣០ ខែឧសភា ឆ្នាំ២០២៦ បានឱ្យដឹងថា សំណង់ស្ថាបត្យកម្មស្តូបអនុស្សាវរីយ៍នយោបាយឈ្នះឈ្នះកោះកុងមិនត្រឹមតែជានិមិត្តរូបនៃជោគជ័យ នយោបាយឈ្នះ ឈ្នះ ប៉ុណ្ណោះទេ ថែមទាំងជាការចងចាំប្រវត្តិសាស្ត្រជាតិដែលរំលឹកឱ្យយើងគ្រប់គ្នាដឹងថា សន្តិភាពដែលកម្ពុជាមានសព្វថ្ងៃ គឺកើតចេញពីការលះបង់ ការតស៊ូនិងការរួបរួមរបស់ប្រជាជាតិទាំងមូល។

ឯកឧត្តមឧបនាយករដ្ឋមន្រ្តី បន្តថា ខេត្តកោះកុង និងតំបន់យោធភូមិភាគទី៣ ធ្លាប់ជាតំបន់ប្រឈមដ៏ស្មុគស្មាញក្នុងអំឡុងសង្គ្រាមស៊ីវិល។ ថ្ងៃនេះការកសាងស្តូបអនុស្សាវរីយ៍នៅលើទឹកដីដែលធ្លាប់ជាសមរភូមិ គឺជាការបម្លែងទីតាំងនៃការបែកបាក់ឱ្យក្លាយជាទីតាំងនៃសន្តិភាព ការចងចាំ និងក្តីសង្ឃឹមសម្រាប់អនាគត។ នេះគឺជាសារប្រវត្តិសាស្ត្រមួយ បញ្ជាក់ថា ប្រជាជាតិកម្ពុជា អាចឆ្លងផុតពីសង្គ្រាមនិងការបែកបាក់ដោយផ្អែកលើការផ្សះផ្សានិងការដាក់ផលប្រយោជន៍ជាតិជាធំ។

ឯកឧត្តមឧបនាយករដ្ឋមន្រ្តី ទៀ សីហា ក៏បានបង្ហាញសេចក្តីសង្ឃឹមយ៉ាងមុតមាំថា ស្តូបអនុស្សាវរីយ៍នយោបាយឈ្នះ ឈ្នះ កោះកុង នឹងក្លាយជាមជ្ឈមណ្ឌលចងចាំប្រវត្តិសាស្ត្រ មជ្ឈមណ្ឌលអប់រំសន្តិភាពនិងនិមិត្តរូបនៃការបន្តវេនស្មារតីការពារជាតិសម្រាប់ប្រជាជនខ្មែរគ្រប់ជំនាន់។ សូមឱ្យទីតាំងប្រវត្តិសាស្ត្រនេះ បន្តរំលឹកដល់កូនចៅខ្មែរជានិច្ចថា សន្តិភាព អធិបតេយ្យភាព និងបូរណភាពទឹកដី មិនមែនជារឿងកើតឡើងដោយចៃដន្យនោះទេ ប៉ុន្តែជាសមិទ្ធផលដែលត្រូវបានការពារដោយការលះបង់ឈាមនិងជីវិតរបស់អ្នកជំនាន់មុន៕