អគ្គនាយកដ្ឋានយុវជន Directorate General of Youth

សូមអបអរសាទរដល់បេក្ខជនទាំង ៤ក្រុម ដែលបានជាប់បន្តទៅកាន់វគ្គពាក់កណ្តាលផ្តាច់ព្រ័ត្រ នៃកម្មវិធីជជែកដេញដោលយុវជនថ្នាក់ជាតិ២០២៦

បន្ទាប់ពីឆ្លងកាត់ការប្រកួតដ៏ស្វិតស្វាញ និងការដាក់ពិន្ទុប្រកបទៅដោយសុក្រឹតភាព និងតម្លាភាពក្នុង វគ្គជម្រុះជុំទី៣ រួចមក កម្មវិធីជជែកដេញដោលយុវជនថ្នាក់ជាតិ២០២៦ បានរកឃើញបេក្ខជនឆ្នេីមទាំង ៦ក្រុមដែលអាចឈានទៅកាន់ «វគ្គពាក់កណ្តាលផ្តាច់ព្រ័ត្រ» រួមមាន៖

១. វិទ្យាល័យដំដែក ខេត្តសៀមរាប
២. វិទ្យាល័យ ហ៊ុន សែន វាលរេញ ខេត្តព្រះសីហនុ
៣.សាលាប៊ែលធីអន្តរជាតិ រាជធានីភ្នំពេញ
៤.វិទ្យាល័យព្រះយុគន្ធរ សាលារៀនជំនាន់ថ្មី

សូមថ្លែងអំណរគុណចំពោះប្អូនៗបេក្ខជនទាំងអស់ដែលបានខិតខំប្រឹងប្រែងតស៊ូយ៉ាងមោះមុតក្នុងការចូលរួមប្រកួតក្នុង វគ្គជម្រុះជុំទី៣នេះ និងសូមកោតសរសើរដល់ប្អូនៗបេក្ខជនទាំងអស់ ដែលមានភាពក្លាហាន និងការប្តេជ្ញាចិត្តខ្ពស់ក្នុងការចូលរួមបង្ហាញសមត្ថភាពពោរពេញដោយសក្តានុពលក្នុងកម្មវិធីជជែកដេញដោលយុវជនថ្នាក់ជាតិ២០២៦។

សូមប្អូនៗទាំងអស់រក្សានូវស្មារតីក្នុងការខិតខំប្រឹងប្រែង តស៊ូ ព្យាយាមរៀនសូត្រ រួមទាំងបន្តសិក្សា ស្រាវជ្រាវដើម្បីក្លាយជាយុវជន យុវនារី ពោរពេញទៅដោយចំណេះដឹង ចំណេះធ្វើដែលអាចចូលរួមជាផ្នែកមួយក្នុងការអភិវឌ្ឍសង្គមជាតិ និងជាចុងក្រោយ សូមជូនពរដល់ប្អូនៗមានសុខភាពល្អ ប្រាជ្ញាវាងវៃ និងទទួលបានជោគជ័យគ្រប់ភារកិច្ច៕

អបអរសាទរ ពិធីបើកវគ្គជម្រុះជុំទី៣ នៃកម្មវិធីជជែកដេញដោលយុវជនថ្នាក់ជាតិ ២០២៦!

រាជធានីភ្នំពេញ៖ នាព្រឹកថ្ងៃទី៣០ ខែឧសភា ឆ្នាំ២០២៦ នាយកដ្ឋានអប់រំយុវជននិងកុមារ នៃអគ្គនាយកដ្ឋានយុវជន ក្រសួងអប់រំ យុវជន និងកីឡា បានរៀបចំពិធីបើកវគ្គជម្រុះជុំទី៣ នៃកម្មវិធីជជែកដេញដោលយុវជនថ្នាក់ជាតិ២០២៦ ក្រោមអធិបតីភាព ឯកឧត្តម សេរី ជំនះ រដ្ឋលេខាធិការ ក្រសួងអប់រំ យុវជន និងកីឡា តំណាងដ៏ខ្ពង់ខ្ពស់ ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា នៅមជ្ឈមណ្ឌលម៉ានី ដោយមានការចូលរួមពីសំណាក់ថ្នាក់ដឹកនាំក្រសួងអប់រំ យុវជន និងកីឡា អគ្គនាយកដ្ឋានយុវជន មន្ទីរអប់រំ យុវជន និងកីឡារាជធានី ខេត្ត ភ្ញៀវកិត្តិយស គណៈកម្មការដាក់ពិន្ទុ លោកគ្រូ អ្នកគ្រូ មាតាបិតាសិស្ស និងសិស្សានុសិស្សសរុបប្រមាណជាង ៥០០នាក់។

នាឱកាសនោះ ឯកឧត្ដមរដ្ឋលេខាធិការ បានគូសបញ្ជាក់ថា ភាពជោគជ័យរបស់ប្អូនៗបេក្ខជនទាំង ៨ក្រុម នាពេលវេលានេះ គឺបានមកពីកត្តាចម្បងនៃការសាមគ្គី និងការសហការគ្នាយ៉ាងជិតស្និតនៅក្នុងក្រុម ពីព្រោះថាការសាមគ្គីល្អ រួមផ្សំជាមួយសមត្ថភាព ចំណេះដឹង ការស្រាវជ្រាវ បំណិននៃការវិភាគ និងភាពក្លាហាននឹងនាំមកនូវភាពជោគជ័យយ៉ាងពិតប្រាកដ។

ឯកឧត្តមបានបន្ថែមថា គ្រប់កម្មវិធីទាំងអស់របស់អគ្គនាយកដ្ឋានយុវជន គឺសុទ្ធសឹងតែជាសកម្មភាពក្រៅម៉ោងសិក្សាដែលត្រូវបានបង្កើតឡើងដើម្បីជំរុញគុណភាពនៃការសិក្សារបស់យុវជន។ ជាក់ស្ដែង កម្មវិធីជជែកដេញដោលយុវជនថ្នាក់ជាតិនេះ មិនត្រឹមតែជាការប្រកួតនៅលើវេទិកាប៉ុណ្ណោះទេ ប៉ុន្តែជាសាលាបណ្ដុះបណ្តាលសមត្ថភាពជាក់ស្តែង ដែលជួយសូនរូបយុវជនសតវត្សរ៍ទី២១ ឱ្យមានវិជ្ជាសម្បទា បំណិនសម្បទា ចរិយាសម្បទា កាយសម្បទា និងស្មារតីទទួលខុសត្រូវខ្ពស់ចំពោះសង្គមជាតិ។
ឯកឧត្តមបន្តថា គោលដៅសំខាន់នៃកម្មវិធីជជែកដេញដោលយុវជនថ្នាក់ជាតិ រួមមាន៖ (១) បណ្តុះវប្បធម៌នៃការអត់ឱន ឬសីលធម៌ក្នុងការពិភាក្សា (២) ពង្រឹងការត្រិះរិះពិចារណ (៣) បណ្តុះស្មារតីទទួលខុសត្រូវ កសាងភាពជឿជាក់ និងភាពជាអ្នកដឹកនាំ និង(៤) ពង្រឹងសិល្បៈនៃការទំនាក់ទំនង និងសហប្រតិបត្តិការ។ នៅក្នុងការជជែកដេញដោល យុវជនត្រូវចេះរៀនផ្តល់តម្លៃឱ្យ “មតិផ្ទុយ”។ ការចេះស្តាប់ដោយយកចិត្តទុកដាក់ និងតបតវិញដោយសម្តីថ្លៃថ្នូរ គឺជាវប្បធមសន្តិភាពដ៏សំខាន់សម្រាប់សង្គមជាតិកម្ពុជា។ ឯកឧត្តមផ្តល់អនុសាសន៍ថា ចូរប្អូនៗដំឡើងកម្រិតហេតុផល អំណះអំណាង ជាជាងការដំឡើងកម្រិតសំឡេងរបស់ប្អូន អំណាចនៃចំណេះដឹង និងភស្តុតាង ខ្លាំងជាងអំណាចនៃសំឡេង។

ឆ្លៀតក្នុងឱកាសនេះ ឯកឧត្ដមរដ្ឋលេខាធិការក៏បានថ្លែងអំណរគុណយ៉ាងជ្រាវជ្រៅដល់ក្រុមការងារនៃនាយកដ្ឋានអប់រំយុវជននិងកុមារ និងយុវជនស្ម័គ្រចិត្ត ព្រមទាំងភាគីពាក់ព័ន្ធទាំងអស់ ដែលបានលះបង់ពេលវេលា និងកម្លាំងកាយចិត្តចូលរួមជួយសម្របសម្រួលកម្មវិធីមួយនេះ ឱ្យទទួលបានជោគជ័យដ៏ត្រចះត្រង់។

គួរបញ្ជាក់ថា «វគ្គជម្រុះជុំទី៣»នេះ មានបេក្ខភាពប្រកួតសរុបចំនួន ៨ក្រុម ដូចខាងក្រោម៖
- វិទ្យាល័យ ហ៊ុន សែន ទឹកផុស ខេត្តកំពង់ឆ្នាំង
- វិទ្យាល័យព្រះយុគន្ធរ សាលារៀនជំនាន់ថ្មី រាជធានីភ្នំពេញ
- វិទ្យាល័យដំដែក ខេត្តសៀមរាប
- វិទ្យាល័យប្រមូលព្រហ្ម ខេត្តព្រៃវែង
- សាលាប៊ែលធីអន្តរជាតិ រាជធានីភ្នំពេញ
- សាលាមីគីវ៉េ រាជធានីភ្នំពេញ
- វិទ្យាល័យ ហ៊ុន សែន វាលរេញ ខេត្តព្រះសីហនុ
- វិទ្យាល័យ ពោធិ៍សាត់ ខេត្តពោធិ៍សាត់។

៣០ ឧសភា ២០២៦ | រាជធានីភ្នំពេញ (មជ្ឈមណ្ឌលម៉ានី)

📪 តំណភ្ជាប់ទៅកាន់បណ្ដាញសង្គមរបស់ កម្មវិធីជជែកដេញដោលយុវជនថ្នាក់ជាតិ
🔗 https://linktr.ee/national_youth_debate

សូមរួសរាន់ឡើង!!! ការទទួលពាក្យចូលរួមកម្មវិធី "នាវាយុវជនអាស៊ីអាគ្នេយ៍ និងជប៉ុន លើកទី៥០ "The Ship for Southeast Asian and Japanese Youth Program - 50th SSEAYP” នឹងបិទត្រឹមម៉ោង ៥:០០នាទីល្ងាច ថ្ងៃទី៣០ ខែឧសភា ឆ្នាំ២០២៦ នេះហើយ។

🔎ព័ត៌មានលម្អិត៖ https://www.facebook.com/share/18VNsLqmZf/?mibextid=wwXIfr

-ថ្នាលឌីជីថល និងបណ្ដាញសង្គមយុវជន៖
https://linktr.ee/dgy.moeys.gov.kh

📌[ 1 DAY LEFT - 50TH SSEAYP ]

នៅសល់រយៈពេល ១ថ្ងៃទៀត ជិតដល់វេលាបិទហើយ! ចូលរួមដាក់ពាក្យក្នុងកម្មវិធី "នាវាយុវជនអាស៊ីអាគ្នេយ៍ និងជប៉ុន លើកទី៥០ "The Ship for Southeast Asian and Japanese Youth Program - SSEAYP” ទាំងអស់គ្នា។

- ដាក់ពាក្យ៖ https://forms.gle/xGdHAZuUxfaGLkpZ9
- ផុតកំណត់៖ ៣០-ឧសភា​-២០២៦ | វេលា ម៉ោង១៧:០០

🔎ព័ត៌មានលម្អិត៖ https://www.facebook.com/share/18VNsLqmZf/?mibextid=wwXIfr